Aˇ dahˬ 49:24 - Akha

²⁴ Ehˇ kʼawꞈ, aˬ yawꞈ-euˬ kaˆ kaˆ poˆ maˬ byehˆ-iˇ-ehˇ, Aˬ yawꞈ-euˬ laꞈ du deuˇ dui dui ni, Iˇsaˬleˬlaˆ-ahˇ haw piˇ-eu yawˇ bo-eu yaw sahˇ, Yaˬkoˆ-euˬ Baoˬ huiˬ-eu Miˬyehˇ-euˬ baoˬ, aˬ yawꞈ-ahˇ caw ba-eu meh.

Aˇ dahˬ 49:24 ပူးပေါင်းရင်းမြစ်များ

Aˇ dahˬ 45:11

Goˬsheˬ miˇ tsaˬ-ahˇ nawˇ jawˇ le naˇ, nawˬ-ahˇ ngaˇ haw piˇ nehˬ nya ma. Mehꞈ-eu shuꞈ-eu aˇ kʼoꞈ ngaˬ kʼoꞈ dzeˇ-a siˬ. Nawˇ hawˇ-eu nawˬ-euˬ miˬ sawˇ zaˬ deuˬ maˬ ehˇ, nawˬ-euˬ jeˬ zaˬ deuˬ maˬ ehˇ, mehꞈ-eu shuꞈ-eu jeˬ-ahˇ maˬ bi daˬ mawꞈ nya lehˇ tsaꞈ ahˇ laꞈ-euˬ meh lehˇ ehˇ nehˬ-awˬ.”

Aˇ dahˬ 45:5

Naw maꞈ ngaˬ-ahˇ ahˬ dzaˬ-euˬ miˇ neh, noeˬ shaˬ-awˇ yawˬ haˇ yawˬ ha iˬ baˇ taˬ-eu maˬ loˬ-aˇ. Aˬ jeˬ miˇ neh ehˇ naˇ, tsawˇ haˬ zaˬ-ahˇ ka kʼoꞈ-eu gʼaˇ duˬ naw maꞈ-euˬ mehˬ hu ngaˬ-ahˇ heu gaˇ bi oe-euˬ gʼaˬ-aˬ, Miˬyehˇ meh.

Aˇ dahˬ 45:7

Naw maꞈ hawˇ-eu naw maꞈ-euˬ zaˬ deuˬ mehꞈ-eu shuꞈ-eu baˬ da neh maˬ ya shiˇ jiˇ ni, Miˬyehˇ ngaˬ-ahˇ heu gaˇ kʼehˇ gʼeh leꞈ-euˬ heu, zahˬ leˇ paˬ-ehˇ gʼeh dui dui meh.

Aˇ dahˬ 47:12

Aˬ yawꞈ-euˬ aˬ da-ahˇ maˬ ehˇ, aˬ yawꞈ-euˬ mehˇ nmˇ deuˬ-ahˇ maˬ ehˇ, aˬ yawꞈ aˬ da o neh jeuˬ le o le-euˬ tsawˇ haˬ dawˬ tawˆ luꞈ-ahˇ maˬ ehˇ, Yoˇsehˆ yaw muiˬ paˬ-ehˇ bi dzaˬ bi dawˇ-euˬ meh.

Aˇ dahˬ 48:15

Kʼoeˇ naˇ, Yaˬkoˆ neh Yoˇsehˆ-ahˇ heu loꞈ-ehˇ dawˬ ngehˬ gʼeh nehˬ-euˬ meh. “Ngaˬ bawˇ Aˬbyaˬhaˬ hawˇ-eu ngaˬ da Iˇtsaˆ uˬ duˬ tahˬ-euˬ Miˬyehˇ, aˬ li heu nyiˬ li-ahˇ guiˬ lahˬ biꞈ luꞈ-uˇ. Iˬ nah keuˆ ni ngaˬ-ahˇ sheuˬ gʼeh luꞈ-eu Miˬyehˇ, aˬ yawꞈ nyaꞈ-ahˇ dawˬ ngehˬ gʼeh nehˬ luꞈ-uˇ.

Aˇ dahˬ 49:23

Muiˇ-eu deuˬ aˬ yawꞈ-ahˇ beuˆ sehꞈ-eu lehˇ, Kaˆ hawˇ-eu kaˆ myaˬ yuˇ-awˇ, aˬ yawꞈ mehˬ nah teh-eu meh.

Aˇ dahˬ 50:21

Kʼoeˇ miˇ neh, naw maꞈ guˆ-eu maˬ loˬ-a. Naw maꞈ hawˇ-eu naw maꞈ-euˬ zaˬ deuˬ-ahˇ ngaˇ yaw muiˬ paˬ-ehˇ ngehˬ gʼeh nehˬ ma.” Kʼoeˇ loꞈ-ehˇ aˬ yawꞈ-euˬ aˇ doˆ deuˬ-euˬ nui ma-ahˇ zaw leˇ ni, nahˬ yu ni gʼeh-eu dawˬ Yoˇsehˆ ngehˬ-awˇ, aˬ yawꞈ maꞈ-euˬ nui ma-ahˇ laˆ saˆ nehˬ-euˬ meh.

2 Saˬmeuˬlaˆ 5:2

Dzeuˇ laˇ ngeh, Sawˇluˆ nga maꞈ-euˬ sahˬ paˬ geuꞈ luꞈ ngeh kʼawꞈ, guiˇ deuˆ-eu paw Iˇsaˬleˬlaˆ tsawˇ jeuˬ-ahˇ nawˇ sheuˬ gʼeh-awˇ, Sahˬpaˬ Miˬyehˇ-euˬ tsawˇ jeuˬ-ahˇ nawˬ neh bi sheuˬ gʼeh-awˇ, aˬ yawꞈ maꞈ kʼoeˇ taˆ bi uˆ lahˇ ma lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh.”

2 Sahˬpaˬ 13:16

“Beuˆ-eu lehˇ lehˬ hmˬ-awˬ” lehˇ Eˇliˇshehˇ ehˇ ngeh, aˬ yawꞈ kaˆ ngoꞈ daˆ-awˇ lehˬ hmˬ-euˬ meh. Kʼoeˇ ngeh, sahˬ paˬ-euˬ aˬ laꞈ kʼoeˇ taˆ, Eˇliˇshehˇ-euˬ aˬ laꞈ cawˬ daˆ-euˬ meh.

Neˬhaˬmiˇ 6:9

Aˬ yawꞈ maꞈ-aˬ, nga maꞈ-ahˇ ja guˆ-awˇ gaˇ maˬ mˇ ni bi byehˇ-eu lehˇ leh jeh luꞈ-eu meh. “Miˬyehˇ-oˇ, nymˬ-mˇ ngaˬ-ahˇ gʼaˬ biꞈ lahˬ laꞈ-awˬ” lehˇ, ngaˇ guiˬ lahˬ shaˇ-euˬ ma.

Yawˇbaˆ 29:20

Tsawˇ haˬ yawˬ gʼaˬ na luꞈ ngaˬ-ahˇ aˬ myah luꞈ ja ceuˬ-awˇ, aˬ myah luꞈ gʼaˬ juˬ-iˇ-eu maˬ baw ni dehꞈ-euˬ ma.

Jaceuq 118:22

Nymˇ tsoˆ-eu deuˬ neh tseˇ dzeh-euˬ kʼaˬ lo tsaˬ byaˆ, laꞈ coeˇ-ahˇ gawˬ gaˇ zmˬ-eu, aˇ poeˬ kʼaˆ dzehˬ-eu kʼaˬ lo pyeuꞈ laˇ-euˬ meh.

Jaceuq 132:1

Sahˬpaˬ Miˬyehˇ-oˇ, Daˬbiˇ-ahˇ taˬ ngehˇ. Aˬ yawꞈ ya daˬ-euˬ shaˬ zahˬ-ahˇ taˬ ngehˇ.

Jaceuq 132:2

Sahˬpaˬ Miˬyehˇ-oˇ, aˬ yawꞈ-euˬ saˇ jaˇ dawˬ-ahˇ noeˬ keuˆ-awˬ. Yaˬkoˆ-euˬ Baoˬ huiˬ-eu Miˬyehˇ-oˇ, aˬ yawꞈ neh nawˬ-ahˇ saˇ jaˇ dzaˬ taˬ-euˬ dawˬ-ahˇ taˬ ngehˇ.

Jaceuq 132:5

Sahˬpaˬ Miˬyehˇ gʼaˇ duˬ jawˇ zaˇ shaˇ-awˇ, Yaˬkoˆ-euˬ Baoˬ huiˬ-eu Miˬyehˇ gʼaˇ duˬ nymˇ maˬ tsoˆ doˆ kʼoeˇ keuˆ ni, ngaˇ coˬ lah-awˇ gʼaˬ naˬ maˬ naˬ.

Jaceuq 18:1

SahˬpaˬMiˬyehˇ-ahˇngaˇgaˬma. Nawˇ-aˬ, ngaˬ-euˬgʼaˬpyeuꞈ-eu ma.

Jaceuq 18:30

Miˬyehˇheu gʼaˬmˇ-euˬgaˇdeuˬ, aˇnaˆni muiˬ-eu byah-eu nga. Yawꞈneh biꞈ-euˬsaˇjaˇdawˬdeuˬ, jah dui dui paˬ-ehˇgʼeh-eu meh. Yawꞈ-ahˇtahˬshaˇleˇ-eu deuˬ-ahˇ, tahˬpiˇnehˬ-eu dehˬdaˬduˬmeh.

Jaceuq 23:1

SahˬpaˬMiˬyehˇngaˬ-ahˇbo-eu, yawˇbo-eu yaw sahˇmeh. Ngaˇtiˬ jeˬ-iˬloˬ-eu maˬjaˆ.

Jaceuq 27:14

SahˬpaˬMiˬyehˇ-ahˇnoeˬtmˬ-awˬ. Gʼaˬbyehˆtaˬbyehˆ, nui ma taˬcawˆ. SahˬpaˬMiˬyehˇ-ahˇnoeˬtmˬ-awˬ.

Jaceuq 28:8

Sahˬpaˬ Miˬyehˇ-aˬ, yawˬtsawˇgʼaˇduˬ gʼaˬpyeuꞈ-eu meh. Yawꞈneh tsiˇlehꞈ-euˬ sahˬpaˬ-ahˇ, haw piˇ-awˇ ka kʼoꞈ nehˬ-eu meh.

Jaceuq 44:7

Ehˇkʼawꞈmuiˇ-eu deuˬdaˬga ni, nga maꞈguiˇdeuˆgʼaˬ-euˬkʼoeˇ-aˬ, nawˬneh bi gʼaˬleˇlaꞈ-euˬmeh.

Jaceuq 73:23

Ehˇ kʼawꞈ, aˬ myah luꞈ nawˬ-euˬ dawˬ peh ngaˇ jawˇ-awˇ, ngaˬ-euˬ aˬ laꞈ-ahˇ nawˇ tuˆ tehꞈ nehˬ laꞈ-euˬ meh.

Jaceuq 80:1

Iˇsaˬleˬlaˆ tsawˇ jeuˬ-ahˇ bo-eu yawˇ bo-eu gʼaˬ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ. Yawˇ maꞈ-ahˇ sheuˬ gʼeh-eu gʼaˬ-oˇ, nga maꞈ-ahˇ naˬ bawˇ ciˬ kʼmˇ nehˬ laꞈ. Jeˬluˇbeˬ kʼoeˇ taˆ nuiˇ luꞈ-eu gʼaˬ-oˇ,

Jaceuq 89:1

Sahˬpaˬ Miˬyehˇ-oˇ, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ-ahˇ ngaˇ aˬ myah luꞈ caˇ-awˇ ja ceuˬ ma. Nawˇ saˇ jaˇ ziꞈ-eu gaˇ kawˆ aˬ myah luꞈ ja gaˬ ma.

Doˆ-iˇ 3:6

Ngaˇ-aˬ, nawˬ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-awˇ Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ ma” lehˇ ehˇ nehˬ-euˬ meh. Moˇseˬ Miˬyehˇ-ahˇ maˬ haw peuˬ-eu miˇ neh, yawˬ ha-euˬ myaˆ pyawˬ-ahˇ dehˬ kaˬ taˬ-euˬ meh.

Iˇsaˬyaˇ 1:24

Kʼoeˇ miˇ neh Dawˬ tawˆ kʼoeˇ taˆ huiˬ-eu Sahˬpaˬ Miˬyehˇ, Iˇsaˬleˬlaˆ-euˬ baoˬ huiˬ-eu Miˬyehˇ, heu loꞈ-ehˇ ehˇ-eu meh. “Haw taˬ lawˬ. Ngaˬ-ahˇ muiˇ-eu deuˬ-ahˇ ngaˇ jahˇ kʼoꞈ ma. Aˬ yawꞈ maꞈ ngaˬ-ahˇ maˬ paˇ bi laˆ bahˬ ma.

Iˇsaˬyaˇ 28:16

Ehˇ kʼawꞈ, Sahˬpaˬ Miˬyehˇ heu loꞈ-ehˇ ehˇ-eu meh. “Ziˇoˬ meuˬ-euˬ dawˬ pehˬ ziꞈ dah ni ngaˇ gawˬ-euˬ ma. ‘Jah-eu ziꞈ-eu jeˬ-aˬ kamˬ coeˇ-eu jeˬ meh’ lehˇ boꞈ taˬ-euˬ, ziꞈ dah ni gʼeh-eu kʼaˬ lo neh, laꞈ coeˇ gawˬ tehˬ-euˬ ma.

Iˇsaˬyaˇ 29:24

Aˬ dzawˬ aˇ gah deuˬ noeˬ siˬ noeˬ mawˇ nya laˇ-awˇ, naˬ lehˬ deuˬ mehˬ paˇ nya tehꞈ-a.”

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Iˇsaˬyaˇ 49:26

Nawˬ-ahˇ kʼehˬ-eu tsawˇ haˬ tiˬ gʼaˬ tiˇ gʼaˬ shaˬ jiˇ dzaˬ ni ngaˇ jahˇ nehˬ-awˇ, jiˇ baˬ yehꞈ-eu loꞈ-ehˇ yawˬ ha-euˬ shiˬ dawˇ yehꞈ tehꞈ-a. Kʼoeˇ naˇ ngaˇ Sahˬpaˬ Miˬyehˇ pyeuꞈ-eu gaˇ kawˆ-ahˇ, tsawˇ jeuˬ dawˬ tawˆ luꞈ ya siˬ duˬ tehꞈ-a. Naw maꞈ-ahˇ ka kʼoꞈ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. Ngaˇ Iˇsaˬleˬlaˆ-euˬ baoˬ huiˬ-eu Miˬyehˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a.”

Iˇsaˬyaˇ 60:16

Aˬ ma zaˬ-ahˇ bo saˆ huiˬ-euˬ loꞈ-ehˇ, miˇ kʼahˬ tsawˇ jeuˬ hawˇ-eu sahˬ paˬ deuˬ nawˬ-ahˇ ya mˇ cu tehꞈ-a. Sahˬpaˬ Miˬyehˇ pyeuꞈ-eu ngaˇ nawˬ-ahˇ ka kʼoꞈ-awˇ, Iˇsaˬleˬlaˆ-euˬ baoˬ huiˬ-eu Miˬyehˇ nawˬ-ahˇ puiˇ pyehˬ nehˬ-euˬ gaˇ kawˆ, nawˇ ya siˬ duˬ tehꞈ-a.

Zaˬkaˬliˇ 10:12

Ngaˬ-euˬ tsawˇ jeuˬ gʼaˬ bi kʼaˆ ma. Ngaˬ-euˬ dawˬ-ahˇ naˇ haˬ geuꞈ-awˇ, ngaˬ-ahˇ uˬ duˬ tahˬ tehꞈ-a” lehˇ, Sahˬpaˬ Miˬyehˇ ehˇ taˬ-euˬ meh.

Zaˬkaˬliˇ 3:9

Pyawˬ ma shiꞈ pyawˬ baw-eu kʼaˬ lo tiˬ siˬ Yawˇshuˆ mehˬ shi ngaˇ bi jaˆ ma. Kʼoeˇ-euˬ kʼoeˇ taˆ ngaˇ sahˬ boꞈ toeˬ boꞈ-awˇ, tiˬ nah laꞈ kʼoeˇ tehꞈ- ehˇ miˇ kʼahˬ heu kʼahˬ-euˬ iˬ baˇ ngaˇ tsiˬ shawˇ ma.

Maꞈtehˬ 21:42

Aˬ yawꞈ maꞈ-ahˇ Yeˬsuˇ ehˇ nehˬ-eu, “Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ naw maꞈ tiˬ jawˇ-iˬ maˬ gui haw-aˬ loˇ. ‘Nymˇ gawˬ-eu deuˬ maˬ geuꞈ nahˇ-ehˇ, baꞈ dzeh taˬ-euˬ kʼaˬ lo kʼoeˇ siˬ, kʼaˬ lo dawˬ tawˆ maˬ tseˇ poeˬ-eu, laꞈ coeˇ lo ziꞈ pyeuꞈ laˇ-euˬ meh. SahˬpaˬMiˬyehˇ neh jahˇ-euˬ kʼoeˇ, aˇ naˆ ni zahˬ leˇ duˬ jaˆ nga.’

Maˬkuˆ 12:10

Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ naw maꞈ maˬ gui haw-aˬ loˇ. ‘Nymˇ gawˬ-eu deuˬ maˬ geuꞈ nahˇ-ehˇ, baꞈ dzeh taˬ-euˬ kʼaˬ lo kʼoeˇ siˬ, kʼaˬ lo dawˬ tawˆ maˬ tseˇ poeˬ-eu, laꞈ coeˇ lo ziꞈ pyeuꞈ laˇ-euˬ meh.

Luˇkaꞈ 20:17

Yeˬsuˇ aˬ yawꞈ maꞈ-ahˇ haw-awˇ ehˇ-eu, “Toˆ-ehˇ maˇ-iˬ, Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ kʼoeˇ, aˬ jeˬ-ahˇ ehˇ mawꞈ ta. ‘Nymˇ gawˬ-eu deuˬ maˬ geuꞈ nahˇ-ehˇ, baꞈ dzeh taˬ-euˬ kʼaˬ lo kʼoeˇ siˬ, kʼaˬ lo dawˬ tawˆ maˬ tseˇ poeˬ-eu, laꞈ coeˇ lo ziꞈ pyeuꞈ laˇ-euˬ meh.’

Gʼaˬkʼehˇ 4:11

Jaˇliꞈ laꞈ kʼoeˇ, ‘Naw maꞈ nymˇ tsoˆ gaˇ maˬ geuꞈ-ehˇ, baꞈ dzeh taˬ-euˬ kʼaˬ lo kʼoeˇ siˬ, kʼaˬ lo dawˬ tawˆ maˬ tseˇ poeˬ-eu, laꞈ coeˇ lo ziꞈ pyeuꞈ laˇ-euˬ meh.’ lehˇ ehˇ taˬ-euˬ kʼoeˇ-aˬ, Yeˬsuˇ-ahˇ ehˇ mawꞈ-eu meh.

Lormav 14:4

Aˬ cawˬ-euˬ zaˬ kʼaˆ-ahˇ yaw lehˬ poˆ paˬ-ehˇ nawˇ aˬ suˇ gʼaˬ te. Aˬ yawꞈ tsaˬ-eu lehˬ-eu gaˇ kawˆ, aˬ yawꞈ-euˬ baw leˬ gʼaˬ ngehˬ tehꞈ-a. Aˬ yawꞈ-aˬ tsaˬ-eu tsawˇ haˬ pyeuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ tsaˬ ni Sahˬpaˬ Miˬyehˇ jahˇ nya-eu meh.

Eˇpeˇsu 2:20

Naw maꞈ kʼawꞈ, gʼaˬ kʼehˇ deuˬ hawˇ-eu Miˬyehˇ gʼaˇ duˬ ngehˬ dah-eu deuˬ neh gawˬ dahˬ beh taˬ-euˬ gaˇ gawˬ tsaꞈ daˆ leꞈ-euˬ nymˇ pyeuꞈ-awˇ, Yeˬsuˇ Ka li-aˬ, laꞈ coeˇ lo ziꞈ pyeuꞈ-eu meh.

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.

Dawˬmehˬ 33:27

Miˬyehˇ naw maꞈ-ahˇ aˬ myah luꞈ, ceh piˇ loꞈ piˇ bo saˆ luꞈ meh. Yawꞈ-euˬ yaˇ ziˇ ziꞈ-eu aˬ laꞈ, naw maꞈ-ahˇ caw ba luꞈ-eu meh. Naw maꞈ le-eu gaˇ ma mehˬ shi, muiˇ-eu deuˬ-ahˇ teh dzeh jiˇ-awˇ, dawˬ tawˆ luꞈ-ahˇ laˆ cawˆ-awˬ lehˇ, naw maꞈ-ahˇ aˬ yawꞈ ehˇ-eu meh.

Dawˬmehˬ 34:9

Nuˬ-euˬ aˬ li Yawˇshuˆ-aˬ, noeˬ siˬ noeˬ mawˇ nya-eu tsawˇ gahˇ tiˬ byah ni ahˇ-eu meh. Aˬ jeˬ miˇ neh ehˇ naˇ, Moˇseˬ-euˬ gaˇ bi mˇ daˆ leꞈ-eu gʼaˇ duˬ, aˬ yawꞈ-ahˇ Moˇseˬ tseˇ doˆ-euˬ meh. Iˇsaˬleˬlaˆ tsawˇ haˬ deuˬ Yawˇshuˆ-euˬ ehˇ dawˬ naˇ haˬ-awˇ, Moˇseˬ-ahˇ gʼoe-awˇ Sahˬpaˬ Miˬyehˇ neh aˬ yawꞈ maꞈ-ahˇ biꞈ taˬ-euˬ zahˇ dawˬ kʼoꞈ dawˬ mehˬ nah caw teh-euˬ meh.

Gawˇlawˇsehˇ 1:11

Yawˬ jeˬ na luꞈ-ahˇ naw maꞈ nui ma gʼawˬ mahˇ ni taˬ-awˇ daˬ coeˇ ni, aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ neh doˆ le-euˬ gʼaˬ baˬ da neh naw maꞈ gʼaˬ kʼaˆ laˇ luꞈ-uˇ. Yaw shehꞈ-euˬ miˇ kʼahˬ laꞈ kʼoeˇ aˬ yawꞈ-euˬ tsawˇ haˬ deuˬ bi jawˇ-eu gʼaˇ duˬ lehˬ hmˬ taˬ-euˬ jawˇ duˬ-ahˇ naw maꞈ jawˇ leˇ nya ni jahˇ nehˬ laꞈ-euˬ Aˬda Miˬyehˇ-euˬ guiˬ lahˬ-ahˇ, laˬ kʼaˬ tiˬ cehˇ ja ceuˬ-awˬ.

2 Tiˆmoˇseˬ 4:17

Ehˇ kʼawꞈ, Sahˬpaˬ Yeˬsuˇ ngaˬ nehˬ-ehˇ jawˇ-awˇ, ngaˬ-ahˇ gʼaˬ biꞈ nehˬ laꞈ-euˬ meh. Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ dawˬ kawˬ nui kʼahˇ tiˬ shiˇ ya mehˬ yaꞈ-euˬ ma. Kʼoeˇ uˬ taꞈ, ngaˬ-ahˇ sehꞈ-eu gʼaˇ duˬ yaˇ kʼaˬ maˬ daˇ nehˬ laꞈ ni nya dzeuˇ-iˇ-euˬ ma.

Yawˇshuˆ 17:18

Gawˬ jawˬ gawˬ duˇ miˇ kʼahˬ kʼoeˇ naw maꞈ za tehꞈ-a. Kʼoeˇ-aˬ, aˇ bawˇ sahˬ kʼaˆ tehꞈ-ehˇ pyeuꞈ kʼawꞈ, heu dzeˇ kʼoeˇ dzeˇ doˆ ni naw maꞈ tuˇ deˬ geuꞈ-awˬ. Kaˬnaˬ tsawˇ haˬ deuˬ-aˬ, shmˇ mahˬ laˆ lawˬ deuˬ jaˆ-awˇ, gʼaˬ kʼaˆ-eu tsawˇ jeuˬ pyeuꞈ kʼawꞈ, aˬ yawꞈ maꞈ-ahˇ naw maꞈ teh doˆ nya tehꞈ-a.”

Yaˇ kʼaˬ daˇ 1:22

Eˇpaˬleˬ tsawˇ jeuˬ hawˇ-eu Maˬnaˇseˬ tsawˇ jeuˬ deuˬ, kʼoeˇ ngeh jo-ahˇ Luˇzaˆ meuˬ lehˇ kuˇ-eu Beˬdeˬlaˇ meuˬ-ahˇ guiˇ deuˆ-awˇ, aˬ yawꞈ maꞈ-ahˇ Sahˬpaˬ Miˬyehˇ caw ba nehˬ-euˬ meh. Aˬ yawꞈ maꞈ tsawˇ haˬ pyehˬ gʼeh-awˇ, meuˬ kʼoeˇ meuˬ-ahˇ bi kʼoeˬ sho haw-iˇ-euˬ meh.