Aˇ dahˬ 47:25 - Akha

²⁵ Kʼoeˇ ngeh, miˇ kʼahˬ zaˬ deuˬ ehˇ-eu, “Nga maꞈ maˬ ya shiˇ jiˇ ni, nawˇ nga maꞈ-ahˇ ka kʼoꞈ nehˬ laꞈ-euˬ meh. Yaw huiˬ yaw mahˇ gʼaˬ-oˇ, nawˇ nga maꞈ-ahˇ gʼawˬ shaˬ gaˬ dui dui-awˇ, nga maꞈ-euˬ gʼaˇ duˬ muiˬ dui dui-eu jeˬ mˇ nehˬ laꞈ-euˬ meh. Nga maꞈ sahˬ paˬ-euˬ zaˬ kʼaˆ geuꞈ ma.”

Aˇ dahˬ 47:25 ပူးပေါင်းရင်းမြစ်များ

Aˇ dahˬ 18:3

“Yaw huiˬ yaw mahˇ deuˬ-oˇ, ngaˬ-euˬ nymˇ-ahˇ maˬ naˬ ni taˬ iˇ dzeuˇ nehˬ laꞈ. Ngaˇ naw maꞈ-ahˇ yaw muiˬ paˬ-ehˇ lehˬ hmˬ-awˇ ha-eu ma.

Aˇ dahˬ 32:6

Dawˬ tsaꞈ bi tsaꞈ-iˇ-euˬ deuˬ gʼoꞈ keuˆ laˇ-awˇ ehˇ-eu, “Nawˬ-euˬ aˇ doˆ Iˇsawˇ jawˇ gaˇ nga maꞈ iˇ keuˆ yaꞈ-euˬ ma. Nawˬ-ahˇ tahˬ puˬ laˇ-eu lehˇ, tsawˇ haˬ oeˬ yaˇ gʼaˬ sheuˬ-awˇ aˬ yawꞈ laˇ luꞈ meh.” Kʼoeˇ ngeh, Yaˬkoˆ noeˬ shaˬ-awˇ guˆ-euˬ meh.

Aˇ dahˬ 33:15

Iˇsawˇ ehˇ-eu, “Ngaˬ-euˬ tsawˇ haˬ tiˬ deuˬ nawˬ nehˬ-ehˇ bi jawˇ yaꞈ nya ma.” Yaˬkoˆ ehˇ-eu, “Nawˇ ngaˬ-ahˇ ha geuꞈ nehˬ laꞈ-eu tehꞈ-ehˇ kʼawꞈ aˇ dzehˬ dzeuˇ miˇ-a. Nawˬ-euˬ tsawˇ haˬ bi jawˇ yaꞈ-eu maˬ paˇ loˬ-eu duˇ.”

Aˇ dahˬ 41:45

Sahˬ paˬ kʼoeˇ gʼaˬ neh Yoˇsehˆ-ahˇ Iˇjiˇtuˆ tsawˇ myahˇ biꞈ-awˇ, Zaˬpaˬnaˆpaˬnehˇ lehˇ myahˇ nehˬ-euˬ meh. Kʼoeˇ naˇ, Heˬliˬpawˇliˆ meuˬ-ahˇ piˇ ma geuꞈ luꞈ-eu Pawˇtiˇpeˬlaˇ-euˬ aˬ buˇ Aˬseˇnaˆ-ahˇ bi sheuˬ-euˬ meh.

Aˇ dahˬ 47:24

Cehˇ yehˬ cehˇ diˬ luiˆ gʼaˬ jiˇ ngeh, naw maꞈ neh mˇ za-euˬ cehˇ laꞈ kʼoeˇ, ngaˬ bymˇ tiˬ bymˇ sahˬ paˬ-ahˇ biꞈ kʼoꞈ-awˬ. Dzeˇ-eu deuˬ-ahˇ naw maꞈ hawˇ-eu naw maꞈ-euˬ miˬ sawˇ zaˬ deuˬ dzaˬ-eu gʼaˇ duˬ taˬ-awˇ, cehˇ siˬ yoeˬ kʼawꞈ pehˬ doˆ taˬ-awˬ.”

Aˇ dahˬ 47:26

Kʼaˇ mˇ za-euˬ jeˬ laꞈ kʼoeˇ, sahˬ paˬ-ahˇ ngaˬ bymˇ tiˬ bymˇ biꞈ-eu gʼaˇ duˬ, Iˇjiˇtuˆ miˇ kʼahˬ laꞈ kʼoeˇ Yoˇsehˆ neh zahˇ taˬ dahˬ beh-awˇ, zahˇ kʼoeˇ hmˬ iˬ nah keuˆ ni Iˇjiˇtuˆ miˇ kʼahˬ laꞈ kʼoeˇ jaˆ luꞈ-eu meh. Piˇ ma deuˬ-ahˇ taꞈ-eu deh yaˇ hawˇ-eu miˇ tsaˬ maˬ ngeuˇ naˇ, dawˬ tawˆ luꞈ zahˇ kʼoeˇ hmˬ-ahˇ ya caw teh-eu meh.

Aˇ dahˬ 50:20

Naw maꞈ ngaˬ-ahˇ yaw haiˬ jeˬ mˇ nehˬ laꞈ-euˬ kʼawꞈ, Miˬyehˇ neh yaw muiˬ jeˬ paˇ bi pyeuꞈ doˆ laˇ-euˬ meh. Iˬ nah dehꞈ luꞈ jawˇ luꞈ-eu myaˬ dui dui-eu tsawˇ haˬ heu deuˬ maˬ ya shiˇ jiˇ ni, kʼoeˇ loꞈ-ehˇ bi pyeuꞈ laˇ-euˬ meh.

Aˇ dahˬ 6:19

Miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ aˇ jeuˬ maˬ ya shiˇ cuˆ jiˇ ni, tiˬ jeˬ-euˬ tiˬ gu, nawˬ nehˬ-ehˇ saˇ baoˬ laꞈ kʼoeˇ nyehꞈ uˇ gʼeh-awˬ.

Luˇta 2:13

Luˇta ehˇ-eu, “Nawˇ ngaˬ-ahˇ gʼawˬ shaˬ gaˬ dui dui-eu miˇ neh guiˬ lahˬ huiˬ miˇ-a. Ngaˇ-aˬ, nawˬ-euˬ zaˬ kʼaˆ tiˬ gʼaˬ naˆ maˬ tseˇ nyiˇ teˬ dzehˬ-eu kʼawꞈ, nawˇ ngaˬ-ahˇ gʼawˬ shaˬ gaˬ-eu laꞈ kʼoeˇ, dawˬ nahˬ yu ni ngehˬ cawˬ nehˬ laꞈ-eu miˇ neh, ngaˬ-euˬ nui ma-ahˇ gʼaˬ ahˇ dui dui laˇ nya” lehˇ ehˇ nehˬ-euˬ meh.