Bawˇtsahˬ 11:1 - Akha

¹ Iˇsaˬleˬlaˆ tsawˇ haˬ deuˬ yawˬ ha ya shaˬ ya zahˬ-eu gaˇ kawˆ, Sahˬpaˬ Miˬyehˇ mehˬ shi toˇ-eu meh. Aˬ yawꞈ maꞈ kʼoeˇ loꞈ-ehˇ toˇ-eu Sahˬpaˬ Miˬyehˇ ya gaˬ ngeh nui ma pehˇ laˇ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ miˬ dzaˬ pyehˬ gʼeh leꞈ-eu meh. Miˬ dzaˬ kʼoeˇ aˬ yawꞈ maꞈ jawˇ gaˇ doꞈ laˇ-awˇ, taˆ-euˬ gaˇ dzeˇ dzeˇ saˬ paw jawˇ-eu tsawˇ haˬ tiˬ paˆ na deuˬ bi puiˆ sehꞈ-euˬ meh.

Bawˇtsahˬ 11:1 ပူးပေါင်းရင်းမြစ်များ

Aˇ dahˬ 38:10

Aˬ yawꞈ kʼoeˇ loꞈ-ehˇ jahˇ gaˇ Sahˬpaˬ Miˬyehˇ nui ma maˬ tsaˬ-eu miˇ neh, aˬ yawꞈ-ahˇ kʼawꞈ, aˬ yawꞈ-euˬ aˇ doˆ loꞈ-ehˇ bi shiˇ-euˬ meh.

2 Saˬmeuˬlaˆ 11:27

Tsawˇ ngoeˇ ngoeˇ-euˬ aˇ nah aˇ yamˬ dzeuˇ-iˇ ngeh, Daˬbiˇ tsawˇ haˬ pyehˬ gʼeh-awˇ, aˬ yawꞈ-ahˇ bi sheuˬ laˬ-iˇ-euˬ meh. Aˬ yawꞈ Daˬbiˇ-euˬ miˬ zaˬ pyeuꞈ laˇ-awˇ, Daˬbiˇ gʼaˇ duˬ aˬ li tiˬ li ciˬ-euˬ meh. Ehˇ kʼawꞈ, Daˬbiˇ kʼoeˇ loꞈ-ehˇ mˇ gaˇ Sahˬpaˬ Miˬyehˇ nui ma maˬ tsaˬ-a.

2 Sahˬpaˬ 1:12

Eˇliˇyaˆ ehˇ-eu, “Ngaˇ Miˬyehˇ-euˬ tsawˇ haˬ ngeuˇ lawˬ naˇ, mˬ kʼoeˇ taˆ neh miˬ dza ga le-awˇ, nawˇ hawˇ-eu nawˬ-euˬ tsawˇ haˬ deuˬ-ahˇ puiˆ sehꞈ luꞈ-uˇ.” Kʼoeˇ loꞈ-ehˇ ehˇ gʼaˬ ngeh, ja pyuˬ ni mˬ kʼoeˇ taˆ neh miˬ dzaˬ ga le -awˇ, yaw huiˬ yaw mahˇ kʼoeˇ gʼaˬ hawˇ-eu aˬ yawꞈ-euˬ tsawˇ ha deuˬ-ahˇ puiˆ sehꞈ-euˬ meh.

Yawˇbaˆ 1:16

Tsawˇ haˬ kʼoeˇ gʼaˬ kʼoeˇ loꞈ-ehˇ ehˇ gʼaˬ-eu maˬ dah ni, zaˬ kʼaˆ tiˬ gʼaˬ paˇ cehˆ keuˆ laꞈ-awˇ ehˇ-eu, “Yawˇ deuˬ hawˇ-eu yawˇ bo-eu deuˬ dawˬ tawˆ luꞈ tsoꞈ bi deh sehꞈ jiˇ-awˇ, gaˇ kawˆ heu nawˬ-ahˇ tsaꞈ gaˬ laˇ nya ni ngaˇ tiˬ gʼaˬ dzeuˇ-iˇ-euˬ tehꞈ ma.”

Jaceuq 106:18

Aˬ yawꞈ maꞈ-euˬ mehˬ nah caw teh-eu deuˬ kʼoeˇ taˆ miˬ dzaˬ ga le-awˇ, haiˬ-eu tsawˇ haˬ kʼoeˇ deuˬ-ahˇ puiˆ dzeh-euˬ meh.

Jaceuq 78:21

Aˬ yawꞈ maꞈ kʼoeˇ loꞈ-ehˇ ehˇ gaˇ Sahˬ paˬ Miˬyehˇ nui ma pehˇ laˇ-awˇ, miˬ dzaˬ neh aˬ yawꞈ maꞈ-ahˇ kʼehˬ nehˬ-euˬ meh. Aˬ yawꞈ maꞈ-ahˇ aˬ yawꞈ nui ma pehˇ dui dui-euˬ meh.

Jaceuq 78:63

Kʼaˬ dzeˇ zaˬ zaˬ guˬ deuˬ guiˇ deuˆ gaˇ bi deuˆ sehꞈ-awˇ, zaˬ miˬ aˬ buˇ zaˬ guˬ deuˬ mˇ dzaˬ-iˇ kʼaˇ maˬ za-a.

Doˆ-iˇ 16:7

Uˬ shawˬ keuˆ laˇ naˇ, Sahˬpaˬ Miˬyehˇ-euˬ yaw shehꞈ kʼahˬ sehˇ-ahˇ naw maꞈ ya mawˇ tehꞈ-a. Naw maꞈ nui ma cawˆ-eu laꞈ kʼoeˇ, Sahˬpaˬ Miˬyehˇ-ahˇ iˬ baˇ taˬ-awˇ toˇ luꞈ-eu teˇ saˇ-ahˇ aˬ yawꞈ ya gaˬ gʼaˬ-euˬ meh. Ngeuˇ meh. Naw maꞈ-aˬ, aˬ yawꞈ-ahˇ iˬ baˇ taˬ luꞈ-eu meh. (Nga nyaꞈ-ahˇ iˬ baˇ taˬ luꞈ-eu maˬ ngeuˇ-a.) Aˬ jeˬ miˇ neh ehˇ naˇ, nga nyaꞈ-aˬ, aˬ yawꞈ neh mehˬ nehˬ tsoˆ nehˬ laꞈ-euˬ loꞈ-ehˇ mˇ luꞈ-eu tehꞈ ma.”

Doˆ-iˇ 16:9

Aˬloˬ-ahˇ Moˇseˬ ehˇ nehˬ-eu, “Iˇsaˬleˬlaˆ tsawˇ haˬ aˇ maꞈ maꞈ lah ni, Sahˬpaˬ Miˬyehˇ mehˬ shi yawꞈ laˇ-awˬ lehˇ ehˇ nehˬ-awˬ. Aˬ jeˬ miˇ neh ehˇ naˇ, aˬ yawꞈ maꞈ nui ma cawˆ-eu laꞈ kʼoeˇ toˇ luꞈ-eu teˇ saˇ-ahˇ Sahˬpaˬ miˬyehˇ ya gaˬ-euˬ meh.”

Iˇsaˬyaˇ 10:17

Iˇsaˬleˬlaˆ tsawˇ jeuˬ-euˬ yaw shehꞈ pyeuꞈ-eu Miˬyehˇ miˬ dzaˬ pyeuꞈ-iˇ tehꞈ-a. Iˇsaˬleˬlaˆ tsawˇ jeuˬ-euˬ muiˬ-eu shawˇ-eu Miˬyehˇ miˬ dzaˬ miˬ lmˇ pyeuꞈ-iˇ-awˇ, aˬ gah baw duˆ hawˇ-eu baw duˆ dawˬ tawˆ luꞈ-ahˇ, tiˬ nah laꞈ kʼoeˇ puiˆ dzaˬ jiˇ tehꞈ-a.

Iˇsaˬyaˇ 30:33

Aˬshuˇliˆ miˇ kʼahˬ-ahˇ miˬ dzaˬ yaw kʼaˆ-ehˇ bi puiˆ-eu gʼaˇ duˬ, aˇ hu ba neh lehˬ hmˬ taˬ-euˬ jawˇ duˬ jaˆ-eu meh. Kʼoeˇ-aˬ, naꞈ dui jeˇ dui dui-eu miˬ dzaˬ jehˆ bymˇ bymˇ ma meh. Miˬ dzaˬ jehˆ bymˇ kʼoeˇ bymˇ-ahˇ, miˬ dzaˬ miˬ lmˇ ahˇ-eu Sahˬpaˬ Miˬyehˇ-euˬ saꞈ neh baw-awˇ bi puiˆ tehꞈ-a.

Iˇsaˬyaˇ 33:14

Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

Ngoeˇ dawˬ 3:39

Iˬ baˇ baˬ da kʼehˬ nehˬ laꞈ gaˇ, aˬ dui aˬ jeˬ ja-eu loˬ ta.

Yeˬsaˬgeˬlaˇ 20:36

Naw maꞈ-euˬ aˬ poeˬ aˬ bawˇ deuˬ-ahˇ Siˇnaˆ bawˇ tsahˬ bawˇ dahˇ laꞈ kʼoeˇ ngaˇ yaˇ kʼaˬ daˇ nehˬ-euˬ loꞈ-ehˇ, naw maꞈ-ahˇ yaˇ kʼaˬ daˇ ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Uˬ duˬ 10:2

Ja pyuˬ ni, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, Sahˬpaˬ Miˬyehˇ-euˬ mehˬ shi, aˬ yawꞈ nyaꞈ-ahˇ miˬ dzaˬ puiˆ sehꞈ-euˬ meh.

Naˬhmˬ 1:5

Sahˬpaˬ Miˬyehˇ jawˇ-eu mehˬ shi, gawˬ jawˬ luˆ laˇ nyeh laˇ jiˇ-awˇ, gawˬ duˇ guiˇ ka byoˆ jiˇ-eu meh. Sahˬpaˬ Miˬyehˇ oe-eu mehˬ shi, miˇ tsaˬ tahˬ kʼawˇ miˇ luˆ luˆ-awˇ, miˇ tsaˬ zaˬ yaw juˬ juˬ-eu meh.

Haˬbaˬkuˆ 3:5

Aˬ yawꞈ oe-eu kuiˇ toꞈ mehˬ hu, naˇ gawˇ gawˇ ma yaw jaw oe-awˇ, Aˬ yawꞈ iˇ-eu kuiˇ toꞈ mehˬ nah, shaˆ shiˇ naˇ gawˇ caw teh-eu meh.

Bawˇtsahˬ 10:33

Iˇsaˬleˬlaˆ tsawˇ haˬ deuˬ muiˬ-eu shawˇ-eu gawˬ jawˬ pyeuꞈ-eu Siˇnaˆ gawˬ jawˬ-ahˇ neh doˆ-iˇ ngeh, smˬ nah gaˇ ma iˇ gʼeh-euˬ meh. Aˬ yawꞈ maꞈ jawˇ naˬ-eu jawˇ duˬ mawˇ nya-eu gʼaˇ duˬ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ aˬ myah luꞈ aˬ yawꞈ maꞈ-euˬ mehˬ hu paw tehꞈ-ehˇ iˇ luꞈ-eu meh.

Bawˇtsahˬ 11:18

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ni shawˬ nah gʼaˇ duˬ yawˬ haˇ yawˬ ha muiˬ laˇ shawˇ laˇ ni mˇ-awˬ. Naw maꞈ shaˬ jiˇ ya dzaˬ tehꞈ-a. Naw maꞈ ngoeˇ ngoeˇ-ehˇ, shaˬ jiˇ ya dzaˬ law nmˇ-aˬ lehˇ ehˇ-eu hawˇ-eu, Iˇjiˇtuˆ miˇ kʼahˬ laꞈ kʼoeˇ jawˇ ngeh kʼaˇ boe law miˇ-a lehˇ ehˇ gaˇ Sahˬpaˬ Miˬyehˇ ya gaˬ gʼaˬ-euˬ meh. Nymˬ-mˇ poˆ jawˇ-aˬ, Sahˬpaˬ Miˬyehˇ naw maꞈ-ahˇ shaˬ jiˇ biꞈ laꞈ-awˇ, naw maꞈ ya dzaˬ tehꞈ-a.

Bawˇtsahˬ 12:2

Aˬ yawꞈ nyaꞈ ehˇ-eu, “Moˇseˬ-ahˇ tehꞈ-ehˇ gʼoe-awˇ Sahˬpaˬ Miˬyehˇ dawˬ ngehˬ ta loˇ. Nga nyaꞈ-ahˇ gʼoe-awˇ dawˬ maˬ ngehˬ-a loˇ” lehˇ aˬ yawꞈ nyaꞈ ehˇ-eu meh. Aˬ yawꞈ nyaꞈ kʼoeˇ loꞈ-ehˇ ehˇ gaˇ Sahˬpaˬ Miˬyehˇ ya gaˬ-euˬ meh.

Bawˇtsahˬ 14:2

Aꞈ yawꞈ maꞈ nui ma cawˆ-eu laꞈ kʼoeˇ, Moˇseˬ hawˇ-eu Aˬloˬ-ahˇ iˬ baˇ taˬ-awˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ ya shiˇ law nmˇ-aˬ muiˬ dzehˬ tehꞈ-a. Heu gaˇ, bawˇ tsahˬ bawˇ dahˇ heu tsahˇ laꞈ kʼoeˇ ya shiˇ law nmˇ kʼawꞈ, zaˬ dzehˬ tehꞈ-a.

Bawˇtsahˬ 14:22

tsawˇ haˬ heu deuˬ laꞈ kʼoeˇ tiˬ gʼaˬ-iˬ miˇ kʼahˬ kʼoeˇ kʼahˬ laꞈ kʼoeˇ uˇ keuˆ leˇ ngeh keuˆ ni maˬ ya dehꞈ keuˆ-eu jeˬ kʼawꞈ, yaw duˬ baw tehꞈ-a. Ngaˬ-euˬ yaw shehꞈ kʼahˬ sehˇ laꞈ kʼoeˇ ngaˇ jawˇ luꞈ-eu jeˬ-ahˇ maˬ ehˇ, Iˇjiˇtuˆ miˇ kʼahˬ laꞈ kʼoeˇ hawˇ-eu bawˇ tsahˬ bawˇ dahˇ laꞈ kʼoeˇ ngaˬ neh mˇ-euˬ zahˬ leˇ paˬ-ehˇ gʼeh-eu jeˬ-ahˇ maˬ ehˇ, aˬ yawꞈ maꞈ ya mawˇ gʼaˬ-euˬ kʼawꞈ, ngaˬ-euˬ oˇ oꞈ nya-eu nui ma-ahˇ aˬ yawꞈ maꞈ tiˬ poˆ saˇ-iˬ tiˬ poˆ lawˬ haw-awˇ, ngaˬ-euˬ ehˇ dawˬ-ahˇ maˬ naˇ haˬ geuꞈ-a.

Bawˇtsahˬ 14:27

“Tsawˇ haˬ yaw haiˬ heu deuˬ aˇ myah keuˆ ni ngaˬ-ahˇ iˬ baˇ taˬ-eu gʼeh ta. Aˬ yawꞈ maꞈ iˬ baˇ taˬ-eu laꞈ kʼoeˇ toˇ luꞈ-eu dawˬ deuˬ-ahˇ ngaˇ gaˬ dehˆ-euˬ ma.

Bawˇtsahˬ 14:28

Nymˬ-mˇ, aˬ yawꞈ maꞈ-ahˇ heu loꞈ-ehˇ ehˇ nehˬ-awˬ. ‘Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Ngaˇ dehꞈ luꞈ-eu jeˬ yaw duˬ baw-eu loꞈ-ehˇ, naw maꞈ neh kʼaˇ shaˇ-euˬ loꞈ-ehˇ ngaˇ mˇ nehˬ-eu jeˬkʼawꞈ yaw duˬ baw ma lehˇ ngaˇ kamˬ-eu ma.

Bawˇtsahˬ 16:11

Naw maꞈ Aˬloˬ-ahˇ iˬ baˇ taˬ-eu dawˬ ngehˬ-eu heu-aˬ, aˬ diˇ aˬ maˇ nawˇ hawˇ-eu nawˬ-euˬ mehˬ nah caw teh-eu tsawˇ haˬ deuˬ Sahˬpaˬ Miˬyehˇ-ahˇ puiˬ-eu jeˬ pyeuꞈ-eu meh.”

Bawˇtsahˬ 16:35

Kʼoeˇ naˇ, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, yaw saw jeˬ lawˇ luꞈ-eu tsawˇ haˬ kʼoeˇ nyiˬ yaˇ ngaˬ tseˇ gʼaˬ-ahˇ puiˆ-eu meh.

Bawˇtsahˬ 17:5

Ngaˬ neh tseˇ doˆ-euˬ gʼaˬ-euˬ gawˬ yoeˬ-ahˇ aˇ yehˆ yehˆ laˇ tehꞈ-a. Kʼoeˇ loꞈ-ehˇ jahˇ-eu laꞈ kʼoeˇ, Iˇsaˬleˬlaˆ tsawˇ haˬ deuˬ nawˬ-ahˇ maˬ tsehˆ leˇ ni iˬ baˇ taˬ-eu jeˬ-ahˇ ngaˇ laˆ byoˆ nehˬ ma.”

Bawˇtsahˬ 21:5

Miˬyehˇ hawˇ-eu Moˇseˬ-ahˇ iˬ baˇ taˬ-euˬ meh. Aˬ yawꞈ maꞈ ehˇ-eu, “Iˇ cuꞈ hawˇ-eu dzaˇ maˬ jaˆ-eu bawˇ tsahˬ-ahˇ bi shiˇ-eu lehˇ, Iˇjiˇtuˆ miˇ kʼahˬ laꞈ kʼoeˇ neh nga maꞈ-ahˇ nawˇ aˬ jeˬ gʼeh sheuˬ doˆ laꞈ te. Dzaˇ heu deuˬ-ahˇ nga maꞈ maˬ paˇ dzaˬ nahˇ miˇ-a.”

1 Gawˇliˬtu 10:10

Aˬ yawꞈ maꞈ tiˬ paˆ na deuˬ Miˬyehˇ-ahˇ toˇ-euˬ loꞈ-ehˇ aˬ dui maˬ ya toˇ-a.‘ Aˬ yawꞈ maꞈ kʼoeˇ loꞈ-ehˇ toˇ-euˬ miˇ neh, shiˇ-eu jeˬ-euˬ mˬ taˆ gʼaˬ kʼehˇ neh bi laˆ cawˆ-euˬ meh.

Dawˬmehˬ 25:18

Aˬ yawꞈ maꞈ Miˬyehˇ-ahˇ maˬ guˆ-a. Kʼoeˇ miˇ neh, nawˇ gaˇ ma cah doeˇ-awˇ nui ma cawˆ luꞈ ngeh, aˬ yawꞈ maꞈ nawˬ-ahˇ guiˇ deuˆ le-awˇ, nawˬ-euˬ mehˬ nah cah luꞈ-eu deuˬ dawˬ tawˆ luꞈ-ahˇ sehꞈ-euˬ meh.

Dawˬmehˬ 32:22

Ngaˬ-euˬ nui pehˇ miˬ lmˇ nyehˆ-awˇ, miˇ tsaˬ dawˬ tawˆ bi puiˆ byoˆ ma. Miˇ tsaˬ dawˬ dah puiˆ naꞈ gʼeh-awˇ, gawˬ jawˬ duˬ puˇ puiˆ dzaˬ tehꞈ-a.

Dawˬmehˬ 9:22

“Taˬbeˬlaˬ, Maˬsah, Giˇbyoˆhaˬtaˬbaˬ lehˇ kuˇ-eu jawˇ duˬ kʼoeˇ deuˬ-ahˇ jawˇ ngeh kʼawꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma pehˇ ni naw maꞈ mˇ-euˬ meh.

HeˬByehˇ 12:29

Aˬ jeˬ miˇ neh ehˇ naˇ, aˬ dui-euˬ Miˬyehˇ-aˬ, maˇ maˇ ni laˆ luˬ laˆ seˇ-eu miˬ dzaˬ pyeuꞈ-eu meh.

Yaˬkoˆ 5:4

Naw maꞈ-euˬ deh yaˇ-ahˇ gaˇ bi mˇ-euˬ tsawˇ haˬ deuˬ-ahˇ naw maꞈ gʼaˬ gaˇ poeˬ maˬ biꞈ-a. Aˬ yawꞈ maꞈ toˇ gaˇ naˇ haˬ sheˇ. Naw maꞈ-euˬ cehˇ laˆ luiˆ nehˬ-euˬ tsawˇ haˬ kʼoeˇ deuˬ ngoeˇ ngoeˇ-ehˇ guˇ-eu teˇ saˇ kʼoeˇ, Baoˬ huiˬ-eu Sahˬpaˬ Miˬyehˇ-euˬ naˬ bawˇ-ahˇ gaˬ keuˆ leˇ-euˬ meh.

Yuˇdaˆ 1:16

Tsawˇ haˬ kʼoeˇ deuˬ-aˬ, aˬ myah luꞈ aˬ cawˬ-ahˇ toˇ toˇ-ehˇ iˬ baˇ taˬ-eu meh. Yawˬ ha-euˬ maˬ muiˬ maˬ jaˬ-eu nui kʼahˇ mehˬ nah caw teh-eu meh. Yawˬ ha-euˬ gaˇ kawˆ kʼahˬ sehˇ jehˆ-awˇ, yawˬ ha-ahˇ muiˬ laˇ ni aˬ cawˬ-ahˇ ja poeˬ nehˬ nya-eu meh.