Bawˇtsahˬ 1:33 - Akha

³³ Eˇpaˬleˬ tsawˇ jeuˬ laꞈ kʼoeˇ tsawˇ myahˇ dawˆ-euˬ tsawˇ haˬ oeˬ muiˇ ngaˬ yaˇ gʼaˬ byah-eu meh.

Bawˇtsahˬ 1:33 ပူးပေါင်းရင်းမြစ်များ

Aˇ dahˬ 48:19

Ehˇ kʼawꞈ, Yoˇsehˆ ehˇ gaˇ Yaˬkoˆ maˬ naˇ haˬ-ehˇ, “Ngaˇ siˬ nya ma li-oˇ. Ngaˇ siˬ nya ma. Maˬnaˇseˬ-euˬ zaˬ deuˬ uˆ deuˬ kʼawꞈ, huiˬ-eu tsawˇ jeuˬ pyeuꞈ laˇ tehꞈ-a. Ehˇ kʼawꞈ, aˬ nyiˇ gʼaˬ aˬ yawꞈ naˆ maˬ tseˇ huiˬ dzehˬ-awˇ, aˬ nyiˇ gʼaˬ-euˬ zaˬ deuˬ uˆ deuˬ huiˬ dui myaˬ dui dui-eu tsawˇ jeuˬ deuˬ pyeuꞈ laˇ tehꞈ-a” lehˇ ehˇ-eu meh.

Aˇ dahˬ 48:5

“Yoˇsehˆ-oˇ, Iˇjiˇtuˆ miˇ kʼahˬ laꞈ kʼoeˇ ngaˇ maˬ oe keuˆ mi naˆ-ehˇ heu gaˇ dehꞈ le-euˬ nawˬ li heu nyiˬ li kʼawꞈ, ngaˬ-euˬ zaˬ pyeuꞈ-eu ma. Luˇbeˬ hawˇ-eu Suˇmoˬ aˬ nyaꞈ nmˇ ngaˬ li pyeuꞈ-eu loꞈ-ehˇ, Eˇpaˬleˬ hawˇ-eu Maˬnaˇseˬ aˬ nyaꞈ nmˇ kʼawꞈ ngaˬ li pyeuꞈ-eu ma.

Bawˇtsahˬ 1:32

Yoˇsehˆ-euˬ aˬ li Eˇpaˬleˬ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

Bawˇtsahˬ 1:34

Yoˇsehˆ-euˬ aˬ li Maˬnaˇseˬ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-eu loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

Bawˇtsahˬ 2:19

Aˬ yawꞈ-euˬ guiˇ maꞈ oeˬ muiˇ ngaˬ yaˇ gʼaˬ byah-eu meh.

Bawˇtsahˬ 26:37

Aˇ jeuˬ heu deuˬ dawˬ tawˆ luꞈ, smˬ muiˇ nyiˬ heˇ ngaˬ yaˇ gʼaˬ byah-eu meh. Heu deuˬ-aˬ, Yoˇsehˆ o neh jeuˬ le o le-euˬ zaˬ deuˬ uˆ deuˬ pyeuꞈ-eu meh.

Dawˬmehˬ 33:17

Yoˇsehˆ mawˇ neˇ-euˬ gʼaˬ tsoꞈ-awˇ, nehꞈ nyoˬ uˬ coeˇ tsoꞈ gaˇ duˇ meh. Aˬ yawꞈ-euˬ uˬ coeˇ kʼoeˇ deuˬ-aˬ, Maˬnaˇseˬ-euˬ tiˬ heˇ hawˇ-eu, Eˇpaˬleˬ-euˬ tiˬ muiˇ coeˇ meh. Miˇ kʼahˬ tsawˇ jeuˬ dawˬ tawˆ luꞈ-ahˇ, uˬ coeˇ kʼoeˇ neh aˬ yawꞈ tahˬ-awˇ, mˬ dzeˇ miˇ dzeˇ teh dzeh-eu meh.”