Aˇ dahˬ 49:16 - Akha

¹⁶ Daˬ-aˬ, aˬ yawꞈ-euˬ tsawˇ jeuˬ-ahˇ uˆ lahˇ tehꞈ-a. Aˬ yawꞈ-euˬ tsawˇ jeuˬ kʼawꞈ, Iˇsaˬleˬlaˆ tsawˇ jeuˬ nui deuˬ-ahˇ duˇ tehꞈ-a.

Aˇ dahˬ 49:16 ပူးပေါင်းရင်းမြစ်များ

Aˇ dahˬ 30:6

Kʼoeˇ ngeh, “Miˬyehˇ ngaˬ-euˬ myaˆ pyawˬ-ahˇ haw-awˇ yaˇ kʼaˬ daˇ-euˬ meh. Ngaˬ-euˬ shaˇ dawˬ-ahˇ aˬ yawꞈ naˇ haˬ-eu laꞈ kʼoeˇ, ngaˬ-ahˇ aˬ li tiˬ li biꞈ leꞈ-euˬ nga” lehˇ Laˬkeˬlaˇ ehˇ-awˇ, aˬ li kʼoeˇ li-ahˇ Daˬ lehˇ myahˇ nehˬ-euˬ meh.

Aˇ dahˬ 49:15

Ehˇ kʼawꞈ, aˬ yawꞈ yuꞈ duˬ muiˬ dui dui-awˇ, Yawˬ jawˇ miˇ yawˬ kʼahˬ saˇ ma lehˇ yawˬ haˇ yawˬ ha noeˬ muiˬ tehꞈ-a. Kʼaˆ daˬ bi baꞈ daˆ-eu gʼaˇ duˬ daˇ tsuiꞈ awˆ daˬ-awˇ, Zaˬ kʼaˆ loꞈ-ehˇ aˬ cawˬ neh bi kʼehˇ dzaˬ tehꞈ-a.

Aˇ dahˬ 49:17

Daˬ-aˬ, gaˇ ma gaˇ dzeˇ jawˇ-eu aˇ lawˇ-ahˇ duˇ tehꞈ-a. Doꞈ kʼaˆ-eu aˇ lawˇ kʼoeˇ mawˇ gaˇ ma gaˇ dzeˇ yuꞈ-awˇ, Mahˬ dziˬ-eu deuˬ sehˇ pyaˆ-ehˇ ga-iˇ ni, Mahˬ-euˬ kuiˇ nuiꞈ-ahˇ toˆ tehꞈ-a.

Bawˇtsahˬ 10:25

Dawˬ tawˆ luꞈ-euˬ mehˬ nah nah saˬ jawˇ-eu taˆ pyeuꞈ-eu, Aˬmiˇshaˬdehˇ-euˬ aˬ li Aˬheˇzaˬ uˆ lahˇ-eu Daˬ tsawˇ haˬ-euˬ taˆ-euˬ paˇ loˬ paˇ lehˇ uˬ moˆ kʼaˇ jawˇ-eu guiˇ maꞈ deuˬ, tiˬ maꞈ saˇ-iˬ tiˬ maꞈ aˬ cawˬ mehˬ nah nah saˬ doˆ-iˇ-eu meh.

Dawˬmehˬ 33:22

Daˬ-euˬ gaˇ kawˆ Moˇseˬ ehˇ-eu, “Daˬ-aˬ aˇ laˬ jaˬ shiˇ zaˬ meh. Baˬshaˬ-ahˇ tsawˬ doˆ laꞈ-euˬ meh.”

Yaˇ kʼaˬ daˇ 13:2

Kʼoeˇ ngeh yamˬ-ahˇ, Zoˇlahˬ meuˬ-ahˇ jawˇ-eu Maˬnoˇaˬ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, Daˬ tsawˇ jeuˬ meh. Aˬ yawꞈ-euˬ nymˇ dahˬ-aˬ, zaˬ tiˬ gʼaˬ-iˬ maˬ jawˇ-a.

Yaˇ kʼaˬ daˇ 15:20

Piˇliˇtiˆ tsawˇ haˬ deuˬ miˇ kʼahˬ kʼoeˇ kʼahˬ-ahˇ uˆ lahˇ-eu aˇ nah aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ nyiˬ tseˇ kʼoꞈ keuˆ ni Saˬsoˬ sheuˬ gʼeh-euˬ meh.