Aˇ dahˬ 48:18 - Akha

¹⁸ “Nawˇ aˬ laꞈ baꞈ daˆ taˬ-euˬ maˬ tsaˬ nga da-oˇ. Heu gʼaˬ aˬ li aˬ yuiꞈ gʼaˬ meh. Heu gʼaˬ-euˬ uˬ duˬ kʼoeˇ taˆ nawˬ-euˬ aˇ maˇ laꞈ baꞈ daˆ paˇ-awˬ” lehˇ, Yaˬkoˆ-ahˇ Yoˇsehˆ ehˇ nehˬ-euˬ meh.

Aˇ dahˬ 48:18 ပူးပေါင်းရင်းမြစ်များ

Aˇ dahˬ 19:18

Ehˇ kʼawꞈ, Lawˇtaˬ ehˇ-eu, “Yaw huiˬ yaw mahˇ deuˬ-oˇ, teu naˆ naˆ-ehˇ taˬ bi cehˆ nehˬ laꞈ.

Aˇ dahˬ 27:15

Leˬbehˇkaꞈ-aˬ, iˇ kahˇ laꞈ kʼoeˇ jaˆ-eu Iˇsawˇ-euˬ mehˬ tsoeˬ yaw muiˬ deuˬ yuˇ-awˇ, Yaˬkoˆ-ahˇ bi dm-euˬ meh.

Aˇ dahˬ 29:26

Kʼoeˇ ngeh, Yaˬkoˆ-ahˇ Laˬbaˬ ehˇ nehˬ-eu, “Miˇ kʼahˬ heu kʼahˬ laꞈ kʼoeˇ aˬ yuiꞈ gʼaˬ smˇ miˇ maˬ iˇ mi naˆ-ehˇ aˬ nyiˇ gʼaˬ bi iˇ-eu zahˇ maˬ jaˆ-a.

Aˇ dahˬ 43:33

Kʼoeˇ ngeh, aˬ ha mehˇ nmˇ-ahˇ Yoˇsehˆ jawˇ paw mehˬ shiˬ pyawˇ-ehˇ, aˇ kʼoꞈ huiˬ nyiˇ baw-ehˇ aˇ cehˆ bi nuiˇ baw taˬ-euˬ meh. Aˬ yawꞈ maꞈ-ahˇ kʼoeˇ loꞈ-ehˇ bi nuiˇ laꞈ gaˇ ya mawˇ ngeh, aˬ ha mehˇ nmˇ zahˬ leˇ-awˇ, tiˬ gʼaˬ tiˇ gʼaˬ haw cawˬ haw cawˬ-ehˇ jawˇ-euˬ meh.

Aˇ dahˬ 48:17

Eˇpaˬleˬ-euˬ uˬ duˬ kʼoeˇ taˆ Yaˬkoˆ-euˬ aˇ maˇ laꞈ baꞈ daˆ taˬ-euˬ gaˇ Yoˇsehˆ ya mawˇ ngeh, nui ma maˬ saˇ-a. Kʼoeˇ miˇ neh, Maˬnaˇseˬ-euˬ uˬ duˬ kʼoeˇ taˆ aˇ maˇ laꞈ bi baꞈ daˆ paˇ-eu lehˇ, Eˇpaˬleˬ-euˬ uˬ duˬ kʼoeˇ taˆ baꞈ daˆ taˬ-euˬ aˬ yawꞈ-euˬ aˬ laꞈ-ahˇ Yoˇsehˆ yuˇ-euˬ meh.

Aˇ dahˬ 48:19

Ehˇ kʼawꞈ, Yoˇsehˆ ehˇ gaˇ Yaˬkoˆ maˬ naˇ haˬ-ehˇ, “Ngaˇ siˬ nya ma li-oˇ. Ngaˇ siˬ nya ma. Maˬnaˇseˬ-euˬ zaˬ deuˬ uˆ deuˬ kʼawꞈ, huiˬ-eu tsawˇ jeuˬ pyeuꞈ laˇ tehꞈ-a. Ehˇ kʼawꞈ, aˬ nyiˇ gʼaˬ aˬ yawꞈ naˆ maˬ tseˇ huiˬ dzehˬ-awˇ, aˬ nyiˇ gʼaˬ-euˬ zaˬ deuˬ uˆ deuˬ huiˬ dui myaˬ dui dui-eu tsawˇ jeuˬ deuˬ pyeuꞈ laˇ tehꞈ-a” lehˇ ehˇ-eu meh.

Aˇ dahˬ 49:3

Ngaˬ li aˬ yuiꞈ yuiꞈ saˬ gʼaˬ pyeuꞈ-eu Luˇbeˬ-oˇ, nawˇ ngaˬ-euˬ gʼaˬ pyeuꞈ-awˇ, Ngaˬ li dawˬ tawˆ luꞈ laꞈ kʼoeˇ nawˇ kʼahˬ sehˇ jaˆ dzehˬ-awˇ, gʼaˬ kʼaˆ dzehˬ-eu gʼaˬ meh.

Doˆ-iˇ 10:11

Naw maꞈ dawˬ tawˆ luꞈ maˬ ya iˇ-a. Naw maꞈ ehˇ-eu loꞈ-ehˇ iˇ mawꞈ-naˇ, kʼaˬ dzeˇ zaˬ deuˬ tehꞈ-ehˇ iˇ-awˇ, Sahˬpaˬ Miˬyehˇ-ahˇ uˬ duˬ tahˬ-iˇ awˬ.” Kʼoeˇ naˇ, aˬ yawꞈ nyaꞈ-ahˇ sahˬ paˬ kʼoeˇ gʼaˬ jawˇ gaˇ neh teh doˆ gʼeh-euˬ meh.

Maꞈtehˬ 25:9

Noeˬ dahˇ doe-eu kʼoeˇ ngaˬ gʼaˬ ehˇ-eu, ‘Nga maꞈ gʼaˇ duˬ maˬ ngeuˇ naˇ maˬ loꞈ leˇ-eu paˬ. Tsiˇ ahˬ gaˇ iˇ-awˇ zeuˇ laˬ-iˇ-awˬ.’

Gʼaˬkʼehˇ 10:14

Ehˇ kʼawꞈ, Beˬtuˆluˆ ehˇ kʼoꞈ nehˬ-eu, “Sahˬpaˬ-oˇ, aˬ jeˬ keuˆ le kʼawꞈ ngaˇ maˬ dzaˬ. Zahˇ sahˇ kʼoꞈ-ahˇ taꞈ leˇ-awˇ maˬ shawˇ-a lehˇ ehˇ taˬ-euˬ yaw jawꞈ jeˬ-ahˇ tiˬ jawˇ-iˬ ngaˇ maˬ dzaˬ haw-aˬ.”

Gʼaˬkʼehˇ 11:8

Ehˇ kʼawꞈ, ‘Sahˬpaˬ-oˇ, aˬ jeˬ keuˆ le kʼawꞈ ngaˇ maˬ dzaˬ. Zahˇ sahˇ kʼoꞈ-ahˇ taꞈ leˇ-awˇ maˬ muiˬ maˬ shawˇ-eu jeˬ lehˇ kʼaˇ ehˇ taˬ-euˬ dzaˇ yaw jawꞈ jeˬ, ngaˬ-euˬ kʼaˬ meh laꞈ kʼoeˇ tiˬ jawˇ-iˬ maˬ dawˆ ahˇ haw-aˬ’ lehˇ, ngaˇ ehˇ kʼoꞈ nehˬ-euˬ ma.