Aˇ dahˬ 47:12 - Akha

¹² Aˬ yawꞈ-euˬ aˬ da-ahˇ maˬ ehˇ, aˬ yawꞈ-euˬ mehˇ nmˇ deuˬ-ahˇ maˬ ehˇ, aˬ yawꞈ aˬ da o neh jeuˬ le o le-euˬ tsawˇ haˬ dawˬ tawˆ luꞈ-ahˇ maˬ ehˇ, Yoˇsehˆ yaw muiˬ paˬ-ehˇ bi dzaˬ bi dawˇ-euˬ meh.

Aˇ dahˬ 47:12 ပူးပေါင်းရင်းမြစ်များ

Aˇ dahˬ 45:10

Ngaˇ jawˇ-eu dawˬ peh jaˆ-eu Goˬsheˬ lehˇ kuˇ-eu jawˇ duˬ-ahˇ nawˇ jawˇ le nya tehꞈ-a. Nawˇ hawˇ-eu nawˬ-euˬ zaˬ deuˬ, nawˬ-euˬ oeˬ paˬ oeˬ ma deuˬ, nawˬ-euˬ jeˬ zaˬ deuˬ hawˇ-eu, nawˇ kʼaˇ jaˆ-eu jeˬ dawˬ tawˆ luꞈ gʼaˇ duˬ, taˬ kʼaˇ jawˇ kʼaˇ za ma.

Aˇ dahˬ 45:11

Goˬsheˬ miˇ tsaˬ-ahˇ nawˇ jawˇ le naˇ, nawˬ-ahˇ ngaˇ haw piˇ nehˬ nya ma. Mehꞈ-eu shuꞈ-eu aˇ kʼoꞈ ngaˬ kʼoꞈ dzeˇ-a siˬ. Nawˇ hawˇ-eu nawˬ-euˬ miˬ sawˇ zaˬ deuˬ maˬ ehˇ, nawˬ-euˬ jeˬ zaˬ deuˬ maˬ ehˇ, mehꞈ-eu shuꞈ-eu jeˬ-ahˇ maˬ bi daˬ mawꞈ nya lehˇ tsaꞈ ahˇ laꞈ-euˬ meh lehˇ ehˇ nehˬ-awˬ.”

Aˇ dahˬ 45:7

Naw maꞈ hawˇ-eu naw maꞈ-euˬ zaˬ deuˬ mehꞈ-eu shuꞈ-eu baˬ da neh maˬ ya shiˇ jiˇ ni, Miˬyehˇ ngaˬ-ahˇ heu gaˇ kʼehˇ gʼeh leꞈ-euˬ heu, zahˬ leˇ paˬ-ehˇ gʼeh dui dui meh.

Aˇ dahˬ 47:1

Yoˇsehˆ-aˬ, aˬ yawꞈ-euˬ aˇ doˆ ngaˬ gʼaˬ sheuˬ-awˇ, sahˬ paˬ-ahˇ heu loꞈ-ehˇ ehˇ nehˬ leˇ-euˬ meh. “Kaˬnaˬ miˇ kʼahˬ-ahˇ jawˇ-eu ngaˬ da hawˇ-eu ngaˬ-euˬ mehˇ nmˇ deuˬ, aˬ yawꞈ maꞈ-euˬ jeˬ zaˬ dawˬ tawˆ luꞈ teh-awˇ, pyuˇ shuiˇ myawˬ gahˬ dawˬ tawˆ luꞈ kʼawꞈ pi ka leꞈ-awˇ, heu gaˇ oe keuˆ taˬ-euˬ meh. Nymˬ-mˇ Goˬsheˬ miˇ tsaˬ-ahˇ jawˇ luꞈ meh.”

Aˇ dahˬ 47:21

Iˇjiˇtuˆ miˇ kʼahˬ yawˬ paw yawˬ na luꞈ kʼaˇ jawˇ-eu tsawˇ haˬ dawˬ tawˆ luꞈ, Yoˇsehˆ neh zaˬ kʼaˆ bi geuꞈ jiˇ-euˬ meh.

Aˇ dahˬ 47:24

Cehˇ yehˬ cehˇ diˬ luiˆ gʼaˬ jiˇ ngeh, naw maꞈ neh mˇ za-euˬ cehˇ laꞈ kʼoeˇ, ngaˬ bymˇ tiˬ bymˇ sahˬ paˬ-ahˇ biꞈ kʼoꞈ-awˬ. Dzeˇ-eu deuˬ-ahˇ naw maꞈ hawˇ-eu naw maꞈ-euˬ miˬ sawˇ zaˬ deuˬ dzaˬ-eu gʼaˇ duˬ taˬ-awˇ, cehˇ siˬ yoeˬ kʼawꞈ pehˬ doˆ taˬ-awˬ.”

Aˇ dahˬ 50:21

Kʼoeˇ miˇ neh, naw maꞈ guˆ-eu maˬ loˬ-a. Naw maꞈ hawˇ-eu naw maꞈ-euˬ zaˬ deuˬ-ahˇ ngaˇ yaw muiˬ paˬ-ehˇ ngehˬ gʼeh nehˬ ma.” Kʼoeˇ loꞈ-ehˇ aˬ yawꞈ-euˬ aˇ doˆ deuˬ-euˬ nui ma-ahˇ zaw leˇ ni, nahˬ yu ni gʼeh-eu dawˬ Yoˇsehˆ ngehˬ-awˇ, aˬ yawꞈ maꞈ-euˬ nui ma-ahˇ laˆ saˆ nehˬ-euˬ meh.

Doˆ-iˇ 20:12

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ tsaˬ kʼoeˇ taˆ, nawˇ ziˇ baw ni, nawˬ-euˬ aˬ da aˬ ma-ahˇ nawˇ yaw zeu ya baw meh.

Iˇsaˬyaˇ 22:24

“Ehˇ kʼawꞈ, aˬ yawꞈ-euˬ aˇ jeuˬ aˇ ca deuˬ hawˇ-eu aˬ yawꞈ-ahˇ gʼoe-eu tsawˇ haˬ deuˬ, aˬ yawꞈ gʼaˇ duˬ kʼaˆ behˆ pyeuꞈ tehꞈ-a. Taꞈ cmˬ-ahˇ iˇ puˬ hawˇ-eu ni ceuˆ deuˬ ciˬ ceuˬ taˬ-euˬ loꞈ-ehˇ, aˬ yawꞈ maꞈ aˬ yawꞈ-ahˇ byaˇ gʼeu tehꞈ-a.

1 Teˇsaˬloˇni 2:7

Maˇ maˇ ni ehˇ naˇ, nga maꞈ Ka li-euˬ gʼaˬ kʼehˇ pyeuꞈ-eu miˇ neh nga maꞈ neh mˇ-euˬ aˇ poeˬ shaˇ-eu a kawˬ-aˬ jaˆ ma. Ehˇ kʼawꞈ, naw maꞈ nehˬ-ehˇ nga maꞈ jawˇ ngeh, aˬ ma tiˬ gʼaˬ zaˬ nahˬ-ahˇ bo saˆ-eu loꞈ-ehˇ nahˬ yu ni mˇ-euˬ ma.

1 Tiˆmoˇseˬ 4:8

Shiˬ shaˬ jiˇ gʼawˇ mawˇ gʼaˬ ahˇ laˇ ni jahˇ dzaw-eu jeˬ-aˬ, gaˇ dahˇ ui cuiˆ tsoeˬ-eu tehꞈ meh. Ehˇ kʼawꞈ, saꞈ laˇ paw gʼaˬ ahˇ laˇ ni mˇ dzaw shaˇ dzaw-eu jeˬ-aˬ, yawˬ paw na luꞈ gaˇ dahˇ tsoeˬ-eu meh. Aˬ jeˬ miˇ neh ehˇ naˇ, kʼoeˇ-aˬ, heu ziˇ gʼaˇ duˬ maˬ ehˇ, aˬ kaˇ kaˇ ziˇ gʼaˇ duˬ maˬ ehˇ, gaˇ dahˇ tsoeˬ-eu yaw duˬ baw meh.

1 Tiˆmoˇseˬ 5:4

Ehˇ kʼawꞈ, miˬ coeˬ miˬ ma tiˬ gʼaˬ zaˬ hawˇ-eu oeˬ paˬ oeˬ ma jawˇ naˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-awˇ, aˬ yawꞈ maꞈ yawˬ ha-euˬ nymˇ jiˇ-ahˇ mˇ nehˬ paˬ-ehˇ gʼeh-eu jeˬ-ahˇ jeˬ huˬ mˇ dzaw-eu tsaˬ meh. Aˬ jeˬ miˇ neh ehˇ naˇ, kʼoeˇ-aˬ, aˬ ma aˬ da, aˬ piˬ aˬ bawˇ deuˬ-ahˇ guiˬ lahˬ jahˇ kʼoꞈ nehˬ-eu jeˬ pyeuꞈ-awˇ, Miˬyehˇ nui ma tsaˬ-eu jeˬ pyeuꞈ-eu meh.

1 Tiˆmoˇseˬ 5:8

Tsawˇ haˬ tiˬ gʼaˬ na, yawˬ ha-euˬ aˬ yuiꞈ aˬ nyiˇ-ahˇ ngehˬ maˬ gʼeh-eu uˬ taꞈ, kʼoeˇ naˆ maˬ tseˇ, yawˬ ha-euˬ nymˇ jiˇ-ahˇ keuˆ ni ngehˬ maˬ gʼeh naˇ, jah-eu jeˬ-ahˇ byehˇ dzeh-euˬ gaˇ duˇ-awˇ, Ka li-ahˇ maˬ jah-eu tsawˇ haˬ deuˬ naˆ maˬ tseˇ doeˇ dui dui-eu meh.

Luˇta 4:15

Nawˬ-euˬ kuiˬ ma-aˬ, nawˬ-ahˇ gaˬ-awˇ, aˬ li shiꞈ li naˆ maˬ tseˇ, nawˬ-eu gʼaˇ duˬ aˬ yawꞈ gaˇ dahˇ tsoeˬ-eu meh. Nymˬ-mˇ poˆ-aˬ, nawˬ-euˬ gʼaˇ duˬ aˬ li tiˬ li aˬ yawꞈ bi dehꞈ le-awˇ, aˬ li heu li-aˬ, nawˇ yaw dehꞈ dehꞈ-eu jeˬ-ahˇ yaw shuiꞈ shuiꞈ-ehˇ bi pyeuꞈ laˇ tehꞈ-a. Nawˇ tsawˇ mawˬ mawˬ laˇ ngeh, aˬ yawꞈ nawˬ-ahˇ haw piˇ tehꞈ-a.”