Aˇ dahˬ 49:11 - Akha

¹¹ Muiˬ dui dui-eu aˬ gaꞈ baw duˆ uˬ moˆ, aˬ yawꞈ-euˬ mahˬ tahˬ laˆ-ahˇ aˬ yawꞈ paꞈ tehꞈ-a. Shiˬ loꞈ-ehˇ neˇ-eu aˬ gaꞈ dzaˇ uiˇ laꞈ kʼoeˇ, aˬ yawꞈ-euˬ mehˬ tsoeˬ lehˬ tsiˬ tehꞈ-a.

Aˇ dahˬ 49:11 ပူးပေါင်းရင်းမြစ်များ

Aˇ dahˬ 49:12

Aˬ yawꞈ-euˬ myaˆ nuiˆ neˇ laˇ ngeh keuˆ ni, aˬ gaꞈ dzaˇ uiˇ aˬ yawꞈ ya dawˇ tehꞈ-a. Aˬ yawꞈ-euˬ seuˬ ba ceuˬ ni pyeuꞈ laˇ ngeh keuˆ ni, mawˇ neˇ aˬ coeˇ aˬ yawꞈ ya dawˇ tehꞈ-a.

1 Sahˬpaˬ 4:20

Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-aˬ, iˬ ma laˆ shaˆ lawˇ deh-ahˇ ga-eu kʼaˇ shuiꞈ loꞈ-ehˇ myaˬ-eu meh. Aˬ yawꞈ maꞈ ya dzaˬ ya dawˇ dehˆ-awˇ, laˬ kʼaˬ cehˇ nui saˇ oꞈ-euˬ meh.

1 Sahˬpaˬ 4:25

Aˬ yawꞈ kʼaˇ dehꞈ kʼoeˇ keuˆ ni, Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ laꞈ kʼoeˇ, Daˬ meuˬ-ahˇ neh Beˬlaˇsheˬba meuˬ-ahˇ keuˆ ni kʼaˇ jawˇ-eu tsawˇ haˬ dawˬ tawˆ luꞈ, yawˬ ha-euˬ aˬ gaꞈ yaˇ kmˇ hawˇ-eu siˬ guˬ guˬ yaˇ baw baw-ehˇ, saˇ lehˆ ni dehꞈ dzaˬ-euˬ meh.

2 Sahˬpaˬ 18:32

Naw maꞈ-euˬ miˇ kʼahˬ-ahˇ duˇ dui dui-eu miˇ kʼahˬ tiˬ kʼahˬ laꞈ kʼoeˇ, Aˬshuˇliˆ sahˬ paˬ naw maꞈ-ahˇ bi jawˇ nehˬ laꞈ tehꞈ-a. Miˇ kʼahˬ kʼoeˇ kʼahˬ laꞈ kʼoeˇ, aˬ gaꞈ dzaˇ uiˇ jahˇ-eu gʼaˇ duˬ aˬ gaꞈ baw duˆ dehꞈ-awˇ, kaˬ muˇ jahˇ-eu gʼaˇ duˬ cehˇ jaˆ meh. Saˬ loˬ aˇ bawˇ, saˬ loˬ tsiˇ hawˇ-eu byaˬ byaˬ uiˇ jaˆ-eu miˇ kʼahˬ kʼawꞈ pyeuꞈ-eu meh. Aˬ yawꞈ neh kʼaˇ ehˇ-euˬ loꞈ-ehˇ naw maꞈ geuꞈ naˇ, naw maꞈ maˬ shiˇ ni ya dehꞈ tehꞈ-a. Sahˬpaˬ Miˬyehˇ naw maꞈ-ahˇ ka kʼoꞈ le tehꞈ-a lehˇ, Heˬsaˬgiˇ mehˇ shuiˇ shuiˇ gaˇ naw maꞈ taˬ naˇ haˬ.

Yawˇlaˆ 3:18

Aˇ nah aˇ yamˬ kʼoeˇ keuˆ le ngeh, gawˬ jawˬ aˬ gaꞈ yaˇ mˇ byah-awˇ, gawˬ duˇ jeˬ zaˬ gaˆ byah jiˇ-awˇ, Yuˇdaˆ miˇ kʼahˬ lawˇ gawˆ lawˇ baˬ, iˇ cuꞈ tiˬ byah ni yoeˇ tehꞈ-a. Sahˬpaˬ Miˬyehˇ-euˬ Nymˇ-ahˇ neh, lawˇ gawˆ tiˬ gawˆ yoeˇ doˆ le-awˇ, Aˬ kaˬ shaˆ Deh kʼawꞈ kʼoeˇ kʼawꞈ-ahˇ iˇ cuꞈ tiˬ loꞈ biꞈ le tehꞈ-a.

Aˬmoˆ 9:13

Sahˬpaˬ Miˬyehˇ heu loꞈ-ehˇ ehˇ-eu meh. “Deh yaˇ tsehˬ-awˇ ka muiˬ-euˬ gaˇ, cehˇ maˬ yehˬ kʼmˬ coeˇ-eu aˇ nah, aˬ gaꞈ aˇ siˬ ka siˬ-euˬ gaˇ, dzaˇ uiˇ maˬ lehˬ coeˇ-eu aˇ nah, aˇ nah kʼoeˇ nah keuˆ le luꞈ meh. Coeˇ dui dui-eu aˬ gaꞈ dzaˇ uiˇ, gawˬ jawˬ kʼoeˇ taˆ dzaˆ ka le-awˇ, gawˬ duˇ kʼoeˇ taˆ yoeˇ le tehꞈ-a.

Miˇkaˬ 4:4

Tsawˇ haˬ zaˬ yawˬ gʼaˬ yawˬ na luꞈ, yawˬ ha aˬ gaꞈ baw duˆ uˬ moˆ, yawˬ ha siˬ guˬ aˬ bawˇ uˬ moˆ, nui saˇ oꞈ-awˇ ya nuiˇ meh lehˇ, Baoˬ huiˬ dui dui-eu gʼaˬ pyeuꞈ-eu Sahˬpaˬ Miˬyehˇ ehˇ taˬ-euˬ meh.

Dawˬmehˬ 32:14

Mawˇ neˇ, ciꞈ myehꞈ, aˬ coeˇ mehˇ-awˇ, yawˇ, ciꞈ myehꞈ, mawˇ neˇ loˆ-awˇ, dzaˬ la gʼo cehˇ muiˬ dui dui-awˇ, aˬ gaꞈ dzaˇ uiˇ kuiˇ dui dui-eu, yawꞈ maꞈ dehꞈ dzaˬ-euˬ gaˇ kawˆ meh.

Dawˬmehˬ 8:7

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, baw le za le-eu miˇ kʼahˬ-ahˇ naw maꞈ-ahˇ sheuˬ gʼeh luꞈ-eu meh. Lawˇ baˬ yoeˇ-awˇ iˇ beuˆ doˆ-eu miˇ kʼahˬ, miˇ tsaˬ dawˬ dah yoeˇ-eu lawˇ gawˆ deuˬ gawˬ jawˬ gʼaˬ lawˬ doe ni yoeˇ doˆ luꞈ-eu miˇ kʼahˬ,

Dawˬmehˬ 8:8

dzaˬ la gʼo cehˇ maˬ ehˇ, aˬ gaꞈ aˇ siˬ maˬ ehˇ, siˬ guˬ aˇ siˬ maˬ ehˇ, aˇ ka uˆ aˇ siˬ maˬ ehˇ, saˬ loˬ tsiˇ maˬ ehˇ, byaˬ byaˬ uiˇ maˬ ehˇ, za dui dui le-eu miˇ kʼahˬ-ahˇ, naw maꞈ-ahˇ sheuˬ gʼeh luꞈ-eu meh.

Panmaeq 14:20

Aˬ gaꞈ aˇ siˬ kʼoeˇ deuˬ-aˬ, meuˬ-euˬ laꞈ nyiˇ paw jaˆ-eu aˬ gaꞈ dzaˇ uiˇ nawˬ duˬ-ahˇ bi nawˬ pyehˆ-awˇ, aˬ gaꞈ dzaˇ uiˇ nawˬ duˬ-ahˇ shiˬ yoeˇ doˆ le-euˬ meh. Shiˬ lawˇ gawˆ kʼoeˇ gawˆ-aˬ, mahˬ-euˬ naˇ mehˇ-ahˇ keuˆ ni naꞈ-awˇ, tiˬ yaˇ yehꞈ tseˇ laˇ kaˬ gaˇ keuˆ ni yoeˇ keuˆ-eu meh.

Panmaeq 19:18

Sahˬ paˬ deuˬ-euˬ shaˬ jiˇ, guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ-euˬ shaˬ jiˇ, zaˬ kʼaˆ hawˇ-eu zaˬ kʼaˆ maˬ ngeuˇ-eu deuˬ-euˬ shaˬ jiˇ, huiˬ zaˬ nyiˇ zaˬ dawˬ tawˆ luꞈ-euˬ shaˬ jiˇ, tsawˇ haˬ dawˬ tawˆ luꞈ-euˬ shaˬ jiˇ dzaˬ laˇ-awˬ.”

Panmaeq 7:14

“Ngaˇ maˬ siˬ nya nya. Nawˇ siˬ nya meh” lehˇ ngaˇ ehˇ kʼoꞈ nehˬ-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ heu deuˬ-aˬ, guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ daˬ dzeuˇ laꞈ-euˬ tsawˇ haˬ deuˬ meh. Aˬ yawꞈ maꞈ-euˬ pehˇ kʼahˬ pehˇ mahˇ-ahˇ Yawˇ zaˬ-euˬ shiˬ neh pyuˇ deuˬ ni tsiˬ shawˇ taˬ-euˬ meh.

Panmaeq 7:7

Suˇmoˬ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ, Leˬbiˇ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ, Iˇsaˬkaˬ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ,