Aˇ dahˬ 47:27 - Akha

²⁷ Iˇsaˬleˬlaˆ tsawˇ haˬ deuˬ-aˬ, Iˇjiˇtuˆ miˇ kʼahˬ laꞈ kʼoeˇ jaˆ-eu Goˬsheˬ lehˇ kuˇ-eu jawˇ duˬ-ahˇ jawˇ-awˇ, smˇ muiˬ muiˬ dui dui laˇ-euˬ uˬ taꞈ, tsawˇ haˬ behˇ laˇ tehˇ tehˬ luꞈ-eu meh.

Aˇ dahˬ 47:27 ပူးပေါင်းရင်းမြစ်များ

Aˇ dahˬ 13:16

Nawˬ-euˬ zaˬ nawˬ-euˬ uˆ deuˬ-ahˇ, tsawˇ haˬ tiˬ gʼaˬ-iˬ maˬ gui jiˇ coeˇ gaˇ keuˆ ni ngaˇ bi jeuˬ bi o le ma. Miˇ tsaˬ kʼaˇ shuiꞈ-ahˇ maˬ gui jiˇ nya-eu loꞈ-ehˇ, nawˬ-euˬ zaˬ nawˬ-euˬ uˆ deuˬ-ahˇ maˬ gui jiˇ nya-aˇ.

Aˇ dahˬ 17:6

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, aˬ yawꞈ maꞈ laꞈ kʼoeˇ, tiˬ paˆ na deuˬ sahˬ paˬ pyeuꞈ laˇ tehꞈ-a. Nawˬ-euˬ zaˬ nawˬ-euˬ uˆ deuˬ myaˬ dui dui laˇ-awˇ, tsawˇ jeuˬ gʼawˬ mya jeuˬ pyeuꞈ doˆ laˇ tehꞈ-a.

Aˇ dahˬ 26:4

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ tsehˬ-eu aˬ guiˇ deuˬ loꞈ-ehˇ bi jeuˬ bi o le-awˇ, miˇ kʼahˬ heu kʼahˬ kʼahˬ lah ni, aˬ yawꞈ maꞈ-ahˇ ngaˇ biꞈ ma. Nawˬ-euˬ zaˬ nawˬ-euˬ uˆ deuˬ-ahˇ ngaˇ guiˬ lahˬ biꞈ nehˬ-eu loꞈ-ehˇ, aˬ yawꞈ maꞈ-ahˇ kʼawꞈ biꞈ nehˬ laꞈ lehˇ, tsawˇ jeuˬ dawˬ tawˆ luꞈ ngaˬ-ahˇ shaˇ tehꞈ-a.

Aˇ dahˬ 28:14

Nawˬ-euˬ zaˬ nawˬ-euˬ uˆ deuˬ, miˇ tsaˬ kʼoeˇ taˆ jaˆ-eu kʼaˬ lehˇ loꞈ-ehˇ myaˬ dui dui laˇ tehꞈ-a. Miˇ tsaˬ heu yawˬ paw yawˬ na luꞈ aˬ yawꞈ maꞈ jawˇ byah jiˇ tehꞈ-a. Nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ gʼoe-awˇ tsawˇ jeuˬ dawˬ tawˆ luꞈ-ahˇ ngaˇ guiˬ lahˬ biꞈ nehˬ ma.

Aˇ dahˬ 34:10

Nga maꞈ-euˬ miˇ kʼahˬ laꞈ kʼoeˇ naw maꞈ-ahˇ tiˬ jeˬ-iˬ maˬ laˆ tsoeˬ. Naw maꞈ kʼaˇ jawˇ mawꞈ gaˇ jawˇ-awˇ, mˇ dzaˬ kʼawꞈ dawˇ nya tehꞈ-a. Naw maꞈ neh kʼaˇ noeˬ doˆ-euˬ loꞈ-ehˇ jeˬ gaꞈ jeˬ ka gʼeh nya-awˇ, kʼahˬ lahˇ kʼaˇ maˬ za ni mˇ jaˆ shaˇ jaˆ nya tehꞈ-a.”

Aˇ dahˬ 35:11

Kʼoeˇ naˇ, Yaˬkoˆ-ahˇ Miˬyehˇ ehˇ nehˬ-eu, “Ngaˇ-aˬ, Baoˬ huiˬ-eu Miˬyehˇ pyeuꞈ-eu ma. Nawˬ-euˬ zaˬ deuˬ jeuˬ le o le luꞈ-uˇ. Nawˬ-euˬ o neh tsawˇ jeuˬ gʼawˬ mya jeuˬ doˆ laˇ-awˇ, nawˇ-aˬ, miˇ kʼahˬ-ahˇ uˆ lahˇ-eu sahˬ paˬ deuˬ-euˬ aˬ da yaw dzahˇ ya pyeuꞈ laˇ tehꞈ-a.

Aˇ dahˬ 46:3

Miˬyehˇ ehˇ-eu, “Ngaˇ-aˬ, nawˬ da-euˬ Miˬyehˇ pyeuꞈ-eu Miˬyehˇ ma. Iˇjiˇtuˆ miˇ kʼahˬ-ahˇ maˬ guˆ ni iˇ-awˬ. Miˇ kʼahˬ kʼoeˇ kʼahˬ laꞈ kʼoeˇ, nawˬ-euˬ zaˬ nawˬ-euˬ uˆ deuˬ-ahˇ huiˬ-eu tsawˇ jeuˬ bi pyeuꞈ laˇ ma.

Aˇ dahˬ 47:11

Kʼoeˇ naˇ, Yoˇsehˆ-aˬ, sahˬ paˬ neh aˬ yawꞈ-ahˇ ehˇ nehˬ-euˬ loꞈ-ehˇ, aˬ yawꞈ-euˬ aˬ da hawˇ-eu aˬ yawꞈ-euˬ mehˇ nmˇ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ aˬ cawˬ naˆ maˬ tseˇ muiˬ-eu jawˇ duˬ pyeuꞈ-eu, Laˬmaˬsehˇ meuˬ dawˬ peh jaˆ-eu miˇ tsaˬ kʼoeˇ tsahˇ-ahˇ jawˇ zaˇ shaˇ nehˬ-euˬ meh.

Aˇ dahˬ 8:7

awꞈ-aꞈ tiˬ mawˇ pyehˬ doˆ gʼeh-euˬ meh. Awꞈ-aꞈ kʼoeˇ mawˇ maˬ gʼoꞈ laˇ-ehˇ, iˇ cuꞈ gui-iˇ jiˇ ngeh keuˆ ni, doe doe-ehˇ zaw zaw-ehˇ jawˇ-euˬ meh.

Aˇ dahˬ 8:9

Miˇ kʼahˬ kʼahˬ lah ni iˇ cuꞈ dahˬ byah taˬ-euˬ miˇ neh, kʼaˬ kʼoeˬ kʼoeˇ mawˇ tiˬ gaˇ-iˬ zaw dawꞈ kʼaˇ maˬ za-ehˇ, saˇ baoˬ jaˆ gaˇ paˇ zaw kʼoꞈ laꞈ-euˬ meh. Noˇaˬ aˬ laꞈ cawˬ doˆ-awˇ, kʼaˬ kʼoeˬ kʼoeˇ mawˇ-ahˇ saˇ baoˬ laꞈ kʼoeˇ paˇ nyehꞈ uˇ kʼoꞈ-euˬ meh.

Neˬhaˬmiˇ 9:23

Mˬ taˆ tsehˬ byah taˬ-euˬ aˬ guiˇ loꞈ-ehˇ, aˬ yawꞈ maꞈ-euˬ zaˬ deuˬ-ahˇ nawˇ bi myaˬ laˇ-awˇ, aˬ yawꞈ maꞈ-ahˇ biꞈ-eu gʼaˇ duˬ, aˬ poeˬ aˬ bawˇ deuˬ-ahˇ nawˇ saˇ jaˇ dzaˬ-euˬ miˇ kʼahˬ-ahˇ, aˬ yawꞈ maꞈ deuˆ gʼaˬ-awˇ bi jawˇ-euˬ meh.

Jaceuq 105:24

Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ bi jeuˬ bi o le-awˇ, aˬ yawꞈ maꞈ-ahˇ muiˇ-eu deuˬ naˆ maˬ tseˇ bi kʼaˆ dzehˬ laˇ-euˬ meh.

Jaceuq 107:38

Aˬ yawꞈ-euˬ tsawˇ haˬ-ahˇ guiˬ lahˬ biꞈ-eu laꞈ kʼoeˇ, aˬ yawꞈ maꞈ-euˬ zaˬ deuˬ bi jeuˬ bi o le-awˇ, jeˬ zaˬ deuˬ bi myaˬ bi behˇ laˇ-euˬ meh.

Doˆ-iˇ 1:12

Ehˇ kʼawꞈ, Iˇjiˇtuˆ tsawˇ haˬ deuˬ aˬ yawꞈ maꞈ-ahˇ ngehˬ-ehˇ kʼehˬ naˇ, aˬ yawꞈ maꞈ tsawˇ haˬ ngehˬ-ehˇ paˇ behˇ laˇ-awˇ, Iˇjiˇtuˆ miˇ kʼahˬ doe ni ngehˬ-ehˇ paˇ jawˇ byah gʼeh-euˬ meh.

Doˆ-iˇ 1:7

Ehˇ kʼawꞈ, aˬ yawꞈ maꞈ-euˬ zaˬ deuˬ uˆ deuˬ pyeuꞈ-eu Iˇsaˬleˬlaˆ tsawˇ haˬ deuˬ behˇ laˇ-awˇ, myaˬ dui dui laˇ-euˬ miˇ neh, Iˇjiˇtuˆ miˇ kʼahˬ laꞈ kʼoeˇ jawˇ byah-euˬ meh.

Zaˬkaˬliˇ 10:8

“Ngaˬ-euˬ tsawˇ haˬ-ahˇ ngaˇ kuˇ-awˇ, tiˬ gaˇ bi uiˬ bi bymˇ laˇ ma. Aˬ yawꞈ maꞈ-ahˇ ngaˇ ka kʼoꞈ-awˇ, aˇ hu loꞈ-ehˇ bi behˇ laˇ ma.

Gʼaˬkʼehˇ 7:17

“Miˬyehˇ neh Aˬbyaˬhaˬ-ahˇ saˇ jaˇ dzaˬ taˬ-euˬ loꞈ-ehˇ bi byah laˇ-eu aˇ yamˬ tsaˬ laˇ ngeh, Iˇjiˇtuˆ miˇ kʼahˬ laꞈ kʼoeˇ jawˇ luꞈ-eu aˬ dui-euˬ tsawˇ jeuˬ myaˬ dui dui laˇ taˬ-euˬ meh.

Dawˬmehˬ 10:22

Naw maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ-ahˇ jawˇ-iˇ ngeh, shiꞈ tseˇ gʼaˬ byah-eu tehꞈ meh. Ehˇ kʼawꞈ, mˬ-ahˇ tsehˬ-eu aˬ guiˇ deuˬ loꞈ-ehˇ iˬ nah naw maꞈ myaˬ laˇ behˇ laˇ ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-euˬ meh.

Dawˬmehˬ 26:5

Kʼoeˇ naˇ, Sahˬpaˬ Miˬyehˇ mehˬ shi nawˇ heu loꞈ-ehˇ ya ehˇ meh. ‘Ngaˬ-euˬ aˬ poeˬ-aˬ, jawˇ duˬ maˬ baw-euˬ Aˬlamˬ tsawˇ haˬ pyeuꞈ-awˇ, aˬ yawꞈ-euˬ miˬ sawˇ zaˬ deuˬ sheuˬ-awˇ Iˇjiˇtuˆ miˇ kʼahˬ-ahˇ jawˇ-iˇ-euˬ meh. Aˬ yawꞈ kʼoeˇ gaˇ jawˇ-iˇ ngeh, tsawˇ haˬ ui cuiˆ tehꞈ kʼawꞈ, tsawˇ haˬ myaˬ laˇ-awˇ baoˬ ahˇ-eu tsawˇ jeuˬ tiˬ jeuˬ pyeuꞈ laˇ-euˬ meh.