Aˇ dahˬ 50:21 - Akha

²¹ Kʼoeˇ miˇ neh, naw maꞈ guˆ-eu maˬ loˬ-a. Naw maꞈ hawˇ-eu naw maꞈ-euˬ zaˬ deuˬ-ahˇ ngaˇ yaw muiˬ paˬ-ehˇ ngehˬ gʼeh nehˬ ma.” Kʼoeˇ loꞈ-ehˇ aˬ yawꞈ-euˬ aˇ doˆ deuˬ-euˬ nui ma-ahˇ zaw leˇ ni, nahˬ yu ni gʼeh-eu dawˬ Yoˇsehˆ ngehˬ-awˇ, aˬ yawꞈ maꞈ-euˬ nui ma-ahˇ laˆ saˆ nehˬ-euˬ meh.

Aˇ dahˬ 50:21 ပူးပေါင်းရင်းမြစ်များ

Aˇ dahˬ 34:3

Diˇnaˆ aˇ gʼehˇ muiˬ dui dui-eu miˇ neh, Diˇnaˆ-ahˇ Sheˬkmˬ mawꞈ dui dui leˇ-awˇ, mehˇ shuiˇ shuiˇ shuiˇ-ehˇ muˇ-euˬ meh.

Aˇ dahˬ 45:5

Naw maꞈ ngaˬ-ahˇ ahˬ dzaˬ-euˬ miˇ neh, noeˬ shaˬ-awˇ yawˬ haˇ yawˬ ha iˬ baˇ taˬ-eu maˬ loˬ-aˇ. Aˬ jeˬ miˇ neh ehˇ naˇ, tsawˇ haˬ zaˬ-ahˇ ka kʼoꞈ-eu gʼaˇ duˬ naw maꞈ-euˬ mehˬ hu ngaˬ-ahˇ heu gaˇ bi oe-euˬ gʼaˬ-aˬ, Miˬyehˇ meh.

Aˇ dahˬ 47:12

Aˬ yawꞈ-euˬ aˬ da-ahˇ maˬ ehˇ, aˬ yawꞈ-euˬ mehˇ nmˇ deuˬ-ahˇ maˬ ehˇ, aˬ yawꞈ aˬ da o neh jeuˬ le o le-euˬ tsawˇ haˬ dawˬ tawˆ luꞈ-ahˇ maˬ ehˇ, Yoˇsehˆ yaw muiˬ paˬ-ehˇ bi dzaˬ bi dawˇ-euˬ meh.

Aˇ dahˬ 50:22

Yoˇsehˆ-aˬ, aˬ yawꞈ aˬ da-euˬ miˬ sawˇ zaˬ deuˬ nehˬ-ehˇ Iˇjiˇtuˆ miˇ kʼahˬ laꞈ kʼoeˇ dehꞈ daˆ leꞈ-euˬ meh. Aˬ yawꞈ shiˇ ngeh, aˬ yawꞈ-euˬ aˇ kʼoꞈ yaˇ tseˇ byah laˇ-euˬ meh.

2 Laˬsaˬbaˬ 30:22

Sahˬpaˬ Miˬyehˇ-ahˇ uˬ duˬ tahˬ ngeh sheuˬ gʼeh-eu nya dui dui-eu miˇ neh, Leˬbiˇ tsawˇ haˬ deuˬ-ahˇ Heˬsaˬgiˇ ja ceuˬ nehˬ-euˬ meh. Shiꞈ nah keuˆ ni, aˬ yawꞈ maꞈ-ahˇ oꞈ-eu shaˬ bymˇ deuˬ dzaˬ-eu laꞈ kʼoeˇ cawˬ cawˬ taꞈ-eu lawˇ-eu jeˬ lawˇ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ ja ceuˬ-euˬ meh.

Iˇsaˬyaˇ 40:2

“Yeˬluˇsaˬlehˬ meuˬ-ahˇ jawˇ-eu deuˬ-ahˇ gʼaˬ biꞈ nehˬ-awˬ. Aˬ yawꞈ maꞈ shaˬ zahˬ mˇ luꞈ-eu myahˇ laˇ-awˇ, nymˬ-mˇ aˬ yawꞈ maꞈ-ahˇ iˬ baˇ pyehˬ nehˬ-euˬ ma. Aˬ yawꞈ maꞈ neh mˇ-euˬ iˬ baˇ aˇ poeˬ, oꞈ-eu geuˇ-eu loꞈ-ehˇ kʼehˬ gʼaˬ kʼaˆ gʼaˬ-euˬ ma.”

Maꞈtehˬ 5:44

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Naw maꞈ-ahˇ muiˇ-eu tsawˇ haˬ-ahˇ gaˬ-awˇ, naw maꞈ-ahˇ kʼehˬ nehˬ kʼaˆ nehˬ laꞈ-eu tsawˇ haˬ deuˬ gʼaˇ duˬ guiˬ lahˬ shaˇ nehˬ-awˬ.

Maꞈtehˬ 6:14

Aˬ jeˬ miˇ neh ehˇ naˇ, aˬ cawˬ neh naw maꞈ-ahˇ mˇ bahˬ-euˬ iˬ baˇ-ahˇ naw maꞈ pyehˬ nehˬ naˇ, naw maꞈ neh mˇ bahˬ-euˬ iˬ baˇ-ahˇ, mˬ kʼoeˇ taˆ jawˇ-eu naw maꞈ-euˬ Aˬda pyehˬ nehˬ laꞈ tehꞈ-a.

1 Teˇsaˬloˇni 5:15

Naw maꞈ tiˬ gʼaˬ-iˬ aˬ cawˬ yaw doeˇ jahˇ laˇ gaˇ yaw doeˇ maˬ ya jahˇ kʼoꞈ nehˬ ni yahˇ-awˬ. Ehˇ kʼawꞈ, tiˬ gʼaˬ tiˇ gʼaˬ yaw muiˬ jeˬ mˇ nehˬ-eu uˬ taꞈ, tsawˇ haˬ dawˬ tawˆ luꞈ-ahˇ yaw muiˬ jeˬ mˇ nehˬ-eu gʼaˇ duˬ, aˬ myah luꞈ noeˬ gahˇ taˬ-awˬ.

1 Beˬtuˆluˆ 3:9

Aˬ cawˬ yaw doeˇ jahˇ laˇ gaˇ yaw doeˇ taˬ jahˇ kʼoꞈ nehˬ. Aˬ cawˬ yaˬ kʼehˇ yaˬ laˇ gaˇ yaˬ kʼehˇ maˬ yaˬ kʼoꞈ nehˬ-ehˇ, Miˬyehˇ guiˬ lahˬ biꞈ nehˬ ni dawˬ ngehˬ gʼeh nehˬ-awˬ. Aˬ jeˬ miˇ neh ehˇ naˇ, Miˬyehˇ naw maꞈ-ahˇ kuˇ ngeh, guiˬ lahˬ biꞈ ma lehˇ saˇ jaˬ dzaˬ-awˇ kuˇ-euˬ meh.

Yaˇ kʼaˬ daˇ 19:3

Tsawˇ haˬ kʼoeˇ gʼaˬ aˬ yawꞈ-euˬ ma nyiˇ jawˇ gaˇ iˇ-awˇ, paˇ sheuˬ kʼoꞈ laˬ-iˇ ma lehˇ noeˬ tsehˆ-awˇ, mahˬ tahˬ laˆ nyiˬ mawˇ tsahˇ-awˇ aˬ yawꞈ-euˬ zaˬ kʼaˆ nehˬ-ehˇ iˇ-euˬ meh. Aˬ yawꞈ-euˬ ma nyiˇ kʼoeˇ gʼaˬ, aˬ yawꞈ-ahˇ iˇ kahˇ laꞈ kʼoeˇ sheuˬ ahˇ-awˇ, aˬ yawꞈ-euˬ aˬ mawˬ aˬ yawꞈ-ahˇ ya mawˇ ngeh, yaw muiˬ paˬ-ehˇ ha nehˬ-euˬ meh.