Aˇ dahˬ 46:32 - Akha

³² Naw maꞈ jeˬ zaˬ cu dzaˬ-eu tsawˇ haˬ pyeuꞈ-awˇ, naw maꞈ nehˬ-ehˇ kʼaˇ jawˇ-eu jeˬ zaˬ dawˬ tawˆ luꞈ teh ka leꞈ jiˇ-awˇ, kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ yuˇ leꞈ jiˇ-euˬ gaˇ kawˆ, sahˬ paˬ-ahˇ ngaˇ dzawˇ nehˬ leˇ ma.

Aˇ dahˬ 46:32 ပူးပေါင်းရင်းမြစ်များ

Aˇ dahˬ 37:2

Yaˬkoˆ-euˬ nymˇ jiˇ gaˇ kawˆ heu loꞈ-ehˇ jaˆ-eu meh. Yoˇsehˆ tseˇ shiꞈ kʼoꞈ kʼawˆ laˇ-awˇ zaˬ guˬ pyeuꞈ laˇ ngeh, aˬ yawꞈ aˬ da-euˬ ma nyiˇ Ziˇlaˬpaˬ hawˇ-eu Biˇlaˬhaˇ-euˬ aˬ li deuˬ nehˬ-ehˇ, ciꞈ myehꞈ hawˇ-eu yawˇ bo bo-ehˇ jawˇ-euˬ meh. Aˬ yawꞈ-euˬ aˇ doˆ deuˬ kʼaˇ mˇ-eu maˬ muiˬ-eu jeˬ dawˬ tawˆ luꞈ, aˬ yawꞈ-euˬ aˬ da-ahˇ aˬ yawꞈ tsaꞈ gaˬ-euˬ meh.

Aˇ dahˬ 4:2

Kʼoeˇ naˇ, Aˬbeˬlaˆ lehˇ myahˇ-euˬ aˬ li tiˬ li paˇ ciˬ-euˬ meh. Aˬbeˬlaˆ gʼaˬ yawˇ cu-eu tsawˇ haˬ pyeuꞈ laˇ-awˇ, Gaˬiˇnaˆ gʼaˬ yaˇ mˇ dzaˬ-eu tsawˇ haˬ pyeuꞈ laˇ-euˬ meh.

Aˇ dahˬ 45:10

Ngaˇ jawˇ-eu dawˬ peh jaˆ-eu Goˬsheˬ lehˇ kuˇ-eu jawˇ duˬ-ahˇ nawˇ jawˇ le nya tehꞈ-a. Nawˇ hawˇ-eu nawˬ-euˬ zaˬ deuˬ, nawˬ-euˬ oeˬ paˬ oeˬ ma deuˬ, nawˬ-euˬ jeˬ zaˬ deuˬ hawˇ-eu, nawˇ kʼaˇ jaˆ-eu jeˬ dawˬ tawˆ luꞈ gʼaˇ duˬ, taˬ kʼaˇ jawˇ kʼaˇ za ma.

Aˇ dahˬ 46:31

Kʼoeˇ naˇ, aˬ yawꞈ-euˬ mehˇ nmˇ deuˬ hawˇ-eu, aˬ yawꞈ aˬ da-euˬ miˬ sawˇ zaˬ deuˬ dawˬ tawˆ luꞈ-ahˇ, Yoˇsehˆ heu loꞈ-ehˇ ehˇ nehˬ-euˬ meh. “Sahˬ paˬ jawˇ gaˇ le-awˇ, Kaˬnaˬ miˇ kʼahˬ-ahˇ jawˇ-eu ngaˬ-euˬ mehˇ nmˇ deuˬ hawˇ-eu ngaˬ da-euˬ miˬ sawˇ zaˬ dawˬ tawˆ luꞈ, ngaˇ jawˇ gaˇ oe keuˆ gʼaˬ-euˬ gaˇ kawˆ ya ehˇ nehˬ leˇ nga siˬ.

Aˇ dahˬ 46:33

Sahˬ paˬ naw maꞈ-ahˇ kuˇ-awˇ, ‘Aˬ jeˬ mˇ dzaˬ-eu tsawˇ haˬ te’ lehˇ naˇ haˬ laˇ naˇ,

Aˇ dahˬ 46:34

‘Nga maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh mˇ ka leꞈ-euˬ loꞈ-ehˇ, jeˬ zaˬ cu dzaˬ-eu tsawˇ haˬ deuˬ pyeuꞈ-eu ma’ lehˇ maˬ ngehˇ ni ehˇ kʼoꞈ nehˬ-awˬ. Kʼoeˇ loꞈ-ehˇ ehˇ naˇ, naw maꞈ-ahˇ Goˬsheˬ miˇ tsaˬ-ahˇ bi jawˇ laꞈ tehꞈ-a.” Jeˬ zaˬ cu dzaˬ-eu tsawˇ haˬ deuˬ-ahˇ, Iˇjiˇtuˆ tsawˇ haˬ deuˬ tsawˇ haˬ maˬ sawˇ-eu miˇ neh, aˬ yawꞈ maꞈ-ahˇ Yoˇsehˆ kʼoeˇ loꞈ-ehˇ ehˇ nehˬ-euˬ meh.

Aˇ dahˬ 47:3

“Naw maꞈ aˬ jeˬ mˇ dzaˬ-eu tsawˇ haˬ te” lehˇ sahˬ paˬ naˇ haˬ ngeh, aˬ yawꞈ-euˬ aˇ doˆ deuˬ heu loꞈ-ehˇ ehˇ kʼoꞈ nehˬ-euˬ meh. “Nga maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh mˇ ka shaˇ ka leꞈ-euˬ loꞈ-ehˇ jeˬ zaˬ cu dzaˬ-eu tsawˇ haˬ pyeuꞈ-eu ma.

Aˇ dahˬ 9:20

Noˇaˬ-aˬ, deh yaˇ mˇ dzaˬ-eu tsawˇ haˬ pyeuꞈ-awˇ, aˬ gaꞈ yaˇ kmˇ mˇ beh beh-euˬ gʼaˬ pyeuꞈ-eu meh.

1 Sahˬpaˬ 9:27

Sahˬ paˬ Hiˇlamˬ-aˬ, iˬ ma laˆ shaˆ laꞈ kʼoeˇ cah haw-euˬ aˬ yawꞈ-euˬ tsawˇ haˬ deuˬ pyehˬ gʼeh-awˇ, Sawˇlaˬmoˬ-euˬ tsawˇ haˬ deuˬ nehˬ-ehˇ gaˇ bi mˇ-euˬ meh.

Doˆ-iˇ 3:1

Nymˬ-mˇ poˆ jawˇ, Moˇseˬ-aˬ, Miˇdiˬyaˬ miˇ kʼahˬ-euˬ piˇ ma pyeuꞈ-eu, aˬ yawꞈ-euˬ tsawˇ mawˬ Yeˬdaˬyoˇ-euˬ jeˬ zaˬ deuˬ-ahˇ bo saˆ luꞈ-eu meh. Tiˬ nah keuˆ laˇ ngeh, Moˇseˬ jeˬ zaˬ kʼoeˇ deuˬ teh-awˇ, bawˇ tsahˬ bawˇ dahˇ le dzeuˇ leꞈ-awˇ, muiˬ-eu shawˇ-eu Siˇnaˆ gawˬ jawˬ-ahˇ le keuˆ-euˬ meh.

Iˇsaˬyaˇ 40:11

Yawˇ bo-eu yaw sahˇ yawˇ-ahˇ bo saˆ nehˬ-eu loꞈ-ehˇ, aˬ yawꞈ-euˬ yawˇ maꞈ-ahˇ aˬ yawꞈ bo saˆ nehˬ-awˇ, yawˇ zaˬ deuˬ-ahˇ tiˬ gaˇ jaˬ uiˬ jiˇ-eu laꞈ kʼoeˇ, aˬ yawꞈ-euˬ bawˇ kʼahˇ-ahˇ ciˬ-awˇ, yawˇ zaˬ aˬ ma deuˬ-ahˇ aˬ za za-ehˇ sheuˬ gʼeh tehꞈ-a.

Zaˬkaˬliˇ 13:5

‘Ngaˇ Miˬyehˇ gʼaˇ duˬ ngehˬ dah-eu tsawˇ haˬ maˬ ngeuˇ. Deh yaˇ mˇ dzaˬ-eu tsawˇ haˬ ma. Ngaˬ-euˬ tiˬ ziˇ deh yaˇ mˇ dzaˬ daˆ laꞈ-euˬ ma’ lehˇ ehˇ tehꞈ-a.

1 Saˬmeuˬlaˆ 16:11

Kʼoeˇ naˇ, “Nawˬ-euˬ aˬ li nui gʼaˬ jawˇ te siˬ loˇ” lehˇ, Yeˬshehˇ-ahˇ Saˬmeuˬlaˆ laˇ naˇ haˬ-euˬ meh. Yeˬshehˇ ehˇ-eu, “Aˬ li zaˬ saˬ gʼaˬ jawˇ te siˬ. Ehˇ kʼawꞈ, aˬ yawꞈ yawˇ bo-iˇ dzeuˇ-euˬ meh.” Saˬmeuˬlaˆ ehˇ-eu, “Aˬ yawꞈ-ahˇ bi kuˇ kʼoꞈ laˬ-iˇ-awˬ. Aˬ yawꞈ maˬ gʼoꞈ keuˆ laˇ kʼoeˇ keuˆ ni aˬ dui maꞈ maˬ lawˇ maˬ shehˇ-ehˇ jawˇ tawˬ ma.”

1 Saˬmeuˬlaˆ 17:15

Daˬbiˇ gʼaˬ maˬ myahˇ kaˬ-ahˇ Behˬlehˬhehˬ meuˬ-ahˇ gʼoꞈ-iˇ-awˇ, aˬ yawꞈ aˬ da-euˬ yawˇ deuˬ-ahˇ ya haw-iˇ-eu meh.