Aˇ dahˬ 46:7 - Akha

⁷ Aˬ yawꞈ-euˬ aˬ buˇ aˬ li deuˬ hawˇ-eu, oeˬ paˬ oeˬ ma dawˬ tawˆ luꞈ sheuˬ ka gʼeh-euˬ meh.

Aˇ dahˬ 46:7 ပူးပေါင်းရင်းမြစ်များ

Aˇ dahˬ 34:7

Kʼoeˇ ngeh, Yaˬkoˆ-euˬ aˬ li deuˬ deh yaˇ-ahˇ iˇ-euˬ gʼoꞈ keuˆ laˇ-euˬ tiˬ dehˬ meh. Yaˬkoˆ-euˬ aˬ buˇ-ahˇ Sheˬkmˬ neh yehˬ bawˬ sehˇ lu-ehˇ jahˇ nehˬ-awˇ, kʼoeˇ loꞈ-ehˇ gʼeh-eu maˬ jahˇ kʼmˬ-eu jeˬ Iˇsaˬleˬlaˆ tsawˇ haˬ-ahˇ jahˇ nehˬ laꞈ-euˬ gaˇ kawˆ-ahˇ, Yaˬkoˆ-euˬ aˬ li deuˬ ya gaˬ ngeh, nui ma daˆ laˇ taˬ-euˬ meh.

Aˇ dahˬ 46:6

Kaˬnaˬ miˇ kʼahˬ-ahˇ jawˇ ngeh jaˆ le-euˬ aˬ yawꞈ maꞈ-euˬ pyuˇ shuiˇ myawˬ gahˬ hawˇ-eu jeˬ zaˬ dawˬ tawˆ luꞈ, aˬ yawꞈ maꞈ nehˬ-ehˇ yuˇ gʼeh-euˬ meh. Yaˬkoˆ-aˬ, aˬ yawꞈ-euˬ o neh jeuˬ le o le-euˬ tsawˇ haˬ dawˬ tawˆ luꞈ-ahˇ sheuˬ ka gʼeh-euˬ meh.

Aˇ dahˬ 46:8

Yaˬkoˆ Iˇjiˇtuˆ miˇ kʼahˬ-ahˇ jawˇ-iˇ ngeh, aˬ yawꞈ neh sheuˬ ka gʼeh-euˬ aˬ yawꞈ-euˬ aˬ li deuˬ hawˇ-eu oeˬ paˬ deuˬ-aˬ, heu deuˬ meh. Aˬ yawꞈ-euˬ aˬ li aˬ yuiꞈ yuiꞈ saˬ gʼaˬ Luˇbeˬ hawˇ-eu,

Jaceuq 105:23

Kʼoeˇ naˇ, Iˇjiˇtuˆ miˇ kʼahˬ-ahˇ Yaˬkoˆ iˇ-awˇ, miˇ kʼahˬ kʼoeˇ kʼahˬ-ahˇ jawˇ-euˬ meh.

Iˇsaˬyaˇ 52:4

Iˇjiˇtuˆ miˇ kʼahˬ-ahˇ naw maꞈ boeˇ miˬ siˬ kʼaˬ geuꞈ-awˇ jawˇ-iˇ ngeh, naw maꞈ nui kʼahˇ shiˇ-awˇ jawˇ-iˇ-euˬ meh. Ehˇ kʼawꞈ, Aˬshuˇliˆ miˇ kʼahˬ-aˬ, naw maꞈ maˬ le mawꞈ gaˇ nyehꞈ geuꞈ gʼeh-awˇ, naw maꞈ gʼaˇ duˬ aˇ poeˬ maˬ biꞈ-aˬ.

Bawˇtsahˬ 20:15

Nga maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ-ahˇ aˬ joˆ-ehˇ iˇ-euˬ gaˇ kawˆ maˬ ehˇ, kʼoeˇ gaˇ nga maꞈ gʼawˬ mya kʼoꞈ jawˇ yaꞈ-euˬ gaˇ kawˆ maˬ ehˇ, nga maꞈ-euˬ aˬ poeˬ aˬ bawˇ deuˬ hawˇ-eu nga maꞈ-ahˇ Iˇjiˇtuˆ tsawˇ haˬ deuˬ aˬ joˆ-ehˇ kʼehˬ nehˬ kʼaˆ nehˬ laꞈ-euˬ gaˇ kawˆ maˬ ehˇ,

Dawˬmehˬ 23:7

“Eˬdoˬ tsawˇ jeuˬ-ahˇ taˬ taˬ nyiˇ. Aˬ yawꞈ maꞈ-aˬ, nawˬ-euˬ aˬ yuiꞈ aˬ nyiˇ pyeuꞈ-eu meh. Iˇjiˇtuˆ tsawˇ haˬ-ahˇ kʼawꞈ taˬ taˬ nyiˇ. Aˬ yawꞈ maꞈ-euˬ miˇ kʼahˬ laꞈ kʼoeˇ nawˇ ya jawˇ haw-euˬ meh.

Dawˬmehˬ 26:5

Kʼoeˇ naˇ, Sahˬpaˬ Miˬyehˇ mehˬ shi nawˇ heu loꞈ-ehˇ ya ehˇ meh. ‘Ngaˬ-euˬ aˬ poeˬ-aˬ, jawˇ duˬ maˬ baw-euˬ Aˬlamˬ tsawˇ haˬ pyeuꞈ-awˇ, aˬ yawꞈ-euˬ miˬ sawˇ zaˬ deuˬ sheuˬ-awˇ Iˇjiˇtuˆ miˇ kʼahˬ-ahˇ jawˇ-iˇ-euˬ meh. Aˬ yawꞈ kʼoeˇ gaˇ jawˇ-iˇ ngeh, tsawˇ haˬ ui cuiˆ tehꞈ kʼawꞈ, tsawˇ haˬ myaˬ laˇ-awˇ baoˬ ahˇ-eu tsawˇ jeuˬ tiˬ jeuˬ pyeuꞈ laˇ-euˬ meh.

Yawˇshuˆ 24:4

Iˇtsaˆ-ahˇ, Yaˬkoˆ hawˇ-eu Iˇsawˇ biꞈ-euˬ ma. Ehˇ kʼawꞈ, naw maꞈ-euˬ aˬ poeˬ Yaˬkoˆ hawˇ-eu aˬ yawꞈ-euˬ zaˬ deuˬ Iˇjiˇtuˆ miˇ kʼahˬ-ahˇ pawˇ-iˇ-euˬ meh.