Aˇ dahˬ 47:19 - Akha

¹⁹ Nga maꞈ-ahˇ maˬ bi shiˇ nehˬ laꞈ ni, nga maꞈ gʼaˇ duˬ tiˬ jeˬ paˬ paˇ shaˇ noeˬ neh laꞈ-awˬ. Nga maꞈ-euˬ deh yaˇ deuˬ kʼawꞈ yawˬ ngehꞈ-ehˇ taˬ paˇ bi jaˆ cawˆ nehˬ laꞈ. Nga maꞈ-euˬ gʼawˇ mawˇ hawˇ-eu nga maꞈ-euˬ deh yaˇ deuˬ-ahˇ, cehˇ neh paˇ nehˬ laꞈ-awˬ. Nga maꞈ sahˬ paˬ-euˬ zaˬ kʼaˆ geuꞈ jiˇ-awˇ, nga maꞈ-euˬ deh yaˇ deuˬ kʼawꞈ, sahˬ paˬ-ahˇ biꞈ jiˇ ma. Nga maꞈ yaw dehꞈ ya dehꞈ ni cehˇ biꞈ nehˬ laꞈ-awˇ, nga maꞈ deh yaˇ tsehˬ dzaˬ nya ni cehˇ siˬ yoeˬ kʼawꞈ biꞈ nehˬ laꞈ-awˬ.”

Aˇ dahˬ 47:19 ပူးပေါင်းရင်းမြစ်များ

Aˇ dahˬ 41:36

Jeˬ hmˬ taˬ-euˬ cehˇ kʼoeˇ deuˬ-aˬ, aˬ kaˇ keuˆ le-eu mehꞈ dui shuꞈ dui dui-eu aˇ kʼoꞈ kʼoeˇ shiꞈ kʼoꞈ gʼaˇ duˬ lehˬ hmˬ taˬ-euˬ jeˬ pyeuꞈ tehꞈ-a. Kʼoeˇ loꞈ-ehˇ jahˇ naˇ, mehꞈ-eu shuꞈ-eu baˬ da neh, miˇ kʼahˬ cawˆ gaˇ maˬ keuˆ-aˇ.”

Aˇ dahˬ 47:15

Iˇjiˇtuˆ miˇ kʼahˬ hawˇ-eu Kaˬnaˬ miˇ kʼahˬ laꞈ kʼoeˇ kʼaˇ jaˆ-eu pyuˇ dawˬ tawˆ luꞈ zmˬ dzaˬ jiˇ ngeh, Iˇjiˇtuˆ miˇ kʼahˬ zaˬ deuˬ Yoˇsehˆ jawˇ gaˇ oe-awˇ, “Nga maꞈ-ahˇ dzaˬ-eu dawˇ-eu jeˬ biꞈ nehˬ laꞈ-awˬ. Taˬ bi shiˇ nehˬ laꞈ. Nga maꞈ kʼaˇ ahˇ-eu pyuˇ zmˬ dzaˬ jiˇ-euˬ miˇ neh, nga maꞈ gʼaˇ duˬ tiˬ jeˬ paˬ paˇ shaˇ noeˬ nehˬ laꞈ-awˬ” lehˇ ehˇ le-euˬ meh.

Aˇ dahˬ 47:18

Kʼoꞈ doˆ le ngeh, aˬ yawꞈ maꞈ Yoˇsehˆ jawˇ gaˇ oe-awˇ paˇ ehˇ-eu, “Yaw huiˬ yaw mahˇ gʼaˬ-oˇ, nawˬ-euˬ mehˬ shi nga maꞈ tiˬ jeˬ-iˬ maˬ zaꞈ taˬ ni heu loꞈ-ehˇ ehˇ-eu ma. Nga maꞈ-euˬ pyuˇ dawˬ tawˆ luꞈ zmˬ dzaˬ jiˇ-awˇ, nga maꞈ-euˬ jeˬ zaˬ deuˬ kʼawꞈ, nawˬ-euˬ jeˬ zaˬ pyeuꞈ jiˇ-euˬ meh. Nga maꞈ-euˬ gʼawˇ mawˇ hawˇ-eu nga maꞈ-euˬ deh yaˇ miˇ tsaˬ deuˬ maˬ ngeuˇ naˇ, nawˬ-ahˇ biꞈ-eu tiˬ jeˬ-iˬ maˬ paˇ jaˆ ma.

Aˇ dahˬ 47:20

Iˇjiˇtuˆ miˇ kʼahˬ laꞈ kʼoeˇ kʼaˇ jaˆ-eu deh yaˇ dawˬ tawˆ luꞈ, Yoˇsehˆ neh sahˬ paˬ gʼaˇ duˬ zeuˇ tsehˆ jiˇ-euˬ meh. Mehꞈ dui shuꞈ dui dui-eu baˬ da neh, Iˇjiˇtuˆ miˇ kʼahˬ zaˬ yawˬ gʼaˬ na luꞈ maˬ jawˇ tehˬ coeˇ-ehˇ, yawˬ ha-euˬ deh yaˇ ya ahˬ dzaˬ gaˇ keuˆ-awˇ, deh yaˇ miˇ tsaˬ dawˬ tawˆ luꞈ sahˬ paˬ-euˬ deh yaˇ pyeuꞈ jiˇ-euˬ meh.

Yawˇbaˆ 2:4

Saˬdaˬ ehˇ-eu, “Tsawˇ haˬ tiˬ gʼaˬ yawˬ ha-euˬ uˬ kʼawˇ ya buˬ-iˇ ni yawˬ jeˬ na luꞈ-ahˇ byehˇ dzeh coeˇ tehꞈ-a.

Ngoeˇ dawˬ 1:11

Yawꞈ-euˬ tsawˇ haˬ deuˬ mahˇ mahˇ-ehˇ, kʼaˬ meh-ahˇ dzaˬ-eu poˆ luꞈ meh. Aˬ yawꞈ maꞈ maˬ ya shiˇ tsehˆ ni, pyuˇ shuiˇ neh hawˬ paˇ dzaˬ-eu meh. “Ngaˬ-euˬ shaˬ zahˬ naꞈ dui dui gaˇ, Sahˬpaˬ Miˬyehˇ haw nehˬ laꞈ sheˇ.

Ngoeˇ dawˬ 5:6

Nga maꞈ mehꞈ-awˇ maˬ ya shiˇ ni, Iˇjiˇtuˆ-ahˇ shaˇ dzaˬ-iˇ-awˇ, Aˬshuˇliˆ-ahˇ shaˇ dzaˬ-euˬ ma.

Ngoeˇ dawˬ 5:9

Bawˇ tsahˬ-ahˇ mi cehˇ dzoeˬ luꞈ ngeh, uˬ kʼawˇ daˬ-awˇ ya poˆ dzaˬ nya.

Maꞈtehˬ 16:26

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.