Aˇ dahˬ 5:29 - Akha

²⁹ Kʼoeˇ ngeh, “Sahˬpaˬ Miˬyehˇ neh yaˬ kʼehˇ yaˬ taˬ-euˬ miˇ tsaˬ heu kʼoeˇ taˆ, shaˬ-eu zahˬ-eu laꞈ kʼoeˇ aˬ dui ya mˇ dzaˬ ya kʼawꞈ dawˇ-eu jeˬ-ahˇ, aˬ li heu li bi buˬ-iˇ laꞈ luꞈ-uˇ” lehˇ aˬ yawꞈ ehˇ-awˇ, aˬ li kʼoeˇ li-ahˇ Noˇaˬ lehˇ myahˇ nehˬ-euˬ meh.

Aˇ dahˬ 5:29 ပူးပေါင်းရင်းမြစ်များ

Aˇ dahˬ 5:28

Laˬmehˇ tiˬ yaˇ yehꞈ tseˇ nyiꞈ kʼoꞈ kʼawˆ ngeh, aˬ li tiˬ li jawˇ le-euˬ meh.

Aˇ dahˬ 5:30

Noˇaˬ dehꞈ le gʼaˬ miˇ tsa, ngaˬ yaˇ gʼoeˬ tseˇ ngaˬ kʼoꞈ Laˬmehˇ paˇ dehꞈ-awˇ, zaˬ paˇ jawˇ lahˬ le-euˬ meh.

Aˇ dahˬ 7:23

Miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ pyeuꞈ-eu, ho zaˬ nga jiˇ yawˬ mawˇ na luꞈ maˬ ehˇ, jeˬ zaˬ yawˬ mawˇ na luꞈ maˬ ehˇ, tsawˇ haˬ yawˬ gʼaˬ na luꞈ maˬ ehˇ, dawˬ tawˆ luꞈ-ahˇ Sahˬpaˬ Miˬyehˇ laˆ cawˆ nehˬ jiˇ-euˬ meh. Noˇaˬ hawˇ-eu aˬ yawꞈ nehˬ-ehˇ saˇ baoˬ laꞈ kʼoeˇ kʼaˇ uˇ leˇ-euˬ deuˬ tehꞈ-ehˇ dzeuˇ-iˇ-euˬ meh.

Aˇ dahˬ 9:24

Noˇaˬ aˬ gaꞈ dzaˇ uiˇ yehꞈ-eu beuˇ laˇ-awˇ noeˬ gahˇ laˇ ngeh, aˬ yawꞈ-euˬ aˬ li zaˬ saˬ gʼaˬ neh aˬ yawꞈ-ahˇ aˬ joˆ-ehˇ jahˇ nehˬ-euˬ gaˇ kawˆ siˬ nya-euˬ meh. Kʼoeˇ ngeh, aˬ yawꞈ heu loꞈ-ehˇ ehˇ-eu meh.

Iˇsaˬyaˇ 54:9

“Miˇ tsaˬ kʼoeˇ taˆ iˇ cuꞈ maˬ paˇ bi dahˬ pymˬ-eu gʼaˇ duˬ, Noˇaˬ-euˬ ziˇ-ahˇ ngaˇ saˇ jaˇ biꞈ-euˬ loꞈ-ehˇ, nawˬ-ahˇ nui ma maˬ paˇ pehˇ-eu gʼaˇ duˬ nymˬ-mˇ ngaˇ saˇ jaˇ biꞈ-eu ma. Nawˬ-ahˇ ngaˇ maˬ paˇ byehˇ dzeh ma.

Yeˬsaˬgeˬlaˇ 14:14

Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, aˬ yawꞈ ha neh mˇ-euˬ yaw muiˬ jeˬ baˬ da neh, aˬ yawꞈ ha smˇ gʼaˬ-ahˇ maˬ ngeuˇ naˇ, aˬ cawˬ-ahˇ maˬ ka kʼoꞈ nehˬ nya-aˇ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 14:20

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, yawˬ ha-euˬ uˬ kʼawˇ taꞈ-ehˇ dzeuˇ naˇ, yawˬ ha-euˬ zaˬ-ahˇ keuˆ ni maˬ ka kʼoꞈ nehˬ nya-aˇ lehˇ ehˇ tsehˆ-eu ma. Aˬ yawꞈ maꞈ neh mˇ-euˬ yaw muiˬ jeˬ-aˬ, yawˬ haˇ yawˬ ha ka kʼoꞈ nehˬ nya-eu tehꞈ meh.”

Maꞈtehˬ 24:37

Tsawˇhaˬ-euˬ Zaˬmaˇ zaꞈ le-eu-aˬ, Noˇaˬ-euˬ ziˇ-ahˇ keuˆ le-euˬ jeˬ-ahˇ duˇ tehꞈ-a.

Luˇkaꞈ 3:36

Gaˬiˇnaˬ, Aˬpaˬtsaˆ, Sheˬmaˇ, Noˇaˬ, Laˬmehˇ,

Lormav 8:20

Kʼaˇ beh taˬ-euˬ yawˬ jeˬ na luꞈ, laˆ cawˆ-eu jeˬ-ahˇ ya daˬ-eu meh. Ehˇ kʼawꞈ, aˬ yawˇ yawꞈ kʼoeˇ loꞈ-ehˇ ya daˬ-eu maˬ ngeuˇ-a. Miˬyehˇ nui ma tsaˬ-eu miˇ neh kʼoeˇ loꞈ-ehˇ pyeuꞈ luꞈ-eu meh. Ehˇ kʼawꞈ, noeˬ tmˬ duˬ heu loꞈ-ehˇ jaˆ-a siˬ.

HeˬByehˇ 11:7

Mehˬ hu paw pyeuꞈ laˇ-eu lehˇ gʼeh-eu maˬ ya mawˇ-eu gaˇ kawˆ deuˬ-ahˇ yahˇ-awˇ dehꞈ-eu gʼaˇ duˬ, Miˬyehˇ Noˇaˬ-ahˇ dawˬ biꞈ ngeh Noˇaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Miˬyehˇ-euˬ ehˇ dawˬ-ahˇ aˬ yawꞈ naˇ haˬ-eu laꞈ kʼoeˇ, aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ deuˬ ya buˬ-iˇ ni saˇ baoˬ tiˬ laˇ tsoˆ-euˬ meh. Kʼoeˇ loꞈ-ehˇ mˇ-eu laꞈ kʼoeˇ, Miˬyehˇ-ahˇ byehˇ dzeh-euˬ tsawˇ haˬ kʼoeˇ deuˬ-ahˇ aˬ yawꞈ gʼawˬ tsehˆ tsehˆ-awˇ, jah-eu baˬ da neh Miˬyehˇ-euˬ yaw tsaˬ yaw dawˇ jeˬ-ahˇ aˬ yawꞈ za-euˬ meh.;

1 Beˬtuˆluˆ 3:20

Bi ka lahˇ taˬ-euˬ saꞈ laˇ kʼoeˇ deuˬ-aˬ, Noˇaˬ saˇ baoˬ jahˇ-euˬ ziˇ kʼoeˇ ziˇ-ahˇ Miˬyehˇ nui ma gʼawˬ mahˇ ni taˬ-awˇ dawˬ-euˬ kʼawꞈ, Miˬyehˇ-euˬ ehˇ dawˬ maˬ naˇ haˬ-euˬ tsawˇ haˬ kʼoeˇ deuˬ-euˬ saꞈ laˇ deuˬ meh. Saˇ baoˬ laꞈ kʼoeˇ uˇ leˇ-euˬ tsawˇ haˬ yehꞈ gʼaˬ tehꞈ-ehˇ Miˬyehˇ neh iˇ cuꞈ-ahˇ bi buˬ-iˇ-euˬ meh.

2 Beˬtuˆluˆ 2:5

Aˇ hu ba miˇ tsaˬ kʼoeˇ taˆ dehꞈ-eu deuˬ-ahˇ kʼawꞈ, Miˬyehˇ maˬ taˬ nehˬ-ehˇ, Miˬyehˇ-ahˇ yaw zeu maˬ baw-eu tsawˇ haˬ deuˬ-ahˇ iˇ cuꞈ bi dahˬ pymˬ-euˬ meh. Yaw tsaˬ yaw dawˇ jeˬ mehˬ-eu gʼaˬ pyeuꞈ-eu Noˇaˬ hawˇ-eu tsawˇ haˬ shiꞈ gʼaˬ-ahˇ tehꞈ-ehˇ aˬ yawꞈ ka kʼoꞈ-euˬ meh.