Aˇ dahˬ 49:6 - Akha

⁶ Aˬ yawꞈ nyaꞈ bawˬ dzaˬ kʼoeˬ gaˇ ngaˇ maˬ iˇ. Aˬ yawꞈ nyaꞈ mehˬ bawˬ mˇ gaˇ ngaˇ maˬ ahˇ. Aˬ jeˬ miˇ neh ehˇ naˇ, tsawˇ haˬ-ahˇ sehꞈ-awˇ, mawˇ neˇ kuiˇ guˬ yuˇ niˇ gʼa gaˇ keuˆ ni, aˬ yawꞈ nyaꞈ nui ma pehˇ-eu meh.

Aˇ dahˬ 49:6 ပူးပေါင်းရင်းမြစ်များ

Aˇ dahˬ 34:30

Suˇmoˬ hawˇ-eu Leˬbiˇ aˬ nyaꞈ nmˇ-ahˇ Yaˬkoˆ ehˇ nehˬ-eu, “Naw nyaꞈ nmˇ ngaˬ-ahˇ laˆ shaˬ nehˬ laꞈ-euˬ nga. Nymˬ-mˇ poˆ jawˇ-aˬ, miˇ kʼahˬ heu kʼahˬ laꞈ kʼoeˇ kʼaˇ jawˇ-eu Kaˬnaˬ tsawˇ jeuˬ maˬ ehˇ, Paˬyehˆ tsawˇ jeuˬ maˬ ehˇ, nui deuˬ tsawˇ jeuˬ dawˬ tawˆ luꞈ maˬ ehˇ, ngaˬ-ahˇ muiˇ-eu nga. Ngaˬ nehˬ-ehˇ tsawˇ haˬ gʼawˬ mya ni jawˇ-eu maˬ ngeuˇ. Aˬ yawꞈ maꞈ dawˬ tawˆ luꞈ ga uiˬ-awˇ ngaˬ-ahˇ guiˇ deuˆ laˇ naˇ, aˬ dui pehˬ pehˬ zaˬ ma zaˬ-ehˇ bi sehꞈ jiˇ gaˇ keuˆ-eu nga.”

2 Saˬmeuˬlaˆ 8:4

Mahˬ dziˬ luꞈ-eu yehˇ tiˬ heˇ shiꞈ yaˇ gʼaˬ hawˇ-eu, kuiˇ zoˬ cah-eu yehˇ nyiˬ muiˇ gʼaˬ-ahˇ Daˬbiˇ nyehꞈ mi-euˬ meh. Mahˬ laˆ lawˬ tiˬ yaˇ laˇ bi gʼeu-eu gʼaˇ duˬ loˬ-eu mahˬ deuˬ tehꞈ-ehˇ aˬ yawꞈ yuˇ-awˇ, dzeˇ-eu mahˬ dawˬ tawˆ luꞈ-ahˇ aˬ yawꞈ kuiˇ guˬ yuˇ-euˬ meh.

1 Laˬsaˬbaˬ 18:4

Aˬ yawꞈ-euˬ mahˬ laˆ lawˬ tiˬ heˇ laˇ, mahˬ dziˬ-eu yehˇ shiꞈ heˇ gʼaˬ hawˇ-eu, kuiˇ zoˬ cah-eu yehˇ nyiˬ muiˇ gʼaˬ-ahˇ Daˬbiˇ nyehꞈ mi-euˬ meh. Mahˬ laˆ lawˬ tiˬ yaˇ laˇ gʼeu loꞈ-eu mahˬ deuˬ tehꞈ-ehˇ aˬ yawꞈ yuˇ geuꞈ-awˇ, dzeˇ-eu deuˬ-ahˇ kuiˇ guˬ yuˇ-euˬ meh.

Jaceuq 1:1

Guiˬlahˬhuiˬ-eu tsawˇhaˬdeuˬ-aˬ, maˬtsaˬmaˬdawˇ-eu tsawˇhaˬ-euˬ mehˬbawˬ mˇgaˇ maˬnaˇhaˬ-a. Iˬbaˇmˇ-eu tsawˇhaˬdeuˬ-ahˇ, naˇhaˬgeuꞈ-awˇ maˬcaw teh-ehˇ, Miˬyehˇ-ahˇ maˬ zeu-eu deuˬ-ahˇ, taꞈ leˇ gm leˇ-eu maˬ baw-a.

Jaceuq 103:1

Ngaˬ-euˬ nui ma-oˇ, Sahˬpaˬ Miˬyehˇ-ahˇ ja ceuˬ-awˬ. Ngaˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ muiˬ-eu shawˇ-eu tsawˇ myahˇ-ahˇ ja ceuˬ-awˬ.

Jaceuq 139:19

Miˬyehˇ-oˇ, haiˬ-eu tsawˇ haˬ deuˬ-ahˇ, nawˬ neh bi sehꞈ mawꞈ dui dui nya. Aˬ cawˬ-ahˇ sehꞈ-eu tsawˇ haˬ deuˬ-ahˇ, ngaˇ jawˇ gaˇ neh bi doˆ-iˇ dui dui mawꞈ nya.

Jaceuq 16:9

Ngaˬ-euˬnui ma laˬkʼaˬcehˇ-awˇ, ngaˬ-euˬsaꞈlaˇnui saˇza-awˇ, ngaˬ-euˬaˬlmˬ gʼoeˇmˇ-eu ma.

Jaceuq 26:9

Iˬbaˇzaˬnehˬ-ehˇshehˆkeuˬ-ehˇ, nawˇngaˬ-ahˇtaˬyaˆdzeh nehˬlaꞈ. shiˬmehꞈ-eu tsawˇhaˬdeuˬnehˬ-ehˇ, tiˬgm-ehˇ taˬlaˆcawˆnehˬlaꞈ.

Jaceuq 28:3

Dawˬmuiˬngehˬkʼawꞈnui ma gʼoꞈ-awˇ, maˬtsaˬmaˬdawˇ-eu jeˬmˇ-eu, haiˬ-eu deuˬnehˬ-ehˇ tiˬgm-ehˇ, nawˇngaˬ-ahˇtaˬsawˇdzeh nehˬlaꞈ.

Jaceuq 30:12

Ciˬcuˇni maˬjawˇtehˬcoeˇ-ehˇ, nawˬ-ahˇ caˇ-awˇ ja ceuˬ-eu ma. Ngaˬ-euˬSahˬpaˬMiˬyehˇgʼaˬ-oˇ, mˬmaˬmaˬbyaˆzaˇziˇ jiˇni, nawˬ-euˬguiˬlahˬ-ahˇja ceuˬma.

Jaceuq 42:11

Aˬjeˬmiˇneh shaˬzahˬnaꞈ-awˇ, nui noeˬshaˬ-eu maˬjiˇnya ta. Miˬyehˇ-ahˇngaˇ noeˬtmˬ-eu ma. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.

Jaceuq 42:5

Aˬjeˬmiˇneh ngaˬnui ma nawˇ, teu naˆnaˆ-ehˇshaˬzahˬmˇte. Miˬyehˇ-ahˇnoeˬtmˬ-eu taˬbyehˇ. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.

Jaceuq 43:5

Aˬjeˬmiˇneh shaˬzahˬnaꞈ-awˇ, nui noeˬshaˬ-eu maˬjiˇnya ta. Miˬyehˇ-ahˇngaˇ noeˬtmˬ-eu ma. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.

Jaceuq 5:10

Miˬyehˇ-oˇ nawˇaˬyawꞈmaꞈ-ahˇ, yaw kʼaˆ-ehˇ kʼehˬnehˬkʼaˆnehˬ-awˬ. Aˬyawꞈmaꞈ-euˬnui gʼoꞈkʼoeˇneh, aˬyawꞈmaꞈ-ahˇ bi laˆcawˆ-awˬ. Aˬ yawꞈ maꞈ iˬ baˇ mˇ myaˬ-awˇ, nawˬ-ahˇpuiˬ-euˬ kʼoeˇbaˬda neh, nawˬ-euˬmehˬshi teh dzeh nehˬ-awˬ.

Jaceuq 57:8

Ngaˬ-euˬ nui ma-oˇ, noeˬ laˇ-awˬ. Ngaˬ-euˬ deuˇ-mˬ hawˇ-eu bawˬ law-oˇ, noeˬ laˇ-awˬ. Nahˇ ma-ahˇ ngaˇ laˆ noeˬ ma.

Jaceuq 64:2

Yaw doeˇ jahˇ-eu tsawˇ haˬ deuˬ-euˬ laꞈ-ahˇ, ngaˬ-ahˇ haw piˇ nehˬ laꞈ. Haiˬ-euˬ tsawˇ haˬ deuˬ-euˬ baꞈ dzah laꞈ kʼoeˇ, ngaˬ-ahˇ bi buˬ-iˇ laꞈ.

Dawqdaq 1:11

“Oe-awˬ, tsawˇ haˬ sehꞈ kaˇ-euˇ. Iˬ baˇ maˬ ahˇ-eu deuˬ-ahˇ sehꞈ niˇ gʼa kaˇ-euˇ.

Dawqdaq 12:5

Yaw tsaˬ yaw dawˇ tsawˇ haˬ nui ma dawˇ-awˇ, haiˬ-eu tsawˇ haˬ-euˬ mehˬ bawˬ nui gʼoꞈ ahˇ-eu meh.

Yeˬlaˬmiˇ 15:17

Ngaˇ aˬ cawˬ nehˬ-ehˇ uiˇ uiˇ-ehˇ laˬ kʼaˬ cehˇ-eu laꞈ kʼoeˇ, aˇ yamˬ maˬ bi jiˇ haw-aˬ. Nawˬ-euˬ dawˬ-ahˇ naˇ haˬ geuꞈ-eu laꞈ kʼoeˇ yawˬ haˇ yawˬ ha jawˇ-awˇ, nui ma pehˇ pehˇ-ehˇ shaˬ-euˬ ma. Aˬ jeˬ miˇ neh ngaˬ-euˬ shaˬ zahˬ maˬ jiˇ ta.

Yeˬlaˬmiˇ 4:19

Shaˬ zahˬ naꞈ-eu shaˬ zahˬ, shaˬ zahˬ maˬ daˬ coeˇ nya. Nui ma cehˇ tahˬ, nui ma cehˇ tahˬ, ciˬ cuˇ ni maˬ dzahˬ tehˬ coeˇ nya. Daˇ heh teˇ saˇ hawˇ-eu, guiˇ deuˆ-eu teˇ saˇ gaˬ laˇ nya.

Luˇkaꞈ 12:19

Kʼoeˇ naˇ, ngaˇ yawˬ haˇ yawˬ ha heu loꞈ-ehˇ ehˇ ma. Guiˬ lahˬ huiˬ-eu gʼaˬ-oˇ, nawˇ-aˬ, gʼawˬ mya kʼoꞈ gʼawˬ mya la gʼaˇ duˬ pyuˇ shuiˇ myawˬ gahˬ poˆ uiˬ taˬ-euˬ meh. Saˇ lehˆ ni dehꞈ-awˬ. Dzaˬ-awˇ dawˇ-awˇ byawˬ gʼa-awˬ lehˇ ehˇ ma.’

2 Gawˇliˬtu 6:14

Ka li-ahˇ maˬ jah-eu tsawˇ haˬ deuˬ nehˬ-ehˇ nui ma tiˬ gaˇ taꞈ-awˇ taˬ dehꞈ. Kʼoeˇ loꞈ-ehˇ maˬ geuꞈ nya-a. Yaw tsaˬ yaw dawˇ jeˬ hawˇ-eu maˬ tsaˬ maˬ dawˇ-eu jeˬ aˬ joˆ-ehˇ tiˬ gaˇ taꞈ nya nmˇ. Yaw shehꞈ hawˇ-eu yaw zahˇ aˬ joˇ-ehˇ tiˬ gaˇ jawˇ nya nmˇ.

Dawˬmehˬ 27:24

“ ‘Tsawˇ haˬ-ahˇ ciˬ cuˇ ni sehꞈ kʼoeˬ-eu tsawˇ haˬ kʼoeˇ taˆ Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Yawˇshuˆ 11:9

Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, tsawˇ haˬ kʼoeˇ deuˬ-ahˇ Yawˇshuˆ jahˇ nehˬ-euˬ meh. Aˬ yawꞈ maꞈ-euˬ mahˬ deuˬ-ahˇ kuiˇ guˬ yuˇ-awˇ, aˬ yawꞈ maꞈ-euˬ mahˬ laˆ lawˬ deuˬ-ahˇ miˬ dzaˬ keuˬ puiˆ dzeh-euˬ meh.

Yaˇ kʼaˬ daˇ 5:21

Aˇ kʼoꞈ kʼawˆ laˇ-euˬ Giˇshoˬ lawˇ baˬ iˇ jeuˬ bi oe-awˇ, aˬ yawꞈ maꞈ-ahˇ yaˆ pyawˇ yaˆ dzeh-euˬ meh. Mehˬ hu paw ngaˇ deuˆ gʼeh leꞈ ma. Gʼaˬ ahˇ-eu laꞈ kʼoeˇ deuˆ gʼeh leꞈ ma.