Aˇ dahˬ 46:34 - Akha

³⁴ ‘Nga maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh mˇ ka leꞈ-euˬ loꞈ-ehˇ, jeˬ zaˬ cu dzaˬ-eu tsawˇ haˬ deuˬ pyeuꞈ-eu ma’ lehˇ maˬ ngehˇ ni ehˇ kʼoꞈ nehˬ-awˬ. Kʼoeˇ loꞈ-ehˇ ehˇ naˇ, naw maꞈ-ahˇ Goˬsheˬ miˇ tsaˬ-ahˇ bi jawˇ laꞈ tehꞈ-a.” Jeˬ zaˬ cu dzaˬ-eu tsawˇ haˬ deuˬ-ahˇ, Iˇjiˇtuˆ tsawˇ haˬ deuˬ tsawˇ haˬ maˬ sawˇ-eu miˇ neh, aˬ yawꞈ maꞈ-ahˇ Yoˇsehˆ kʼoeˇ loꞈ-ehˇ ehˇ nehˬ-euˬ meh.

Aˇ dahˬ 46:34 ပူးပေါင်းရင်းမြစ်များ

Aˇ dahˬ 13:7

Kʼoeˇ miˇ neh, Aˬbyaˬ-euˬ jeˬ zaˬ bo-eu tsawˇ haˬ deuˬ hawˇ-eu, Lawˇtaˬ-euˬ jeˬ zaˬ bo-eu tsawˇ haˬ deuˬ yaw kaˬ, tiˬ kʼehˬ maˬ taˬ ni dawˬ ja doˆ-eu meh. Aˇ yamˬ kʼoeˇ yamˬ-ahˇ, Kaˬnaˬ tsawˇ jeuˬ hawˇ-eu Paˬyehˆ tsawˇ jeuˬ kʼawꞈ, miˇ kʼahˬ kʼoeˇ kʼahˬ laꞈ kʼoeˇ jawˇ luꞈ-eu meh.

Aˇ dahˬ 13:8

Kʼoeˇ ngeh, Lawˇtaˬ-ahˇ Aˬbyaˬ ehˇ nehˬ-eu, “Aˇ nyaꞈ-aˬ, aˬ uiˬ hawˇ-eu aˬ duˇ lehˇ gʼeh-eu miˇ neh, nawˬ-euˬ tsawˇ haˬ hawˇ-eu ngaˬ-euˬ tsawˇ haˬ yaw kaˬ dawˬ ja bi laˆ doˆ-eu maˬ muiˬ-a.

Aˇ dahˬ 26:20

Geˬlawˬ meuˬ-ahˇ jawˇ-eu yawˇ cu-eu tsawˇ haˬ deuˬ oe-awˇ, “Lah duˬ heu duˬ nga maꞈ-euˬ lah duˬ ma” lehˇ ehˇ-awˇ, Iˇtsaˆ-euˬ zaˬ kʼaˆ deuˬ nehˬ-ehˇ ceh-euˬ meh. Kʼoeˇ miˇ neh, lah duˬ kʼoeˇ duˬ-ahˇ, “Iˬ dehˬ iˬ ceh” lehˇ Iˇtsaˆ neh myahˇ nehˬ-euˬ meh.

Aˇ dahˬ 30:35

Ehˇ kʼawꞈ Laˬbaˬ-aˬ, yaw byaꞈ kʼaˇ byaꞈ-eu ciꞈ myehꞈ ciꞈ buˬ deuˬ maˬ ehˇ, yaw byaꞈ byaꞈ-awˇ yaw pyuˇ kʼaˇ keuˬ-eu ciꞈ myehꞈ ciꞈ ma deuˬ maˬ ehˇ, yaw naˆ kʼaˇ naˆ-eu yawˇ deuˬ maˬ ehˇ, kʼoeˇ ngeh nah neh tseˇ doˆ jiˇ-awˇ, aˬ yawꞈ-euˬ aˬ li deuˬ neh bi bo saˆ taˬ-euˬ meh.

Aˇ dahˬ 34:5

Aˬ yawꞈ-euˬ aˬ buˇ-ahˇ aˬ cawˬ yehˬ bawˬ sehˇ lu-ehˇ jahˇ nehˬ-euˬ gaˇ kawˆ, Yaˬkoˆ ya siˬ-euˬ meh. Ehˇ kʼawꞈ, aˬ yawꞈ-euˬ aˬ li deuˬ jeˬ zaˬ bo-iˇ jiˇ-euˬ miˇ neh, aˬ li kʼoeˇ deuˬ maˬ gʼoꞈ keuˆ laˇ kʼoeˇ keuˆ ni, tiˬ jeˬ-iˬ maˬ jahˇ-ehˇ jawˇ-euˬ meh.

Aˇ dahˬ 37:12

Tiˬ nah keuˆ laˇ ngeh, Yoˇsehˆ-euˬ aˇ doˆ deuˬ Sheˬkmˬ meuˬ paw jeˬ zaˬ bo-iˇ-euˬ meh.

Aˇ dahˬ 37:2

Yaˬkoˆ-euˬ nymˇ jiˇ gaˇ kawˆ heu loꞈ-ehˇ jaˆ-eu meh. Yoˇsehˆ tseˇ shiꞈ kʼoꞈ kʼawˆ laˇ-awˇ zaˬ guˬ pyeuꞈ laˇ ngeh, aˬ yawꞈ aˬ da-euˬ ma nyiˇ Ziˇlaˬpaˬ hawˇ-eu Biˇlaˬhaˇ-euˬ aˬ li deuˬ nehˬ-ehˇ, ciꞈ myehꞈ hawˇ-eu yawˇ bo bo-ehˇ jawˇ-euˬ meh. Aˬ yawꞈ-euˬ aˇ doˆ deuˬ kʼaˇ mˇ-eu maˬ muiˬ-eu jeˬ dawˬ tawˆ luꞈ, aˬ yawꞈ-euˬ aˬ da-ahˇ aˬ yawꞈ tsaꞈ gaˬ-euˬ meh.

Aˇ dahˬ 43:32

Yoˇsehˆ gʼaˇ duˬ hawˬ jeh tiˬ jeh, aˬ ha mehˇ nmˇ gʼaˇ duˬ hawˬ jeh tiˬ jeh, Iˇjiˇtuˆ tsawˇ haˬ deuˬ gʼaˇ duˬ hawˬ jeh tiˬ jeh lehˇ bi shaˇ dahˇ-euˬ meh. Aˬ jeˬ miˇ neh ehˇ naˇ, Heˬbyehˇ tsawˇ haˬ nehˬ-ehˇ dzaˬ taꞈ dawˇ taꞈ naˇ daˬ ga nya lehˇ, Iˇjiˇtuˆ tsawˇ haˬ deuˬ noeˬ-eu meh.

Aˇ dahˬ 45:10

Ngaˇ jawˇ-eu dawˬ peh jaˆ-eu Goˬsheˬ lehˇ kuˇ-eu jawˇ duˬ-ahˇ nawˇ jawˇ le nya tehꞈ-a. Nawˇ hawˇ-eu nawˬ-euˬ zaˬ deuˬ, nawˬ-euˬ oeˬ paˬ oeˬ ma deuˬ, nawˬ-euˬ jeˬ zaˬ deuˬ hawˇ-eu, nawˇ kʼaˇ jaˆ-eu jeˬ dawˬ tawˆ luꞈ gʼaˇ duˬ, taˬ kʼaˇ jawˇ kʼaˇ za ma.

Aˇ dahˬ 45:18

Aˬ yawꞈ maꞈ-euˬ aˬ da hawˇ-eu aˬ yawꞈ maꞈ-euˬ miˬ sawˇ zaˬ deuˬ-ahˇ sheuˬ-awˇ, heu gaˇ paˇ bi oe-awˬ. Iˇjiˇtuˆ miˇ kʼahˬ laꞈ kʼoeˇ miˇ tsaˬ kʼaˇ muiˬ-eu tsahˇ, aˬ yawꞈ maꞈ-ahˇ ngaˇ biꞈ ma. Aˬ yawꞈ maꞈ maˬ dzaˬ maˬ dawˇ jiˇ coeˇ gaˇ keuˆ ni baw le za le tehꞈ-a.

Aˇ dahˬ 46:32

Naw maꞈ jeˬ zaˬ cu dzaˬ-eu tsawˇ haˬ pyeuꞈ-awˇ, naw maꞈ nehˬ-ehˇ kʼaˇ jawˇ-eu jeˬ zaˬ dawˬ tawˆ luꞈ teh ka leꞈ jiˇ-awˇ, kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ yuˇ leꞈ jiˇ-euˬ gaˇ kawˆ, sahˬ paˬ-ahˇ ngaˇ dzawˇ nehˬ leˇ ma.

Aˇ dahˬ 47:11

Kʼoeˇ naˇ, Yoˇsehˆ-aˬ, sahˬ paˬ neh aˬ yawꞈ-ahˇ ehˇ nehˬ-euˬ loꞈ-ehˇ, aˬ yawꞈ-euˬ aˬ da hawˇ-eu aˬ yawꞈ-euˬ mehˇ nmˇ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ aˬ cawˬ naˆ maˬ tseˇ muiˬ-eu jawˇ duˬ pyeuꞈ-eu, Laˬmaˬsehˇ meuˬ dawˬ peh jaˆ-eu miˇ tsaˬ kʼoeˇ tsahˇ-ahˇ jawˇ zaˇ shaˇ nehˬ-euˬ meh.

Aˇ dahˬ 47:3

“Naw maꞈ aˬ jeˬ mˇ dzaˬ-eu tsawˇ haˬ te” lehˇ sahˬ paˬ naˇ haˬ ngeh, aˬ yawꞈ-euˬ aˇ doˆ deuˬ heu loꞈ-ehˇ ehˇ kʼoꞈ nehˬ-euˬ meh. “Nga maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh mˇ ka shaˇ ka leꞈ-euˬ loꞈ-ehˇ jeˬ zaˬ cu dzaˬ-eu tsawˇ haˬ pyeuꞈ-eu ma.

Aˇ dahˬ 47:4

Kaˬnaˬ miˇ kʼahˬ laꞈ kʼoeˇ mehꞈ dui shuꞈ dui dui-eu jeˬ keuˆ le-awˇ, miˇ tsaˬ gui-iˇ-euˬ miˇ neh, nga maꞈ-euˬ jeˬ zaˬ deuˬ gaˆ dzaˬ kʼaˇ maˬ za ni pyeuꞈ laˇ taˬ-euˬ meh. Teu miˇ neh, nga maꞈ-ahˇ gʼawˬ shaˬ gaˬ-eu laꞈ kʼoeˇ, Goˬsheˬ miˇ tsaˬ-ahˇ bi jawˇ nehˬ laꞈ-awˬ.”

Aˇ dahˬ 47:6

Iˇjiˇtuˆ miˇ kʼahˬ heu nawˬ-euˬ mehˬ shi jaˆ luꞈ meh. Miˇ kʼahˬ heu kʼahˬ laꞈ kʼoeˇ muiˬ dui dui-eu jawˇ duˬ pyeuꞈ-eu Goˬsheˬ miˇ tsaˬ kʼoeˇ tsahˇ-ahˇ, aˬ yawꞈ maꞈ-ahˇ bi jawˇ-awˬ. Aˬ yawꞈ maꞈ laꞈ kʼoeˇ, jeˬ zaˬ-ahˇ yaw muiˬ paˬ-ehˇ bo saˆ nya-eu tsawˇ haˬ jawˇ naˇ, ngaˬ-euˬ jeˬ zaˬ deuˬ-ahˇ bo saˆ-eu gaˇ bi mˇ-awˬ.”

Doˆ-iˇ 8:22

Ehˇ kʼawꞈ, ngaˬ-eu tsawˇ haˬ deuˬ jawˇ-eu Goˬsheˬ miˇ tsaˬ-ahˇ puˬ saˆ maˬ doˆ laˇ ni ngaˇ jahˇ ma. Sahˬpaˬ Miˬyehˇ pyeuꞈ-eu ngaˬ-euˬ mawˇ do miˇ kʼahˬ heu kʼahˬ laꞈ kʼoeˇ gaˇ mˇ luꞈ-eu nawˇ ya siˬ ni, ngaˇ heu loꞈ-ehˇ jahˇ-eu lehˇ gʼeh-eu ma.

Doˆ-iˇ 8:26

Ehˇ kʼawꞈ, sahˬ paˬ kʼoeˇ gʼaˬ-ahˇ Moˇseˬ ehˇ nehˬ-eu, “Kʼoeˇ loꞈ-ehˇ mˇ-eu maˬ tsaˬ-a. Aˬ jeˬ miˇ neh ehˇ naˇ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ jeˬ zaˬ lawˇ nehˬ-eu jeˬ-aˬ, Iˇjiˇtuˆ tsawˇ haˬ-euˬ mehˬ shi maˬ muiˬ maˬ shawˇ-eu jeˬ mˇ gaˇ duˇ-eu meh. Iˇjiˇtuˆ tsawˇ haˬ deuˬ-euˬ mehˬ shi nga maꞈ jeˬ zaˬ lawˇ naˇ, aˬ yawꞈ maꞈ nga maꞈ-ahˇ kʼaˬ lo neh biˬ sehꞈ tehꞈ-a.