Bawˇtsahˬ 11:20 - Akha

²⁰ Ba la tiˬ siˬ siˬ lah ni naw maꞈ ya dzaˬ tehꞈ-a. Naw maꞈ-euˬ naˇ mehˇ-ahˇ shaˬ jiˇ doˆ le gaˇ keuˆ-awˇ, shaˬ jiˇ-ahˇ naw maꞈ nui daˆ daˆ laˇ ngeh keuˆ ni ya dzaˬ tehꞈ-a. Naw maꞈ nehˬ-ehˇ jawˇ luꞈ-eu Sahˬpaˬ Miˬyehˇ-ahˇ naw maꞈ byehˇ dzeh-awˇ, Iˇjiˇtuˆ miˇ kʼahˬ laꞈ kʼoeˇ neh maˬ doˆ le law nmˇ-aˬ gʼaˬ law hawˇ miˇ-a lehˇ aˬ yawꞈ mehˬ shi naw maꞈ toˇ-eu miˇ neh, kʼoeˇ loꞈ-ehˇ pyeuꞈ laˇ tehꞈ-a lehˇ aˬ yawꞈ maꞈ-ahˇ ehˇ nehˬ-awˬ.”

Bawˇtsahˬ 11:20 ပူးပေါင်းရင်းမြစ်များ

2 Saˬmeuˬlaˆ 12:10

Ngaˬ-euˬ ehˇ dawˬ-ahˇ nawˇ maˬ naˇ haˬ-ehˇ, Uˇliˇyaˆ-euˬ miˬ zaˬ-ahˇ sheuˬ geuꞈ-euˬ miˇ neh, mi cehˇ laꞈ-ahˇ ya shiˇ-eu jeˬ, nawˬ-eu nymˇ jiˇ kʼoeˇ taˆ tiˬ ziˇ saˇ-iˬ tiˬ ziˇ maˬ tsehˆ leˇ ni keuˆ le tehꞈ-a.

Jaceuq 106:15

Kʼoeˇ ngeh, aˬ yawꞈ maꞈ kʼaˇ shaˇ-eu jeˬ biꞈ-euˬ meh. Ehˇ kʼawꞈ, guˆ laˇ paˬ-ehˇ gʼeh-eu naˇ gawˇ biꞈ caw nehˬ-euˬ meh.

Doˆ-iˇ 16:13

Uˬ ciꞈ uˬ taw paw sehˬ gʼawˆ tiˬ byah ni hahˬ zaˬ laˬ ma baˬ maꞈ zaw uˇ laˇ-awˇ, uˬ shawˬ paw sehˬ gʼawˆ tiˬ jawˬ ngehˇ ga byah taˬ-euˬ meh.

Doˆ-iˇ 16:3

Iˇsaˬleˬlaˆ tsawˇ haˬ deuˬ aˬ yawꞈ nyaꞈ-ahˇ ehˇ nehˬ-eu, “Iˇjiˇtuˆ miˇ kʼahˬ laꞈ kʼoeˇ, Sahˬpaˬ Miˬyehˇ nga maꞈ-ahˇ bi shiˇ laꞈ law nmˇ-aˬ, muiˬ dzehˬ tehꞈ-a. Nga maꞈ kʼoeˇ gaˇ jawˇ ngeh, saˇ suˬ ni nuiˇ-awˇ hawˬ ya dzaˬ-euˬ ma. Shaˬ jiˇ hawˇ-eu nui jeˬ nui jeˇ kʼawꞈ, yawˬ ha kʼaˇ dzaˬ mawꞈ-eu loꞈ-ehˇ dzaˬ-euˬ ma. Ehˇ kʼawꞈ, naw nyaꞈ-aˬ, nga maꞈ bi mehꞈ sehꞈ jiˇ-eu lehˇ bawˇ tsahˬ bawˇ dahˇ laꞈ kʼoeˇ sheuˬ ahˇ laꞈ-euˬ ngaˇ.”

Doˆ-iˇ 16:8

Moˇseˬ paˇ ehˇ-eu, “Naw maꞈ dzaˬ-eu gʼaˇ duˬ shaˬ jiˇ deuˬ-ahˇ, uˬ ciꞈ uˬ taw paw maˬ ehˇ, naw maꞈ dzaˬ loꞈ dawˇ loꞈ-eu kaˬ muˇ deuˬ-ahˇ uˬ shawˬ paw maˬ ehˇ, Sahˬpaˬ Miˬyehˇ biꞈ nehˬ laꞈ tehꞈ-a. Aˬ jeˬ miˇ neh ehˇ naˇ, naw maꞈ nui ma cawˆ-eu laꞈ kʼoeˇ, aˬ yawꞈ-ahˇ iˬ baˇ taˬ-awˇ toˇ luꞈ-eu teˇ saˇ-ahˇ aˬ yawꞈ ya gaˬ gʼaˬ-euˬ meh. Aˬ diˇ aˬ maˇ ehˇ naˇ, naw maꞈ nui ma cawˆ-awˇ nga nyaꞈ-ahˇ iˬ baˇ taˬ-eu jeˬ-aˬ, Sahˬpaˬ Miˬyehˇ-ahˇ naw maꞈ nui ma cawˆ-awˇ iˬ baˇ taˬ gaˇ duˇ-eu meh.”

Dawqdaq 27:7

Uˬ maˆ dehˆ ngeh byaˬ byaˬ uiˇ-ahˇ maˬ haw nahˇ kʼawꞈ, mehꞈ le shuꞈ le-euˬ mehˬ hu, gʼawˬ kʼaˬ yaw coeˇ coeˇ-eu meh.

Maˬlaˬkiˇ 1:6

Piˇ ma deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Zaˬ deuˬ aˬ da-ahˇ yaw zeu baw-eu siˬ nya-awˇ, zaˬ kʼaˆ deuˬ baw leˬ-ahˇ yaw zeu baw-eu siˬ nya meh. Ngaˇ naw maꞈ-euˬ aˬ da ma. Aˬ jeˬ miˇ neh ngaˬ-ahˇ yaw zeu maˬ baw te. Naw maꞈ ngaˬ-ahˇ yehˬ bawˬ sehˇ lu-ehˇ gʼeh-eu uˬ taꞈ, ‘Nga maꞈ nawˬ-ahˇ aˬ joˆ-ehˇ jahˇ-awˇ yehˬ bawˬ sehˇ lu-ehˇ gʼeh taˬ-euˬ jaˆ ta’ lehˇ, naw maꞈ paˇ ehˇ-eu meh.

Bawˇtsahˬ 11:13

Tsawˇ haˬ heu deuˬ gʼaˇ duˬ shaˬ jiˇ tiˬ loꞈ aˬ geu gaˇ ngaˇ laˬ doˆ laˬ-iˇ nmˇ. Aˬ yawꞈ maꞈ ngoeˇ ngoeˇ-ehˇ shaˬ jiˇ shaˇ luꞈ meh.

Bawˇtsahˬ 11:19

Tiˬ nah loˇ, nyiˬ nah loˇ, ngaˬ nah loˇ, tseˇ nah loˇ, nyiˬ tseˇ nah loˇ lehˇ tehꞈ-ehˇ naw maꞈ ya dzaˬ-eu jeˬ maˬ ngeuˇ-a.

Bawˇtsahˬ 11:21

Sahˬpaˬ Miˬyehˇ-ahˇ Moˇseˬ ehˇ nehˬ-eu, “Tsawˇ haˬ koꞈ seh gʼaˬ-ahˇ ngaˇ sheuˬ gʼeh luꞈ-eu ma. Aˬ yawꞈ maꞈ ba la tiˬ siˬ dzaˬ loꞈ-eu shaˬ jiˇ nawˇ biꞈ ma lehˇ ehˇ te loˇ.

Bawˇtsahˬ 14:3

Aˬ jeˬ miˇ neh miˇ kʼahˬ kʼoeˇ kʼahˬ-ahˇ Sahˬpaˬ Miˬyehˇ aˬ dui maꞈ-ahˇ sheuˬ gʼeh ta. Guiˇ deuˆ-eu laꞈ kʼoeˇ aˬ dui maꞈ-ahˇ aˬ cawˬ neh bi deuˆ sehꞈ-awˇ, aˬ dui maꞈ-euˬ miˬ sawˇ zaˬ deuˬ-ahˇ aˬ cawˬ nyehꞈ gʼeh tehꞈ-a.”

Bawˇtsahˬ 14:4

Kʼoeˇ naˇ, “Aˬ yuiꞈ tiˬ gʼaˬ tseˇ doˆ-awˇ, Iˇjiˇtuˆ miˇ kʼahˬ-ahˇ paˇ gʼoꞈ-iˇ kaˇ-euˇ” lehˇ aˬ yawꞈ maꞈ tiˬ gʼaˬ tiˇ gʼaˬ ja sawˇ-euˬ meh.

Bawˇtsahˬ 16:13

Nga maꞈ-ahˇ bawˇ tsahˬ bawˇ dahˇ laꞈ kʼoeˇ bi shiˇ-eu lehˇ, miˇ tsaˬ miˇ muiˬ muiˬ dui dui-awˇ baw le za le-eu Iˇjiˇtuˆ miˇ kʼahˬ laꞈ kʼoeˇ neh sheuˬ doˆ leꞈ-euˬ tehꞈ-ehˇ maˬ gʼaˬ-ehˇ, nga maꞈ kʼoeˇ taˆ nawˇ sahˬ paˬ paˇ geuꞈ mawꞈ te siˬ loˇ.

Bawˇtsahˬ 20:4

Aˬ jeˬ miˇ neh nawˇ nga maꞈ-ahˇ bawˇ tsahˬ bawˇ dahˇ heu hmˬ laꞈ kʼoeˇ sheuˬ ahˇ nehˬ laꞈ teˬ. Nga maꞈ hawˇ-eu nga maꞈ-euˬ jeˬ zaˬ tiˬ gaˇ bi shiˇ-eu lehˇ sheuˬ ahˇ nehˬ laꞈ te loˇ.

Bawˇtsahˬ 21:5

Miˬyehˇ hawˇ-eu Moˇseˬ-ahˇ iˬ baˇ taˬ-euˬ meh. Aˬ yawꞈ maꞈ ehˇ-eu, “Iˇ cuꞈ hawˇ-eu dzaˇ maˬ jaˆ-eu bawˇ tsahˬ-ahˇ bi shiˇ-eu lehˇ, Iˇjiˇtuˆ miˇ kʼahˬ laꞈ kʼoeˇ neh nga maꞈ-ahˇ nawˇ aˬ jeˬ gʼeh sheuˬ doˆ laꞈ te. Dzaˇ heu deuˬ-ahˇ nga maꞈ maˬ paˇ dzaˬ nahˇ miˇ-a.”

Gʼaˬkʼehˇ 13:41

‘Dawˬ doeˇ ngehˬ-eu deuˬ haw taˬ-awˬ. Zahˬ dui dui leˇ-awˇ shiˇ tsehˆ-awˬ. Aˬ jeˬ miˇ neh ehˇ naˇ, iˬ nah ngaˇ mˇ-eu gʼeh-eu heu, aˬ cawˬ naw maꞈ-ahˇ ehˇ-euˬ kʼawꞈ, naw maꞈ ngeuˇ meh lehˇ maˬ duˇ-a’ lehˇ ehˇ taˬ-euˬ meh.”

1 Teˇsaˬloˇni 4:8

Kʼoeˇ miˇ neh, mehˬ-eu tsoˆ-eu dawˬ heu-ahˇ maˬ naˇ haˬ geuꞈ-eu tsawˇ haˬ-aˬ, tsawˇ haˬ zaˬ-euˬ dawˬ maˬ naˇ haˬ geuꞈ-eu maˬ ngeuˇ-a. Naw maꞈ-ahˇ Muiˬ-eu shawˇ-eu Yaw sahˇ Miˬyehˇ biꞈ nehˬ laꞈ-euˬ gʼaˬ pyeuꞈ-eu Miˬyehˇ-euˬ ehˇ dawˬ maˬ naˇ haˬ geuꞈ-eu jeˬ pyeuꞈ-eu meh.

Yawˇshuˆ 24:27

Iˇsaˬleˬlaˆ tsawˇ haˬ dawˬ tawˆ luꞈ-ahˇ aˬ yawꞈ ehˇ nehˬ-eu, “Kʼaˬ lo heu siˬ-aˬ, aˬ dui gʼaˇ duˬ saˇ kiˇ pyeuꞈ tehꞈ-a. Sahˬpaˬ Miˬyehˇ neh aˬ dui-ahˇ kʼaˇ ehˇ nehˬ laꞈ-euˬ jeˬ-ahˇ kʼaˬ lo heu siˬ ya gaˬ-euˬ meh. Kʼoeˇ miˇ neh, kʼoeˇ-aˬ, naw maꞈ-euˬ Miˬyeh-ahˇ naw maꞈ maˬ ya puiˬ-eu gʼaˇ duˬ saˇ kiˇ pyeuꞈ tehꞈ-a.”

1 Saˬmeuˬlaˆ 10:19

Ngaˇ-aˬ, shaˬ-eu zahˬ-eu jeˬ hawˇ-eu guˆ-eu gaˆ-eu jeˬ laꞈ kʼoeˇ neh, naw maꞈ-ahˇ ka kʼoꞈ nehˬ-euˬ gʼaˬ pyeuꞈ-eu naw maꞈ-euˬ Miˬyehˇ ma. Ehˇ kʼawꞈ, naw maꞈ iˬ nah ngaˬ-ahˇ byehˇ dzeh-awˇ, sahˬ paˬ tiˬ gʼaˬ biꞈ nehˬ laꞈ lehˇ shaˇ-eu nga lehˇ ehˇ-eu meh. Teu miˇneh, yawˬ ha aˇ jeuˬ aˇ ca yawˬ ha jawˇ duˬ yuˇ-awˇ, Sahˬpaˬ Miˬyehˇ-euˬ mehˬ shi uiˬ laˇ-awˬ.”

1 Saˬmeuˬlaˆ 2:30

Ngaˇ-aˬ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˬ-euˬ nymˇ jiˇ hawˇ-eu nawˬ-euˬ aˇ jeuˬ-ahˇ, aˬ myah luꞈ ngaˬ-euˬ gaˇ mˇ-eu piˇ ma deuˬ bi geuꞈ ma lehˇ, dzeuˇ laˇ ngeh ngaˇ saˇ jaˇ dzaˬ taˬ-euˬ ma. Ehˇ kʼawꞈ, nymˬ-mˇ kʼoeˇ loꞈ-ehˇ maˬ paˇ geuꞈ nya meh lehˇ ngaˇ ehˇ-eu ma. Ngaˬ-ahˇ taˬ huiˬ-eu tsawˇ haˬ-ahˇ ngaˇ taˬ huiˬ nehˬ-awˇ, ngaˬ-ahˇ yaw zeu maˬ baw-eu tsawˇ haˬ-ahˇ ngaˇ yaw zeu maˬ baw.