Aˇ dahˬ 48:14 - Akha

¹⁴ Ehˇ kʼawꞈ, Yaˬkoˆ aˬ laꞈ kaˇ teˇ baꞈ teˇ-awˇ, aˬ nyiˇ gʼaˬ pyeuꞈ-eu Eˇpaˬleˬ-euˬ uˬ duˬ kʼoeˇ taˆ aˇ maˇ laꞈ baꞈ daˆ-awˇ, aˬ yuiꞈ gʼaˬ pyeuꞈ-eu Maˬnaˇseˬ-euˬ uˬ duˬ kʼoeˇ taˆ aˇ caˇ laꞈ baꞈ daˆ nehˬ-euˬ meh.

Aˇ dahˬ 48:14 ပူးပေါင်းရင်းမြစ်များ

Aˇ dahˬ 41:51

Kʼoeˇ ngeh, “Ngaˬ neh tahˬ puˬ-eu shaˬ-eu zahˬ-eu jeˬ hawˇ-eu, ngaˬ da-euˬ nymˇ jiˇ gaˇ kawˆ ngaˇ ngehˇ ni, Miˬyehˇ jahˇ nehˬ laꞈ-euˬ nga” lehˇ Yoˇsehˆ ehˇ-awˇ, aˬ li aˬ yuiꞈ gʼaˬ-ahˇ Maˬnaˇseˬ lehˇ myahˇ nehˬ-euˬ meh.

Aˇ dahˬ 41:52

Kʼoeˇ naˇ, “Ngaˇ ya shaˬ ya zahˬ-euˬ miˇ kʼahˬ-ahˇ, Miˬyehˇ ngaˬ-ahˇ guiˬ lahˬ biꞈ-awˇ, zaˬ bi jawˇ le nehˬ laꞈ-euˬ nga” lehˇ aˬ yawꞈ paˇ ehˇ-awˇ, aˬ li aˬ nyiˇ gʼaˬ-ahˇ Eˇpaˬleˬ lehˇ myahˇ nehˬ-euˬ meh.

Aˇ dahˬ 46:20

Iˇjiˇtuˆ miˇ kʼahˬ laꞈ kʼoeˇ jawˇ luꞈ-eu Yoˇsehˆ hawˇ-eu Aˬseˇnaˆ aˬ nyaꞈ dzeˇ zaˬ-aˬ, Maˬnaˇseˬ hawˇ-eu Eˇpaˬleˬ lehˇ myahˇ-euˬ aˬ li nyiˬ li jawˇ-eu meh. Yoˇsehˆ-euˬ nymˇ dahˬ Aˬseˇnaˆ-aˬ, Heˬliˬpawˇliˆ meuˬ-ahˇ piˇ ma geuꞈ luꞈ-eu Pawˇtiˇpeˬlaˇ-euˬ aˬ buˇ meh.

Aˇ dahˬ 48:13

Yoˇsehˆ-aˬ, Eˇpaˬleˬ-ahˇ Yaˬkoˆ-euˬ aˇ caˇ paw bi jawˇ-awˇ, Maˬnaˇseˬ-ahˇ Yaˬkoˆ-euˬ aˇ maˇ paw bi jawˇ tsaˬ taˬ-euˬ meh.

Aˇ dahˬ 48:17

Eˇpaˬleˬ-euˬ uˬ duˬ kʼoeˇ taˆ Yaˬkoˆ-euˬ aˇ maˇ laꞈ baꞈ daˆ taˬ-euˬ gaˇ Yoˇsehˆ ya mawˇ ngeh, nui ma maˬ saˇ-a. Kʼoeˇ miˇ neh, Maˬnaˇseˬ-euˬ uˬ duˬ kʼoeˇ taˆ aˇ maˇ laꞈ bi baꞈ daˆ paˇ-eu lehˇ, Eˇpaˬleˬ-euˬ uˬ duˬ kʼoeˇ taˆ baꞈ daˆ taˬ-euˬ aˬ yawꞈ-euˬ aˬ laꞈ-ahˇ Yoˇsehˆ yuˇ-euˬ meh.

Aˇ dahˬ 48:18

“Nawˇ aˬ laꞈ baꞈ daˆ taˬ-euˬ maˬ tsaˬ nga da-oˇ. Heu gʼaˬ aˬ li aˬ yuiꞈ gʼaˬ meh. Heu gʼaˬ-euˬ uˬ duˬ kʼoeˇ taˆ nawˬ-euˬ aˇ maˇ laꞈ baꞈ daˆ paˇ-awˬ” lehˇ, Yaˬkoˆ-ahˇ Yoˇsehˆ ehˇ nehˬ-euˬ meh.

Jaceuq 110:1

Ngaˬ-euˬ sahˬ paˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-ahˇ muiˇ-eu deuˬ-ahˇ nawˇ aˬ kuiˇ neh nawˬ tehˬ nya ni ngaˇ jahˇ gʼaˬ ngeh keuˆ ni, ngaˬ-euˬ aˇ maˇ paw nuiˇ tawˬ-awˬ.”

Jaceuq 118:16

Aˬ yawꞈ-euˬ baoˬ baˬ da neh aˬ dui gʼaˬ leˇ-euˬ ma. Aˬ yawꞈ-euˬ huiˬ-eu baoˬ aˬ dui nehˬ-ehˇ guiˇ deuˆ-euˬ meh lehˇ guˇ-eu meh.

Doˆ-iˇ 15:6

“Sahˬpaˬ Miˬyehˇ-oˇ, nawˬ-euˬ aˇ maˇ laꞈ zahˬ dui dui leˇ paˬ-ehˇ gʼeh-eu baoˬ ahˇ-awˇ, Nawˬ-ahˇ muiˇ-eu tsawˇ haˬ-ahˇ laˆ meuˇ laˆ loeˇ-euˬ meh.

Bawˇtsahˬ 2:18

Eˇpaˬleˬ guiˇ maꞈ deuˬ-aˬ, nahˇ ma doˆ kʼehˬ paw pyawˬ-ahˇ, aˬ yawꞈ maꞈ-euˬ paˇ loˬ paˇ lehˇ uˬ moˆ sehˬ gʼawˆ gʼawˆ-awˇ ya jawˇ meh. Eˇpaˬleˬ tsawˇ haˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, Aˬmiˇhuˆ-euˬ aˬ li Iˇliˇshaˬmaˇ meh.

Bawˇtsahˬ 8:10

Kʼoeˇ ngeh, Leˬbiˇ tsawˇ haˬ deuˬ-euˬ uˬ duˬ kʼoeˇ taˆ Iˇsaˬleˬlaˆ tsawˇ haˬ deuˬ aˬ laꞈ ya baꞈ daˆ meh.

Bawˇtsahˬ 8:18

Nymˬ-mˇ poˆ-aˬ, dehꞈ beh beh le-euˬ deuˬ dah zaˇ, Leˬbiˇ tsawˇ haˬ deuˬ-ahˇ ngaˇ yuˇ-eu ma.

Maꞈtehˬ 16:18

Kʼoeˇ miˇ neh, ngaˇ nawˬ-ahˇ heu loꞈ-ehˇ ehˇ-eu ma. Beˬtuˆluˆ nawˇ-aˬ, kʼaˬ lo meh. Kʼaˬ lo heu kʼoeˇ taˆ dawˬ pehˬ taˬ-awˇ, ngaˬ-euˬ aˇ muˇ ngaˇ gawˇ daˆ leꞈ ma. Shiˇ-eu jeˬ-euˬ baoˬ, aˇ muˇ heu muˇ-ahˇ maˬ gʼa leˇ-a.

Maꞈtehˬ 19:13

Kʼoeˇ naˇ, Yeˬsuˇ neh aˬ laꞈ baꞈ daˆ-awˇ guiˬ lahˬ bi biꞈ-eu gʼaˇ duˬ, zaˬ yaw nyiˇ tiˬ deuˬ-ahˇ Yeˬsuˇ jawˇ gaˇ sheuˬ laꞈ-euˬ meh. Zaˬ sheuˬ ha laˇ-euˬ tsawˇ haˬ kʼoeˇ deuˬ-ahˇ zaˬ lahˇ deuˬ neh dehˬ-euˬ meh.

Maꞈtehˬ 19:15

Zaˬ kʼoeˇ deuˬ-euˬ kʼoeˇ taˆ Yeˬsuˇ aˬ laꞈ baꞈ daˆ nehˬ yaꞈ-awˇ, kʼoeˇ gaˇ neh doˆ-iˇ-euˬ meh.

Maꞈtehˬ 6:5

“Nawˇ guiˬ lahˬ shaˇ ngeh, awꞈ-aꞈ tahˬ kʼoˬ-ahˇ duˇ-eu tsawˇ haˬ deuˬ loꞈ-ehˇ taˬ jahˇ. Aˬ yawꞈ maꞈ-aˬ, aˬ cawˬ bi haw mawˇ-eu gʼaˇ duˬ, uˬ duˬ tahˬ nymˇ laꞈ kʼoeˇ hawˇ-eu gaˇ ma gaˇ tsmˇ doe ni yawꞈ-awˇ guiˬ lahˬ shaˇ-eu meh. Ngaˇ dawˇ coe ni ehˇ nehˬ nyaˇ. Aˬ yawꞈ maꞈ-aˬ, yawˬ ha kʼaˇ za paˬ-ehˇ gʼeh-eu guiˬ lahˬ za gʼaˬ jiˇ-euˬ gaˇ duˇ meh.

Luˇkaꞈ 13:13

Zaˬ miˬ zaˬ kʼoeˇ gʼaˬ kʼoeˇ taˆ aˬ yawꞈ aˬ laꞈ cawˬ daˆ nehˬ ngeh, tiˬ poˆ tehꞈ-ehˇ daˇ tsuiꞈ paˇ dawˇ kʼoꞈ laˇ-awˇ, zaˬ miˬ zaˬ kʼoeˇ gʼaˬ Miˬyehˇ-ahˇ ja ceuˬ-euˬ meh.

Luˇkaꞈ 4:40

Nahˇ ma ga ahˇ gʼaˬ ngeh, naˇ gawˇ gʼawˬ mya jeˬ naˇ-eu tsawˇ haˬ gʼawˬ mya ni-ahˇ, Yeˬsuˇ jawˇ gaˇ sheuˬ ha laˇ-euˬ meh. Yawˬ gʼaˬ na luꞈ kʼoeˇ taˆ aˬ yawꞈ aˬ laꞈ baꞈ daˆ nehˬ-awˇ, dawˬ tawˆ luꞈ-ahˇ laˆ taˬ nehˬ-euˬ meh.

Gʼaˬkʼehˇ 13:3

Kʼoeˇ ngeh, aˬ yawꞈ maꞈ maˬ dzaˬ-eu zahˇ jahˇ-awˇ guiˬ lahˬ shaˇ-eu laꞈ kʼoeˇ, aˬ yawꞈ nyaꞈ kʼoeˇ taˆ aˬ laꞈ baꞈ daˆ nehˬ-awˇ kʼehˇ gʼeh-euˬ meh.

Gʼaˬkʼehˇ 6:6

Aˇ muˇ neh aˬ yawꞈ maꞈ-ahˇ gʼaˬ kʼehˇ deuˬ jawˇ gaˇ sheuˬ gʼeh-awˇ, gʼaˬ kʼehˇ deuˬ guiˬ lahˬ shaˇ-awˇ, aˬ yawꞈ maꞈ kʼoeˇ taˆ aˬ laꞈ baꞈ daˆ nehˬ-euˬ meh.

Dawˬmehˬ 34:9

Nuˬ-euˬ aˬ li Yawˇshuˆ-aˬ, noeˬ siˬ noeˬ mawˇ nya-eu tsawˇ gahˇ tiˬ byah ni ahˇ-eu meh. Aˬ jeˬ miˇ neh ehˇ naˇ, Moˇseˬ-euˬ gaˇ bi mˇ daˆ leꞈ-eu gʼaˇ duˬ, aˬ yawꞈ-ahˇ Moˇseˬ tseˇ doˆ-euˬ meh. Iˇsaˬleˬlaˆ tsawˇ haˬ deuˬ Yawˇshuˆ-euˬ ehˇ dawˬ naˇ haˬ-awˇ, Moˇseˬ-ahˇ gʼoe-awˇ Sahˬpaˬ Miˬyehˇ neh aˬ yawꞈ maꞈ-ahˇ biꞈ taˬ-euˬ zahˇ dawˬ kʼoꞈ dawˬ mehˬ nah caw teh-euˬ meh.

1 Tiˆmoˇseˬ 4:14

Miˬyehˇ gʼaˇ duˬ ngehˬ dah-eu deuˬ neh dawˬ ngehˬ gʼeh-awˇ Ka li zaˬ aˇ muˇ-euˬ aˬ yuiꞈ aˬ tsu deuˬ nawˬ-euˬ kʼoeˇ taˆ aˬ laꞈ baꞈ daˆ nehˬ ngeh za taˬ-euˬ jeˬ pyeuꞈ-eu guiˬ lahˬ saꞈ laˇ paw-euˬ laꞈ sawˬ deuˬ-ahˇ taˬ byehˇ dzeh taˬ.

1 Tiˆmoˇseˬ 5:22

Sahˬpaˬ Miˬyehˇ-euˬ gaˇ mˇ-eu lehˇ noeˬ tsehˆ-awˇ gʼawˇ mawˇ a nehˬ-euˬ tsawˇ haˬ kʼoeˇ taˆ aˬ laꞈ baꞈ daˆ nehˬ-eu taˬ tehˬ. Aˬ cawˬ iˬ baˇ mˇ gaˇ maˬ ahˇ leˇ ni yawˬ haˇ yawˬ ha shawˇ jehˆ ni dehꞈ-awˬ.