Aˇ dahˬ 6:17 - Akha

¹⁷ Miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ laˆ cawˆ-eu gʼaˇ duˬ, iˇ cuꞈ bi dahˬ daˆ laˇ ma. Miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ dawˬ tawˆ luꞈ shiˇ jiˇ tehꞈ-a.

Aˇ dahˬ 6:17 ပူးပေါင်းရင်းမြစ်များ

Aˇ dahˬ 2:7

Kʼoeˇ ngeh, Miˬyehˇ pyeuꞈ-eu Sahˬpaˬ Miˬyehˇ miˇ tsaˬ-ahˇ shaˬ jehˆ ui cuiˆ tsuˆ doˆ-awˇ, tsawˇ haˬ mawˇ kawˇ tehˆ-euˬ meh. Kʼoeˇ naˇ, naˇ mehˇ laꞈ kʼoeˇ dehꞈ-eu saꞈ laˇ baw ahˇ nehˬ ngeh, tsawˇ haˬ kʼoeˇ gʼaˬ yaw dehꞈ dehꞈ laˇ-euˬ meh.

Aˇ dahˬ 6:13

Noˇaˬ-ahˇ Miˬyehˇ ehˇ nehˬ-eu, “Tsawˇ haˬ dawˬ tawˆ luꞈ bi shiˇ jiˇ-awˇ, ziˇ dahˬ bi dahˬ-iˇ ma lehˇ ngaˇ noeˬ tsehˆ taˬ-euˬ ma. Aˬ yawꞈ maꞈ dawˬ tawˆ luꞈ piˬ-iˇ byoˆ-iˇ jiˇ ngeh keuˆ ni, ngaˇ jahˇ nehˬ ma. Aˬ jeˬ miˇ neh ehˇ naˇ, miˇ kʼahˬ kʼahˬ lah ni aˬ yawꞈ maꞈ neh yaw haiˬ jeˬ mˇ byah jiˇ taˬ-euˬ meh.

Aˇ dahˬ 6:16

Saˇ baoˬ kʼoeˇ laˇ-euˬ nymˇ mˬ joe ngeh, kaˇ pyawˇ hawˇ-eu behˆ yaw kaˬ maˬ bi tuˆ ni, tiˬ caˆ bi dahˇ-awˬ. Saˇ baoˬ kʼoeˇ laˇ-ahˇ smˬ tiˆ tsoˆ baw-awˇ, pyawˬ ma pyawˬ-ahˇ laˇ gʼoˆ tiˬ gʼoˆ bi dahˇ-awˬ.

Aˇ dahˬ 6:7

Kʼoeˇ ngeh, aˬ yawꞈ heu loꞈ-ehˇ ehˇ-eu meh. “Ngaˬ neh beh taˬ-euˬ tsawˇ haˬ zaˬ heu deuˬ dawˬ tawˆ luꞈ-ahˇ ngaˇ laˆ cawˆ byoˆ jiˇ ma. Jeˬ zaˬ hawˇ-eu ho zaˬ nga jiˇ dawˬ tawˆ luꞈ-ahˇ kʼawꞈ, ngaˇ laˆ byoˆ jiˇ ma. Teu deuˬ-ahˇ beh-euˬ baˬ da neh ngaˇ aˇ dzehˬ-ehˇ ya noeˬ shaˬ nya.”

Aˇ dahˬ 7:15

Kʼaˇ dehꞈ kʼaˇ jawˇ-eu jeˬ dawˬ tawˆ luꞈ, tiˬ jeˬ-euˬ aˬ poeˇ aˬ ma tiˬ gu, Noˇaˬ nehˬ-ehˇ saˇ baoˬ laꞈ kʼoeˇ le uˇ jiˇ-euˬ meh.

Aˇ dahˬ 7:17

Oeˬ tseˇ nah keuˆ ni iˇ cuꞈ dahˬ daˆ laˇ ngeh, saˇ baoˬ jaˆ gaˇ keuˆ ni iˇ cuꞈ dahˬ keuˆ laˇ-awˇ, saˇ baoˬ kʼoeˇ laˇ-ahˇ bu diˇ-euˬ meh.

Aˇ dahˬ 7:4

Nya taꞈ shiꞈ nah byah laˇ naˇ, ngaˬ neh kʼaˇ beh taˬ-euˬ kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ laˆ cawˆ-eu gʼaˇ duˬ, oeˬ tseˇ nah oeˬ tseˇ miˇ uˬ yehˇ bi yehˇ le ma.”

Aˇ dahˬ 9:9

“Naw maꞈ nehˬ-ehˇ maˬ ehˇ, naw maꞈ-euˬ zaˬ deuˬ uˆ deuˬ nehˬ-ehˇ maˬ ehˇ, nymˬ-mˇ ngaˇ dawˬ ma saˇ jaˇ dzaˬ taꞈ-eu ma.

Yawˇbaˆ 22:16

Aˬ yawꞈ maꞈ-euˬ aˇ nah aˇ yamˬ maˬ keuˆ laˇ mi naˆ-ehˇ, iˇ jeuˬ oe-awˇ bi dehˬ dzaˬ-euˬ meh.

Jaceuq 107:34

Miˇ muiˬ muiˬ gaˇ jawˇ-eu tsawˇ haˬ deuˬ maˬ muiˬ-eu miˇ neh, miˇ tsaˬ saˬ deuꞈ deh ga pyeuꞈ-iˇ ni, aˬ yawꞈ jahˇ nehˬ-euˬ meh.

Jaceuq 29:10

Huiˬdui dui-eu iˇcuꞈ kʼoeˇtaˆ, SahˬpaˬMiˬyehˇnuiˇluꞈ-eu meh. mˬmaˬmaˬbyaˆzaˇziˇ dzoeˬdzaˬ, SahˬpaˬMiˬyehˇ-ahˇoꞈ-eu meh.

Doˆ-iˇ 14:17

Iˇjiˇtuˆ tsawˇ haˬ deuˬ-ahˇ ngaˇ nui ma bi gʼahˇ dui dui laˇ-awˇ, aˬ yawꞈ maꞈ kʼawꞈ, Iˇsaˬleˬlaˆ tsawˇ haˬ deuˬ mehˬ nah caw teh uˇ gʼeh leꞈ tehꞈ-a. Kʼoeˇ ngeh, sahˬ paˬ kʼoeˇ gʼaˬ kʼoeˇ taˆ maˬ ehˇ, aˬ yawꞈ-euˬ guiˇ maꞈ kʼoeˇ taˆ maˬ ehˇ, aˬ yawꞈ-euˬ mahˬ laˆ lawˬ deuˬ kʼoeˇ taˆ maˬ ehˇ, mahˬ laˆ lawˬ teh-eu tsawˇ haˬ deuˬ kʼoeˇ taˆ maˬ ehˇ, ngaˇ guiˇ deuˆ gʼaˬ-awˇ, aˬ cawˬ ngaˬ-ahˇ taˬ huiˬ taˬ mahˇ tehꞈ-a.

Iˇsaˬyaˇ 51:12

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ gʼaˬ biꞈ nehˬ-eu gʼaˬ ngaˇ ma. Daˬ yawˬ yaˇ moꞈ loˆ ni gʼeh-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ aˬ jeˬ miˇ neh naw maꞈ guˆ te.

Iˇsaˬyaˇ 54:9

“Miˇ tsaˬ kʼoeˇ taˆ iˇ cuꞈ maˬ paˇ bi dahˬ pymˬ-eu gʼaˇ duˬ, Noˇaˬ-euˬ ziˇ-ahˇ ngaˇ saˇ jaˇ biꞈ-euˬ loꞈ-ehˇ, nawˬ-ahˇ nui ma maˬ paˇ pehˇ-eu gʼaˇ duˬ nymˬ-mˇ ngaˇ saˇ jaˇ biꞈ-eu ma. Nawˬ-ahˇ ngaˇ maˬ paˇ byehˇ dzeh ma.

Yeˬsaˬgeˬlaˇ 34:11

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Ngaˬ-euˬ gʼawˇ mawˇ ngaˬ-euˬ yawˇ deuˬ-ahˇ poˆ-awˇ, bo saˆ ma.

Yeˬsaˬgeˬlaˇ 34:20

“Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, nymˬ-mˇ naw maꞈ-ahˇ heu loꞈ-ehˇ ehˇ-eu ma. Naw maꞈ gʼaˬ kʼaˆ-eu yawˇ deuˬ hawˇ-eu, gʼaˬ baˬ-eu yawˇ deuˬ-ahˇ ngaˇ yaˇ kʼaˬ daˇ ma.

Yeˬsaˬgeˬlaˇ 5:8

Kʼoeˇ miˇ neh, ngaˇ nawˬ-ahˇ muiˇ-eu ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Tsawˇ jeuˬ dawˬ tawˆ luꞈ mehˬ shi, nawˬ-ahˇ ngaˇ yaˇ kʼaˬ daˇ ma.

Yeˬsaˬgeˬlaˇ 6:3

Sahˬpaˬ Miˬyehˇ-euˬ ehˇ dawˬ naˇ haˬ-awˬ lehˇ, Iˇsaˬleˬlaˆ gawˬ jawˬ deuˬ-ahˇ ehˇ nehˬ-awˬ. Gawˬ jawˬ gawˬ duˇ, lo guˇ gʼaˬ lawˬ deuˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ nehˬ gaˇ naˇ haˬ-awˬ lehˇ ehˇ nehˬ-awˬ. Tahˬ pahˬ aˬ ma mawˇ kawˇ-ahˇ uˬ duˬ tahˬ-eu jawˇ duˬ deuˬ-ahˇ bi laˆ cawˆ-eu gʼaˇ duˬ, ngaˇ mi cehˇ bi oe ma.

Hawˇseˬ 5:14

Haiˬ-eu aˇ laˬ jaˬ shiˇ loꞈ-ehˇ, Iˇsaˬleˬlaˆ-ahˇ tsawˬ kawꞈ ma. Gʼeh-eu aˇ laˬ jaˬ shiˇ loꞈ-ehˇ, Yuˇdaˆ miˇ kʼahˬ-ahˇ tsawˬ kawꞈ ma. Cehˬ pyaˬ cehˬ shaˇ-awˇ bi ga-awˇ, kawꞈ tehˬ-awˇ gʼeu byoˆ gʼeh nehˬ ngeh, ka kʼoꞈ nehˬ-eu gʼaˬ maˬ jawˇ-aˇ.

Uˬ duˬ 26:28

ngaˇ nui ma pehˇ laˇ-eu laꞈ kʼoeˇ, yaw beh naˆ maˬ tseˇ shiꞈ bymˇ paˇ kʼaˆ dzehˬ-eu kʼehˬ-eu kʼaˆ-eu jeˬ, naw maꞈ kʼoeˇ taˆ paˇ bi keuˆ le ma.

Aˬmoˆ 9:6

Sahˬpaˬ Miˬyehˇ mˬ-euˬ kʼoeˇ taˆ, aˬ yawꞈ jawˇ-eu nymˇ tsoˆ taˬ-awˇ, laˆ shaˆ iˇ cuꞈ-ahˇ kuˇ daˆ-awˇ, miˇ tsaˬ kʼoeˇ taˆ shehˆ shehˬ-euˬ meh. Yawꞈ tsawˇ myahˇ Sahˬpaˬ Miˬyehˇ meh.

Maꞈtehˬ 24:39

Iˇ cuꞈ huiˬ le-awˇ, aˬ yawꞈ maꞈ-ahˇ dehˬ dzaˬ gʼeh ngeh keuˆ ni, aˬ jeˬ keuˆ le-euˬ aˬ yawꞈ maꞈ-ahˇ maˬ siˬ leˇ-a. Tsawˇhaˬ-euˬ Zaˬmaˇ oe ngeh kʼawꞈ, kʼoeˇ gaˇ duˇ tehꞈ-a.

Luˇkaꞈ 17:27

Noˇaˬ saˇ baoˬ laꞈ kʼoeˇ uˇ leˇ-awˇ, aˬ yawꞈ maꞈ-ahˇ iˇ cuꞈ dahˬ pymˬ sehꞈ jiˇ-euˬ aˇ nah kʼoeˇ nah-ahˇ keuˆ ni, aˬ yawꞈ maꞈ dzaˬ-awˇ dawˇ-awˇ, miˬ zaˬ laˬ smˇ miˇ iˇ-eu maˬ tsehˆ leˇ-a.

Lormav 5:21

Kʼoeˇ miˇ neh, iˬ baˇ-aˬ, shiˇ-eu jeˬ-ahˇ gʼoe-awˇ uˆ lahˇ-eu loꞈ-ehˇ, Miˬyehˇ-euˬ guiˬ lahˬ-aˬ, yaw tsaˬ yaw dawˇ jeˬ-ahˇ gʼoe-awˇ uˆ lahˇ-eu laꞈ koeˇ, aˬ dui-euˬ Sahˬpaˬ Yeˬsuˇ Ka li-ahˇ gʼoe-awˇ mˬ maˬ maˬ byaˆ zaˇ ziˇ dehꞈ gaˇ sheuˬ gʼeh laꞈ-euˬ meh.

Lormav 6:23

Aˬ jeˬ miˇ neh ehˇ naˇ, iˬ baˇ-euˬ aˇ poeˬ-aˬ, shiˇ-eu jeˬ pyeuꞈ-eu meh. Ehˇ kʼawꞈ, Miˬyehˇ neh yawꞈ ngehꞈ-ehˇ biꞈ nehˬ laꞈ-euˬ laꞈ sawˬ-aˬ, aˬ dui-euˬ Sahˬpaˬ Yeˬsuˇ Ka li laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Dawˬmehˬ 32:39

“‘Ngaˇ tiˬ gʼaˬ tehꞈ-ehˇ Miˬyehˇ ma. Nui deuˬ-aˬ miˬ yehˇ maˬ ngeuˇ-a. Toeˬ dehꞈ toeˬ shiˇ ngaˇ pyeuꞈ-eu ma. Laˆ naˇ-awˇ laˆ taˬ-eu ngaˇ ma. Ngaˬ-euˬ nui loˆ ngaˇ dzoeˬ luꞈ gaˇ, laˆ tsoeˬ peuˬ-eu gʼaˬ maˬ jawˇ-a.

HeˬByehˇ 11:7

Mehˬ hu paw pyeuꞈ laˇ-eu lehˇ gʼeh-eu maˬ ya mawˇ-eu gaˇ kawˆ deuˬ-ahˇ yahˇ-awˇ dehꞈ-eu gʼaˇ duˬ, Miˬyehˇ Noˇaˬ-ahˇ dawˬ biꞈ ngeh Noˇaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Miˬyehˇ-euˬ ehˇ dawˬ-ahˇ aˬ yawꞈ naˇ haˬ-eu laꞈ kʼoeˇ, aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ deuˬ ya buˬ-iˇ ni saˇ baoˬ tiˬ laˇ tsoˆ-euˬ meh. Kʼoeˇ loꞈ-ehˇ mˇ-eu laꞈ kʼoeˇ, Miˬyehˇ-ahˇ byehˇ dzeh-euˬ tsawˇ haˬ kʼoeˇ deuˬ-ahˇ aˬ yawꞈ gʼawˬ tsehˆ tsehˆ-awˇ, jah-eu baˬ da neh Miˬyehˇ-euˬ yaw tsaˬ yaw dawˇ jeˬ-ahˇ aˬ yawꞈ za-euˬ meh.;

1 Beˬtuˆluˆ 3:20

Bi ka lahˇ taˬ-euˬ saꞈ laˇ kʼoeˇ deuˬ-aˬ, Noˇaˬ saˇ baoˬ jahˇ-euˬ ziˇ kʼoeˇ ziˇ-ahˇ Miˬyehˇ nui ma gʼawˬ mahˇ ni taˬ-awˇ dawˬ-euˬ kʼawꞈ, Miˬyehˇ-euˬ ehˇ dawˬ maˬ naˇ haˬ-euˬ tsawˇ haˬ kʼoeˇ deuˬ-euˬ saꞈ laˇ deuˬ meh. Saˇ baoˬ laꞈ kʼoeˇ uˇ leˇ-euˬ tsawˇ haˬ yehꞈ gʼaˬ tehꞈ-ehˇ Miˬyehˇ neh iˇ cuꞈ-ahˇ bi buˬ-iˇ-euˬ meh.

2 Beˬtuˆluˆ 2:5

Aˇ hu ba miˇ tsaˬ kʼoeˇ taˆ dehꞈ-eu deuˬ-ahˇ kʼawꞈ, Miˬyehˇ maˬ taˬ nehˬ-ehˇ, Miˬyehˇ-ahˇ yaw zeu maˬ baw-eu tsawˇ haˬ deuˬ-ahˇ iˇ cuꞈ bi dahˬ pymˬ-euˬ meh. Yaw tsaˬ yaw dawˇ jeˬ mehˬ-eu gʼaˬ pyeuꞈ-eu Noˇaˬ hawˇ-eu tsawˇ haˬ shiꞈ gʼaˬ-ahˇ tehꞈ-ehˇ aˬ yawꞈ ka kʼoꞈ-euˬ meh.