Aˇ dahˬ 9:23 - Akha

²³ Kʼoeˇ ngeh, Sheˬmaˆ hawˇ-eu Yaˬpahˇ aˬ nyaꞈ nmˇ pehˇ kʼahˬ pehˇ mahˇ tiˬ kahˇ aˬ yawꞈ nyaꞈ-euˬ baꞈ pu kʼoeˇ taˆ dzeh ceuˬ-awˇ, sehˬ gʼawˆ laꞈ kʼoeˇ naˇ kʼah paw jeˬ-ehˇ cah uˇ gʼeh-euˬ meh. Yawˬ ha-euˬ aˬ da neˇ myawˆ ni yuꞈ luꞈ gaˇ aˬ yawꞈ nyaꞈ nmˇ maˬ ya haw mawˇ-eu gʼaˇ duˬ, mehˬ shiˬ naˇ kʼah pyawˇ-awˇ, pehˇ kʼahˬ pehˇ mahˇ kʼoeˇ neh dzeh kaˬ nehˬ-euˬ meh.

Aˇ dahˬ 9:23 ပူးပေါင်းရင်းမြစ်များ

Aˇ dahˬ 9:22

Kaˬnaˬ-euˬ aˬ da Haˬmaˇ-aˬ, aˬ yawꞈ-euˬ aˬ da Noˇaˬ neˇ myawˆ ni yuꞈ luꞈ gaˇ ya mawˇ ngeh, gaˇ kawˆ kʼoeˇ aˬ yawꞈ-euˬ mehˇ nmˇ nyiˬ gʼaˬ-ahˇ dzawˇ nehˬ-iˇ-euˬ meh.

Aˇ dahˬ 9:24

Noˇaˬ aˬ gaꞈ dzaˇ uiˇ yehꞈ-eu beuˇ laˇ-awˇ noeˬ gahˇ laˇ ngeh, aˬ yawꞈ-euˬ aˬ li zaˬ saˬ gʼaˬ neh aˬ yawꞈ-ahˇ aˬ joˆ-ehˇ jahˇ nehˬ-euˬ gaˇ kawˆ siˬ nya-euˬ meh. Kʼoeˇ ngeh, aˬ yawꞈ heu loꞈ-ehˇ ehˇ-eu meh.

Doˆ-iˇ 20:12

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ tsaˬ kʼoeˇ taˆ, nawˇ ziˇ baw ni, nawˬ-euˬ aˬ da aˬ ma-ahˇ nawˇ yaw zeu ya baw meh.

Uˬ duˬ 19:32

“Tsawˇ mawˬ tsawˇ kʼaˆ deuˬ-ahˇ yaw zeu baw-awˇ, taˬ huiˬ taˬ mahˇ-awˬ.

Lormav 13:7

Toˆ-ehˇ ngeuˇ naˇ, aˬ yawꞈ maꞈ-ahˇ kʼaˇ biꞈ paˬ-ehˇ gʼeh-eu jeˬ biꞈ-awˬ. Kawˬ kʼaˇ doˆ nehˬ paˬ-ehˇ gʼeh-eu jeˬ dawˬ tawˆ luꞈ doˆ nehˬ-awˇ, aˬ yawꞈ maꞈ dawˬ tawˆ luꞈ-ahˇ yaw zeu baw-eu laꞈ kʼoeˇ taˬ huiˬ taˬ mahˇ nehˬ-awˬ.

Gaˬlaˬtiˆ 6:1

Aˬ yuiꞈ aˬ nyiˇ Ka li zaˬ deuˬ-oˇ, tsawˇ haˬ tiˬ gʼaˬ na mˇ lehˬ naˇ, naw maꞈ laꞈ kʼoeˇ guiˬ lahˬ saꞈ laˇ paw gʼaˬ kʼaˆ-eu deuˬ aˬ yawꞈ-ahˇ ciˬ tuˇ nehˬ-eu tsaˬ meh. Ehˇ kʼawꞈ, nui nahˬ nui yu ahˇ-eu laꞈ kʼoeˇ ciˬ tuˇ nehˬ-awˬ. Yawˬ ha kʼawꞈ, muˇ juˇ juˇ-eu mehˬ nah maˬ ya caw teh gʼeh ni yahˇ-awˬ.

1 Tiˆmoˇseˬ 5:1

Tsawˇ mawˬ tsawˇ kʼaˆ-ahˇ dehˬ dehˬ-ehˇ taˬ mehˬ. Yawˬ ha-euˬ aˬ da loꞈ-ehˇsawˇ-awˇ nahˬ yu ni mehˬ nehˬ tsoˆ nehˬ-awˬ. Zaˬ guˬ deuˬ-ahˇ yawˬ ha-euˬ mehˇ nmˇ loꞈ-ehˇ sawˇ-awˬ.

1 Tiˆmoˇseˬ 5:17

Ka li zaˬ aˇ muˇ-ahˇ sheuˬ gʼeh-eu gaˇ yaw muiˬ paˬ-ehˇ mˇ luꞈ-eu tsawˇ mawˬ tsawˇ kʼaˆ deuˬ-ahˇ nyiˬ bymˇ taˬ huiˬ nehˬ paˬ-ehˇ gʼeh tehꞈ-a. Aꞈ yawꞈ maꞈ laꞈ kʼoeˇ, dawˬ mehˬ mehˬ-eu hawˇ-eu mehˬ-eu tsoˆ-eu jeˬ-ahˇ yaw kʼaˆ-ehˇ leh jeh-awˇ mˇ-eu deuˬ-ahˇ, kʼoeˇ naˆ maˬ tseˇ taˬ huiˬ nehˬ paˬ-ehˇ gʼeh tehꞈ-a.

1 Tiˆmoˇseˬ 5:19

Siˬ duˬ mawˇ duˬ-euˬ tsawˇ kaˬ kʼaˇ teˬ-eu nyiˬ gʼaˬ maˬ jawˇ naˇ, aˬ yuiꞈ aˬ tsu kʼoeˇ taˆ iˬ baˇ taˬ-eu dawˬ-ahˇ naˇ haˬ-eu maˬ tsaˬ-a.

1 Beˬtuˆluˆ 2:17

Yawˬ gʼaˬ na luꞈ-ahˇ yaw zeu baw-awˬ. Ka li-ahˇ jah-eu tsawˇ haˬ cawˬ cawˬ gaˬ-awˬ gʼoeˇ-awˬ. Miˬyehˇ-ahˇ taˬ huiˬ taˬ mahˇ-awˬ. Gehˇsaˬ sahˬ paˬ-ahˇ yaw zeu baw-awˬ.

1 Beˬtuˆluˆ 4:8

Dawˬ tawˆ luꞈ kʼoeˇ taˆ huiˬ dzehˬ-eu jeˬ-aˬ, naw maꞈ tiˬ gʼaˬ tiˇ gʼaˬ ziꞈ dah ni gaˬ-eu jeˬ pyeuꞈ-eu meh. Aˬ jeˬ miˇ neh ehˇ naˇ, gʼoeˇ-eu gaˬ-eu jeˬ-aˬ, myaˬ dui dui-eu iˬ baˇ-ahˇ dehˬ kaˬ zaꞈ nya-eu meh.