Aˇ dahˬ 8:1 - Akha

¹ Noˇaˬ hawˇ-eu aˬ yawꞈ nehˬ-ehˇ saˇ baoˬ laꞈ kʼoeˇ kʼaˇ uˇ-eu jeˬ zaˬ deuˬ-ahˇ Miˬyehˇ maˬ ngehˇ-a. Aˬ yawꞈ jaˬ lehˇ bi baw laˇ-awˇ, iˇ cuꞈ bi aw-iˇ-euˬ meh.

Aˇ dahˬ 8:1 ပူးပေါင်းရင်းမြစ်များ

Aˇ dahˬ 19:29

Lawˇtaˬ jawˇ luꞈ-eu deh ga laꞈ kʼoeˇ jaˆ-eu meuˬ kʼoeˇ nyiˬ meuˬ-ahˇ Miˬyehˇ laˆ cawˆ-euˬ kʼawꞈ, Miˬyehˇ-euˬ nui ma laꞈ kʼoeˇ Aˬbyaˬhaˬ-ahˇ noeˬ mawˇ-eu baˬ da neh, Lawˇtaˬ-ahˇ luˬ-iˇ seˇ-iˇ-eu jeˬ laꞈ kʼoeˇ bi buˬ-iˇ-euˬ meh.

Aˇ dahˬ 30:22

Kʼoeˇ naˇ, Laˬkeˬlaˇ-ahˇ Miˬyehˇ noeˬ keuˆ-awˇ, aˬ yawꞈ-euˬ guiˬ lahˬ shaˇ dawˬ-ahˇ naˇ haˬ nehˬ-eu laꞈ kʼoeˇ, aˬ yawꞈ-ahˇ zaˬ bi jawˇ le-euˬ meh.

Aˇ dahˬ 9:10

Kʼaˇ dehꞈ kʼaˇ jawˇ-eu jeˬ zaˬ deuˬ hawˇ-eu ho zaˬ nga jiˇ deuˬ nehˬ-ehˇ maˬ ehˇ, saˇ baoˬ laꞈ kʼoeˇ neh kʼaˇ doˆ le-euˬ jeˬ dawˬ tawˆ luꞈ nehˬ-ehˇ maˬ ehˇ, ngaˇ heu loꞈ-ehˇ dawˬ ma saˇ jaˇ dzaˬ-eu ma.

Neˬhaˬmiˇ 13:14

Ngaˬ-euˬ Miˬyehˇ-oˇ, nawˬ-euˬ Uˬ duˬ tahˬ nymˇ nymˇ ma hawˇ-eu kʼoeˇ gaˇ nawˬ-ahˇ uˬ duˬ ya tahˬ ni ngaˬ neh leh jeh-euˬ gaˇ heu deuˬ-ahˇ noeˬ keuˆ-eu laꞈ kʼoeˇ yawˬ ngehꞈ-ehˇ taˬ bi pyeuꞈ-iˇ nehˬ laꞈ.

Neˬhaˬmiˇ 13:22

Jawˇ nah-ahˇ bi muiˬ bi shawˇ-eu gʼaˇ duˬ, yawˬ ha-euˬ gʼawˇ mawˇ shawˇ-awˇ meuˬ-euˬ lahˇ kʼehˬ deuˬ-ahˇ loꞈ-iˇ-awˬ lehˇ, Leˬbiˇ tsawˇ haˬ deuˬ-ahˇ ngaˇ ehˇ nehˬ-euˬ meh. Miˬyehˇ-oˇ, ngaˇ kʼoeˇ loꞈ-ehˇ mˇ-euˬ gaˇ kʼawꞈ, noeˬ keuˆ nehˬ laꞈ-awˇ, huiˬ dui dui-eu nawˬ-eu gʼoeˇ-eu gaˬ-eu jeˬ baˬ da neh ngaˬ-ahˇ gʼawˬ shaˬ gaˬ nehˬ laꞈ-awˬ.

Neˬhaˬmiˇ 13:29

Miˬyehˇ-oˇ, piˇ ma-euˬ aˇ yaˬ-ahˇ maˬ ehˇ, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ nawˬ neh jaˇ taˬ-euˬ saˇ jaˇ-ahˇ maˬ ehˇ, tsawˇ haˬ kʼoeˇ deuˬ yawˬ ha-euˬ aˇ yaˬ-ahˇ yehˬ bawˬ sehˇ lu-ehˇ gʼeh-euˬ gaˇ taˬ ngehˇ nehˬ.

Neˬhaˬmiˇ 13:31

Lawˇ gaˇ shehˇ gaˇ doꞈ-eu miˬ dzaˬ aˇ yamˬ tsaˬ tsaˬ ni yuˇ laꞈ-eu gʼaˇ duˬ maˬ ehˇ, keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ sha laˇ-eu gʼaˇ duˬ maˬ ehˇ, ngaˇ gaˇ kawˆ laˆ saˆ nehˬ-euˬ meh. Miˬyehˇ-oˇ, kʼoeˇ deuˬ dawˬ tawˆ luꞈ-ahˇ noeˬ keuˆ-awˇ, ngaˬ-ahˇ taˬ ngehˇ nehˬ laꞈ.

Yawˇbaˆ 12:15

Uˬ yehˇ-ahˇ Miˬyehˇ nyehꞈ tehˬ taˬ ngeh mˬ gʼmˇ gʼmˇ-awˇ, aˬ yawꞈ iˇ cuꞈ pyehˬ ka leꞈ ngeh iˇ jeuˬ oe-eu meh.

Yawˇbaˆ 14:13

“Shiˇ-eu miˇ kʼahˬ laꞈ kʼoeˇ nawˇ ngaˬ-ahˇ ciˬ zaꞈ nehˬ laꞈ law nmˇ-aˬ lehˇ noeˬ miˇ-a. Nawˇ nui ma pehˇ-eu shuꞈ-iˇ ngeh keuˆ ni, ngaˬ-ahˇ kʼoeˇ gaˇ ciˬ zaꞈ-awˇ, ngaˬ-ahˇ noeˬ keuˆ-eu aˇ nah tiˬ nah bi baw-awˬ.

Jaceuq 105:42

Aˬ yawꞈ-euˬ zaˬ kʼaˆ Aˬbyaˬhaˬ nehˬ-ehˇ dzaˬ-euˬ, muiˬ-eu shawˇ-eu dawˬ ma saˇ jaˇ-ahˇ, aˬ yawꞈ noeˬ mawˇ-euˬ meh.

Jaceuq 106:4

Sahˬpaˬ Miˬyehˇ-oˇ, nawˬ-euˬ tsawˇ haˬ deuˬ-ahˇ nawˇ ngehˬ gʼeh ngeh, ngaˬ-ahˇ taˬ ngehˇ nehˬ laꞈ. Aˬ yawꞈ maꞈ-ahˇ nawˇ ka kʼoꞈ ngeh, ngaˬ-ahˇ taˬ byehˇ dzeh nehˬ laꞈ.

Jaceuq 115:12

Sahˬpaˬ Miˬyehˇ aˬ dui-ahˇ maˬ ngehˇ-ehˇ, guiˬ lahˬ biꞈ loꞈ luꞈ meh. Iˇsaˬleˬlaˆ tsawˇ haˬ deuˬ hawˇ-eu, Miˬyehˇ-euˬ piˇ ma dawˬ tawˆ luꞈ-ahˇ, aˬ yawꞈ guiˬ lahˬ biꞈ tehꞈ-a.

Jaceuq 132:1

Sahˬpaˬ Miˬyehˇ-oˇ, Daˬbiˇ-ahˇ taˬ ngehˇ. Aˬ yawꞈ ya daˬ-euˬ shaˬ zahˬ-ahˇ taˬ ngehˇ.

Jaceuq 136:23

Aˬ cawˬ aˬ dui-ahˇ gʼaˬ laˇ ngeh, aˬ dui-ahˇ aˬ yawꞈ maˬ ngehˇ-a. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 137:7

Yeˬluˇsaˬlehˬ meuˬ-ahˇ deuˆ gʼaˬ ngeh nah, Eˬdoˬ tsawˇ haˬ deuˬ neh jahˇ nehˬ laꞈ-euˬ jeˬ-ahˇ taˬ ngehˇ. “Meuˬ teu meuˬ miˇ tsa tuˆ ni laˆ meuˇ nehˬ-awˬ” lehˇ, aˬ yawꞈ maꞈ ehˇ nawˆ nawˆ-euˬ gaˇ taˬ ngehˇ.

Jaceuq 29:10

Huiˬdui dui-eu iˇcuꞈ kʼoeˇtaˆ, SahˬpaˬMiˬyehˇnuiˇluꞈ-eu meh. mˬmaˬmaˬbyaˆzaˇziˇ dzoeˬdzaˬ, SahˬpaˬMiˬyehˇ-ahˇoꞈ-eu meh.

Jaceuq 36:6

Nawˬ-euˬyaw tsaˬyaw dawˇjeˬ-aˬ, gawˬjawˬloꞈ-ehˇ goˇdui dui-awˇ, nawˬ-euˬ yaw sui yaw dawˇjeˬ-aˬ, laˆshaˆloꞈ-ehˇ naꞈdui dui-awˇ, tsawˇhaˬhawˇ-eu jeˬzaˬdeuˬ-ahˇ, nawˇngehˬgʼeh dah teˬluꞈ-eu meh.

Doˆ-iˇ 14:21

Iˬ ma laˆ shaˆ kʼoeˇ taˆ Moˇseˬ aˬ laꞈ cawˬ ja ngeh, Sahˬpaˬ Miˬyehˇ nahˇ ma doˆ kʼehˬ paw neh jaˬ lehˇ lehˇ ma bi baw gʼeh leꞈ-awˇ, iˬ ma laˆ shaˆ iˇ cuꞈ bi baw kʼoꞈ gʼeh-euˬ meh. Jaˬ lehˇ kʼoeˇ bahˬ uˬ ciꞈ miˇ lah-ehˇ baw-euˬ miˇ neh, iˇ cuꞈ nyiˬ paˆ-ehˇ paˆ-iˇ-awˇ, iˬ ma laˆ shaˆ gui coˇ ni pyeuꞈ-iˇ-euˬ meh.

Doˆ-iˇ 15:10

Ehˇ kʼawꞈ, Sahˬpaˬ Miˬyehˇ nawˇ saꞈ tiˬ poˆ baw gʼeh ngeh, Iˇjiˇtuˆ tsawˇ haˬ deuˬ iˇ cuꞈ-ahˇ bu-awˇ, guˆ laˇ paˬ-ehˇ gʼeh-eu iˇ cuꞈ laꞈ kʼoeˇ, za siˬ loꞈ-ehˇ aˬ yawꞈ maꞈ ga nuiꞈ-euˬ meh.

Doˆ-iˇ 2:24

Aˬ yawꞈ maꞈ shaˬ zahˬ naꞈ-eu laꞈ kʼoeˇ ngoeˇ luꞈ-eu teˇ saˇ-ahˇ Miˬyehˇ ya gaˬ ngeh, Aˬbyaˬhaˬ, Iˇtsaˆ hawˇ-eu Yaˬkoˆ-ahˇ aˬ yawꞈ neh dawˬ ma saˇ jaˇ dzaˬ taˬ-euˬ gaˇ noeˬ keuˆ-euˬ meh.

Dawqdaq 25:23

Laꞈ taˆ paw neh baw gʼeh leꞈ-eu jaˬ lehˇ uˬ yehˇ hehˇ ahˇ leꞈ-eu yaw duˬ baw-eu loꞈ-ehˇ, ja bu-eu jeˬ iˬ dehˬ iˬ ceh bi keuˆ le-eu yaw duˬ baw-eu meh.

Iˇsaˬyaˇ 44:27

Ngaˇ dawˬ kʼaˆ tiˬ dawˬ biꞈ-awˇ, iˬ ma laˆ shaˆ-ahˇ bi gui-iˇ-euˬ ma.

Yeˬlaˬmiˇ 50:38

Aˬ yawꞈ miˇ kʼahˬ mˬ gʼmˇ gʼmˇ-awˇ, lawˇ baˬ gui jiˇ luꞈ-uˇ. Miˇ kʼahˬ kʼoeˇ kʼahˬ tahˬ pahˬ aˬ ma mawˇ kawˇ byah -awˇ, miˇ kʼahˬ zaˬ deuˬ bi laˆ uˬ jiˇ tehꞈ-a.

Aˬmoˆ 8:7

Iˇsaˬleˬlaˆ tsawˇ haˬ deuˬ nui ma huiˬ duˬ pyeuꞈ-eu Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ meh. “Aˬ yawꞈ maꞈ neh mˇ-euˬ yaw haiˬ jeˬ-ahˇ ngaˇ tiˬ jawˇ-iˬ maˬ ngehˇ.

Yawˇnaˆ 4:11

Toˆ-ehˇ ngeuˇ naˇ, huiˬ dui dui-eu Niˇnaˬbeˬ meuˬ kʼoeˇ meuˬ-ahˇ ngaˇ aˇ naˆ ni gʼawˬ shaˬ gaˬ paˬ-ehˇ gʼeh-eu nga. Meuˬ kʼoeˇ meuˬ laꞈ kʼoeˇ iˬ baˇ maˬ ahˇ-eu zaˬ yaw nyiˇ tiˬ seh nyiˬ muiˇ gʼaˬ dzehˬ ni jawˇ-awˇ, jeˬ zaˬ kʼawꞈ myaˬ dui dui-eu meh.”

Naˬhmˬ 1:4

Laˆ shaˆ-ahˇ aˬ yawꞈ dawˬ biꞈ-awˇ, laˆ shaˆ iˇ cuꞈ bi gui-iˇ-awˇ, lawˇ baˬ iˇ cuꞈ gui jiˇ-eu meh. Gaˬlaˬmeˬlaˇ gawˬ jawˬ koˆ-iˇ, Baˬshaˬ deh ga gui-iˇ jiˇ-awˇ, Leˬbaˬnoˬ gawˬ jawˬ-ahˇ poˬ-eu, aˇ yehˆ nyoeˬ jiˇ koˆ jiˇ-eu meh.

Haˬbaˬkuˆ 3:2

“Sahˬpaˬ Miˬyehˇ nawˬ-euˬ tsawˇ myahˇ, tsawˇ myahˇ huiˬ-eu ngaˇ ya gaˬ-awˇ, Sahˬpaˬ Miˬyehˇ nawˇ mˇ-euˬ gaˇ, ngaˬ-ahˇ zahˬ dui dui leˇ miˇ-a. Aˇ hu mˇ-euˬ huiˬ-eu gaˇ deuˬ, iˬ nah paˇ mˇ poˆ nehˬ laꞈ yawˬ. Nawˇ nui ma pehˇ dui dui ngeh kʼawꞈ, gʼawˬ shaˬ gaˬ-eu taˬ byehˇ nehˬ laꞈ.

Zaˬkaˬliˇ 10:11

Shaˬ zahˬ laˆ shaˆ yawꞈ maꞈ tsehˆ ngeh, Sahˬpaˬ Miˬyehˇ pyeuꞈ-eu ngaˇ gʼaˬ, iˇ luˆ dzeh gaˇ daˇ cuiˇ zuiˆ-awˇ, naꞈ-eu Niˬlaˇ lawˇ baˬ baˬ ma, gui coˇ ni ya tsiˇ leˇ tehꞈ-a. Aˬshuˇliˆ nui ma ga juˬ-awˇ, Iˇjiˇtuˆ gʼaˬ baˬ-iˇ tehꞈ-a.

Bawˇtsahˬ 10:9

Naw maꞈ yawˬ haˇ yawˬ ha ka kʼoꞈ-eu gʼaˇ duˬ, naw maꞈ-ahˇ guiˇ deuˆ le-eu muiˇ-eu deuˬ nehˬ-ehˇ naw maꞈ miˇ kʼahˬ laꞈ kʼoeˇ guiˇ deuˆ ceh ceh ngeh, daˇ heh kʼoeˇ yuˇ-awˇ guiˇ deuˆ-eu daˇ heh teˇ saˇ baw-awˬ. Kʼoeˇ ngeh, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ caw ba le-awˇ, muiˇ-eu deuˬ-euˬ aˬ laꞈ laꞈ kʼoeˇ naw maꞈ-ahˇ ka kʼoꞈ nehˬ ma.

Bawˇtsahˬ 22:32

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Aˬ jeˬ miˇ neh nawˬ-euˬ mahˬ tahˬ laˆ-ahˇ smˬ poˆ keuˆ ni nawˇ heu loꞈ-ehˇ diˬ te. Gaˇ ma heu kahˇ-ahˇ nawˇ le-eu maˬ tsaˬ-eu miˇ neh, laˆ tsoeˬ le-eu lehˇ ngaˇ oe-euˬ ma.

Panmaeq 16:19

Huiˬ dui dui-eu meuˬ kʼoeˇ meuˬ smˬ paˆ luˆ paˆ dzeh-awˇ, miˇ kʼahˬ yawˬ kʼahˬ na luꞈ laꞈ kʼoeˇ kʼaˇ jaˆ-eu meuˬ dawˬ tawˆ luꞈ cawˆ jiˇ-euˬ meh. Baˬbuˬloˬ meuˬ-ahˇ Miˬyehˇ maˬ ngehˇ-ehˇ, yawˬ ha-euˬ kʼmˬ maˬ-ahˇ dahˬ-eu aˬ gaꞈ dzaˇ uiˇ yawˬ haˇ yawˬ ha bi dawˇ-euˬ meh. Aˬ gaꞈ dzaˇ uiˇ kʼoeˇ-aˬ, aˬ yawꞈ-euˬ nui ma pehˇ-eu jeˬ pyeuꞈ-eu meh.

Panmaeq 18:5

Yawꞈ-euˬ iˬ baˇ mˬ-ahˇ tuˆ-awˇ, yawꞈ neh mˇ-euˬ yaw haiˬ jeˬ-ahˇ, Miˬyehˇ ngehˇ-awˇ maˬ taˬ nehˬ-a.

1 Saˬmeuˬlaˆ 1:19

Yawˬ shawˬ yawˬ Eˇlaˬkaˬnaˬ hawˇ-eu aˬ yawꞈ-euˬ miˬ sawˇ zaˬ deuˬ yaw naꞈ-ehˇ tuˇ-awˇ, Sahˬpaˬ Miˬyehˇ-ahˇ uˬ duˬ tahˬ gʼaˬ ngeh, Laˬ mahˇ meuˬ-ahˇ gʼoꞈ-iˇ-euˬ meh. Eˇlaˬkaˬnaˬ hawˇ-eu Haˬnahˬ aˬ nyaꞈ dzeˇ zaˬ jawˇ taꞈ-awˇ, Haˬnahˬ-euˬ guiˬ lahˬ shaˇ dawˬ-ahˇ Miˬyehˇ noeˬ keuˆ nehˬ-euˬ meh.