Aˇ dahˬ 49:26 - Akha

²⁶ Aˇ siˬ hawˇ-eu aˇ yehˆ guiˬ lahˬ biꞈ laꞈ tehꞈ-a. Aˇ hu ba neh jaˆ-eu gawˬ jawˬ gawˬ duˇ deuˬ pyeuꞈ-eu, Mˬ maˬ maˬ byaˆ zaˇ ziˇ ziꞈ-eu gawˬ jawˬ gawˬ duˇ deuˬ laꞈ kʼoeˇ jaˆ luꞈ-eu muiˬ-eu guiˬ lahˬ deuˬ hawˇ-eu Nui kʼahˇ shiˇ dui dui paˬ-ehˇ gʼeh-eu jeˬ dawˬ tawˆ luꞈ biꞈ nehˬ laꞈ tehꞈ-a. Guiˬ lahˬ yaw dzahˇ heu deuˬ dawˬ tawˆ luꞈ, Aˬ yawꞈ-euˬ mehˇ nmˇ deuˬ-ahˇ maˬ taꞈ-eu Yoˇsehˆ-euˬ uˬ duˬ naˇ kʼawˇ kʼoeˇ taˆ keuˆ le luꞈ-uˇ.

Aˇ dahˬ 49:26 ပူးပေါင်းရင်းမြစ်များ

Aˇ dahˬ 37:28

Kʼoeˇ naˇ, Miˇdiˬyaˬ tsawˇ haˬ baw gaꞈ deuˬ dawˬ peh oe keuˆ ngeh, aˬ ha mehˇ nmˇ Yoˇsehˆ-ahˇ lah duˬ laꞈ kʼoeˇ neh gʼeu doˆ-awˇ, Iˇshaˬmeˬlaˇ baw gaꞈ deuˬ-ahˇ ahˬ nehˬ-euˬ meh. Baw gaꞈ kʼoeˇ deuˬ aˬ yawꞈ maꞈ-ahˇ pyuˇ mehˇ byaˆ nyiˬ tseˇ byaˆ biꞈ-awˇ, Yoˇsehˆ-ahˇ zeuˇ-awˇ, Iˇjiˇtuˆ miˇ kʼahˬ-ahˇ sheuˬ gʼeh-euˬ meh.

Aˇ dahˬ 37:8

Aˬ yawꞈ-euˬ aˇ doˆ deuˬ ehˇ-eu, “Aˬ kaˇ nga maꞈ kʼoeˇ taˆ nawˇ sahˬ paˬ ya geuꞈ tehꞈ-a lehˇ noeˬ luꞈ te loˇ.” Aˬ yawꞈ yuꞈ maˆ kʼoeˇ loꞈ-ehˇ maˆ-euˬ miˇ neh maˬ ehˇ, yuꞈ maˆ maˆ-euˬ gaˇ kawˆ kʼoeˇ aˬ yawꞈ maꞈ-ahˇ dzawˇ nehˬ leˇ-euˬ miˇ neh maˬ ehˇ, Yoˇsehˆ-ahˇ aˬ yawꞈ maꞈ paˇ bye dzehˬ laˇ-euˬ meh.

Aˇ dahˬ 49:27

Beˬyaˬmiˬ-aˬ, smˇ dui dui-eu kʼaˬ yehˇ-ahˇ duˇ-eu meh. Uˬ ciꞈ nah gʼahˇ maˬ tseˇ ni aˬ cawˬ-ahˇ kawꞈ sehꞈ-awˇ, dzaˬ nawˆ nawˆ tehꞈ-a” lehˇ, aˬ ha mehˇ nmˇ-ahˇ Yaˬkoˆ ehˇ nehˬ-euˬ meh.

Jaceuq 132:18

Aˬ yawꞈ-ahˇ muiˇ-eu deuˬ-ahˇ ngaˇ daˬ bi ga-awˇ, aˬ yawꞈ-euˬ miˇ kʼahˬ bi baw bi za le ma.”

Jaceuq 89:36

Nahˇ ma maˬ byoˆ tsehˆ kʼoeˇ keuˆ ni, aˬ yawꞈ-euˬ zaˬ deuˬ uˆ deuˬ aˬ myah luꞈ dehꞈ-awˇ jawˇ-awˇ, aˬ yawꞈ-euˬ miˇ kʼahˬ-ahˇ ngaˇ haw piˇ ma.

Iˇsaˬyaˇ 54:10

Gawˬ jawˬ gawˬ duˇ deuˬ byaˆ-iˇ kʼawꞈ, nawˬ-ahˇ ngaˇ gaˬ-eu jeˬ maˬ bi byoˆ-iˇ. Tsaˬ leˇ dzoeˇ leˇ-eu ngaˬ-euˬ saˇ jaˇ dawˬ, mˬ maˬ maˬ byaˆ zaˇ ziˇ bi ziꞈ-eu ma” lehˇ, nawˬ-ahˇ gaˬ-euˬ Sahˬpaˬ Miˬyehˇ ehˇ-eu meh.

Iˇsaˬyaˇ 66:5

Sahˬpaˬ Miˬyehˇ-ahˇ guˆ-awˇ ehˇ dawˬ naˇ haˬ-eu deuˬ-oˇ, aˬ yawꞈ-euˬ dawˬ-ahˇ naw maꞈ naˇ haˬ sheˇ. “Naw maꞈ ngaˬ-ahˇ saˇ jaˇ ziꞈ-eu miˇ neh, naw maꞈ tsawˇ jeuˬ tiˬ paˆ deuˬ naw maꞈ-ahˇ bye-awˇ, naw maꞈ-ahˇ myaˆ maˬ haw cawˬ-ehˇ, ‘Naw maꞈ laˬ kʼaˬ cehˇ luꞈ gaˇ nga maꞈ ya mawˇ ni, Sahˬpaˬ Miˬyehˇ-euˬ baoˬ bi mawˇ le-awˇ, naw maꞈ-ahˇ ka kʼoꞈ nehˬ luꞈ-uˇ’ lehˇ ehˇ tehꞈ-a. Ehˇ kawꞈ, kʼoeˇ loꞈ-ehˇ ehˇ-eu deuˬ kʼoeˇ taˆ, shaꞈ dawˇ-eu jeˬ keuˆ le tehꞈ-a.

Yawˇnaˆ 2:6

Gawˬ jawˬ ciˇ tahˬ dawˬ dah jaˆ-awˇ, gʼoˆ kaꞈ tiˬ jawˇ-iˬ maˬ pah-eu, miˇ kʼahˬ-ahˇ ngaˇ ga keuˆ-euˬ kʼawꞈ, naꞈ-eu miˇ oˆ miˇ kʼahˬ-ahˇ neh, ngaˬ-euˬ Miˬyehˇ Sahˬpaˬ Miˬyehˇ, ngaˬ-ahˇ sheuˬ kʼoꞈ doˆ laꞈ-euˬ meh.

Haˬbaˬkuˆ 3:6

Aˬ yawꞈ naˬ ngeh miˇ luˆ luˆ-awˇ, aˬ yawꞈ myaˆ haw ciˬ pyawˇ leꞈ ngeh, miˇ tsaˬ zaˬ yaw dzuˬ dzuˬ-eu meh. Aˇ hu aˬ yawꞈ cah-euˬ gaˇ ma, gawˬ jawˬ jawˬ oeˇ deuˬ byaˆ le-awˇ, gawˬ duˇ duˇ mawˬ coˬ le-eu meh.

Bawˇtsahˬ 6:2

Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ mehˬ nehˬ tsoˆ nehˬ-awˬ. Kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, tsawˇ haˬ tiˬ gʼaˬ na Naˬzaˬliˇ tsawˇ haˬ pyeuꞈ laˇ-eu gʼaˇ duˬ saˇ jaˇ dzaˬ-awˇ, yawˬ ha-euˬ gʼawˇ mawˇ Sahˬpaˬ Miˬyehˇ-ahˇ a nehˬ naˇ,

Gʼaˬkʼehˇ 7:9

“Yaˬkoˆ-euˬ aˬ li deuˬ-aˬ, aˬ yawꞈ ha mehˇ nmˇ-euˬ aˬ nyiˇ Yoˇsehˆ-ahˇ myaˆ naˆ-eu miˇ neh, aˬ cawˬ-ahˇ ahˬ nehˬ-awˇ, aˬ cawˬ neh Iˇjiˇtuˆ miˆ kʼahˬ-ahˇ zaˬ kʼaˆ bi geuꞈ-iˇ-eu gʼaˇ duˬ ahˬ dzaˬ-euˬ meh. Ehˇ kʼawꞈ, Yoˇsehˆ-ahˇ Miˬyehˇ maˬ byehˇ dzeh-ehˇ,

Eˇpeˇsu 1:3

Aˬ dui-euˬ Sahˬpaˬ Yeˬsuˇ Ka liˬeuˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ jeˬ miˇ neh ehˇ naˇ, mˬ taˆ miˇ kʼahˬ-ahˇ jaˆ-eu saꞈ laˇ paw-euˬ guiˬ lahˬ yawˬ jeˬ na luꞈ, Yeˬsuˇ Ka li laꞈ kʼoeˇ aˬ dui-ahˇ aˬ yawꞈ biꞈ laꞈ-euˬ meh.