Aˇ dahˬ 49:14 - Akha

¹⁴ Iˇsaˬkaˬ yaw dehꞈ dehꞈ-eu gaˇ kawˆ-aˬ, kʼaˆ daˬ uˬ moˆ yuꞈ ja taˬ-euˬ mahˬ tahˬ laˆ-ahˇ maˬ beu gaˇ-a.

Aˇ dahˬ 49:14 ပူးပေါင်းရင်းမြစ်များ

Aˇ dahˬ 30:18

“Ngaˬ-euˬ kʼaˬ dzeˇ zaˬ-ahˇ, ngaˬ-euˬ zaˬ kʼaˆ ngaˇ biꞈ nehˬ-euˬ miˇ neh, Miˬyehˇ ngaˬ-ahˇ aˇ poeˬ biꞈ laꞈ-euˬ nga” lehˇ Leˇaˬ ehˇ-awˇ, aˬ li kʼoeˇ li-ahˇ Iˇsaˬkaˬ lehˇ myahˇ nehˬ-euˬ meh.

Aˇ dahˬ 49:15

Ehˇ kʼawꞈ, aˬ yawꞈ yuꞈ duˬ muiˬ dui dui-awˇ, Yawˬ jawˇ miˇ yawˬ kʼahˬ saˇ ma lehˇ yawˬ haˇ yawˬ ha noeˬ muiˬ tehꞈ-a. Kʼaˆ daˬ bi baꞈ daˆ-eu gʼaˇ duˬ daˇ tsuiꞈ awˆ daˬ-awˇ, Zaˬ kʼaˆ loꞈ-ehˇ aˬ cawˬ neh bi kʼehˇ dzaˬ tehꞈ-a.

1 Laˬsaˬbaˬ 12:32

Iˇsaˬkaˬ tsawˇ jeuˬ laꞈ kʼoeˇ, aˬ yuiꞈ geuꞈ-eu nyiˬ yaˇ gʼaˬ hawˇ-eu, aˬ yawꞈ maꞈ-euˬ gʼaˬ zaˬ deuˬ (Aˬ yuiꞈ geuꞈ-eu kʼoeˇ deuˬ-aˬ, Iˇsaˬleˬlaˆ miˇ kʼahˬ aˬ geu jeˬ mˇ paˬ-ehˇ gʼeh-eu gaˇ kawˆ hawˇ-eu, aˬ geu ngeh yamˬ-ahˇ mˇ paˬ-ehˇ gʼeh-eu gaˇ kawˆ siˬ nya-eu meh.)

Jaceuq 68:13

Aˬ dahˇ guiˇ nyiˬ ni shuiˇ yaw taˬ-awˇ, gʼawˇ mawˇ pyuˇ yaw taˬ-euˬ kʼaˬ kʼoeˬ mawˇ kawˇ deuˬ aˬ yawꞈ maꞈ biˇ geuꞈ-eu meh. (Aˬ jeˬ miˇ neh naw maꞈ tiˬ paˆ na deuˬ, aˬ cawˬ guiˇ deuˆ-eu tehˬ gʼa luꞈ ngeh, yawˇ kuˆ laꞈ kʼoeˇ jawˇ byoˆ yaꞈ te.)

Jaceuq 78:70

Aˬ yawꞈ-euˬ zaˬ kʼaˆ Daˬbiˇ-ahˇ aˬ yawꞈ tseˇ doˆ-awˇ, yawˇ bo duˬ-ahˇ jawˇ gaˇ sheuˬ doˆ laˬ-iˇ-euˬ meh.

Bawˇtsahˬ 32:16

Tsawˇ haˬ kʼoeˇ deuˬ Moˇseˬ-euˬ dawˬ peh paˇ jiˆ peh leˇ-awˇ ehˇ-eu, “Nga maꞈ-euˬ yawˇ deuˬ bi jawˇ-eu gʼaˇ duˬ, kʼaˬ lo jeˬ zaˬ jeˬ kuˆ deuˬ hawˇ-eu, nga maꞈ-euˬ miˬ sawˇ zaˬ deuˬ jawˇ-eu gʼaˇ duˬ, nga maꞈ-ahˇ heu gaˇ meuˬ tiˬ deuˬ jeˬ huˬ bi tsoˆ laꞈ-awˬ.

Dawˬmehˬ 33:18

Zeˬbuˬluˬ hawˇ-eu Iˇsaˬkaˬ, heu nyiˬ jeuˬ-euˬ gaˇ kawˆ ehˇ-eu, “Laˆ shaˆ kʼoeˇ taˆ jeˬ gaꞈ gaꞈ-eu, Zeˬbuˬluˬ dehꞈ dzaˬ laˇ luꞈ-uˇ. Iˇsaˬkaˬ-euˬ nymˇ jiˇ laꞈ kʼoeˇ, pyuˇ shuiˇ myawˬ gahˬ byah laˇ luꞈ-uˇ.

Yaˇ kʼaˬ daˇ 10:1

Aˬbiˇmaˬlehˆ shiˇ dzeuˇ ngeh jawˇ, Doˇdoˬ-euˬ aˬ li Puˇhaˬ-euˬ aˬ li Toˇlaˬ gʼaˬ Iˇsaˬleˬlaˆ tsawˇ haˬ deuˬ-ahˇ ka kʼoꞈ le-euˬ meh. Aˬ yawꞈ-aˬ, Iˇsaˬkaˬ tsawˇ jeuˬ pyeuꞈ-awˇ, Eˇpaˬleˬ miˇ kʼahˬ gawˬ jawˬ gawˬ duˇ paw jaˆ-eu Shaˬmeuˬ meuˬ-ahˇ jawˇ-eu meh.