Aˇ dahˬ 5:22 - Akha

²² Kʼoeˇ naˇ, Iˇnawˆ aˬ yawꞈ smˬ yaˇ kʼoꞈ byah ni Miˬyehˇ nehˬ-ehˇ cawˬ cawˬ taꞈ-awˇ, zaˬ paˇ jawˇ lahˬ le-euˬ meh.

Aˇ dahˬ 5:22 ပူးပေါင်းရင်းမြစ်များ

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Aˇ dahˬ 24:40

Kʼoeˇ ngeh, aˬ yawꞈ ngaˬ-ahˇ heu loꞈ-ehˇ ehˇ-eu meh. ‘Aˬ myah luꞈ ngaˇ yaw zeu baw luꞈ-eu ngaˬ-euˬ Sahˬpaˬ Miˬyehˇ-aˬ, aˬ yawꞈ-euˬ gʼaˬ kʼehˇ-ahˇ nawˬ nehˬ-ehˇ bi oe-awˇ, nawˇ mˇ-eu jeˬ pyeuꞈ leˇ nya ni bi caw ba le tehꞈ-a. Ngaˬ da o neh dehꞈ ka leꞈ-euˬ ngaˬ-euˬ tsawˇ jeuˬ tsawˇ ca deuˬ laꞈ kʼoeˇ, ngaˬ li gʼaˇ duˬ miˬ zaˬ tiˬ gʼaˬ nawˇ ya shaˇ poˆ nehˬ meh.

Aˇ dahˬ 48:15

Kʼoeˇ naˇ, Yaˬkoˆ neh Yoˇsehˆ-ahˇ heu loꞈ-ehˇ dawˬ ngehˬ gʼeh nehˬ-euˬ meh. “Ngaˬ bawˇ Aˬbyaˬhaˬ hawˇ-eu ngaˬ da Iˇtsaˆ uˬ duˬ tahˬ-euˬ Miˬyehˇ, aˬ li heu nyiˬ li-ahˇ guiˬ lahˬ biꞈ luꞈ-uˇ. Iˬ nah keuˆ ni ngaˬ-ahˇ sheuˬ gʼeh luꞈ-eu Miˬyehˇ, aˬ yawꞈ nyaꞈ-ahˇ dawˬ ngehˬ gʼeh nehˬ luꞈ-uˇ.

Aˇ dahˬ 5:21

Iˇnawˆ koꞈ tseˇ ngaˬ kʼoꞈ kʼawˆ ngeh, Maˬtuˇseˬlah lehˇ myahˇ-euˬ aˬ li tiˬ li jawˇ le-euˬ meh.

Aˇ dahˬ 5:23

Smˬ yaˇ koꞈ tseˇ ngaˬ kʼoꞈ kʼawˆ ngeh keuˆ ni, miˇ tsaˬ kʼoeˇ taˆ aˬ yawꞈ dehꞈ-euˬ meh.

Aˇ dahˬ 5:24

Aˬ yawꞈ miˇ tsaˬ kʼoeˇ taˆ yaw dehꞈ dehꞈ-euˬ tiˬ ziˇ, Miˬyehˇ nehˬ-ehˇ cawˬ cawˬ taꞈ-awˇ, aˬ yawꞈ-ahˇ tiˬ jawˇ-iˬ maˬ paˇ ya mawˇ ni byoˆ tsehˆ-euˬ meh. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ sheuˬ kʼoꞈ gʼeh-euˬ meh.

Aˇ dahˬ 6:9

Heu-aˬ, Noˇaˬ-euˬ gaˇ kawˆ pyeuꞈ-eu meh. Aˬ yawꞈ-aˬ, Sheˬmaˆ, Haˬmaˇ, Yaˬpahˇ lehˇ myahˇ-euˬ aˬ li smˬ li jawˇ-eu meh. Noˇaˬ-euˬ ziˇ-ahˇ, miˇ tsaˬ kʼoeˇ taˆ iˬ baˇ maˬ mˇ-ehˇ dawˇ coe ni dehꞈ-euˬ tsawˇ haˬ Noˇaˬ tiˬ gʼaˬ jawˇ-eu tehꞈ meh. Aˬ yawꞈ-aˬ, Miˬyehˇ-ahˇ cawˬ cawˬ taꞈ-awˇ dehꞈ-euˬ meh.

1 Sahˬpaˬ 2:4

Ngaˬ-euˬ zaˬ ngaˬ-euˬ uˆ deuˬ nui ma gʼawˇ mawˇ dawˬ tawˆ luꞈ aˬ yawꞈ-euˬ zahˇ dawˬ kʼoꞈ dawˬ-ahˇ saˇ jaˇ ziꞈ-awˇ, aˬ yawꞈ-euˬ ehˇ dawˬ-ahˇ yaw muiˬ paˬ-ehˇ kʼaˇ naˇ haˬ kʼoeˇ keuˆ ni, Iˇsaˬleˬlaˆ miˇ kʼahˬ-ahˇ ya uˆ lahˇ tehꞈ-a lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh. Aˬ yawꞈ-euˬ dawˬ-ahˇ nawˇ naˇ haˬ geuꞈ naˇ, aˬ yawꞈ-euˬ saˇ jaˇ dawˬ-ahˇ aˬ yawꞈ ziꞈ tehꞈ-a.

2 Sahˬpaˬ 20:3

“Sahˬpaˬ Miˬyehˇ-oˇ, ngaˇ nawˬ-ahˇ saˇ jaˇ ziꞈ-eu laꞈ kʼoeˇ yaw dehꞈ dehꞈ-awˇ, nawˬ neh ngaˬ-ahˇ bi mˇ mawꞈ-eu jeˬ-ahˇ leh jeh-awˇ mˇ-euˬ gaˇ taˬ ngehˇ nehˬ laꞈ” lehˇ shaˇ-euˬ meh. Kʼoeˇ naˇ, aˬ yawꞈ ngoeˇ dui dui-euˬ meh.

Jaceuq 116:9

Kʼoeˇ miˇ neh dehꞈ-eu miˇ kʼahˬ heu laꞈ kʼoeˇ, Sahˬpaˬ Miˬyehˇ mehˬ shi ngaˇ cah luꞈ-eu ma.

Jaceuq 128:1

Sahˬpaˬ Miˬyehˇ-euˬ dawˬ-ahˇ naˇ haˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ caw teh-awˇ dehꞈ-eu deuˬ guiˬ lahˬ huiˬ-eu meh.

Jaceuq 16:8

SahˬpaˬMiˬyehˇngaˬnehˇjawˇ-eu, aˬmyah luꞈ ngaˇsiˬnya-eu ma. Ngaˬ-euˬdawˬpeh aˬyawꞈjawˇ-awˇ, laˆciˆ laˇ-eu jeˬ maˬjaˆ-a.

Jaceuq 26:11

Ngaˇyaw tsaˬjeˬmˇ-eu miˇneh, gʼawˬshaˬgaˬ-awˇka kʼoꞈnehˬlaꞈ.

Jaceuq 56:13

Aˬ jeˬ miˇ neh ehˇ naˇ, shiˇ-eu jeˬ laꞈ kʼoeˇ ngaˬ-ahˇ nawˇ ka kʼoꞈ-awˇ, maˬ coˬ-iˇ ni bi dehꞈ laꞈ-euˬ meh. Kʼoeˇ miˇ neh Miˬyehˇ mehˬ shi ngaˇ cah-awˇ, dehꞈ-eu yaw shehꞈ laꞈ kʼoeˇ ngaˇ cah ma.

Jaceuq 86:11

Sahˬpaˬ Miˬyehˇ-oˇ, nawˇ bi mˇ mawꞈ-eu jeˬ mˇ nya ni, ngaˬ-ahˇ mehˬ nehˬ tsoˆ nehˬ laꞈ-awˬ. Nawˬ-euˬ dawˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ ma. Nawˬ-ahˇ nui ma gʼawˇ mawˇ a nehˬ nya ni mehˬ nehˬ tsoˆ nehˬ laꞈ-awˬ.

Doˆ-iˇ 16:4

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Naw maꞈ dawˬ tawˆ luꞈ gʼaˇ duˬ dzaˬ dzaˬ dawˇ dawˇ uˬ yehˇ loꞈ-ehˇ mˬ kʼoeˇ taˆ neh bi yehˇ ka leꞈ-eu lehˇ, nymˬ-mˇ ngaˇ lehˬ hmˬ taˬ-euˬ ma. Tsawˇ haˬ heu deuˬ-ahˇ yawˬ nah yawˬ na luꞈ bi doˆ-iˇ-awˇ, tiˬ nah gʼaˇ duˬ tiˬ nah loꞈ-eu dzaˬ-eu dawˇ-eu jeˬ bi gʼoˆ uiˬ-iˇ-awˬ. Kʼoeˇ loꞈ-ehˇ jahˇ-awˇ, tsawˇ haˬ heu deuˬ ngaˬ neh mehˬ nehˬ tsoˆ nehˬ-euˬ jeˬ-ahˇ naˇ haˬ geuꞈ nga loˇ lehˇ ngaˇ lawˬ haw ma.

Dawˬ caˇ 1:4

Ngaˬ-ahˇ sheuˬ-awˬ. Nawˬ nehˬ-ehˇ ngaˇ cehˆ kʼoeˬ ma. Ngaˬ-euˬ sahˬ paˬ geuꞈ-awˇ, nawˬ-euˬ kuˆ lawˆ-ahˇ sheuˬ ahˇ nehˬ laꞈ-awˬ. Nawˬ nehˬ-ehˇ nga maꞈ laˬ kʼaˬ cehˇ-awˇ, aˬ gaꞈ dzaˇ uiˇ naˆ maˬ tseˇ nawˬ-euˬ nui gaˬ-ahˇ ja ceuˬ-eu ma. Zaˬ miˬ zaˬ dawˬ tawˆ luꞈ nawˬ-ahˇ gaˬ-eu zahˬ leˇ duˬ maˬ jaˆ-a.

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Uˬ duˬ 26:12

Naw maꞈ nehˬ-ehˇ ngaˇ jawˇ-eu laꞈ kʼoeˇ, naw maꞈ-euˬ Miˬyehˇ ngaˇ ya pyeuꞈ-awˇ, naw maꞈ ngaˬ-euˬ tsawˇ haˬ ya pyeuꞈ tehꞈ-a.

Aˬmoˆ 3:3

Tsawˇ haˬ nyiˬ gʼaˬ mehˬ bawˬ maˬ mˇ dzoeˇ taˬ naˇ, tiˬ kawˆ loꞈ-ehˇ iˇ taꞈ laˇ taꞈ nya meh loˇ.

Miˇkaˬ 4:5

Tsawˇ jeuˬ yawˬ jeuˬ na luꞈ yawˬ ha-euˬ miˬ yehˇ-ahˇ uˬ duˬ tahˬ-awˇ, yawˬ ha miˬ yehˇ-euˬ ehˇ dawˬ naˇ haˬ luꞈ meh. Ehˇ kʼawꞈ, aˬ dui-aˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ dui uˬ duˬ tahˬ-awˇ, mˬ maˬ maˬ byaˆ zaˇ ziˇ aˬ yawꞈ-euˬ dawˬ naˇ haˬ geuꞈ ma.

Miˇkaˬ 6:8

Kʼoeˇ loꞈ-ehˇ maˬ ngeuˇ-a. Aˬ geu jeˬ muiˬ-eu gaˇ kawˆ Sahˬpaˬ Miˬyehˇ aˬ dui-ahˇ dzawˇ mehˬ taˬ-euˬ meh. Aˬ dui maꞈ laꞈ kʼoeˇ Sahˬpaˬ Miˬyehˇ geuꞈ mawꞈ-eu jeˬ-aˬ, yaw tsaˬ yaw dawˇ jeˬ-ahˇ mˇ-eu jeˬ, aˬ myah luꞈ ziꞈ-eu gʼoeˇ-eu gaˬ-eu jeˬ hawˇ-eu, nui ma nahˬ yu ni taˬ-awˇ Miˬyehˇ-ahˇ cawˬ cawˬ taꞈ-eu jeˬ, heu deuˬ meh.

Maˬlaˬkiˇ 2:6

Aˬ yawꞈ maꞈ yaw lehˬ jeˬ maˬ mehˬ maˬ tsoˆ ni, yaw tsaˬ yaw dawˇ jeˬ tehꞈ-ehˇ mehˬ-euˬ tsoˆ-euˬ meh. Aˬ yawꞈ maꞈ ngaˇ nui ma tsaˬ ni yaw dehꞈ dehꞈ-euˬ meh. Aˬ yawꞈ maꞈ mawˇ do yaw tsaˬ yaw dawˇ jeˬ mˇ-eu uˬ taꞈ, aˬ cawˬ yaw haiˬ jeˬ mˇ-eu byehˇ ni caw ba nehˬ-euˬ meh.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Gʼaˬkʼehˇ 9:31

Kʼoeˇ ngeh, Yuˇdaˆ miˇ kʼahˬ, Gaˬliˬlehˇ miˇ kʼahˬ hawˇ-eu, Saˬmaˬliˆ miˇ kʼahˬ doe ni jaˆ-eu Ka li zaˬ aˇ muˇ deuˬ, nui saˇ oꞈ-eu laꞈ kʼoeˇ coꞈ ngehˇ ni tiˬ kʼehˬ ya dehꞈ-euˬ meh. SahˬpaˬMiˬyehˇ-ahˇ yaw zeu baw-awˇ dehꞈ-eu loꞈ-ehˇ, Muiˬ-eu shawˇ-eu Yaw sahˇ Miˬyehˇ caw ba-eu laꞈ kʼoeˇ myaˬ laˇ behˇ laˇ luꞈ-eu meh.

Lormav 8:1

Kʼoeˇ miˇ neh, Yeˬsuˇ Ka li laꞈ kʼoeˇ jawˇ luꞈ-eu tsawˇ haˬ deuˬ-aˬ, nymˬ-mˇ yaˇ kʼaˬ daˇ nehˬ-eu jeˬ-ahˇ maˬ ya daˬ-a.

1 Gawˇliˬtu 7:17

Yawˬ gʼaˬ na luꞈ Miˬyehˇ neh kʼaˇ biˇ oꞈ nehˬ-euˬ loꞈ-ehˇ dehꞈ-awˇ, Miˬyehˇ neh bi kuˇ ngeh kʼaˇ pyeuꞈ luꞈ-eu loꞈ-ehˇ dehꞈ gʼeh-eu tsaˬ meh.

2 Gawˇliˬtu 6:16

Miˬyehˇ-euˬ uˬ duˬ tahˬ nymˇ hawˇ-eu lawˇ ciꞈ zaˬ-euˬ tahˬ pahˬ aˬ ma mawˇ kawˇ aˬ joˆ-ehˇ tiˬ gaˇ jaˆ nya nmˇ. Aˬ dui-aˬ, dehꞈ luꞈ-eu Miˬyehˇ-euˬ uˬ duˬ tahˬ nymˇ pyeuꞈ-eu ma. Jaˇliꞈ laꞈ kʼoeˇ Miˬyehˇ heu loꞈ-ehˇ ehˇ taˬ-euˬ meh. “Ngaˬ-euˬ tsawˇ haˬ nehˬ-ehˇ jawˇ-awˇ, yawꞈ maꞈ nehˬ-ehˇ cah ma. Ngaˇ yawꞈ maꞈ-euˬ Miˬyehˇ geuꞈ-awˇ, yawꞈ maꞈ ngaˬ-euˬ tsawˇ haˬ geuꞈ ma.”

Eˇpeˇsu 5:15

Kʼoeˇ miˇ neh, naw maꞈ aˬ joˆ-ehˇ dehꞈ luꞈ-eu gaˇ kawˆ yahˇ-awˬ. Zaˬ siˬ tsawˇ gahˇ maˬ ahˇ-eu tsawˇ haˬ loꞈ-ehˇ taˬ dehꞈ. Zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ.

Dawˬmehˬ 13:4

Sahˬpaˬ Miˬyehˇ-euˬ mehˬ nah caw teh-awˇ, aˬ yawꞈ-ahˇ guˆ-awˬ. Aˬ yawꞈ-euˬ ehˇ dawˬ naˇ haˬ-awˇ, aˬ yawꞈ-euˬ zahˇ dawˬ kʼoꞈ dawˬ laꞈ kʼoeˇ ziꞈ-awˬ.

Dawˬmehˬ 28:9

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ nawˇ naˇ haˬ-awˇ, aˬ yawꞈ neh dawˬ kʼaˇ biꞈ taˬ-euˬ yawˬ jeˬ na luꞈ mˇ naˇ, aˬ yawꞈ neh saˇ jaˇ dzaˬ taˬ-euˬ loꞈ-ehˇ, nawˇ aˬ yawꞈ-euˬ tsawˇ jeuˬ ya pyeuꞈ laˇ tehꞈ-a.

Dawˬmehˬ 5:33

Naw maꞈ yaw muiˬ paˬ-ehˇ ya dehꞈ dzaˬ-awˇ, naw maꞈ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ yaw muiˬ paˬ-ehˇ ya dehꞈ ya jawˇ ni, zahˇ dawˬ kʼoꞈ dawˬ dawˬ tawˆ luꞈ-ahˇ naˇ haˬ geuꞈ-awˬ.

Gawˇlawˇsehˇ 1:10

Kʼoeˇ miˇ neh, Sahˬpaˬ Yeˬsuˇ bi dehꞈ mawꞈ-eu loꞈ-ehˇ naw maꞈ dehꞈ nya laˇ-awˇ, aˬ yawꞈ nui kʼahˇ shiˇ-eu jeˬ-ahˇ naw maꞈ aˬ myah luꞈ mˇ nya laˇ tehꞈ-a. Naw maꞈ yaw dehꞈ dehꞈ-eu laꞈ kʼoeˇ yaw muiˬ jeˬ gʼawˬ mya ni doˆ laˇ-awˇ, Miˬyehˇ-ahˇ siˬ nya dzehˬ laˇ tehꞈ-a.

Gawˇlawˇsehˇ 4:5

Ka li-ahˇ maˬ jah-eu tsawˇ haˬ deuˬ-euˬ mehˬ shi zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ. Aˇ yamˬ kʼaˇ tsaˬ laˇ ngeh, yawˬ ha jah-eu tsawˇ haˬ pyeuꞈ-eu gaˇ kawˆ aˬ cawˬ-ahˇ bi siˬ bi mawˇ-awˬ.

1 Teˇsaˬloˇni 2:12

Nga maꞈ naw maꞈ-ahˇ gʼaˬ biꞈ-awˇ nui saˇ bi za-euˬ ma. Aˬ yawꞈ-euˬ Miˇkʼahˬ hawˇ-eu yaw shehꞈ kʼahˬ sehˇ laꞈ kʼoeˇ uˇ laˇ ni naw maꞈ-ahˇ kuˇ luꞈ-eu Miˬyehˇ nui ma tsaˬ ni yaw dehꞈ dehꞈ-eu gʼaˇ duˬ, naw maꞈ-ahˇ nga maꞈ maˬ tsehˆ leˇ ni gʼaˬ biꞈ-euˬ ma.

1 Teˇsaˬloˇni 4:1

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ mawꞈ-eu ma. Miˬyehˇ nui kʼahˇ shiˇ ni aˬ joˆ-ehˇ ya dehꞈ ya jawˇ-eu gaˇ kawˆ, naw maꞈ-ahˇ nga maꞈ dehꞈ mehˬ jawˇ mehˬ gʼaˬ-euˬ ma. Naw maꞈ kʼoeˇ loꞈ-ehˇ dehꞈ luꞈ jawˇ luꞈ-eu meh. Kʼoeˇ naˆ maˬ tseˇ leh jeh-awˇ dehꞈ daˆ leꞈ-eu gʼaˇ duˬ Sahˬpaˬ Yeˬsuˇ-euˬ tsawˇ myahˇ uˬ moˆ naw maꞈ-ahˇ nga maꞈ shaˇ-eu ma.

1 Yoˇhaˬ 1:7

Ehˇ kʼawꞈ, aˬ yawꞈ yaw shehꞈ laꞈ kʼoeˇ jawˇ-eu loꞈ-ehˇ, aˬ dui kʼawꞈ yaw shehꞈ laꞈ kʼoeˇ jawˇ naˇ, aˬ dui tiˬ gʼaˬ tiˇ gʼaˬ cawˬ cawˬ taꞈ-awˇ, Zaˬmaˇ Yeˬsuˇ-euˬ shiˬ aˬ dui-euˬ iˬ baˇ dawˬ tawˆ luꞈ-ahˇ tsiˬ shawˇ nehˬ laꞈ tehꞈ-a.