Bawˇtsahˬ 1:1 - Akha

¹ Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ le gʼaˬ-awˇ, nyiˬ kʼoꞈ tiˬ kʼoꞈ ba la nyiˬ siˬ tiˬ siˬ aˇ nah yaw beh nah-ahˇ, Siˇnaˆ bawˇ tsahˬ bawˇ dahˇ-ahˇ jaˆ-eu Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ, Moˇseˬ-ahˇ Sahˬpaˬ Miˬyehˇ dawˬ ngehˬ cawˬ-euˬ meh. Aˬ yawꞈ ehˇ-eu,

Bawˇtsahˬ 1:1 ပူးပေါင်းရင်းမြစ်များ

1 Sahˬpaˬ 6:1

Iˇsaˬleˬlaˆ tsawˇ jeuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ-euˬ oeˬ yaˇ yehꞈ tseˇ kʼoꞈ byah laˇ-awˇ, Sawˇlaˬmoˬ Iˇsaˬleˬlaˆ miˇ kʼahˬ-ahˇ uˆ lahˇ-euˬ oeˬ kʼoꞈ byah ngeh kʼoꞈ, ba la nyiˬ siˬ tiˬ siˬ pyeuꞈ-eu Ziˇbaˆ ba la-ahˇ, Sawˇlaˬmoˬ Uˬ duˬ tahˬ nymˇ nymˇ ma tsoˆ dahˬ beh-euˬ meh.

Doˆ-iˇ 19:1

Iˇsaˬleˬlaˆ tsawˇ haˬ deuˬ-aˬ, Leˬpiˇdeˬ lehˇ kuˇ-eu jawˇ duˬ-ahˇ neh doˆ-iˇ-awˇ, Iˇjiˇtuˆ miˇ kʼahˬ-ahˇ neh aˬ yawꞈ maꞈ doˆ le-euˬ ba la smˇ siˬ tiˬ siˬ laꞈ kʼoeˇ uˇ leˇ-euˬ aˇ nah yaw beh nah-ahˇ, Siˇnaˆ bawˇ tsahˬ bawˇ dahˇ laꞈ kʼoeˇ oe keuˆ-euˬ meh. Aˬ yawꞈ maꞈ-aˬ, Siˇnaˆ gawˬ jawˬ dawˬ dahˬ-ahˇ sehˬ gʼawˆ gʼawˆ-awˇ naˬ-euˬ meh.

Doˆ-iˇ 25:22

Nawˬ-ahˇ ngaˇ kʼoeˇ gaˇ tahˬ puˬ-awˇ, Iˇsaˬleˬlaˆ tsawˇ haˬ gʼaˇ duˬ zahˇ dawˬ kʼoꞈ dawˬ dawˬ tawˆ luꞈ, bahˬ keuˆ kʼawˬ pymˬ kʼoeˇ taˆ, Jeˬluˇbeˬ mawˇ kawˇ nyiˬ hmˬ yaw kaˬ-ahˇ, nawˬ-ahˇ ngaˇ biꞈ ma.

Doˆ-iˇ 40:17

Iˇjiˇtuˆ miˇ kʼahˬ-ahˇ neh aˬ yawꞈ maꞈ doˆ laˇ-euˬ nyiˬ kʼoꞈ tiˬ kʼoꞈ ba la yaw beh siˬ, yaw beh nah-ahˇ, Sahˬpaˬ Miˬyehˇ jawˇ-eu sehˬ gʼawˆ tsoˆ-euˬ meh.

Doˆ-iˇ 40:2

“Ba la yaw beh siˬ yaw beh nah-ahˇ, Sahˬpaˬ Miˬyehˇ jawˇ-eu Sehˬ gʼawˆ tsoˆ-awˬ.

Uˬ duˬ 1:1

Sahˬpaˬ Miˬyehˇ jawˇ-eu Sehˬ gʼawˆ-ahˇ neh, Moˇseˬ-ahˇ Sahˬpaˬ Miˬyehˇ kuˇ-awˇ, zahˇ sahˇ kʼoꞈ heu deuˬ biꞈ nehˬ-euˬ meh.

Uˬ duˬ 27:34

Heu deuˬ-a, Iˇsaˬleˬlaˆ tsawˇ haˬ deuˬ gʼaˇ duˬ, Siˇnaˆ gawˬ jawˬ kʼoeˇ taˆ Moˇseˬ-ahˇ Sahˬpaˬ Miˬyehˇ biꞈ nehˬ-euˬ zahˇ dawˬ kʼoꞈ dawˬ deuˬ pyeuꞈ-eu meh.

Bawˇtsahˬ 12:4

“Naw maꞈ smˇ gʼaˬ ngaˇ jawˇ-eu Sehˬ gʼawˆ-ahˇ laˇ-awˬ” lehˇ, Moˇseˬ, Aˬloˬ hawˇ-eu Miˇliˬyaˬ aˬ ha smˇ gʼaˬ-ahˇ Sahˬpaˬ Miˬyehˇ ja pyuˬ ni ehˇ nehˬ-euˬ meh. Kʼoeˇ ngeh, aˬ yawꞈ maꞈ smˇ gʼaˬ kʼoeˇ gaˇ le-euˬ meh.

Bawˇtsahˬ 9:1

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ le-awˇ, nyiˬ kʼoꞈ tiˬ kʼoꞈ ba la yaw beh siˬ-ahˇ, Siˇnaˆ bawˇ tsahˬ bawˇ dahˇ laꞈ kʼoeˇ Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Dawˬmehˬ 1:3

Iˇjiˇtuˆ miˇ kʼahˬ laꞈ kʼoeˇ neh aˬ yawꞈ maꞈ doˆ le-euˬ oeˬ tseˇ kʼoꞈ tiˬ kʼoꞈ, ba la tseˇ tiꞈ siˬ tiˬ siˬ, tseˇ tiꞈ nah tiˬ nah-ahˇ, Iˇsaˬleˬlaˆ tsawˇ haˬ deuˬ-ahˇ bi ehˇ nehˬ-eu gʼaˇ duˬ, Sahˬpaˬ Miˬyehˇ neh dawˬ kʼaˇ biꞈ taˬ-euˬ jeˬ dawˬ tawˆ luꞈ, aˬ yawꞈ maꞈ-ahˇ Moˇseˬ ehˇ nehˬ-euˬ meh.

Dawˬmehˬ 2:14

Kʼoeˇ ngeh, Kaˬdeˬshaˇbaˬneˬ-ahˇ neh aˬ dui maꞈ doˆ laˇ-euˬ smˬ tseˇ yehꞈ kʼoꞈ byah laˇ-euˬ meh. Sahˬpaˬ Miˬyehˇ neh ehˇ taˬ-euˬ loꞈ-ehˇ, kʼoeˇ ziˇ laꞈ kʼoeˇ guiˇ kʼaˇ deuˆ-eu tsawˇ haˬ deuˬ shiˇ dzeuˇ jiˇ-euˬ meh.

Dawˬmehˬ 2:7

“Naw maꞈ neh kʼaˇ mˇ kʼaˇ shaˇ-euˬ jeˬ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ aˬ joˆ-ehˇ guiˬ lahˬ biꞈ laꞈ-euˬ gaˇ kawˆ-ahˇ noeˬ keuˆ-awˬ. Jeˇ dui dui-eu bawˇ tsahˬ bawˇ dahˇ heu laꞈ kʼoeˇ naw maꞈ cah luꞈ ngeh, naw maꞈ-ahˇ aˬ yawꞈ haw piˇ-euˬ meh. Aˇ yamˬ heu oeˬ tseˇ kʼoꞈ laꞈ kʼoeˇ, aˬ yawꞈ naw maꞈ nehˬ-ehˇ jawˇ-awˇ, kʼaˇ loˬ-eu jeˬ naw maꞈ za-euˬ meh.