Aˇ dahˬ 47:17 - Akha

¹⁷ Kʼoeˇ naˇ, miˇ kʼahˬ zaˬ deuˬ yawˬ ha-euˬ mahˬ, yawˇ, ciꞈ myehꞈ, mawˇ neˇ, mahˬ tahˬ laˆ deuˬ teh leꞈ-awˇ, Yoˇsehˆ jawˇ gaˇ cehˇ paˇ dzaˬ le-euˬ meh. Aˬ yawꞈ maꞈ-euˬ jeˬ zaˬ kʼoeˇ deuˬ-ahˇ cehˇ neh paˇ nehˬ-awˇ, kʼoeˇ ngeh kʼoꞈ, kʼoꞈ bi dehꞈ doˆ-euˬ meh.

Aˇ dahˬ 47:17 ပူးပေါင်းရင်းမြစ်များ

Aˇ dahˬ 47:16

“Naw maꞈ pyuˇ zmˬ cuˆ jiˇ-euˬ ngeuˇ naˇ, naw maꞈ-euˬ jeˬ zaˬ deuˬ teh leꞈ-awˬ. Jeˬ zaˬ-ahˇ cehˇ neh paˇ nehˬ ma” lehˇ, aˬ yawꞈ maꞈ-ahˇ Yoˇsehˆ ehˇ nehˬ-euˬ meh.

Aˇ dahˬ 47:18

Kʼoꞈ doˆ le ngeh, aˬ yawꞈ maꞈ Yoˇsehˆ jawˇ gaˇ oe-awˇ paˇ ehˇ-eu, “Yaw huiˬ yaw mahˇ gʼaˬ-oˇ, nawˬ-euˬ mehˬ shi nga maꞈ tiˬ jeˬ-iˬ maˬ zaꞈ taˬ ni heu loꞈ-ehˇ ehˇ-eu ma. Nga maꞈ-euˬ pyuˇ dawˬ tawˆ luꞈ zmˬ dzaˬ jiˇ-awˇ, nga maꞈ-euˬ jeˬ zaˬ deuˬ kʼawꞈ, nawˬ-euˬ jeˬ zaˬ pyeuꞈ jiˇ-euˬ meh. Nga maꞈ-euˬ gʼawˇ mawˇ hawˇ-eu nga maꞈ-euˬ deh yaˇ miˇ tsaˬ deuˬ maˬ ngeuˇ naˇ, nawˬ-ahˇ biꞈ-eu tiˬ jeˬ-iˬ maˬ paˇ jaˆ ma.

1 Sahˬpaˬ 10:28

Muˬsaˬliˬ miˇ kʼahˬ hawˇ-eu Siˬliˇshaˆ miˇ kʼahˬ-ahˇ neh kʼaˇ ahˬ doˆ-euˬ mahˬ dawˬ tawˆ luꞈ-ahˇ, sahˬ paˬ Sawˇlaˬmoˬ neh pyehˬ taˬ-euˬ tsawˇ haˬ deuˬ neh zeuˇ jiˇ-euˬ meh.

Yawˇbaˆ 2:4

Saˬdaˬ ehˇ-eu, “Tsawˇ haˬ tiˬ gʼaˬ yawˬ ha-euˬ uˬ kʼawˇ ya buˬ-iˇ ni yawˬ jeˬ na luꞈ-ahˇ byehˇ dzeh coeˇ tehꞈ-a.

Doˆ-iˇ 9:3

nawˬ-euˬ jeˬ zaˬ deuˬ pyeuꞈ-eu mahˬ, mahˬ tahˬ laˆ, law taw, mawˇ neˇ, yawˇ hawˇ-eu ciꞈ myehꞈ deuˬ-ahˇ, kʼaˆ dui dui-eu naˇ gawˇ bi pyeuꞈ doˆ laˇ-eu laꞈ kʼoeˇ, nawˬ-ahˇ ngaˇ kʼehˬ nehˬ ma.

Iˇsaˬyaˇ 31:1

Iˇjiˇtuˆ miˇ kʼahˬ-ahˇ laꞈ jeuˬ shaˇ-iˇ-eu tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-ahˇ maˬ gʼoe-ehˇ, mahˬ deuˬ-ahˇ nui kʼaˬ tsmˬ-awˇ, mahˬ laˆ lawˬ myaˬ gaˇ nui ma huiˬ-eu, mahˬ dziˬ-eu yehˇ deuˬ-euˬ gʼaˬ-ahˇ gʼoe-eu deuˬ, yaw kʼaˆ-ehˇ ya noeˬ shaˬ tehꞈ-a.

Maꞈtehˬ 6:24

“Tsawˇ haˬ tiˬ gʼaˬ-iˬ sahˬ paˬ nyiˬ gʼaˬ-euˬ zaˬ kʼaˆ maˬ geuꞈ nya-a. Tiˬ gʼaˬ-ahˇ bye naˇ, tiˬ gʼaˬ-ahˇ gaˬ tehꞈ-a. Tiˬ gʼaˬ-ahˇ yaw zeu baw naˇ, tiˬ gʼaˬ-ahˇ yaw zeu maˬ baw-aˇ. Naw maꞈ-aˬ, Miˬyehˇ-euˬ zaˬ kʼaˆ hawˇ-eu pyuˇ shuiˇ myawˬ gahˬ-euˬ zaˬ kʼaˆ, nyiˬ jeˬ luꞈ tiˬ kawˆ loꞈ-ehˇ maˬ geuꞈ nya-a.