Bawˇtsahˬ 11:29 - Akha

²⁹ Moˇseˬ ehˇ-eu, “Ngaˬ-euˬ doˇ daˇ nawˇ myaˆ naˆ te loˇ. Sahˬpaˬ Miˬyehˇ-euˬ tsawˇ haˬ dawˬ tawˆ luꞈ-ahˇ Sahˬpaˬ Miˬyehˇ yaw sahˇ biꞈ nehˬ-awˇ, aˬ yawꞈ maꞈ dawˬ tawˆ luꞈ Miˬyehˇ gʼaˇ duˬ ngehˬ dah-eu deuˬ loꞈ-ehˇ guˇ gaˇ ngaˇ gaˬ mawꞈ-eu ma.”

Bawˇtsahˬ 11:29 ပူးပေါင်းရင်းမြစ်များ

Yawˇlaˆ 2:27

Kʼoeˇ ngeh jawˇ Iˇsaˬleˬlaˆ-oˇ, naw maꞈ-euˬ gʼahˇceh ngaˇjawˇ-awˇ, Sahˬpaˬ Miˬyehˇ pyeuꞈ-eu ngaˇ-aˬ, naw maꞈ-euˬ Miˬyehˇ pyeuꞈ-awˇ, miˬyehˇ nui gʼaˬ maˬ jawˇ-a lehˇ, naw maꞈ-ahˇ siˬ duˬ leˇ tehꞈ-a. Aˬ cawˬ ja bu ja doeˇ-eu jeˬ, ngaˬ-euˬ tsawˇ haˬ heu deuˬ kʼoeˇ taˆ, tiˬ jawˇ-iˬ maˬ paˇ keuˆ le meh.

Yawˇlaˆ 3:1

Sahˬpaˬ Miˬyehˇ ehˇ-eu dawˬ-aˬ, “Aˇ nah aˇ yamˬ kʼoeˇ keuˆ le ngeh, Yuˇdaˆ miˇ kʼahˬ laꞈ kʼoeˇ maˬ ehˇ, Yeˬluˇsaˬlehˬ meuˬ-ahˇ maˬ ehˇ, baw le za le-eu guiˬ lahˬ kʼoeˇ, aˇ hu loꞈ-ehˇ paˇ biꞈ nehˬ ma.

Bawˇtsahˬ 11:30

Kʼoeˇ naˇ, Iˇsaˬleˬlaˆ tsawˇ haˬ deuˬ-euˬ aˬ yuiꞈ aˬ tsu kʼoeˇ shiꞈ tseˇ gʼaˬ aˬ yawꞈ maꞈ-euˬ sehˬ gʼawˆ-ahˇ gʼoꞈ-iˇ jiˇ-euˬ meh.

Luˇkaꞈ 10:2

Aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Cehˇ yehˬ deˇ laˇ-euˬ jaˆ dui dui meh. Ehˇ kʼawꞈ, yehˬ-eu tsawˇ haˬ ui cuiˆ tehꞈ meh. Kʼoeˇ miˇ neh, cehˇ yehˬ-eu tsawˇ haˬ gʼawˬ mya ni bi oe-eu gʼaˇ duˬ, deh ma Yaw sahˇ gʼaˬ-ahˇ shaˇ-awˬ.

Gʼaˬkʼehˇ 26:29

Pawˇluˆ ehˇ-eu, “Aˇ yamˬ yaw nymˇ yaw myahˇ taˬ ehˇ. Nawˇ hawˇ-eu iˬ nah ngaˇ ehˇ gaˇ kʼaˇ naˇ haˬ luꞈ-eu tsawˇ haˬ heu deuˬ dawˬ tawˆ luꞈ, ngaˇ shmˇ caˆ daˬ luꞈ-eu heu tiˬ hmˬ maˬ ngeuˇ naˇ, ngaˬ loꞈ-ehˇ jah-eu tsawˇ haˬ pyeuꞈ laˇ ni, Miˬyehˇ-ahˇ ngaˇ guiˬ lahˬ shaˇ luꞈ ma.”

1 Gawˇliˬtu 13:4

Gʼoeˇ-eu gaˬ-eu jeˬ-aˬ, nui ma gʼawˬ mahˇ ni taˬ-awˇ, aˬ cawˬ-ahˇ gʼawˬ shaˬ gaˬ nya-eu meh. Myaˆ maˬ naˆ-a. Maˬ jahˇ gʼeh-a. Huiˬ mawꞈ mahˇ mawꞈ-eu nui ma maˬ ahˇ-a.

1 Gawˇliˬtu 14:5

Naw maꞈ dawˬ tawˆ luꞈ dawˬ bi ngehˬ nya mawꞈ miˇ-a. Ehˇ kʼawꞈ, kʼoeˇ naˆ maˬ tseˇ Miˬyehˇ dawˬ kawˬ mehˬ nya-eu laꞈ sawˬ naw maꞈ bi za mawꞈ miˇ-a. Dawˬ gʼawˬ mya jeˬ ngehˬ gaˇ dawˬ tsuiꞈ yuˇ doˆ nehˬ nya-eu gʼaˬ jawˇ-awˇ, Ka li zaˬ aˇ muˇ muˇ lah-ehˇ gʼoˆ shaw-awˇ gaˇ dahˇ tsoeˬ leˇ ni maˬ ja mehˬ nehˬ nya naˇ, dawˬ gʼawˬ mya jeˬ ngehˬ-eu gʼaˬ naˆ maˬ tseˇ, Miˬyehˇ dawˬ kawˬ mehˬ-eu gʼaˬ gaˇ dahˇ tsoeˬ dzehˬ meh.

1 Gawˇliˬtu 3:21

Tsawˇ haˬ zaˬ-euˬ nui gahˇ gaˇ kawˆ tiˬ gʼaˬ-iˬ kʼahˬ sehˇ jehˆ-eu maˬ tsaˬ-a. Aˬ diˇ ehˇ naˇ, yawˬ jeˬ na luꞈ naw maꞈ-ahˇ oꞈ-eu meh.

1 Gawˇliˬtu 3:3

Aˬ jeˬ miˇ neh ehˇ naˇ, miˇ tsaˬ zaˬ deuˬ dehꞈ-eu loꞈ-ehˇ naw ma dehꞈ luꞈ-a siˬ. Naw maꞈ yaw kaˬ myaˆ naˆ-awˇ iˬ dehˬ iˬ ceh jaˆ-eu kʼoeˇ-aˬ, naw maꞈ miˇ tsaˬ heu-ahˇ taꞈ-awˇ miˇ tsaˬ zaˬ deuˬ dehꞈ-eu aˇ tiˆ-ahˇ dehꞈ luꞈ-eu gaˇ kawˆ saˇ kiˇ pyeuꞈ-eu meh.

Piˇliˇpiˆ 2:3

Yawˬ ha-euˬ nui kʼahˇ gʼaˇ duˬ tehꞈ-ehˇ shaˇ noeˬ-eu jeˬ maˬ ehˇ, yawˬ ha-ahˇ aˬ cawˬ bi noeˬ huiˬ-eu gʼaˇ duˬ kʼahˬ sehˇ jehˆ-eu jeˬ maˬ ehˇ, tiˬ pawꞈ-iˬ taˬ mˇ. Ehˇ kʼawꞈ, tiˬ gʼaˬ tiˇ gʼaˬ nui ma nahˬ yu ni taˬ-awˬ. Aˬ cawˬ naˆ maˬ tseˇ maˬ gaˇ ma lehˇ noeˬ-eu nui ma taˬ bi ahˇ.

Yaˬkoˆ 4:5

“Miˬyehˇ neh aˬ dui-euˬ laꞈ kʼoeˇ dawˆ ahˇ nehˬ laꞈ-euˬ nui ma-aˬ, guˆ laˇ paˬ-ehˇ gʼeh-eu nui kʼahˇ tiˬ byah ni ahˇ-eu meh” lehˇ ehˇ-eu Jaˇliꞈ dawˬ kawˬ kʼoeˇ, aˬ diˇ aˬ maˇ maˬ ngeuˇ-a lehˇ taˬ noeˬ.

Yaˬkoˆ 5:9

Aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ yaˇ kʼaˬ daˇ gaˇ maˬ ya daˬ-eu gʼaˇ duˬ, tiˬ gʼaˬ tiˇ gʼaˬ iˬ baˇ taˬ-eu dawˬ maˬ ngehˬ ni yahˇ-awˬ. Yaˇ kʼaˬ daˇ le-eu gʼaˬ, laˇ gʼoˆ dawˬ peh oe keuˆ-awˇ yawꞈ luꞈ meh.

1 Beˬtuˆluˆ 2:1

Kʼoeˇ miˇ neh, yaw haiˬ jeˬ dawˬ tawˆ luꞈ-ahˇ byehˇ dzeh-awˬ. Jaˬ myawꞈ myawꞈ-eu maˬ ehˇ, awꞈ-aꞈ tahˬ kʼoˬ loꞈ-ehˇ yaw muiˬ jahˇ geuꞈ-eu maˬ ehˇ, aˬ cawˬ-ahˇ myaˆ naˆ-eu maˬ ehˇ, aˬ cawˬ-ahˇ ja bu ja doeˇ-eu maˬ ehˇ, taˬ paˇ mˇ.

1 Saˬmeuˬlaˆ 10:6

Kʼoeˇ ngeh, Sahˬpaˬ Miˬyehˇ-euˬ yaw sahˇ ja pyuˬ ni nawˬ-ahˇ uˆ lahˇ le-awˇ, nawˇ kʼawꞈ aˬ yawꞈ maꞈ nehˬ-ehˇ tiˬ kawˆ loꞈ-ehˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu gaˇ nyeh nyeh-awˇ guˇ-eu laꞈ kʼoeˇ, yawˬ gʼaˬ yawˬ loꞈ-ehˇ paˇ laˇ tehꞈ-a.