Bawˇtsahˬ 11:8 - Akha

^8-9 Iˇsaˬleˬlaˆ tsawˇ haˬ deuˬ doe doe-ehˇ maˬnaˆ kaˬ muˇ kʼoeˇ gʼoˆ uiˬ-awˇ, lo lehˬ neh lehˬ-awˇ maˬ ehˇ, tahˬ tsmˇ-ahˇ tahˬ-awˇ maˬ ehˇ, laˆ loeˇ-euˬ meh. Kʼoeˇ naˇ, puꞈ-awˇ kaˬ muˇ aˇ yaˆ jahˇ-euˬ meh. Kʼoeˇ-aˬ, saˬ loˬ tsiˇ neh jahˇ-euˬ kaˬ muˇ loꞈ-ehˇ kuiˇ-eu meh. Uˬ ciꞈ paw aˬ yawꞈ maꞈ jawˇ gaˇ ceuˬ ga ngeh, maˬnaˆ aˇ siˬ kʼoeˇ kʼawꞈ ga keuˬ le-eu meh.

Bawˇtsahˬ 11:8 ပူးပေါင်းရင်းမြစ်များ

Aˇ dahˬ 25:29

Tiˬ nah-aˬ, Yaˬkoˆ aˇ behˆ aˇ nuiˆ gʼawˬ nyoeˇ jahˇ luꞈ ngeh, Iˇsawˇ bawˇ cah cah-iˇ-euˬ gʼoꞈ keuˆ laˇ-euˬ meh. Kʼoeˇ ngeh, Iˇsawˇ hawˬ mehꞈ mehꞈ dui dui laˇ-awˇ,

Doˆ-iˇ 16:23

Aˬ yawꞈ maꞈ-ahˇ Moˇseˬ ehˇ-eu, “Ni shawˬ nah-aˬ, aˬ yawꞈ-ahˇ damˬ nehˬ taˬ-euˬ muiˬ-eu shawˇ-eu aˇ nah pyeuꞈ-eu meh lehˇ Sahˬpaˬ Miˬyehˇ ehˇ taˬ-euˬ meh. Teu miˇ neh, naw maꞈ kʼaˇ tehˬ ba dzaˬ mawꞈ-eu jeˬ iˬ nah tehˬ ba-awˇ, kʼaˇ caꞈ dzaˬ mawꞈ-eu jeˬ iˬ nah caꞈ taˬ-awˬ. Kʼaˇ dzeˇ laˇ-euˬ jeˬ ni shawˬ nah gʼaˇ duˬ taˬ taˬ-awˬ.”

Doˆ-iˇ 16:31

Kaˬ muˇ kʼoeˇ-ahˇ, Iˇsaˬleˬlaˆ tsawˇ haˬ deuˬ maˬnaˆ lehˇ kuˇ-eu meh. Kʼoeˇ-aˬ, yaˇ sawˇ aˇ nuiˆ-ahˇ duˇ-awˇ, ba ceuˬ ni gʼeh-awˇ, byaˬ byaˬ uiˇ neh jahˇ taˬ-euˬ kaˬ muˇ loꞈ-ehˇ kuiˇ-eu meh.

Bawˇtsahˬ 11:7

Maˬnaˆ aˇ siˬ kʼoeˇ-aˬ, ya sawˇ aˇ nuiˆ-ahˇ duˇ-awˇ, yaw pyuˇ pyuˇ-awˇ shuiˇ la la-eu meh.

Yoˇhaˬ 6:27

Buꞈ-iˇ cehˇ-iˇ nya-eu dzaˬ dzaˬ dawˇ dawˇ gʼaˇ duˬ maˬ leh jeh ni, mˬ maˬ maˬ byaˆ zaˇ ziˇ bi dehꞈ-eu dzaˬ dzaˬ dawˇ dawˇ gʼaˇ duˬ leh jeh-awˬ. Tsawˇ haˬ-euˬ Zaˬmaˇ pyeuꞈ-eu ngaˇ naw maꞈ-ahˇ dzaˬ dzaˬ dawˇ dawˇ kʼoeˇ jeˬ biꞈ ma. Aˬ jeˬ miˇ neh ehˇ naˇ, Aˬda Miˬyehˇ ngaˬ-ahˇ nui ma tsaˬ-awˇ juˬ diˬ taˬ-euˬ meh.”

Yoˇhaˬ 6:31

‘Aˬ yawꞈ neh aˬ yawꞈ maꞈ-ahˇ mˬ taˆ-euˬ kaˬ muˇ bi dzaˬ-euˬ meh’ lehˇ Jaˇliꞈ laꞈ kʼoeˇ ehˇ taˬ-euˬ loꞈ-ehˇ, nga maꞈ-euˬ aˬ poeˬ aˬ bawˇ deuˬ bawˇ tsahˬ bawˇ dahˇ kʼaˇ shuiꞈ deh yaˇ-ahˇ cah ngeh, maˬ naˆ kaˬ muˇ ya dzaˬ-euˬ meh.”