Aˇ dahˬ 49:28 - Akha

²⁸ Tsawˇ haˬ heu deuˬ-aˬ, Iˇsaˬleˬlaˆ tsawˇ jeuˬ tseˇ nyiꞈ jeuˬ pyeuꞈ-awˇ, dawˬ heu deuˬ kʼawꞈ, aˬ yawꞈ maꞈ-euˬ aˬ da ziˇ jiˇ-eu dawˬ peh peh laˇ-awˇ aˬ yawꞈ maꞈ-ahˇ maˬ ya gʼawˬ-iˇ mi naˆ-ehˇ, aˬ li aˬ yawꞈ gʼaˬ yawꞈ-ahˇ kʼaˇ geuˇ-eu loꞈ-ehˇ ehˇ nehˬ yaꞈ-euˬ dawˬ pyeuꞈ-eu meh.

Aˇ dahˬ 49:28 ပူးပေါင်းရင်းမြစ်များ

Aˇ dahˬ 35:22

Yaˬkoˆ kʼoeˇ gaˇ jawˇ luꞈ ngeh, aˬ yawꞈ-euˬ aˬ li Luˇbeˬ gʼaˬ, aˬ yawꞈ-euˬ ma nyiˇ Biˇlaˬhaˇ nehˬ-ehˇ yuꞈ taꞈ-euˬ meh. Gaˇ kawˆ kʼoeˇ Yaˬkoˆ ya gaˬ ngeh, nui ma pehˇ dui dui-euˬ meh.

Aˇ dahˬ 49:27

Beˬyaˬmiˬ-aˬ, smˇ dui dui-eu kʼaˬ yehˇ-ahˇ duˇ-eu meh. Uˬ ciꞈ nah gʼahˇ maˬ tseˇ ni aˬ cawˬ-ahˇ kawꞈ sehꞈ-awˇ, dzaˬ nawˆ nawˆ tehꞈ-a” lehˇ, aˬ ha mehˇ nmˇ-ahˇ Yaˬkoˆ ehˇ nehˬ-euˬ meh.

Aˇ dahˬ 49:29

Kʼoeˇ naˇ, aˬ yawꞈ-euˬ aˬ li deuˬ-ahˇ Yaˬkoˆ heu loꞈ-ehˇ ehˇ mehˬ nehˬ-euˬ meh. “Nymˬ-mˇ, shiˇ-eu miˇ kʼahˬ-ahˇ ngaˬ-euˬ tsawˇ haˬ deuˬ jawˇ gaˇ ngaˇ iˇ byoˆ gʼeh-eu ma. Kaˬnaˬ miˇ kʼahˬ laꞈ kʼoeˇ, Mamˬliˬ meuˬ-euˬ nahˇ ma doˆ kʼehˬ paw, Maˬpeˬlaˇ lehˇ ehˇ-eu jawˇ duˬ-ahˇ jaˆ-eu ngaˬ bawˇ hawˇ-eu ngaˬ da-ahˇ baꞈ pahˬ taˬ-euˬ Heˬtaˆ tsawˇ jeuˬ, Eˇpaˬloˬ-euˬ lmˬ bymˇ lo kʼahˬ kʼoeˇ kʼahˬ laꞈ kʼoeˇ, ngaˬ-ahˇ baꞈ pahˬ nehˬ laꞈ-awˬ. Lo kʼahˬ kʼoeˇ kʼahˬ jaˆ-eu miˇ tsaˬ kʼoeˇ tsahˇ lmˬ bymˇ geuꞈ-eu lehˇ, Eˇpaˬloˬ-euˬ laꞈ-ahˇ Aˬbyaˬhaˬ neh zeuˇ tsehˆ taˬ yaꞈ-euˬ meh.

1 Sahˬpaˬ 18:31

Sahˬpaˬ Miˬyehˇ neh Iˇsaˬleˬlaˆ lehˇ myahˇ nehˬ-euˬ Yaˬkoˆ-euˬ aˬ li tseˇ nyiꞈ li-euˬ tsawˇ myahˇ pi luꞈ-eu tsawˇ jeuˬ tseˇ nyiꞈ jeuˬ gʼaˇ duˬ, kʼaˬ lo tseˇ nyiˬ siˬ aˬ yawꞈ yuˇ-euˬ meh.

Iˇsaˬtaˆ 8:11

Sahˬ boꞈ kʼoeˇ taꞈ laꞈ kʼoeˇ heu loꞈ-ehˇ boꞈ taˬ-euˬ meh. “Meuˬ aˬ yawꞈ meuˬ yawꞈ-ahˇ jawˇ-eu Yuˇdaˆ tsawˇ haˬ deuˬ yawˬ ha tsawˇ jeuˬ-ahˇ yawˬ ha deuˆ piˇ-eu gʼaˇ duˬ, aˇ muˇ muˇ-awˇ lehˬ hmˬ taˬ nya meh. Miˇ kʼahˬ aˬ geu kʼahˬ-ahˇ jawˇ-eu tsawˇ jeuˬ aˬ geu jeuˬ maˬ kaˬ, guiˇ deuˆ-eu keu ka baꞈ-awˇ aˬ yawꞈ maꞈ-ahˇ deuˆ laˇ naˇ, aˬ yawꞈ maꞈ kʼawꞈ paˇ deuˆ ceh ceh-eu laꞈ kʼoeˇ, tsawˇ haˬ kʼoeˇ deuˬ hawˇ-eu aˬ yawꞈ maꞈ-euˬ miˬ sawˇ zaˬ deuˬ tiˬ gʼaˬ-iˬ maˬ bi dzeuˇ-iˇ ni sehꞈ-awˇ, pyuˇ shuiˇ myawˬ gahˬ deuˬ yuˇ geuꞈ nya meh.

Iˇsaˬtaˆ 8:7

Kʼoeˇ naˇ, sahˬ paˬ miˬ zaˬ Iˇsaˬtaˆ hawˇ-eu Yuˇdaˆ tsawˇ haˬ Mawˬdaˬkehˇ aˬ nyaꞈ-ahˇ sahˬ paˬ Dzeuˬsehˆ heu loꞈ-ehˇ ehˇ nehˬ-euˬ meh. “Haw sheˇ. Yuˇdaˆ tsawˇ haˬ deuˬ kʼoeˇ taˆ yaw haiˬ jeˬ mˇ-euˬ baˬ da neh Haˬmaˬ-ahˇ bi paꞈ gʼeu sehꞈ-awˇ, aˬ yawꞈ-euˬ pyuˇ shuiˇ myawˬ gahˬ deuˬ Iˇsaˬtaˆ-ahˇ ngaˇ biꞈ-euˬ ma.

Iˇsaˬtaˆ 8:9

Ba la smˇ siˬ tiˬ siˬ pyeuꞈ-eu Siˬbaˬ ba la nyiˬ tseˇ smˬ nah-ahˇ heu loꞈ-ehˇ jahˇ-euˬ meh. Sahˬ paˬ-euˬ sahˬ boꞈ boꞈ-eu tsawˇ haˬ deuˬ-ahˇ Mawˬdaˬkehˇ kuˇ uiˬ-awˇ, Gaˬlaˬnaˆ miˇ kʼahˬ-ahˇ neh Suˬdaˬ miˇ kʼahˬ-ahˇ keuˆ ni jaˆ-eu miˇ kʼahˬ tiˬ yaˇ nyiˬ tseˇ shiꞈ kʼahˬ laꞈ kʼoeˇ kʼaˇ jawˇ-eu Yuˇdaˆ tsawˇ haˬ deuˬ hawˇ-eu, miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ hawˇ-eu yaw huiˬ yaw mahˇ dawˬ tawˆ luꞈ jawˇ gaˇ, aˬ yawꞈ neh kʼaˇ ehˇ-euˬ dawˬ deuˬ bi boꞈ ahˇ gʼeh-euˬ meh. Miˇ kʼahˬ aˬ yawꞈ kʼahˬ yawꞈ laꞈ kʼoeˇ kʼaˇ zmˬ luꞈ-eu dawˬ-ahˇ neh bi boꞈ-awˇ, Yuˇdaˆ tsawˇ haˬ deuˬ-ahˇ Yuˇdaˆ sahˬ boꞈ boꞈ ahˇ nehˬ-euˬ meh.

Doˆ-iˇ 28:21

Kʼaˬ lo sehˇ heu tseˇ nyiꞈ siˬ-aˬ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ pyeuꞈ-eu gʼaˇ duˬ, aˬ yawꞈ siˬ yawꞈ kʼoeˇ taˆ, Yaˬkoˆ-euˬ aˬ li tiˬ li-euˬ tsawˇ myahˇ ya toeˬ boꞈ taˬ meh.

Bawˇtsahˬ 23:24

Iˇsaˬleˬlaˆ tsawˇ jeuˬ-aˬ, baoˬ huiˬ-eu aˇ laˬ jaˬ shiˇ-ahˇ duˇ-eu meh. Aˬ yawꞈ neh kawꞈ sehꞈ-euˬ jeˬ zaˬ-euˬ shiˬ dawˇ gʼaˬ-awˇ, shaˬ jiˇ maˬ kawꞈ dzaˬ jiˇ kʼoeˇ keuˆ ni aˬ yawꞈ maˬ naˬ-a.”

Gʼaˬkʼehˇ 26:7

Aˬ dui-euˬ tsawˇ jeuˬ tseˇ nyiꞈ jeuˬ luꞈ, uˬ ciꞈ nah gʼahˇ maˬ ehˇ, Miˬyehˇ-ahˇ uˬ duˬ tahˬ tahˬ-ehˇ noeˬ tmˬ luꞈ-eu kʼoeˇ kʼawꞈ, nymˬ-mˇ ngaˇ noeˬ tmˬ luꞈ-eu heu hmˬ meh. Sahˬ paˬ-oˇ, kʼoeˇ loꞈ-ehˇ noeˬ tmˬ-eu heu hmˬ baˬ da neh Yuˇdaˆ tsawˇ haˬ deuˬ ngaˬ-ahˇ yaˇ kʼaˬ ja-eu meh.

Dawˬmehˬ 33:1

Heu-aˬ, Miˬyehˇ-euˬ tsawˇ haˬ pyeuꞈ-eu Moˇseˬ maˬ shiˇ mi naˆ-ehˇ, Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ-eu laꞈ kʼoeˇ biꞈ yaꞈ-euˬ guiˬ lahˬ deuˬ meh.

Yaˬkoˆ 1:1

Miˬyehˇ hawˇ-eu Sahˬpaˬ Yeˬsuˇ Ka li-euˬ zaˬ kʼaˆ pyeuꞈ-eu ngaˇ Yaˬkoˆ, Miˇ tsaˬ heu kʼoeˇ taˆ jawˇ byaˆ taˬ-euˬ Miˬyehˇ-euˬ tsawˇ haˬ dawˬ tawˆ luꞈ-ahˇ dawˬ cawˬ puˬ ahˇ laꞈ-eu ma.

Panmaeq 7:4

Kʼoeˇ naˇ, naˇ kʼawˇ-ahˇ Miˬyehˇ-euˬ jmˬ diˬ taˬ-euˬ tsawˇ haˬ tiˬ seh oeˬ muiˇ oeˬ heˇ gʼaˬ byah-eu meh lehˇ ngaˬ-ahˇ ehˇ nehˬ laꞈ-euˬ meh. Aˬ yawꞈ maꞈ-aˬ, Iˇsaˬleˬlaˬ tsawˇ jeuˬ tseˇ nyiꞈ jeuˬ laꞈ kʼoeˇ ahˇ-eu tsawˇ haˬ deuˬ meh.