Aˇ dahˬ 50:23 - Akha

²³ Eˇpaˬleˬ-euˬ zaˬ deuˬ hawˇ-eu oeˬ paˬ oeˬ ma deuˬ mawˇ le ngeh keuˆ ni, aˬ yawꞈ dehꞈ keuˆ-euˬ meh. Maˬnaˇseˬ-euˬ aˬ li Maˬkiˬlaˇ-euˬ zaˬ deuˬ-ahˇ kʼawꞈ, aˬ yawꞈ maˬ shiˇ mi naˆ-ehˇ aˬ yawꞈ-euˬ miˬ sawˇ zaˬ deuˬ laꞈ kʼoeˇ ha ahˇ nehˬ yaꞈ-euˬ meh.

Aˇ dahˬ 50:23 ပူးပေါင်းရင်းမြစ်များ

Aˇ dahˬ 30:3

Laˬkeˬlaˇ ehˇ-eu, “Ngaˬ-euˬ zaˬ kʼaˆ Biˇlaˬhaˇ jawˇ ma. Aˬ yawꞈ zaˬ jawˇ le ni, aˬ yawꞈ nehˬ-ehˇ yuꞈ taꞈ haw sheˇ. Kʼoeˇ loꞈ-ehˇ jahˇ naˇ, aˬ yawꞈ baˬ da neh ngaˇ zaˬ aˬ ma ya pyeuꞈ laˇ tehꞈ-a.”

Aˇ dahˬ 48:19

Ehˇ kʼawꞈ, Yoˇsehˆ ehˇ gaˇ Yaˬkoˆ maˬ naˇ haˬ-ehˇ, “Ngaˇ siˬ nya ma li-oˇ. Ngaˇ siˬ nya ma. Maˬnaˇseˬ-euˬ zaˬ deuˬ uˆ deuˬ kʼawꞈ, huiˬ-eu tsawˇ jeuˬ pyeuꞈ laˇ tehꞈ-a. Ehˇ kʼawꞈ, aˬ nyiˇ gʼaˬ aˬ yawꞈ naˆ maˬ tseˇ huiˬ dzehˬ-awˇ, aˬ nyiˇ gʼaˬ-euˬ zaˬ deuˬ uˆ deuˬ huiˬ dui myaˬ dui dui-eu tsawˇ jeuˬ deuˬ pyeuꞈ laˇ tehꞈ-a” lehˇ ehˇ-eu meh.

Aˇ dahˬ 49:12

Aˬ yawꞈ-euˬ myaˆ nuiˆ neˇ laˇ ngeh keuˆ ni, aˬ gaꞈ dzaˇ uiˇ aˬ yawꞈ ya dawˇ tehꞈ-a. Aˬ yawꞈ-euˬ seuˬ ba ceuˬ ni pyeuꞈ laˇ ngeh keuˆ ni, mawˇ neˇ aˬ coeˇ aˬ yawꞈ ya dawˇ tehꞈ-a.

Aˇ dahˬ 50:22

Yoˇsehˆ-aˬ, aˬ yawꞈ aˬ da-euˬ miˬ sawˇ zaˬ deuˬ nehˬ-ehˇ Iˇjiˇtuˆ miˇ kʼahˬ laꞈ kʼoeˇ dehꞈ daˆ leꞈ-euˬ meh. Aˬ yawꞈ shiˇ ngeh, aˬ yawꞈ-euˬ aˇ kʼoꞈ yaˇ tseˇ byah laˇ-euˬ meh.

1 Laˬsaˬbaˬ 7:14

Maˬnaˇseˬ-aˬ, Aˬlaˬmiˇ tsawˇ jeuˬ pyeuꞈ-eu aˬ yawꞈ-euˬ miˬ zaˬ gʼaˬ o neh, Aˬsaˬleˬlaˇ hawˇ-eu Maˬkiˬlaˇ lehˇ myahˇ-euˬ aˬ li nyiˬ li jawˇ-eu meh.

Yawˇbaˆ 42:16

Yawˇbaˆ-aˬ, kʼoeˇ sahˇ miˇ tsa tiˬ yaˇ oeˬ tseˇ kʼoꞈ paˇ dehꞈ-awˇ, oeˬ paˬ oeˬ ma deuˬ uˬ taꞈ, oeˬ lehˬ deuˬ-ahˇ kʼawꞈ mawˇ yaꞈ-euˬ meh.

Jaceuq 128:6

Nawˬ-euˬ oeˬ paˬ oeˬ ma-ahˇ ya mawˇ ngeh keuˆ ni, nawˇ ziˇ baw ziˇ za le luꞈ-uˇ. Iˇsaˬleˬlaˆ tsawˇ jeuˬ nui saˇ oꞈ luꞈ-uˇ.

Dawqdaq 17:6

Tsawˇ mawˬ-euˬ kʼahˬ sehˇ oeˬ paˬ oeˬ ma pyeuꞈ-awˇ, zaˬ-euˬ kʼahˬ sehˇ aˬ da meh.

Bawˇtsahˬ 32:33

Kʼoeˇ naˇ, Aˬmawˇliˆ sahˬ paˬ Siˇhoˬ-euˬ miˇ kʼahˬ dawˬ tawˆ luꞈ hawˇ-eu Baˬshaˬ sahˬ paˬ Awˇgaˆ-euˬ miˇ kʼahˬ dawˬ tawˆ luꞈ maˬ ehˇ, miˇ kʼahˬ kʼoeˇ deuˬ-euˬ tahˬ gʼoꞈ tahˬ jawˇ jaˆ-eu meuˬ deuˬ hawˇ-eu kʼoeˇ-euˬ gahˬ kaˬ deuˬ maˬ ehˇ, Gaˆ tsawˇ jeuˬ, Luˇbeˬ tsawˇ jeuˬ hawˇ-eu Maˬnaˇseˬ tsawˇ jeuˬ tiˬ paˆ-ahˇ Moˇseˬ biꞈ nehˬ-euˬ meh.

Bawˇtsahˬ 32:39

Maˬnaˇseˬ-euˬ aˬ li Maˬkiˬlaˇ-euˬ aˇ jeuˬ deuˬ Giˇlaˆ meuˬ-ahˇ guiˇ deuˆ za-awˇ, kʼoeˇ gaˇ jawˇ-eu Aˬmawˇliˆ tsawˇ haˬ deuˬ-ahˇ teh doˆ nehˬ-euˬ meh.

Yawˇshuˆ 17:1

Yoˇsehˆ-euˬ aˬ li aˬ yuiꞈ gʼaˬ pyeuꞈ-eu Maˬnaˇseˬ-euˬ zaˬ deuˬ uˆ deuˬ-ahˇ, Yawˇdaˬ lawˇ baˬ nahˇ ma ga kʼehˬ paw miˇ kʼahˬ biˇ nehˬ-euˬ meh. Giˇlaˆ-euˬ aˬ da Maˬkiˬlaˇ-aˬ, Maˬnaˇseˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-awˇ, guiˇ deuˆ-eu kʼaˆ dui dui-eu tsawˇ haˬ pyeuꞈ-eu miˇ neh, Yawˇdaˬ lawˇ baˬ nahˇ ma doˆ kʼehˬ paw jaˆ-eu Giˇlaˆ hawˇ-euˬ Baˬshaˬ meuˬ aˬ yawꞈ-ahˇ biˇ oꞈ nehˬ-euˬ meh.