Bawˇtsahˬ 11:5 - Akha

⁵ Iˇjiˇtuˆ miˇ kʼahˬ laꞈ kʼoeˇ jawˇ ngeh, kʼaˇ dzaˬ mawꞈ-eu ngaˬ shaˬ deuˬ aˇ poeˬ maˬ jiˇ ni ya dzaˬ ya dzaˬ-ehˇ jawˇ-euˬ ma. Aˬ dui neh dzaˬ yaꞈ-euˬ siˬ kʼoˬ, deh namˬ, sehˇ guˬ, sehˇ bawˬ, sehˇ puˇ, kʼoeˇ deuˬ-ahˇ noeˬ mawˇ dui dui nya.

Bawˇtsahˬ 11:5 ပူးပေါင်းရင်းမြစ်များ

Jaceuq 17:14

Miˇtaˆnui loˆtiˬli dehꞈ-eu, haiˬ-eu tsawˇhaˬdeuˬ-euˬlaꞈ-ahˇ, nawˇngaˬ-ahˇka kʼoꞈnehˬ le-awˬ. Yawꞈmaꞈgʼaˇduˬlehˬhmˬtaˬ-euˬ, kʼehˬ-eu kʼaˆ-eu bi keuˆ le-awˬ. Zaˬziˇkeuˆni mˇkeuˆnehˬ-awˇ, oeˬziˇkeuˆni taˬbi dzeuˇ-iˇ.

Doˆ-iˇ 16:3

Iˇsaˬleˬlaˆ tsawˇ haˬ deuˬ aˬ yawꞈ nyaꞈ-ahˇ ehˇ nehˬ-eu, “Iˇjiˇtuˆ miˇ kʼahˬ laꞈ kʼoeˇ, Sahˬpaˬ Miˬyehˇ nga maꞈ-ahˇ bi shiˇ laꞈ law nmˇ-aˬ, muiˬ dzehˬ tehꞈ-a. Nga maꞈ kʼoeˇ gaˇ jawˇ ngeh, saˇ suˬ ni nuiˇ-awˇ hawˬ ya dzaˬ-euˬ ma. Shaˬ jiˇ hawˇ-eu nui jeˬ nui jeˇ kʼawꞈ, yawˬ ha kʼaˇ dzaˬ mawꞈ-eu loꞈ-ehˇ dzaˬ-euˬ ma. Ehˇ kʼawꞈ, naw nyaꞈ-aˬ, nga maꞈ bi mehꞈ sehꞈ jiˇ-eu lehˇ bawˇ tsahˬ bawˇ dahˇ laꞈ kʼoeˇ sheuˬ ahˇ laꞈ-euˬ ngaˇ.”

Iˇsaˬyaˇ 1:8

Yeˬluˇsaˬlehˬ meuˬ tiˬ meuˬ dzeˇ-eu kʼawꞈ, aˬ cawˬ neh bi jawˬ lahˇ taˬ-awˇ, aˬ gaꞈ yaˇ kmˇ-ahˇ gʼawˆ taˬ-euˬ sehˬ gʼawˆ hawˇ-eu siˬ kʼoˬ kʼoˬ yaˇ-ahˇ jaˆ-eu yaˇ cmˇ loꞈ-ehˇ tiˬ jeˬ-iˬ maˬ mˇ doˆ luꞈ-a.

Yeˬlaˬmiˇ 42:14

‘Guiˇ deuˆ gaˇ maˬ ya mawˇ-ehˇ, guiˇ deuˆ ngeh baw-euˬ daˇ heh teˇ saˇ maˬ paˇ ya gaˬ-eu uˬ taꞈ, mehꞈ-eu shuꞈ-eu jeˬ-ahˇ maˬ ya tahˬ puˬ-eu miˇ kʼahˬ pyeuꞈ-eu Iˇjiˇtuˆ miˇ kʼahˬ-ahˇ jawˇ-iˇ ma’ lehˇ naw maꞈ ehˇ mawꞈ te loˇ.

Yeˬlaˬmiˇ 44:18

Ehˇ kʼawꞈ, mˬ taˆ miˬ yehˇ ma-ahˇ lawˇ-eu shehˇ-eu jeˬ hawˇ-eu, aˬ gaꞈ dzaˇ uiˇ shehˆ-awˇ lawˇ-eu jeˬ maˬ paˇ lawˇ ni byehˇ ngeh tiˬ nah neh, nga maꞈ tiˬ jeˬ-iˬ maˬ jaˆ-ehˇ pyeuꞈ-iˇ-awˇ, guiˇ deuˆ-eu jeˬ hawˇ-eu mehꞈ-eu shuꞈ-eu jeˬ baˬ da neh, nga maꞈ-euˬ tsawˇ haˬ deuˬ ya shiˇ-euˬ ma.”

Bawˇtsahˬ 14:2

Aꞈ yawꞈ maꞈ nui ma cawˆ-eu laꞈ kʼoeˇ, Moˇseˬ hawˇ-eu Aˬloˬ-ahˇ iˬ baˇ taˬ-awˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ ya shiˇ law nmˇ-aˬ muiˬ dzehˬ tehꞈ-a. Heu gaˇ, bawˇ tsahˬ bawˇ dahˇ heu tsahˇ laꞈ kʼoeˇ ya shiˇ law nmˇ kʼawꞈ, zaˬ dzehˬ tehꞈ-a.

Piˇliˇpiˆ 3:19

Aˬ yawꞈ maꞈ-aˬ, shiˬ buiˇ lah ma-ahˇ aˇ saˬ ya saˬ-iˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ shiˬ shaˬ jiˇ nui kʼahˇ-aˬ, aˬ yawꞈ maꞈ-euˬ miˬyehˇ meh. Aˬ yawꞈ maꞈ-aˬ, yawˬ ha shaꞈ dawˇ paˬ-ehˇ gʼeh-eu jeˬ-ahˇ maˬ shaꞈ dawˇ ni jahˇ gʼeh haw-awˇ, miˇ tsaˬ shiˬ shaˬ jiˇ-ahˇ taꞈ-eu jeˬ tehꞈ-ehˇ shaˇ noeˬ luꞈ-eu meh.