Bawˇtsahˬ 1:46 - Akha

⁴⁶ Dawˬ tawˆ luꞈ koꞈ seh smˬ heˇ ngaˬ yaˇ ngaˬ tseˇ gʼaˬ byah-eu meh.

Bawˇtsahˬ 1:46 ပူးပေါင်းရင်းမြစ်များ

Aˇ dahˬ 12:2

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, miˇ tsaˬ kʼoeˇ taˆ tsawˇ myahˇ doˆ-eu tsawˇ jeuˬ tiˬ jeuˬ bi pyeuꞈ laˇ ma. Nawˇ aˬ cawˬ-ahˇ guiˬ lahˬ biꞈ-eu tsawˇ haˬ tiˬ gʼaˬ pyeuꞈ laˇ ngeh keuˆ ni, ngaˇ nawˬ-ahˇ guiˬ lahˬ biꞈ-awˇ tsawˇ myahˇ bi doˆ ma.

Aˇ dahˬ 13:16

Nawˬ-euˬ zaˬ nawˬ-euˬ uˆ deuˬ-ahˇ, tsawˇ haˬ tiˬ gʼaˬ-iˬ maˬ gui jiˇ coeˇ gaˇ keuˆ ni ngaˇ bi jeuˬ bi o le ma. Miˇ tsaˬ kʼaˇ shuiꞈ-ahˇ maˬ gui jiˇ nya-eu loꞈ-ehˇ, nawˬ-euˬ zaˬ nawˬ-euˬ uˆ deuˬ-ahˇ maˬ gui jiˇ nya-aˇ.

Aˇ dahˬ 15:5

Sahˬpaˬ Miˬyehˇ aˬ yawꞈ-ahˇ laꞈ nyiˇ paw sheuˬ doˆ gʼeh-awˇ ehˇ nehˬ-eu, “Mˬ paw gʼawˇ leuˇ-awˇ aˬ guiˇ kʼoeˇ deuˬ-ahˇ nawˇ gui haw sheˇ. Nawˬ-euˬ zaˬ nawˬ-euˬ uˆ deuˬ aˬ guiˇ kʼoeˇ deuˬ loꞈ-ehˇ jeuˬ le o le tehꞈ-a.”

Aˇ dahˬ 17:6

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, aˬ yawꞈ maꞈ laꞈ kʼoeˇ, tiˬ paˆ na deuˬ sahˬ paˬ pyeuꞈ laˇ tehꞈ-a. Nawˬ-euˬ zaˬ nawˬ-euˬ uˆ deuˬ myaˬ dui dui laˇ-awˇ, tsawˇ jeuˬ gʼawˬ mya jeuˬ pyeuꞈ doˆ laˇ tehꞈ-a.

Aˇ dahˬ 22:17

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ jaˆ-eu aˬ guiˇ deuˬ loꞈ-ehˇ maˬ ehˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deh loꞈ-ehˇ maˬ ehˇ, ngaˇ bi jeuˬ bi o le ma. Aˬ yawꞈ maꞈ-aˬ, aˬ yawꞈ maꞈ-ahˇ muiˇ-eu deuˬ-ahˇ gʼaˬ leˇ tehꞈ-a.

Aˇ dahˬ 26:3

Nawˇ heu gaˇ jawˇ naˇ, nawˬ nehˬ-ehˇ ngaˇ jawˇ-awˇ nawˬ-ahˇ ngaˇ guiˬ lahˬ biꞈ nehˬ ma. Miˇ kʼahˬ heu kʼahˬ kʼahˬ lah ni nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Nawˬ da Aˬbyaˬhaˬ nehˬ-ehˇ ngaˬ neh dzaˬ taˬ-euˬ saˇ jaˇ-ahˇ ngaˇ mˇ byah ma.

Aˇ dahˬ 28:14

Nawˬ-euˬ zaˬ nawˬ-euˬ uˆ deuˬ, miˇ tsaˬ kʼoeˇ taˆ jaˆ-eu kʼaˬ lehˇ loꞈ-ehˇ myaˬ dui dui laˇ tehꞈ-a. Miˇ tsaˬ heu yawˬ paw yawˬ na luꞈ aˬ yawꞈ maꞈ jawˇ byah jiˇ tehꞈ-a. Nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ gʼoe-awˇ tsawˇ jeuˬ dawˬ tawˆ luꞈ-ahˇ ngaˇ guiˬ lahˬ biꞈ nehˬ ma.

2 Saˬmeuˬlaˆ 24:9

Kʼoeˇ naˇ, Yoˇbaˬ gʼaˬ, aˬ yawꞈ maꞈ neh yuˇ laꞈ-euˬ tsawˇ seˬ jaˇ laˇ kʼoeˇ sahˬ paˬ-ahˇ biꞈ nehˬ leˇ-euˬ meh. Iˇsaˬleˬlaˆ miˇ kʼahˬ laꞈ kʼoeˇ guiˇ deuˆ nya-eu tsawˇ haˬ yehꞈ seh gʼaˬ jawˇ-awˇ, Yuˇdaˆ miˇ kʼahˬ laꞈ kʼoeˇ guiˇ deuˆ nya-eu tsawˇ haˬ ngaˬ seh gʼaˬ jawˇ-eu meh.

1 Sahˬpaˬ 4:20

Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-aˬ, iˬ ma laˆ shaˆ lawˇ deh-ahˇ ga-eu kʼaˇ shuiꞈ loꞈ-ehˇ myaˬ-eu meh. Aˬ yawꞈ maꞈ ya dzaˬ ya dawˇ dehˆ-awˇ, laˬ kʼaˬ cehˇ nui saˇ oꞈ-euˬ meh.

1 Laˬsaˬbaˬ 21:5

Iˇsaˬleˬlaˆ miˇ kʼahˬ laꞈ kʼoeˇ, guiˇ deuˆ nya-eu tsawˇ haˬ tseˇ tiꞈ seh jawˇ-awˇ, Yuˇdaˆ miˇ kʼahˬ laꞈ kʼoeˇ kʼawꞈ, guiˇ deuˆ nya-eu tsawˇ haˬ oeˬ seh shiꞈ muiˇ gʼaˬ jawˇ-eu gaˇ kawˆ, sahˬ paˬ Daˬbiˇ-ahˇ aˬ yawꞈ dzawˇ nehˬ leˇ-euˬ meh.

2 Laˬsaˬbaˬ 13:3

Aˬbiˇyaˬ gʼaˬ yehˇ oeˬ seh gʼaˬ jawˇ-awˇ, Yeˬyawˇbamˬ gʼaˬ yehˇ yehꞈ seh gʼaˬ sheuˬ-awˇ aˬ yawꞈ-ahˇ deuˆ-euˬ meh.

Doˆ-iˇ 12:37

Laˬmaˬsehˇ meuˬ-ahˇ neh, Suˇkoˆ lehˇ kuˇ-eu jawˇ duˬ-ahˇ, Iˇsaˬleˬlaˆ tsawˇ haˬ deuˬ kuiˇ zoˬ cah gʼeh-euˬ meh. Aˬ yawꞈ maꞈ-aˬ, zaˬ miˬ zaˬ hawˇ-eu zaˬ deuˬ maˬ gui ahˇ-ehˇ, kʼaˬ dzeˇ zaˬ tehꞈ-ehˇ koꞈ seh gʼaˬ byah-eu meh.

Doˆ-iˇ 38:26

Heu-aˬ, Iˇsaˬleˬlaˆ tsawˇ jeuˬ-euˬ tsawˇ seˬ jaˇ laˇ laꞈ kʼoeˇ tsawˇ myahˇ kʼaˇ ahˇ-eu tsawˇ haˬ dawˬ tawˆ luꞈ, yawˬ ha-ahˇ kʼaˇ doˇ-eu loꞈ-ehˇ, kaˇ daˬ-ahˇ tsaˬ ni taꞈ uiˬ taˬ-euˬ pyuˇ meh. Jaˇ laˇ laꞈ kʼoeˇ tsawˇ myahˇ ahˇ-eu, nyiˬ tseˇ kʼoꞈ laˬ taˆ paw-euˬ tsawˇ haˬ dawˬ tawˆ luꞈ, koꞈ seh smˬ heˇ ngaˬ yaˇ ngaˬ tseˇ gʼaˬ byah-eu meh.

Bawˇtsahˬ 1:45

Nyiˬ tseˇ kʼoꞈ-ahˇ neh laꞈ taˆ paw-euˬ guiˇ deuˆ nya-eu Iˇsaˬleˬlaˆ tsawˇ haˬ dawˬ tawˆ luꞈ-ahˇ, yawˬ ha-euˬ nymˇ jiˇ-ahˇ kʼaˇ taꞈ-eu loꞈ-ehˇ tsawˇ myahˇ yuˇ-euˬ meh.

Bawˇtsahˬ 11:21

Sahˬpaˬ Miˬyehˇ-ahˇ Moˇseˬ ehˇ nehˬ-eu, “Tsawˇ haˬ koꞈ seh gʼaˬ-ahˇ ngaˇ sheuˬ gʼeh luꞈ-eu ma. Aˬ yawꞈ maꞈ ba la tiˬ siˬ dzaˬ loꞈ-eu shaˬ jiˇ nawˇ biꞈ ma lehˇ ehˇ te loˇ.

Bawˇtsahˬ 14:29

Naw maꞈ shiˇ-awˇ, bawˇ tsahˬ bawˇ dahˇ doe ni ya ga tehꞈ-a. Naw maꞈ laꞈ kʼoeˇ aˇ kʼoꞈ nyiˬ tseˇ kʼaˇ dzehˬ-iˇ-euˬ deuˬ miˇ kʼahˬ kʼoeˇ kʼahˬ laꞈ kʼoeˇ maˬ ya uˇ keuˆ leˇ-a. Aˬ jeˬ miˇ neh ehˇ naˇ, naw maꞈ ngaˬ-ahˇ iˬ baˇ taˬ-eu dawˬ ngehˬ-euˬ meh.

Bawˇtsahˬ 2:32

Aˇ muˇ baw baw-ehˇ, guiˇ guiˇ maꞈ deuˬ laꞈ kʼoeˇ tsawˇ myahˇ kʼaˇ ahˇ-eu Iˇsaˬleˬlaˆ tsawˇ haˬ dawˬ tawˆ luꞈ koꞈ seh smˬ heˇ ngaˬ yaˇ ngaˬ tseˇ gʼaˬ byah-eu meh.

Bawˇtsahˬ 23:10

Iˇsaˬleˬlaˆ-euˬ zaˬ deuˬ uˆ deuˬ-aˬ, kʼaˬ lehˇ loꞈ-ehˇ myaˬ-eu meh. Behˇ dui dui-eu aˬ yawꞈ maꞈ-ahˇ, aˬ suˇ gʼaˬ gui jiˇ coeˇ nmˇ. Miˬyehˇ-euˬ tsawˇ haˬ kʼoeˇ deuˬ nehˬ-ehˇ, ngaˬ-ahˇ ziˇ bi dehꞈ jiˇ laꞈ-awˬ. Yaw tsaˬ yaw dawˇ tsawˇ haˬ loꞈ-ehˇ, coꞈ ngehˇ ni ngaˬ-ahˇ bi shiˇ laꞈ-awˬ.”

Bawˇtsahˬ 26:51

Iˇsaˬleˬlaˆ tsawˇ haˬ dawˬ tawˆ luꞈ, koꞈ seh tiˬ heˇ shiꞈ yaˇ smˬ tseˇ gʼaˬ byah-eu meh.

Dawˬmehˬ 10:22

Naw maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ-ahˇ jawˇ-iˇ ngeh, shiꞈ tseˇ gʼaˬ byah-eu tehꞈ meh. Ehˇ kʼawꞈ, mˬ-ahˇ tsehˬ-eu aˬ guiˇ deuˬ loꞈ-ehˇ iˬ nah naw maꞈ myaˬ laˇ behˇ laˇ ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-euˬ meh.