Aˇ dahˬ 5:27 - Akha

²⁷ Gʼoeˬ yaˇ koꞈ tseˇ gʼoeˬ kʼoꞈ kʼawˆ ngeh, aˬ yawꞈ ziˇ jiˇ-euˬ meh.

Aˇ dahˬ 5:27 ပူးပေါင်းရင်းမြစ်များ

Aˇ dahˬ 47:9

Yaˬkoˆ ehˇ-eu, “Ngaˇ jawˇ duˬ maˬ dah leˇ nya ni doe doe-ehˇ jawˇ jawˇ-ehˇ dehꞈ luꞈ-eu laꞈ kʼoeˇ, ngaˬ-euˬ aˇ kʼoꞈ tiˬ yaˇ smˬ tseˇ kʼoꞈ byah laˇ taˬ-euˬ ma. Doe doe-ehˇ jawˇ jawˇ-ehˇ dehꞈ dzeuˇ yaꞈ-euˬ ziˇ baw dui dui-eu ngaˬ poeˬ ngaˬ bawˇ deuˬ hawˇ-eu, ngaˬ da maꞈ yaw dehꞈ dehꞈ yaꞈ-euˬ gaˇ maˬ duˇ ni, ngaˇ yaw dehꞈ dehꞈ-eu aˇ kʼoꞈ nymˇ dzehˬ-awˇ, shaˬ zahˬ ya mˇ myaˬ dzehˬ-euˬ ma.”

Aˇ dahˬ 5:26

Aˬ li kʼoeˇ li jawˇ le gʼaˬ miˇ tsa, shiꞈ yaˇ yehꞈ tseˇ nyiꞈ kʼoꞈ aˬ yawꞈ paˇ dehꞈ-awˇ, zaˬ paˇ jawˇ lahˬ le-euˬ meh.

Aˇ dahˬ 5:28

Laˬmehˇ tiˬ yaˇ yehꞈ tseˇ nyiꞈ kʼoꞈ kʼawˆ ngeh, aˬ li tiˬ li jawˇ le-euˬ meh.

Aˇ dahˬ 9:29

Noˇaˬ paˇ dehꞈ-euˬ meh. Aˬ yawꞈ-euˬ aˇ kʼoꞈ gʼoeˬ yaˇ ngaˬ tseˇ byah ngeh, aˬ yawꞈ ziˇ jiˇ-euˬ meh.

2 Saˬmeuˬlaˆ 19:32

Baˬziˇlehˇ-aˬ, tsawˇ mawˬ mawˬ dui dui laˇ-awˇ, yehꞈ tseˇ kʼoꞈ kʼawˆ laˇ-euˬ meh. Aˬ yawꞈ-aˬ, smˇ muiˬ muiˬ dui dui-eu tsawˇ haˬ tiˬ gʼaˬ pyeuꞈ-awˇ, Maˬhaˬneˬ meuˬ-ahˇ sahˬ paˬ jawˇ luꞈ ngeh, dzaˬ dzaˬ dawˇ dawˇ sha nehˬ-euˬ meh.

Iˇsaˬyaˇ 65:22

Aˬ yawꞈ maꞈ neh tsoˆ-euˬ nymˇ-ahˇ aˬ cawˬ maˬ ya jawˇ-ehˇ, yawˬ ha neh ka siˬ-euˬ aˇ siˬ aˬ cawˬ maˬ paˇ ya pyaˆ dzaˬ meh. Ngaˬ-euˬ tsawˇ haˬ aˇ bawˇ loꞈ-ehˇ ziˇ baw tehꞈ-a. Yawˬ ha neh mˇ doˆ shaˇ doˆ taˬ-euˬ jeˬ, yawˬ ha nui kʼahˇ tiˬ shiˇ ya zmˬ tehꞈ-a.