Bawˇtsahˬ 10:21 - Akha

²¹ Kʼoeˇ naˇ, Leˬbiˇ tsawˇ jeuˬ pyeuꞈ-eu Kawˇhaˆ aˇ jeuˬ deuˬ, muiˬ-eu shawˇ-eu keu ka deuˬ baꞈ-awˇ ya doˆ-iˇ-eu meh. Ya jawˇ naˬ-eu jawˇ duˬ yawˬ tsahˇ yawˬ-ahˇ aˬ yawꞈ maꞈ paˇ iˇ keuˆ ngeh, Sehˬ gʼawˆ gʼoˆ tsoꞈ gʼaˬ taˬ-awˇ jaˆ-eu meh.

Bawˇtsahˬ 10:21 ပူးပေါင်းရင်းမြစ်များ

1 Laˬsaˬbaˬ 15:2

Kʼoeˇ naˇ, aˬ yawꞈ heu loꞈ-ehˇ ehˇ-eu meh. “Leˬbiˇ tsawˇ haˬ deuˬ tehꞈ-ehˇ Dawˬ ma saˇ jaˇ Bahˬ keuˆ ya baꞈ meh. Aˬ jeˬ miˇ neh ehˇ naˇ, Dawˬ ma saˇ jaˇ Bahˬ keuˆ baꞈ-awˇ mˬ maˬ maˬ byaˆ zaˇ ziˇ Sahˬpaˬ Miˬyehˇ-euˬ gaˇ bi mˇ-eu gʼaˇ duˬ, Leˬbiˇ tsawˇ haˬ deuˬ-ahˇ Sahˬpaˬ Miˬyehˇ neh tseˇ doˆ taˬ-euˬ meh.”

1 Laˬsaˬbaˬ 23:24

Heu-aˬ, aˇ jeuˬ aˇ ca aˬ yawꞈ ca yawꞈ baw baw-ehˇ, aˬ yawꞈ gʼaˬ yawꞈ-euˬ tsawˇ myahˇ yuˇ taˬ-euˬ Leˬbiˇ-euˬ zaˬ deuˬ uˆ deuˬ meh. Aˇ kʼoꞈ nyiˬ tseˇ laꞈ taˆ paw-euˬ aˬ yawꞈ-euˬ zaˬ deuˬ uˆ deuˬ aˬ yawꞈ gʼaˬ yawꞈ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ ya mˇ-eu gaˇ jaˆ-eu meh.

Bawˇtsahˬ 1:51

Naw maꞈ yawˬ gaˇ yawˬ paˇ jawˇ paˇ-iˇ ngeh, Leˬbiˇ tsawˇ haˬ deuˬ Sehˬ gʼawˆ kʼoeˇ ya pyaˆ-awˇ, naw maꞈ kʼaˇ jawˇ paˇ-iˇ-euˬ tsahˇ-ahˇ aˬ yawꞈ maꞈ Sehˬ gʼawˆ kʼoeˇ ya gʼoˆ tsoꞈ meh. Leˬbiˇ tsawˇ haˬ maˬ ngeuˇ-eu tsawˇ haˬ aˬ geu gʼaˬ maˬ kaˬ, Sehˬ gʼawˆ dawˬ peh le naˇ, sehꞈ gaˇ ya daˬ tehꞈ-a.

Bawˇtsahˬ 10:17

Kʼoeˇ naˇ, Sehˬ gʼawˆ pyaˆ-awˇ baꞈ-eu tsawˇ haˬ deuˬ pyeuꞈ-eu Geˬlaˬshoˬ aˇ jeuˬ hawˇ-eu Meˬlaˬliˇ aˇ jeuˬ deuˬ ya doˆ-iˇ-eu meh.

Bawˇtsahˬ 10:20

Gaˆ tsawˇ jeuˬ-ahˇ Doeˬlaˇ-euˬ aˬ li Eˇlaˬsaˆ uˆ lahˇ-eu meh.

Bawˇtsahˬ 2:17

Kʼoeˇ naˇ, mehˬ hu paw doˆ-iˇ-eu guiˇ maꞈ nyiˬ maꞈ hawˇ-eu, mehˬ nah paw cah-eu guiˇ maꞈ nyiˬ maꞈ yaw kaˬ-ahˇ, Leˬbiˇ tsawˇ jeuˬ Sehˬ gʼawˆ baꞈ-awˇ ya doˆ-iˇ meh. Aˬ yawꞈ maꞈ jawˇ naˬ ngeh, yawˬ ha-euˬ paˇ loˬ paˇ lehˇ uˬ moˆ jawˇ pyawˬ baw baw-ehˇ jawˇ-eu loꞈ-ehˇ, doˆ-iˇ ngeh kʼawꞈ kʼoeˇ loꞈ-ehˇ jawˇ duˬ tsaˬ ni ya doˆ-iˇ meh.

Bawˇtsahˬ 4:20

Ehˇ kʼawꞈ, muiˬ-eu shawˇ-eu keu ka deuˬ-ahˇ haw leˇ-eu gʼaˇ duˬ, Kawˇhaˆ tsawˇ haˬ deuˬ Sehˬ gʼawˆ laꞈ kʼoeˇ tiˬ kʼehˇ laˇ kʼehˬ tehꞈ-ehˇ kʼawꞈ maˬ ya uˇ leˇ-a. Kʼoeˇ loꞈ-ehˇ uˇ leˇ naˇ ya shiˇ tehꞈ-a.”

Bawˇtsahˬ 7:9

Ehˇ kʼawꞈ, Kawˇhaˆ aˇ jeuˬ-ahˇ laˆ lawˬ hawˇ-eu mawˇ neˇ mawˇ gaw Moˇseˬ maˬ biꞈ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ gaˇ-aˬ, aˬ yawꞈ maꞈ haw luꞈ pyaˆ luꞈ-eu muiˬ-eu shawˇ-eu mˇ myawˬ keu ka deuˬ-ahˇ, aˬ yawꞈ maꞈ-euˬ baꞈ pu kʼoeˇ taˆ ya baꞈ-eu gaˇ pyeuꞈ-eu meh.