Bawˇtsahˬ 10:17 - Akha

¹⁷ Kʼoeˇ naˇ, Sehˬ gʼawˆ pyaˆ-awˇ baꞈ-eu tsawˇ haˬ deuˬ pyeuꞈ-eu Geˬlaˬshoˬ aˇ jeuˬ hawˇ-eu Meˬlaˬliˇ aˇ jeuˬ deuˬ ya doˆ-iˇ-eu meh.

Bawˇtsahˬ 10:17 ပူးပေါင်းရင်းမြစ်များ

1 Laˬsaˬbaˬ 23:24

Heu-aˬ, aˇ jeuˬ aˇ ca aˬ yawꞈ ca yawꞈ baw baw-ehˇ, aˬ yawꞈ gʼaˬ yawꞈ-euˬ tsawˇ myahˇ yuˇ taˬ-euˬ Leˬbiˇ-euˬ zaˬ deuˬ uˆ deuˬ meh. Aˇ kʼoꞈ nyiˬ tseˇ laꞈ taˆ paw-euˬ aˬ yawꞈ-euˬ zaˬ deuˬ uˆ deuˬ aˬ yawꞈ gʼaˬ yawꞈ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ ya mˇ-eu gaˇ jaˆ-eu meh.

Bawˇtsahˬ 1:51

Naw maꞈ yawˬ gaˇ yawˬ paˇ jawˇ paˇ-iˇ ngeh, Leˬbiˇ tsawˇ haˬ deuˬ Sehˬ gʼawˆ kʼoeˇ ya pyaˆ-awˇ, naw maꞈ kʼaˇ jawˇ paˇ-iˇ-euˬ tsahˇ-ahˇ aˬ yawꞈ maꞈ Sehˬ gʼawˆ kʼoeˇ ya gʼoˆ tsoꞈ meh. Leˬbiˇ tsawˇ haˬ maˬ ngeuˇ-eu tsawˇ haˬ aˬ geu gʼaˬ maˬ kaˬ, Sehˬ gʼawˆ dawˬ peh le naˇ, sehꞈ gaˇ ya daˬ tehꞈ-a.

Bawˇtsahˬ 10:16

Zeˬbuˬluˬ tsawˇ jeuˬ-ahˇ Heˬloˬ-euˬ aˬ li Eˇliˇbaˆ uˆ lahˇ-euˬ meh.

Bawˇtsahˬ 10:21

Kʼoeˇ naˇ, Leˬbiˇ tsawˇ jeuˬ pyeuꞈ-eu Kawˇhaˆ aˇ jeuˬ deuˬ, muiˬ-eu shawˇ-eu keu ka deuˬ baꞈ-awˇ ya doˆ-iˇ-eu meh. Ya jawˇ naˬ-eu jawˇ duˬ yawˬ tsahˇ yawˬ-ahˇ aˬ yawꞈ maꞈ paˇ iˇ keuˆ ngeh, Sehˬ gʼawˆ gʼoˆ tsoꞈ gʼaˬ taˬ-awˇ jaˆ-eu meh.

HeˬByehˇ 12:28

Kʼoeˇ baˬ da neh, maˬ nyeh laˇ nya-eu miˇ kʼahˬ aˬ dui za taˬ-euˬ miˇ neh Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Miˬyehˇ-ahˇ guiˬ lahˬ huiˬ-awˇ guˆ guˆ-ehˇ yaw zeu baw-eu laꞈ kʼoeˇ, aˬ yawꞈ nui ma tsaˬ-eu loꞈ-ehˇ uˬ duˬ tahˬ kaˇ-euˇ.

HeˬByehˇ 9:11

Ehˇ kʼawꞈ, Ka li-aˬ, nymˬ-mˇ heu gaˇ keuˆ le taˬ-euˬ yaw muiˬ jeˬ heu deuˬ-ahˇ biꞈ nehˬ laꞈ-eu Piˇma Yaw huiˬ gʼaˬ loꞈ-ehˇ oe keuˆ taˬ-euˬ meh. Aˬ yawꞈ gaˇ mˇ luꞈ-eu sehˬ gʼawˆ-aˬ, muiˬ dzehˬ byah dzehˬ-eu meh. Sehˬ gʼawˆ kʼoeˇ-aˬ, tsawˇ haˬ zaˬ neh gʼawˆ-euˬ sehˬ gʼawˆ maˬ ngeuˇ-eu uˬ taꞈ, beh taˬ-euˬ miˇ tsaˬ tahˬ kʼawˇ heu-ahˇ taꞈ-eu sehꞈ gʼawˆ maˬ ngeuˇ-a.

2 Beˬtuˆluˆ 1:14

Aˬ dui-euˬ Sahˬpaˬ Yeˬsuˇ Ka li neh ngaˬ-ahˇ bya cehˆ ni ehˇ nehˬ laꞈ-euˬ loꞈ-ehˇ, buꞈ-iˇ cehˇ-iˇ nya-eu ngaˬ-euˬ shiˬ shaˬ jiˇ gʼawˇ mawˇ heu-ahˇ gʼawˬ myahˇ maˬ gʼeh-ehˇ ya lehˆ dzeh yaꞈ meh lehˇ ngaˇ siˬ nya ma.