Aˇ dahˬ 47:10 - Akha

¹⁰ Kʼoeˇ naˇ, sahˬ paˬ-ahˇ dawˬ ngehˬ gʼeh nehˬ yaꞈ-awˇ, Yaˬkoˆ doˆ-iˇ-euˬ meh.

Aˇ dahˬ 47:10 ပူးပေါင်းရင်းမြစ်များ

Aˇ dahˬ 14:19

Aˬbyaˬ-ahˇ aˬ yawꞈ heu loꞈ-ehˇ dawˬ ngehˬ gʼeh nehˬ-euˬ meh. “Mˬ hawˇ-eu miˇ-ahˇ beh-euˬ yaw sahˇ pyeuꞈ-eu Huiˬ dui mahˇ dui dui-eu Miˬyehˇ, Aˬbyaˬ-ahˇ guiˬ lahˬ biꞈ luꞈ-uˇ.

Aˇ dahˬ 47:11

Kʼoeˇ naˇ, Yoˇsehˆ-aˬ, sahˬ paˬ neh aˬ yawꞈ-ahˇ ehˇ nehˬ-euˬ loꞈ-ehˇ, aˬ yawꞈ-euˬ aˬ da hawˇ-eu aˬ yawꞈ-euˬ mehˇ nmˇ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ aˬ cawˬ naˆ maˬ tseˇ muiˬ-eu jawˇ duˬ pyeuꞈ-eu, Laˬmaˬsehˇ meuˬ dawˬ peh jaˆ-eu miˇ tsaˬ kʼoeˇ tsahˇ-ahˇ jawˇ zaˇ shaˇ nehˬ-euˬ meh.

Aˇ dahˬ 47:7

Kʼoeˇ naˇ, Yoˇsehˆ neh aˬ yawꞈ aˬ da Yaˬkoˆ-ahˇ sahˬ paˬ jawˇ gaˇ sheuˬ gʼeh-awˇ, sahˬ paˬ-ahˇ Yaˬkoˆ dawˬ ngehˬ gʼeh nehˬ-euˬ meh.

2 Saˬmeuˬlaˆ 19:39

Kʼoeˇ naˇ, Daˬbiˇ hawˇ-eu aˬ yawꞈ-euˬ tsawˇ haˬ dawˬ tawˆ luꞈ Yawˇdaˬ lawˇ baˬ tsehˆ doˆ-euˬ meh. Baˬziˇlehˇ-ahˇ aˬ yawꞈ mehˬ cuˇ cuˇ nehˬ-awˇ, dawˬ ngehˬ gʼeh nehˬ yaꞈ-euˬ meh. Kʼoeˇ naˇ, Baˬziˇlehˇ gʼoꞈ leˇ-euˬ meh.

2 Saˬmeuˬlaˆ 8:10

Tawˇiˆ nehˬ-ehˇ tiˬ kʼehˬ maˬ taˬ ni guiˇ deuˆ ceh ceh luꞈ-eu sahˬ paˬ Haˬdaˬdeˬzaˬ-ahˇ sahˬ paˬ Daˬbiˇ deuˆ gʼaˬ-euˬ miˇ neh, Tawˇiˆ-euˬ aˬ li Yoˇlamˬ-ahˇ sahˬ paˬ Daˬbiˇ jawˇ gaˇ bi le-awˇ, Haˬdaˬdeˬzaˬ-ahˇ deuˆ gʼaˬ-euˬ baˬ da neh, laˬ kʼaˬ cehˇ-awˇ guiˬ lahˬ huiˬ-eu gaˇ kawˆ bi tsaꞈ gaˬ leˇ-euˬ meh. Shuiˇ, pyuˇ hawˇ-eu, guiˬ shuiˇ neh jahˇ taˬ-euˬ laꞈ sawˬ deuˬ-ahˇ, Daˬbiˇ jawˇ gaˇ Yoˇlamˬ yuˇ gʼeh nehˬ-euˬ meh.

Jaceuq 119:46

Sahˬ paˬ sahˬ ma deuˬ-ahˇ nawˬ-euˬ zahˇ dawˬ kʼoꞈ dawˬ ngaˇ ja mehˬ-awˇ, shaꞈ dawˇ duˬ maˬ jaˆ ni dehꞈ ma.

Jaceuq 129:8

Kʼaˇ iˇ kʼaˇ laˇ tsehˆ-eu deuˬ laꞈ kʼoeˇ, “Miˬyehˇ nawˬ-ahˇ guiˬ lahˬ biꞈ luꞈ-uˇ” lehˇ ehˇ-eu maˬ jawˇ-ehˇ, “Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ dawˬ ngehˬ gʼeh nehˬ-eu ma” lehˇ ehˇ-eu maˬ jawˇ-a.

Dawˬmehˬ 33:1

Heu-aˬ, Miˬyehˇ-euˬ tsawˇ haˬ pyeuꞈ-eu Moˇseˬ maˬ shiˇ mi naˆ-ehˇ, Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ-eu laꞈ kʼoeˇ biꞈ yaꞈ-euˬ guiˬ lahˬ deuˬ meh.

HeˬByehˇ 7:7

Dawˬ ngehˬ gʼeh nehˬ-eu gʼaˬ-aˬ, dawˬ bi ngehˬ gʼeh nehˬ-euˬ gʼaˬ naˆ maˬ tseˇ huiˬ dzehˬ meh lehˇ, tsawˇ haˬ yawˬ gʼaˬ na luꞈ siˬ nya meh. Piˇ ma deuˬ-ahˇ tseˇ bymˇ tiˬ bymˇ taꞈ nehˬ-euˬ kʼoeˇ-aˬ, shiˇ nya-eu tsawˇ haˬ zaˬ deuˬ-ahˇ taꞈ nehˬ-euˬ jeˬ pyeuꞈ-eu meh.

Yawˇshuˆ 14:13

Yeˬpuˬnehˇ-euˬ aˬ li Gaˬlehˆ-ahˇ Yawˇshuˆ dawˬ ngehˬ gʼeh nehˬ-awˇ, Heˬbyoˬ meuˬ biꞈ tsehˆ tsehˆ nehˬ-euˬ meh.

Luˇta 2:4

Tiˬ kʼehˬ keuˆ laˇ naˇ, Behˬlehˬhehˬ meuˬ-ahˇ neh deh yaˇ-ahˇ Bawˇza oe keuˆ-awˇ, “Sahˬpaˬ Miˬyehˇ naw maꞈ nehˬ-ehˇ jawˇ luꞈ-uˇ” lehˇ cehˇ yehˬ-eu deuˬ-ahˇ aˬ yawꞈ dawˬ cawˬ puˬ nehˬ ngeh, “Miˬyehˇ nawˬ-ahˇ guiˬ lahˬ biꞈ luꞈ-uˇ” lehˇ aˬ yawꞈ maꞈ aˬ yawꞈ-ahˇ paˇ ehˇ kʼoˬ nehˬ-euˬ meh.