Bawˇtsahˬ 11:10 - Akha

¹⁰ Iˇsaˬleˬlaˆ tsawˇ haˬ deuˬ yawˬ ha-euˬ gʼoˆ kʼehˬ dawˬ peh uiˬ leˇ uiˬ leˇ-ehˇ yawꞈ-awˇ toˇ luꞈ-eu dawˬ-ahˇ Moˇseˬ ya gaˬ ngeh, nui ma cawˆ dui dui-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ aˬ yawꞈ maꞈ-ahˇ nui ma pehˇ-eu meh.

Bawˇtsahˬ 11:10 ပူးပေါင်းရင်းမြစ်များ

Jaceuq 106:25

Sehˬ gʼawˆ-ahˇ uˇ-awˇ toˇ toˇ-ehˇ jawˇ-eu laꞈ kʼoeˇ, Sahˬpaˬ Miˬyehˇ-euˬ ehˇ dawˬ maˬ naˇ haˬ-a.

Jaceuq 139:21

Sahˬpaˬ Miˬyehˇ-oˇ, nawˬ-ahˇ bye-eu tsawˇ haˬ deuˬ-ahˇ ngaˇ bye dui dui-awˇ, nawˬ-ahˇ puiˬ-eu tsawˇ haˬ deuˬ-ahˇ ngaˇ nui daˆ daˆ dui dui nya.

Jaceuq 78:21

Aˬ yawꞈ maꞈ kʼoeˇ loꞈ-ehˇ ehˇ gaˇ Sahˬ paˬ Miˬyehˇ nui ma pehˇ laˇ-awˇ, miˬ dzaˬ neh aˬ yawꞈ maꞈ-ahˇ kʼehˬ nehˬ-euˬ meh. Aˬ yawꞈ maꞈ-ahˇ aˬ yawꞈ nui ma pehˇ dui dui-euˬ meh.

Jaceuq 78:59

Kʼoeˇ deuˬ-ahˇ Miˬyehˇ ya mawˇ ngeh nui ma pehˇ-awˇ, aˬ yawꞈ-euˬ tsawˇ haˬ deuˬ-ahˇ byehˇ tsehˆ-euˬ meh.

Iˇsaˬyaˇ 5:25

Kʼoeˇ miˇ neh, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ nui ma pehˇ-awˇ, aˬ yawꞈ maꞈ-ahˇ kʼehˬ-eu lehˇ aˬ laꞈ cawˬ doˆ ngeh, gawˬ jawˬ deuˬ luˆ luˆ-ehˇ pyeuꞈ laˇ-awˇ, meuˬ-euˬ lehˆ kawˆ doe ni aˬ yawꞈ maꞈ shiˇ uiˬ taˬ-awˇ, mˇ myawˬ yaw cehˇ byaˆ dzeh taˬ-euˬ loꞈ-ehˇ ga tehꞈ-a. Ehˇ kʼawꞈ, Sahˬpaˬ Miˬyehˇ nui ma pehˇ-eu maˬ taˬ leˇ-ehˇ, aˬ laꞈ maˬ cawˬ kʼoꞈ ni bi jaˆ tehꞈ-a.

Yeˬlaˬmiˇ 17:4

Ngaˬ neh naw maꞈ-ahˇ biꞈ taˬ-euˬ miˇ kʼahˬ naw maꞈ ya byehˇ dzeh-awˇ, maˬ siˬ maˬ suˇ-eu miˇ kʼahˬ laꞈ kʼoeˇ, naw maꞈ-ahˇ muiˇ-eu tsawˇ haˬ deuˬ neh kʼehˇ-euˬ gaˇ-ahˇ naw maꞈ ya mˇ tehꞈ-a. Aˬ jeˬ miˇ neh ehˇ naˇ, ngaˬ-euˬ nui pehˇ miˬ dzaˬ doꞈ gaˇ duˇ-awˇ, tiˬ jawˇ-iˬ maˬ miˆ-iˇ-a.”

Bawˇtsahˬ 11:1

Iˇsaˬleˬlaˆ tsawˇ haˬ deuˬ yawˬ ha ya shaˬ ya zahˬ-eu gaˇ kawˆ, Sahˬpaˬ Miˬyehˇ mehˬ shi toˇ-eu meh. Aˬ yawꞈ maꞈ kʼoeˇ loꞈ-ehˇ toˇ-eu Sahˬpaˬ Miˬyehˇ ya gaˬ ngeh nui ma pehˇ laˇ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ miˬ dzaˬ pyehˬ gʼeh leꞈ-eu meh. Miˬ dzaˬ kʼoeˇ aˬ yawꞈ maꞈ jawˇ gaˇ doꞈ laˇ-awˇ, taˆ-euˬ gaˇ dzeˇ dzeˇ saˬ paw jawˇ-eu tsawˇ haˬ tiˬ paˆ na deuˬ bi puiˆ sehꞈ-euˬ meh.

Bawˇtsahˬ 11:11

Sahˬpaˬ Miˬyehˇ-ahˇ aˬ yawꞈ ehˇ nehˬ-eu, “Aˬ jeˬ miˇ neh nawˇ ngaˬ-ahˇ heu naˆ naˆ-ehˇ bi shaˬ nehˬ laꞈ te. Aˬ jeˬ miˇ neh nawˇ ngaˬ-ahˇ nui ma maˬ saˇ te. Aˬ jeˬ miˇ neh tsawˇ haˬ heu deuˬ dawˬ tawˆ luꞈ-ahˇ haw-eu pyaˆ-eu gaˇ heu nawˇ ngaˬ-ahˇ ciˬ pi nehˬ laꞈ te.

Bawˇtsahˬ 12:3

(Moˇseˬ-aˬ, nui ma nahˬ yu ni gʼeh-awˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ laꞈ kʼoeˇ, aˬ cawˬ naˆ maˬ tseˇ nui nahˬ nui yu ahˇ-eu tsawˇ haˬ tiˬ gʼaˬ pyeuꞈ-eu meh.)

Bawˇtsahˬ 12:9

Kʼoeˇ naˇ, Sahˬpaˬ Miˬyehˇ aˬ yawꞈ nyaꞈ-ahˇ nui ma peh-awˇ gʼoꞈ daˆ leˇ-euˬ meh.

Bawˇtsahˬ 16:27

Kʼoeˇ ngeh, Kawˇlaˆ, Daˬtaˬ hawˇ-eu Aˬbiˇlamˬ aˬ ha smˇ gʼaˬ-euˬ sehˬ gʼawˆ dawˬ peh aˬ yawꞈ maꞈ maˬ jawˇ ni, ui cuiˆ yaw taw paw jawˇ-iˇ-euˬ meh. Daˬtaˬ hawˇ-eu Aˬbiˇlamˬ aˬ nyaꞈ doˆ le-awˇ, aˬ yawꞈ nyaꞈ-euˬ sehˬ gʼawˆ gʼoˆ kʼehˬ-ahˇ, miˬ sawˇ zaˬ deuˬ nehˬ-ehˇ yawꞈ luꞈ-eu meh.

Bawˇtsahˬ 21:5

Miˬyehˇ hawˇ-eu Moˇseˬ-ahˇ iˬ baˇ taˬ-euˬ meh. Aˬ yawꞈ maꞈ ehˇ-eu, “Iˇ cuꞈ hawˇ-eu dzaˇ maˬ jaˆ-eu bawˇ tsahˬ-ahˇ bi shiˇ-eu lehˇ, Iˇjiˇtuˆ miˇ kʼahˬ laꞈ kʼoeˇ neh nga maꞈ-ahˇ nawˇ aˬ jeˬ gʼeh sheuˬ doˆ laꞈ te. Dzaˇ heu deuˬ-ahˇ nga maꞈ maˬ paˇ dzaˬ nahˇ miˇ-a.”

Maˬkuˆ 10:14

Kʼoeˇ loꞈ-ehˇ dehˬ gaˇ Yeˬsuˇ ya mawˇ ngeh, nui ma pehˇ laˇ-awˇ, zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh. “Zaˬ deuˬ-ahˇ maˬ laˆ tsoeˬ ni ngaˇ jawˇ gaˇ bi laˇ-awˬ. Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, aˬ yawꞈ maꞈ loꞈ-ehˇ gʼeh-eu deuˬ-ahˇ oꞈ-eu meh.

Maˬkuˆ 3:5

Tsawˇ haˬ kʼoeˇ deuˬ-ahˇ Yeˬsuˇ haw-awˇ nui ma pehˇ-eu meh. Ehˇ kʼawꞈ, aˬ yawꞈ maꞈ nui ma gʼahˇ-awˇ lehˬ dui dui gaˇ aˬ yawꞈ gʼawˬ shaˬ gaˬ-euˬ meh. Kʼoeˇ naˇ, tsawˇ haˬ kʼoeˇ gʼaˬ-ahˇ “Aˬ laꞈ cawˬ ja-awˬ” lehˇ Yeˬsuˇ ehˇ nehˬ-awˇ, aˬ yawꞈ aˬ laꞈ caw ja ngeh, laꞈ shiˇ shiˇ-eu taˬ leˇ-euˬ meh.

Dawˬmehˬ 32:22

Ngaˬ-euˬ nui pehˇ miˬ lmˇ nyehˆ-awˇ, miˇ tsaˬ dawˬ tawˆ bi puiˆ byoˆ ma. Miˇ tsaˬ dawˬ dah puiˆ naꞈ gʼeh-awˇ, gawˬ jawˬ duˬ puˇ puiˆ dzaˬ tehꞈ-a.