Aˇ dahˬ 8:21 - Akha

²¹ Aˬ yawꞈ neh lawˇ nehˬ-euˬ yaw saꞈ kʼoeˇ Sahˬpaˬ Miˬyehˇ-ahˇ saw leˇ ngeh, Sahˬpaˬ Miˬyehˇ nui kʼahˇ shiˇ-awˇ, yawˬ haˇ yawˬ ha heu loꞈ-ehˇ ehˇ-eu meh. “Aˬ kaˇ naˇ, tsawˇ haˬ zaˬ yaw lehˬ jeˬ mˇ-eu baˬ da neh, miˇ tsaˬ-ahˇ yaˬ kʼehˇ yaˬ-awˇ tiˬ jawˇ-iˬ maˬ paˇ kʼehˬ nehˬ ma. Tsawˇ haˬ zaˬ-euˬ nui noeˬ-aˬ, yaw nyiˇ gʼeh ngeh neh maˬ tsaˬ maˬ dawˇ-a lehˇ ngaˇ siˬ nya ma. Heu poˆ loꞈ-ehˇ, kʼaˇ dehꞈ kʼaˇ jawˇ-eu jeˬ-ahˇ ngaˇ tiˬ jawˇ-iˬ maˬ paˇ laˆ cawˆ nehˬ ma.

Aˇ dahˬ 8:21 ပူးပေါင်းရင်းမြစ်များ

Aˇ dahˬ 3:17

Miˬyehˇ pyeuꞈ-eu Sahˬpaˬ Miˬyehˇ-aˬ, kʼaˬ dzeˇ zaˬ gʼaˬ-ahˇ kʼawꞈ heu loꞈ-ehˇ ehˇ nehˬ-euˬ meh. “Nawˬ-euˬ miˬ zaˬ-euˬ ehˇ dawˬ naˇ haˬ-awˇ, ngaˬ neh taˬ dzaˬ lehˇ ehˇ taˬ-euˬ aˇ siˬ-ahˇ nawˇ dzaˬ-euˬ meh. Nawˇ kʼoeˇ loꞈ-ehˇ mˇ-euˬ miˇ neh, miˇ tsaˬ-aˬ, yaˬ kʼehˇ yaˬ nehˬ-eu jeˬ-ahˇ ya daˬ tehꞈ-a. Nawˇ ya dzaˬ ya dawˇ-eu gʼaˇ duˬ, nawˬ-euˬ tiˬ ziˇ maˬ naˬ leˇ ni miˇ tsaˬ-ahˇ ya beuˬ tehꞈ-a.

Aˇ dahˬ 4:12

Miˇ tsaˬ-ahˇ nawˇ aˬ geu jeˬ ka dzaˬ-eu maˬ kaˬ, miˇ tsaˬ nawˬ-ahˇ maˬ bi za le-ehˇ, nymˇ jiˇ maˬ baw ni miˇ tsaˬ kʼoeˇ taˆ doe doe-ehˇ cah cah-ehˇ ya jawˇ tehꞈ-a.”

Aˇ dahˬ 5:29

Kʼoeˇ ngeh, “Sahˬpaˬ Miˬyehˇ neh yaˬ kʼehˇ yaˬ taˬ-euˬ miˇ tsaˬ heu kʼoeˇ taˆ, shaˬ-eu zahˬ-eu laꞈ kʼoeˇ aˬ dui ya mˇ dzaˬ ya kʼawꞈ dawˇ-eu jeˬ-ahˇ, aˬ li heu li bi buˬ-iˇ laꞈ luꞈ-uˇ” lehˇ aˬ yawꞈ ehˇ-awˇ, aˬ li kʼoeˇ li-ahˇ Noˇaˬ lehˇ myahˇ nehˬ-euˬ meh.

Aˇ dahˬ 6:13

Noˇaˬ-ahˇ Miˬyehˇ ehˇ nehˬ-eu, “Tsawˇ haˬ dawˬ tawˆ luꞈ bi shiˇ jiˇ-awˇ, ziˇ dahˬ bi dahˬ-iˇ ma lehˇ ngaˇ noeˬ tsehˆ taˬ-euˬ ma. Aˬ yawꞈ maꞈ dawˬ tawˆ luꞈ piˬ-iˇ byoˆ-iˇ jiˇ ngeh keuˆ ni, ngaˇ jahˇ nehˬ ma. Aˬ jeˬ miˇ neh ehˇ naˇ, miˇ kʼahˬ kʼahˬ lah ni aˬ yawꞈ maꞈ neh yaw haiˬ jeˬ mˇ byah jiˇ taˬ-euˬ meh.

Aˇ dahˬ 6:17

Miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ laˆ cawˆ-eu gʼaˇ duˬ, iˇ cuꞈ bi dahˬ daˆ laˇ ma. Miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ dawˬ tawˆ luꞈ shiˇ jiˇ tehꞈ-a.

Aˇ dahˬ 6:5

Miˇ tsaˬ kʼoeˇ taˆ jawˇ-eu tsawˇ haˬ zaˬ yawˬ gʼaˬ na luꞈ, maˬ tsaˬ maˬ dawˇ-eu jeˬ tehꞈ-ehˇ mˇ-awˇ, aˬ myah luꞈ maˬ muiˬ maˬ jaˬ-eu gaˇ kawˆ tehꞈ-ehˇ shaˇ noeˬ luꞈ gaˇ Sahˬpaˬ Miˬyehˇ ya mawˇ-euˬ meh.

Aˇ dahˬ 6:7

Kʼoeˇ ngeh, aˬ yawꞈ heu loꞈ-ehˇ ehˇ-eu meh. “Ngaˬ neh beh taˬ-euˬ tsawˇ haˬ zaˬ heu deuˬ dawˬ tawˆ luꞈ-ahˇ ngaˇ laˆ cawˆ byoˆ jiˇ ma. Jeˬ zaˬ hawˇ-eu ho zaˬ nga jiˇ dawˬ tawˆ luꞈ-ahˇ kʼawꞈ, ngaˇ laˆ byoˆ jiˇ ma. Teu deuˬ-ahˇ beh-euˬ baˬ da neh ngaˇ aˇ dzehˬ-ehˇ ya noeˬ shaˬ nya.”

Yawˇbaˆ 14:4

Tsawˇ haˬ zaˬ loꞈ-ehˇ gʼeh-eu maˬ muiˬ maˬ shawˇ-eu jeˬ laꞈ kʼoeˇ, muiˬ-eu shawˇ-eu jeˬ maˬ doˆ laˇ nya-a.

Jaceuq 51:5

Ngaˇ dehꞈ le ngeh neh haiˬ-eu tsawˇ haˬ pyeuꞈ-eu ma. Dehꞈ doˆ le ngeh nah neh iˬ baˇ ahˇ-euˬ ma.

Jaceuq 58:3

Haiˬ-eu tsawˇ haˬ ziˇ jiˇ ngeh keuˆ ni lehˬ-awˇ, dehꞈ le ngeh nah neh jaˬ myawꞈ myawꞈ-eu meh.

Jaceuq 58:4

Aˬ yawꞈ maꞈ aˇ lawˇ loꞈ-ehˇ doꞈ ahˇ-awˇ, aˇ lawˇ uiˇ naˆ naˬ bawˬ loꞈ-ehˇ, naˬ bawˇ paꞈ tsoeˬ tsoeˬ taˬ-euˬ meh.

Doˆ-iˇ 29:18

Yawˇ kʼoeˇ mawˇ mawˇ lah-ehˇ, lawˇ duˬ kʼoeˇ taˆ puiˆ-awˬ. Heu-aˬ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, lawˇ-euˬ yaw saꞈ kʼoeˇ-ahˇ ngaˇ nui ma tsaˬ-eu ma.

Doˆ-iˇ 29:25

Kʼoeˇ naˇ, aˬ yawꞈ maꞈ yuˇ luꞈ-eu kʼoeˇ deuˬ yuˇ doˆ-awˇ, miˬ dzaˬ-ahˇ dzah puiˆ-awˇ lawˇ-eu jeˬ lawˇ taˬ-euˬ kʼoeˇ taˆ lawˇ daˆ gʼeh-awˬ. Lawˇ-eu heu jeˬ-aˬ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ ngaˇ nui ma tsaˬ-eu meh.

Dawqdaq 20:9

Yawˬ ha nui ma yaw shawˇ suˇ ehˇ nya nmˇ. Yawˬ ha yaw lehˬ maˬ jaˆ suˇ no nym nmˇ.

Dawˬ tsoˆ 7:20

Yaw lehˬ tiˬ pawꞈ-iˬ maˬ mˇ-ehˇ, yaw dawˇ tehꞈ-ehˇ mˇ-eu tsawˇ muiˬ, miˇ taˆ tiˬ gʼaˬ-iˬ maˬ jawˇ-a.

Iˇsaˬyaˇ 47:12

Nyiˇ paˬ shiˇ-awˇ, boeˇ mawˬ toˇ gaˇ gʼoe-awˬ. Nyiˇ ngeh neh nawˇ kʼoeˇ gaˇ gʼoe-euˬ meh. Kʼoeˇ deuˬ nawˬ-ahˇ caw jaw-eu baˬ da neh, muiˇ-eu deuˬ-ahˇ nawˇ teh byaˆ nehˬ nya-eu baw le.

Iˇsaˬyaˇ 47:15

Nawˬ-euˬ tiˬ ziˇ gʼoe daˆ laꞈ-euˬ ja maw kʼoeˇ deuˬ, nawˬ-euˬ gʼaˇ duˬ heu loꞈ-ehˇ jahˇ tehꞈ-a. Dawˬ tawˆ luꞈ nawˬ-ahˇ byehˇ dzeh-awˇ, yawˬ ha gaˇ ma yawˬ ha iˇ-eu miˇ neh, nawˬ-ahˇ ka kʼoꞈ-eu maˬ jawˇ-a.”

Iˇsaˬyaˇ 48:8

Nawˬ-ahˇ maˬ jah coeˇ-eu ngaˇ siˬ nya ma. Dehꞈ le ngeh neh ngaˬ-ahˇ puiˬ-eu tsawˇ haˬ lehˇ bi kuˇ-euˬ meh. Kʼoeˇ miˇ neh gaˇ kawˆ heu nawˇ tiˬ jawˇ-iˬ maˬ ya gaˬ haw-ehˇ, nawˬ-euˬ naˬ bawˇ-ahˇ dawˬ tiˬ dawˬ-iˬ maˬ ahˇ leˇ haw-aˬ.

Iˇsaˬyaˇ 53:6

Aˬ dui dawˬ tawˆ byoˆ-iˇ-eu yawˇ deuˬ-ahˇ duˇ-awˇ, tiˬ gʼaˬ tiˬ paw iˇ byoˆ jiˇ taˬ-euˬ meh. Ehˇ kʼawꞈ, aˬ dui-ahˇ oꞈ-eu kʼehˬ-eu kʼaˆ-eu jeˬ dawˬ tawˆ, Sahˬpaˬ Miˬyehˇ-ahˇ aˬ yawꞈ-euˬ kʼoeˇ taˆ baꞈ daˆ nehˬ jiˇ-euˬ meh.

Iˇsaˬyaˇ 65:6

“Aˬ yawꞈ maꞈ-ahˇ kʼehˬ-eu gʼaˇ duˬ ngaˇ noeˬ tsehˆ-awˇ, yaˇ kʼaˬ daˇ nehˬ-eu gʼaˇ duˬ boꞈ ahˇ gʼaˬ-euˬ ma. Aˬ yawꞈ maꞈ-euˬ yaw lehˬ maˬ oˇ dzeuˇ ni, lehˬ-eu shaˬ bymˇ bi tawˆ jiˇ ma.

Yeˬlaˬmiˇ 17:9

Tsawˇ haˬ zaˬ-euˬ nui ma aˬ suˇ gʼaˬ siˬ nya ta. Nui ma loꞈ-ehˇ laꞈ gʼoꞈ baw-eu tiˬ jeˬ-iˬ maˬ jaˆ-a. Yaw cawˆ myaˬ-eu miˇ neh maˬ laˆ muiˬ geuꞈ nya-a.

Yeˬlaˬmiˇ 18:12

Ehˇ kʼawꞈ, aˬ yawꞈ maꞈ heu loꞈ-ehˇ ehˇ tehꞈ-a. ‘Aˬ jeˬ miˇ neh nga maꞈ dehꞈ jeˬ dehꞈ kawˆ paˇ-eu loˬ ta. Nga maꞈ nui ma kʼaˇ gʼahˇ mawꞈ-eu gʼahˇ-awˇ, yaw haiˬ jeˬ mˇ mˇ-ehˇ dehꞈ ma’ lehˇ ehˇ tehꞈ-a.”

Yeˬlaˬmiˇ 8:6

Ngaˇ yaw muiˬ-ehˇ naˇ haˬ duˬ ngeh, naw maꞈ ngehˬ-eu tmˇ-eu laꞈ kʼoeˇ, yaw tsaˬ yaw dawˇ jeˬ maˬ ahˇ nya. Yawˬ ha mˇ-euˬ yaw haiˬ jeˬ-ahˇ, nui ma laꞈ kʼoeˇ maˬ noeˬ shaˬ-ehˇ, yawˬ ha mˇ-euˬ lehˬ nga loˇ lehˇ, naˇ haˬ-eu tsawˇ haˬ maˬ jawˇ-a. Guiˇ deuˆ gaˇ coeˬ gʼeh-eu dziˬ mahˬ loꞈ-ehˇ, yawˬ gʼaˬ na luꞈ yawˬ ha nui kʼahˇ-ahˇ poˆ-eu meh.

Yeˬsaˬgeˬlaˇ 20:41

Naw maꞈ cehˆ byaˆ taˬ-euˬ miˇ kʼahˬ deuˬ laꞈ kʼoeˇ neh, naw maꞈ-ahˇ ngaˇ sheuˬ kʼoꞈ uiˬ laꞈ ngeh, naw maꞈ neh lawˇ-euˬ miˬ dzaˬ-ahˇ dzah puiˆ-awˇ lawˇ-eu jeˬ-ahˇ ngaˇ ha geuꞈ-awˇ, ngaˇ muiˬ-eu shawˇ-eu gaˇ kawˆ miˇ kʼahˬ tsawˇ jeuˬ deuˬ ya mawˇ duˬ tehꞈ-a.

Uˬ duˬ 1:13

Jeˬ zaˬ kʼoeˇ mawˇ-euˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ-ahˇ tsawˇ haˬ kʼoeˇ gʼaˬ ya tsiˬ shawˇ meh. Kʼoeˇ naˇ, lawˇ-eu jeˬ kʼoeˇ-ahˇ, piˇ ma gʼaˬ Sahˬpaˬ Miˬyehˇ jawˇ gaˇ yuˇ gʼeh-awˇ, mawˇ lah-ehˇ lawˇ duˬ kʼoeˇ taˆ dzah puiˆ-awˇ ya lawˇ meh. Heu loꞈ-ehˇ lawˇ-eu dzaˬ dzaˬ dawˇ dawˇ lawˇ-eu jeˬ-euˬ yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 1:17

Aˇ jiˇ kʼoeˇ mawˇ-euˬ a dahˇ-ahˇ aˬ yawꞈ tuˆ tehˬ-awˇ, aˬ dahˇ maˬ gʼeu tsehˆ doˆ-ehˇ, ya ngawˬ paˆ meh. Kʼoeˇ naˇ, mawˇ lah-ehˇ lawˇ duˬ kʼoeˇ taˆ ya dzah puiˆ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 1:9

Tsawˇ haˬ kʼoeˇ gʼaˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ ya tsiˬ shawˇ-awˇ, aˬ yuiꞈ geuꞈ-awˇ gaˇ mˇ luꞈ-eu piˇ ma gʼaˬ-aˬ, mawˇ neˇ kʼoeˇ mawˇ mawˇ lah ni lawˇ duˬ kʼoeˇ taˆ ya dzah puiˆ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ kʼoeˇ-ahˇ, Sahˬpaˬ Miˬyehˇ nui ma tsaˬ-eu meh.

Uˬ duˬ 26:31

Naw maꞈ-euˬ meuˬ deuˬ hawˇ-eu, uˬ duˬ tahˬ-eu jawˇ duˬ deuˬ ngaˇ laˆ cawˆ byoˆ jiˇ-awˇ, naw maꞈ neh lawˇ-euˬ jeˬ-ahˇ maˬ ha geuꞈ ni ngaˇ jawˇ ma.

Uˬ duˬ 4:31

Kʼoeˇ naˇ, cawˬ cawˬ taꞈ-eu lawˇ-eu jeˬ lawˇ ngeh sehꞈ-euˬ jeˬ zaˬ-euˬ tsiˇ deuˬ yuˇ doˆ-euˬ loꞈ-ehˇ, ciꞈ myehꞈ kʼoeˇ mawˇ-euˬ tsiˇ dawˬ tawˆ luꞈ aˬ yawꞈ yuˇ doˆ-awˇ, lawˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ ni, ciꞈ myehꞈ kʼoeˇ mawˇ-ahˇ, lawˇ duˬ kʼoeˇ taˆ dzah puiˆ-awˇ ya lawˇ meh. Kʼoeˇ loꞈ-ehˇ, piˇ ma gʼaˬ tsawˇ haˬ kʼoeˇ gʼaˬ-euˬ iˬ baˇ gʼaˇ duˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ ya buˬ-iˇ-eu meh.

Uˬ duˬ 8:28

Kʼoeˇ naˇ, dzaˇ kʼoeˇ deuˬ Moˇseˬ paˇ yuˇ-awˇ, miˬ dzaˬ dzah puiˆ-awˇ, lawˇ-eu jeˬ kʼoeˇ taˆ puiˆ daˆ-awˇ, aˇ yaˬ biꞈ-eu lawˇ-eu jeˬ lawˇ-euˬ meh. Heu-aˬ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ, Sahˬpaˬ Miˬyehˇ nui ma tsaˬ-eu meh.

Bawˇtsahˬ 15:3

miˬ dzaˬ dzah puiˆ-awˇ lawˇ-eu jeˬ maˬ kaˬ, saˇ jaˇ dzaˬ-eu lawˇ-eu jeˬ maˬ kaˬ, nui ma keuˆ-awˇ lawˇ-eu jeˬ maˬ kaˬ, aˬ myah myah lawˇ luꞈ-eu zahˇ sahˇ kʼoꞈ-ahˇ taꞈ leˇ-eu lawˇ-eu jeˬ maˬ kaˬ, tiˬ jeˬ paˬ lawˇ ngeh, mawˇ neˇ mawˇ gaw maˬ ehˇ, yawˇ aˬ buˬ maˬ ehˇ, yawˇ maˬ ngeuˇ naˇ ciꞈ myehꞈ maˬ ehˇ, Sahˬpaˬ Miˬyehˇ jawˇ gaˇ ya tsahˇ laꞈ meh. Kʼoeˇ loꞈ-ehˇ lawˇ-euˬ jeˬ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh.

Maꞈtehˬ 15:19

Aˬ jeˬ miˇ neh ehˇ naˇ, nui ma laꞈ kʼoeˇ neh doˆ laˇ-euˬ jeˬ-aˬ, aˬ cawˬ-ahˇ sehꞈ-eu, aˬ cawˬ-euˬ miˬ zaˬ yo zaˬ-ahˇ bahˬ-eu, heu loꞈ-ehˇ gʼeh-eu maˬ muiˬ maˬ jaˬ-eu nui noeˬ deuˬ hawˇ-eu, tahˇ joe joe-eu, jaˬ myawꞈ myawꞈ-eu, aˬ cawˬ-ahˇ maˬ ngeuˇ-eu jeˬ dehˬ lehꞈ-eu, heu loꞈ-ehˇ gʼeh-eu maˬ tsaˬ maˬ dawˇ-eu nui noeˬ nui loˆ deuˬ meh.

Yoˇhaˬ 3:6

Tsawˇ haˬ tiˬ gʼaˬ-euˬ shiˬ shaˬ jiˇ gʼawˇ mawˇ-aˬ, aˬ da aˬ ma baˬ da neh dehꞈ le-euˬ jeˬ pyeuꞈ-eu meh. Ehˇ kʼawꞈ, aˬ yawꞈ-euˬ laꞈ kʼoeˇ ahˇ-eu yaw sahˇ-aˬ, Yaw sahˇ Miˬyehˇ baˬ da neh dehꞈ le-euˬ jeˬ pyeuꞈ-eu meh.

Lormav 1:21

Aˬ yawꞈ maꞈ Miˬyehˇ-ahˇ siˬ nya-eu kʼawꞈ, taˬ huiˬ taˬ mahˇ nehˬ geuˇ-eu loꞈ-ehˇ maˬ taˬ huiˬ maˬ taˬ mahˇ-eu uˬ taꞈ, aˬ yawꞈ-euˬ guiˬ lahˬ-ahˇ maˬ siˬ nya-a. Aˬ yawꞈ maꞈ tiˬ jeˬ-iˬ maˬ noeˬ doˆ nya-ehˇ, nui ma kʼehˬ bahˬ zahˇ tsui ni jaˆ-eu meh.

Lormav 3:23

Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ iˬ baˇ mˇ-awˇ, Miˬyehˇ ka kʼoꞈ-eu jeˬ-ahˇ gaˇ mahˇ kaˬ-iˇ-euˬ meh.

2 Gawˇliˬtu 2:15

Aˬ jeˬ miˇ neh ehˇ naˇ, nga maꞈ-aˬ, ka kʼoꞈ-eu jeˬ za gʼaˬ-euˬ deuˬ jawˇ gaˇ maˬ ehˇ, piˬ-iˇ byoˆ-iˇ luꞈ-eu deuˬ jawˇ gaˇ maˬ ehˇ saw keuˆ-iˇ-euˬ, Ka li neh Miˬyehˇ-ahˇ lawˇ nehˬ-euˬ tsiˇ yaw saw jeˬ-ahˇ duˇ-eu ma.

Eˇpeˇsu 5:2

Ka li aˬ dui-ahˇ gaˬ-eu miˇ neh, Miˬyehˇ nui kʼahˇ shiˇ-eu saw dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ aˬ dui gʼaˇ duˬ lawˇ nehˬ-euˬ gaˇ duˇ ni, gʼoeˇ-eu gaˬ-eu jeˬ laꞈ kʼoeˇ dehꞈ gʼeh-awˬ.

Piˇliˇpiˆ 4:18

Naw maꞈ neh kʼaˇ biꞈ laꞈ-euˬ yawˬ jeˬ na luꞈ gʼaˇ duˬ, guiˬ lahˬ huiˬ-eu dawˬ tsaꞈ ahˇ laꞈ-eu ma. Ngaˇ loˬ-eu myaˆ maˬ tseˇ naw maꞈ ngaˬ-ahˇ biꞈ laˬ-euˬ meh. Naw maꞈ neh biꞈ laꞈ-euˬ laꞈ sawˬ deuˬ-ahˇ Iˇbaˬpawˬdiˇ neh hehˇ keuˆ nehˬ leꞈ-euˬ miˇ neh, ngaˇ kʼaˇ loˬ-eu jeˬ nymˬ-mˇ byah miˇ-a. Laꞈ sawˬ heu deuˬ-aˬ, Miˬyehˇ nui kʼahˇ shiˇ-awˇ ha geuꞈ-euˬ saw dui dui-eu lawˇ-eu jeˬ pyeuꞈ-eu meh.

1 Yoˇhaˬ 5:19

Miˇ tsaˬ zaˬ dawˬ tawˆ luꞈ Haiˬ dui dui-eu Gʼaˬ uˆ lahˇ-eu uˬ moˆ jawˇ luꞈ kʼawꞈ, aˬ dui-aˬ Miˬyehˇ-ahˇ taꞈ-eu tsawˇ haˬ ma lehˇ aˬ dui siˬ nya-eu ma.

1 Saˬmeuˬlaˆ 26:19

Ngaˇ aˬ jeˬ mˇ lehˬ taˬ-euˬ jaˆ ta. Sahˬ paˬ-oˇ, ngaˇ ehˇ gaˇ tiˬ poˆ naˇ haˬ sheˇ, Nawˇ ngaˬ-ahˇ muiˇ ni Sahˬpaˬ Miˬyehˇ neh jahˇ-euˬ ngeuˇ naˇ, aˬ yawꞈ-ahˇ lawˇ nehˬ shehˇ nehˬ ngeh aˬ yawꞈ nui ma paˇ laˇ tehꞈ-a. Ehˇ kʼawꞈ, tsawˇ haˬ zaˬ neh jahˇ-euˬ jeˬ ngeuˇ naˇ, aˬ yawꞈ maꞈ kʼoeˇ taˆ Sahˬpaˬ Miˬyehˇ neh yaˬ kʼehˇ yaˬ nehˬ-euˬ jeˬ keuˆ le luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ miˇ kʼahˬ laꞈ kʼoeˇ neh aˬ yawꞈ maꞈ ngaˬ-ahˇ teh doˆ-awˇ, boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ maˬ ngeuˇ naˇ uˬ duˬ tahˬ kʼaˇ maˬ za-eu bawˇ tsahˬ bawˇ dahˇ laꞈ kʼoeˇ bi shaˬ laꞈ-euˬ meh.