Bawˇtsahˬ 1:50 - Akha

⁵⁰ Ehˇ kʼawꞈ, Leˬbiˇ tsawˇ haˬ deuˬ-ahˇ ngaˇ jawˇ-eu Sehˬ gʼawˆ hawˇ-eu kʼoeˇ gaˇ jaˆ-eu keu ka deuˬ-ahˇ haw-eu pyaˆ-eu tsawˇ haˬ bi geuꞈ-awˬ. Sehˬ gʼawˆ hawˇ-eu kʼoeˇ-euˬ keu ka deuˬ-ahˇ aˬ yawꞈ maꞈ ya baꞈ ya pi meh. Sehˬ gʼawˆ kʼoeˇ laꞈ kʼoeˇ aˬ yawꞈ maꞈ gaˇ ya mˇ-awˇ, kʼoeˇ jawˬ jawˬ-ehˇ aˬ yawꞈ maꞈ ya jawˇ meh.

Bawˇtsahˬ 1:50 ပူးပေါင်းရင်းမြစ်များ

2 Laˬsaˬbaˬ 24:6

Kʼoeˇ miˇ neh, aˬ yawꞈ maꞈ kʼoeˇ taˆ aˬ yuiꞈ geuꞈ luꞈ-eu Yeˬhawˇyaˬdaˬ-ahˇ aˬ yawꞈ kuˇ-awˇ ehˇ nehˬ-eu, “Sahˬpaˬ Miˬyehˇ jawˇ-eu Sehˬ gʼawˆ gʼaˇ duˬ Moˇseˬ neh Iˇsaˬleˬlaˆ aˇ maꞈ aˇ muˇ deuˬ-ahˇ bi taꞈ uiˬ-euˬ pyuˇ kʼoeˇ, Leˬbiˇ tsawˇ haˬ deuˬ Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ doe ni iˇ-awˇ taꞈ uiˬ ni, aˬ jeˬ miˇ neh nawˇ maˬ haw maˬ pyaˆ-ehˇ jawˇ te.”

Neˬhaˬmiˇ 12:22

Piˇ ma yaw huiˬ gʼaˬ geuꞈ-euˬ deuˬ pyeuꞈ-eu Eˇlaˬshiˆ, Yawˇyaˬdaˇ, Yawˇnaˆshaˬ, Yaˬduˇ heu deuˬ-euˬ ziˇ-ahˇ, Leˬbiˇ tsawˇ jeuˬ tsawˇ ca kʼoeˇ taˆ aˬ yuiꞈ aˬ tsu geuꞈ-euˬ deuˬ hawˇ-eu, piˇ ma aˇ jeuˬ aˇ ca kʼoeˇ taˆ aˬ yuiꞈ aˬ tsu geuꞈ-euˬ deuˬ-euˬ tsawˇ myahˇ yuˇ taˬ-euˬ meh. Sahˬpaˬ Daˬliˇ Paˇshaˇ miˇ kʼahˬ-ahˇ uˆ lahˇ-eu aˇ yamˬ laꞈ kʼoeˇ tsawˇ myahˇ jaˇ laˇ yuˇ gʼaˬ-euˬ meh.

Neˬhaˬmiˇ 12:47

Zeˬluˇbaˬbeˬlaˇ-euˬ ziˇ-ahˇ neh Neˬhaˬmiˇ-euˬ ziˇ-ahˇ keuˆ ni, Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu deuˬ hawˇ-eu Uˬ duˬ tahˬ nymˇ nymˇ ma -ahˇ loꞈ-eu deuˬ loˬ-eu yawˬ jeˬ na luꞈ-ahˇ, Iˇsaˬleˬlaˆ tsawˇ haˬ deuˬ aˬ yawꞈ nah yawꞈ caw ba nehˬ-euˬ meh. Iˇsaˬleˬlaˆ tsawˇ haˬ deuˬ Leˬbiˇ tsawˇ haˬ deuˬ-ahˇ muiˬ-eu shawˇ-eu damˬ-eu jeˬ biꞈ nehˬ-awˇ, Leˬbiˇ tsawˇ haˬ deuˬ-aˬ, piˇ ma deuˬ oꞈ-eu shaˬ bymˇ paˇ yuˇ doˆ nehˬ-euˬ meh.

Neˬhaˬmiˇ 12:8

Leˬbiˇ tsawˇ haˬ deuˬ laꞈ kʼoeˇ, Yeˬshah, Biˇnuiˇ, Kaˬdaˬmeˬlaˇ, Sheˬleˬbiˇ, Yuˇdaˆ hawˇ-eu Maˬtaˬniˇ meh. Aˬ yawꞈ maꞈ-aˬ, ja ceuˬ-eu caˇ dawˬ caˇ-eu paw aˬ yuiꞈ geuꞈ-eu deuˬ pyeuꞈ-eu meh.

Neˬhaˬmiˇ 13:22

Jawˇ nah-ahˇ bi muiˬ bi shawˇ-eu gʼaˇ duˬ, yawˬ ha-euˬ gʼawˇ mawˇ shawˇ-awˇ meuˬ-euˬ lahˇ kʼehˬ deuˬ-ahˇ loꞈ-iˇ-awˬ lehˇ, Leˬbiˇ tsawˇ haˬ deuˬ-ahˇ ngaˇ ehˇ nehˬ-euˬ meh. Miˬyehˇ-oˇ, ngaˇ kʼoeˇ loꞈ-ehˇ mˇ-euˬ gaˇ kʼawꞈ, noeˬ keuˆ nehˬ laꞈ-awˇ, huiˬ dui dui-eu nawˬ-eu gʼoeˇ-eu gaˬ-eu jeˬ baˬ da neh ngaˬ-ahˇ gʼawˬ shaˬ gaˬ nehˬ laꞈ-awˬ.

Neˬhaˬmiˇ 13:5

Aˬ yawꞈ-aˬ, Tawˇbyaˬ-ahˇ huiˬ dui dui-eu aˇ lawˆ tiˬ lawˆ biꞈ-awˇ bi zmˬ-euˬ meh. Aˇ lawˆ kʼoeˇ lawˆ-aˬ, damˬ nehˬ laˇ-euˬ dzaˬ la gʼo cehˇ hawˇ-eu tsiˇ yaw saw jeˬ, Uˬ duˬ tahˬ nymˇ nymˇ ma-ahˇ zmˬ-eu mˇ myawˬ keu ka deuˬ, piˇ ma deuˬ-ahˇ damˬ nehˬ-euˬ jeˬ hawˇ-eu, Leˬbiˇ tsawˇ haˬ deuˬ, Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu deuˬ hawˇ-eu Uˬ duˬ tahˬ nymˇ nymˇ ma-ahˇ loꞈ-eu deuˬ gʼaˇ duˬ damˬ taˬ-euˬ cehˇ, aˬ gaꞈ dzaˇ uiˇ hawˇ-eu saˬ loˬ tsiˇ tseˇ bymˇ tiˬ bymˇ, heu deuˬ jeˬ hmˬ taˬ-euˬ gʼaˇ duˬ bi jaˆ-eu lawˆ pyeuꞈ-eu meh.

Jaceuq 122:4

Sahˬpaˬ Miˬyehˇ-euˬ tsawˇ jeuˬ pyeuꞈ-eu, Iˇsaˬleˬlaˆ tsawˇ jeuˬ tsawˇ ca deuˬ heu gaˇ laˇ-awˇ, Sahˬpaˬ Miˬyehˇ neh ehˇ taˬ-euˬ dawˬ-ahˇ tsaˬ ni, aˬ yawꞈ-ahˇ ja ceuˬ laˇ-eu meh.

Doˆ-iˇ 31:18

Siˇnaˆ gawˬ jawˬ kʼoeˇ taˆ, Moˇseˬ-ahˇ Miˬyehˇ dawˬ ngehˬ cawˬ gʼaˬ ngeh, Miˬyehˇ neh zahˇ dawˬ kʼoꞈ dawˬ boꞈ ahˇ taˬ-euˬ kʼaˬ lo teˇ byaꞈ nyiˬ byaꞈ Moˇseˬ-ahˇ Miˬyehˇ biꞈ nehˬ-euˬ meh.

Doˆ-iˇ 38:21

Heu-aˬ, zahˇ dawˬ kʼoꞈ dawˬ tseˇ dawˬ boꞈ taˬ-euˬ kʼaˬ lo teˇ byaꞈ nyiˬ byaꞈ dawˆ ahˇ taˬ-euˬ Sahˬpaˬ Miˬyehˇ jawˇ-eu Sehˬ gʼawˆ tsoˆ gaˇ geuꞈ-euˬ myawˬ deuˬ-euˬ jaˇ laˇ meh. Heu deuˬ-ahˇ zmˬ-eu gʼaˇ duˬ, Moˇseˬ dawˬ biꞈ-awˇ, piˇ ma Aˬloˬ-euˬ aˬ li Iˇdaˬmaˬ neh mehˬ nehˬ-euˬ loꞈ-ehˇ, Leˬbiˇ tsawˇ haˬ deuˬ neh jaˇ laˇ heu hmˬ boꞈ doˆ-euˬ meh.

Bawˇtsahˬ 1:53

Ehˇ kʼawꞈ, ngaˇ nui ma pehˇ-eu jeˬ Iˇsaˬleˬlaˆ tsawˇ haˬ aˇ maꞈ aˇ muˇ kʼoeˇ taˆ maˬ ya bi keuˆ le-eu gʼaˇ duˬ, ngaˇ jawˇ-eu Sehˬ gʼawˆ dawˬ peh tsawˇ haˬ tiˬ gʼaˬ-iˬ maˬ ya laˇ ni, Leˬbiˇ tsawˇ haˬ deuˬ Sehˬ gʼawˆ jawˬ jawˬ-ehˇ yawˬ ha-euˬ sehˬ gʼawˆ gʼawˆ-awˇ jawˇ-eu laꞈ kʼoeˇ ya loꞈ piˇ meh.”

Bawˇtsahˬ 10:21

Kʼoeˇ naˇ, Leˬbiˇ tsawˇ jeuˬ pyeuꞈ-eu Kawˇhaˆ aˇ jeuˬ deuˬ, muiˬ-eu shawˇ-eu keu ka deuˬ baꞈ-awˇ ya doˆ-iˇ-eu meh. Ya jawˇ naˬ-eu jawˇ duˬ yawˬ tsahˇ yawˬ-ahˇ aˬ yawꞈ maꞈ paˇ iˇ keuˆ ngeh, Sehˬ gʼawˆ gʼoˆ tsoꞈ gʼaˬ taˬ-awˇ jaˆ-eu meh.

Bawˇtsahˬ 17:7

Sehˬ gʼawˆ laꞈ kʼoeˇ jaˆ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi, gawˬ yoeˬ kʼoeˇ deuˬ Moˇseˬ yuˇ taˬ-euˬ meh.

Bawˇtsahˬ 18:5

Iˇsaˬleˬlaˆ tsawˇ haˬ deuˬ-ahˇ yawˬ poˆ yawˬ ngaˇ nui ma maˬ ya pehˇ-eu gʼaˇ duˬ, muiˬ-eu shawˇ-eu jawˇ duˬ-ahˇ taꞈ-eu gaˇ deuˬ hawˇ-eu lawˇ duˬ-ahˇ taꞈ-eu gaˇ deuˬ-ahˇ, nawˇ hawˇ-eu nawˬ li deuˬ tehꞈ-ehˇ ya mˇ meh.

Bawˇtsahˬ 2:17

Kʼoeˇ naˇ, mehˬ hu paw doˆ-iˇ-eu guiˇ maꞈ nyiˬ maꞈ hawˇ-eu, mehˬ nah paw cah-eu guiˇ maꞈ nyiˬ maꞈ yaw kaˬ-ahˇ, Leˬbiˇ tsawˇ jeuˬ Sehˬ gʼawˆ baꞈ-awˇ ya doˆ-iˇ meh. Aˬ yawꞈ maꞈ jawˇ naˬ ngeh, yawˬ ha-euˬ paˇ loˬ paˇ lehˇ uˬ moˆ jawˇ pyawˬ baw baw-ehˇ jawˇ-eu loꞈ-ehˇ, doˆ-iˇ ngeh kʼawꞈ kʼoeˇ loꞈ-ehˇ jawˇ duˬ tsaˬ ni ya doˆ-iˇ meh.

Bawˇtsahˬ 20:11

Kʼoeˇ naˇ, Moˇseˬ gawˬ yoeˬ cawˬ ja-awˇ, kʼaˬ lo kʼoeˇ siˬ-ahˇ nyiˬ laꞈ juiꞈ gʼeh-euˬ meh. Kʼoeˇ ngeh, iˇ cuꞈ lawˇ gawˆ loꞈ-ehˇ iˇ cuꞈ yoeˇ doˆ le-awˇ, tsawˇ haˬ kʼoeˇ deuˬ hawˇ-eu jeˬ zaˬ deuˬ iˇ cuꞈ dawˇ-euˬ meh.

Bawˇtsahˬ 4:15

Mehˬ hu paw doˆ-iˇ-eu aˇ yamˬ keuˆ laˇ ngeh, Aˬloˬ hawˇ-eu aˬ yawꞈ-euˬ aˬ li deuˬ muiˬ-eu shawˇ-eu mˇ myawˬ keu ka dawˬ tawˆ luꞈ-ahˇ dehˬ kaˬ gʼaˬ miˇ tsa, Kawˇhaˆ tsawˇ jeuˬ deuˬ kʼoeˇ deuˬ-ahˇ baꞈ-eu gʼaˇ duˬ ya laˇ meh. Kawˇhaˆ tsawˇ haˬ deuˬ muiˬ-eu shawˇ-eu keu ka kʼoeˇ deuˬ-ahˇ maˬ ya toeˬ ciˆ-a. Toeˬ ciˆ naˇ ya shiˇ meh. Heu-aˬ, mehˬ hu paw doˆ-iˇ-eu aˇ yamˬ kʼaˇ keuˆ le ngeh, Kawˇhaˆ tsawˇ haˬ deuˬ ya mˇ-eu gaˇ meh.

Bawˇtsahˬ 4:3

Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ -euˬ tsawˇ myahˇ yuˇ-awˬ.

Bawˇtsahˬ 8:19

Iˇsaˬleˬlaˆ tsawˇ haˬ deuˬ gʼaˇ duˬ Sehˬ gʼawˆ laꞈ kʼoeˇ gaˇ bi mˇ-eu gʼaˇ duˬ maˬ ehˇ, Iˇsaˬleˬlaˆ tsawˇ haˬ deuˬ muiˬ-eu shawˇ-eu jawˇ duˬ dawˬ peh le-eu baˬ da neh luˬ-iˇ seˇ-iˇ-eu jeˬ maˬ ya keuˆ le-eu gʼaˇ duˬ maˬ ehˇ, Iˇsaˬleˬlaˆ tsawˇ haˬ deuˬ neh biꞈ-euˬ muiˬ-eu laꞈ sawˬ loꞈ-ehˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ Leˬbiˇ tsawˇ haˬ deuˬ ngaˇ biꞈ nehˬ ma.”

Bawˇtsahˬ 8:20

Moˇseˬ-ahˇ Sahˬpaˬ Miˬyehˇ neh dawˬ biꞈ nehˬ-euˬ loꞈ-ehˇ, Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ gʼeh-awˇ, Leˬbiˇ tsawˇ haˬ deuˬ a nehˬ-eu jeˬ mˇ-euˬ meh.

Bawˇtsahˬ 8:22

Leˬbiˇ tsawˇ haˬ-ahˇ taꞈ leˇ-awˇ Moˇseˬ-ahˇ Sahˬpaˬ Miˬyehˇ neh dawˬ kʼaˇ biꞈ-euˬ loꞈ-ehˇ, aˬ yawꞈ maꞈ mˇ-euˬ meh. Kʼoeˇ naˇ, Leˬbiˇ tsawˇ haˬ deuˬ-aˬ, Aˬloˬ hawˇ-eu aˬ yawꞈ-euˬ aˬ li deuˬ-euˬ laꞈ oˆ jawˇ-awˇ, Sehˬ gʼawˆ laꞈ kʼoeˇ gaˇ mˇ geuˇ-eu tsawˇ haˬ pyeuꞈ laˇ-euˬ meh.

Panmaeq 15:5

Kʼoeˇ naˇ, mˬ kʼoeˇ taˆ jaˆ-eu uˬ duˬ tahˬ nymˇ nymˇ ma pah taˬ-awˇ, laꞈ kʼoeˇ paw Miˬyehˇ jawˇ-eu Sehˬ gʼawˆ jaˆ gaˇ ngaˇ ya mawˇ-euˬ ma.