Aˇ dahˬ 46:12 - Akha

¹² Yuˇdaˆ hawˇ-eu aˬ yawꞈ-euˬ aˬ li deuˬ pyeuꞈ-eu Sheˬlahˬ, Paˬyehˆ, Zeˬlahˬ. (Yuˇdaˆ-euˬ aˬ li deuˬ pyeuꞈ-eu Iˇlehˆ hawˇ-eu Awˇnaˬ aˬ nyaꞈ nmˇ-aˬ, Kaˬnaˬ miˇ kʼahˬ-ahˇ shiˇ yaꞈ-euˬ meh. Paˬyehˆ-euˬ aˬ li deuˬ pyeuꞈ-eu Heˬzaˬloˬ hawˇ-eu Haˬmuˇlaˬ.

Aˇ dahˬ 46:12 ပူးပေါင်းရင်းမြစ်များ

Aˇ dahˬ 29:35

Kʼoeˇ naˇ, aˬ yawꞈ aˬ nyiˇ paˇ pi leˇ-awˇ, aˬ li tiˬ li paˇ ciˬ-euˬ meh. “Heu poˆ-aˬ, Sahˬpaˬ Miˬyehˇ-euˬ guiˬ lahˬ-ahˇ ngaˇ ja ceuˬ ma” lehˇ aˬ yawꞈ ehˇ-awˇ, aˬ li kʼoeˇ li-ahˇ Yuˇdaˆ lehˇ myahˇ nehˬ-euˬ meh. Yuˇdaˆ dehꞈ le gʼaˬ ngeh jawˇ, aˬ yawꞈ zaˬ maˬ paˇ jawˇ le ni pyeuꞈ-iˇ-euˬ meh.

Aˇ dahˬ 38:10

Aˬ yawꞈ kʼoeˇ loꞈ-ehˇ jahˇ gaˇ Sahˬpaˬ Miˬyehˇ nui ma maˬ tsaˬ-eu miˇ neh, aˬ yawꞈ-ahˇ kʼawꞈ, aˬ yawꞈ-euˬ aˇ doˆ loꞈ-ehˇ bi shiˇ-euˬ meh.

Aˇ dahˬ 38:4

Aˬ yawꞈ-euˬ nymˇ dahˬ aˬ li tiˬ li paˇ ciˬ-awˇ, Awˇnaˬ lehˇ myahˇ nehˬ-euˬ meh.

Aˇ dahˬ 38:5

Kʼoeˇ naˇ, aˬ li tiˬ li paˇ jawˇ le-awˇ, Sheˬlahˬ lehˇ myahˇ nehˬ-euˬ meh. Aˬ li kʼoeˇ li dehꞈ le ngeh, Aˬkaˬziˇ meuˬ-ahˇ Yuˇdaˆ jawˇ luꞈ-eu meh.

Aˇ dahˬ 38:7

Iˇlehˆ-aˬ, Sahˬpaˬ Miˬyehˇ nui ma maˬ tsaˬ-eu maˬ muiˬ maˬ jaˬ-eu jeˬ mˇ-eu miˇ neh, Sahˬpaˬ Miˬyehˇ neh aˬ yawꞈ-ahˇ bi shiˇ-euˬ meh.

Aˇ dahˬ 46:11

Leˬbiˇ hawˇ-eu aˬ yawꞈ-euˬ aˬ li deuˬ pyeuꞈ-eu Geˬlaˬshoˬ, Kawˇhaˆ, Meˬlaˬliˇ.

Aˇ dahˬ 46:13

Iˇsaˬkaˬ hawˇ-eu aˬ yawꞈ-euˬ aˬ li deuˬ pyeuꞈ-eu Toˇlaˬ, Puˇhaˬ, Yaˬshuˇbaˬ, Shiˇmyoˬ.

1 Laˬsaˬbaˬ 2:1

Yaˬkoˆ-euˬ aˬ li tseˇ nyiꞈ li jawˇ-eu meh. Aˬ li kʼoeˇ tseˇ nyiꞈ li-aˬ, Luˇbeˬ, Suˇmoˬ, Leˬbiˇ, Yuˇdaˆ, Iˇsaˬkaˬ, Zeˬbuˬloˬ,

1 Laˬsaˬbaˬ 3:1

Sahˬ paˬ Daˬbiˇ Heˬbyoˬ meuˬ-ahˇ jawˇ ngeh dehꞈ le-euˬ aˬ yawꞈ-euˬ aˬ li deuˬ-aˬ, heu deuˬ meh. Aˬ li aˬ yuiꞈ yuiꞈ saˬ gʼaˬ-aˬ, Yeˬzaˬleˬlaˇ meuˬ-ahˇ jawˇ-eu Aˬhiˇnoˬ o neh dehꞈ le-euˬ Aˬmaˬnoˬ meh. Nyiˬ gʼaˬ tiˬ gʼaˬ-aˬ Gaˬlaˬmeˬlaˇ meuˬ-ahˇ jawˇ-eu Aˬbiˇgeˬlaˆ o neh dehꞈ le-euˬ Daˬyeˬlaˇ meh.

1 Laˬsaˬbaˬ 4:1

Heu-aˬ, Yuˇdaˆ-euˬ zaˬ deuˬ uˆ deuˬ laꞈ kʼoeˇ, tiˬ paˆ na deuˬ meh. Paˬyehˆ, Heˬzaˬloˬ, Kaˬmiˬ, Huˇyaˆ, Shawˇbaˬlaˇ,

1 Laˬsaˬbaˬ 4:21

Sheˬlahˬ-aˬ, Yuˇdaˆ-euˬ aˬ li pyeuꞈ-eu meh. Sheˬlahˬ-euˬ zaˬ deuˬ uˆ deuˬ-aˬ, Leˇkah meuˬ teˬ-euˬ gʼaˬ pyeuꞈ-eu Iˇlehˆ, Maˬleˇshaˬ meuˬ teˬ-euˬ gʼaˬ pyeuꞈ-eu Lawˬdah, Behˬaˬshaˬ meuˬ-ahˇ jawˇ-eu shawˇ jehˆ ni gʼeh-eu saˬ paˇ zaꞈ-euˬ aˇ jeuˬ,

1 Laˬsaˬbaˬ 5:2

Ehˇ kʼawꞈ, Yuˇdaˆ tsawˇ jeuˬ-aˬ, aˬ cawˬ naˆ maˬ tseˇ gʼaˬ kʼaˆ dzehˬ-eu tsawˇ jeuˬ pyeuꞈ laˇ-awˇ, Iˇsaˬleˬlaˆ tsawˇ jeuˬ dawˬ tawˆ luꞈ kʼoeˇ taˆ uˆ lahˇ-euˬ meh.)

1 Laˬsaˬbaˬ 9:4

Yeˬluˇsaˬlehˬ meuˬ-ahˇ jawˇ-eu Yuˇdaˆ tsawˇ jeuˬ laꞈ kʼoeˇ, aˇ jeuˬ aˇ ca koꞈ yaˇ gʼoeˬ tseˇ ca byah-eu meh. Yuˇdaˆ-euˬ aˬ li Paˬyehˆ-euˬ zaˬ deuˬ uˆ deuˬ kʼoeˇ taˆ aˬ yuiꞈ aˬ tsu geuꞈ-euˬ gʼaˬ-aˬ, Aˬmiˇhuˆ-euˬ aˬ li Uˇdehˇ meh. Uˇdehˇ-euˬ aˬ bawˇ-aˬ, Awˇmaˬliˇ meh. Aˬ yawꞈ-euˬ aˬ poeˬ aˬ bawˇ deuˬ laꞈ kʼoeˇ, Ymˇliˬ hawˇ-eu Baˬniˬ kʼawꞈ ahˇ-eu meh. Yuˇdaˆ-euˬ aˬ li Sheˬlahˬ-euˬ zaˬ deuˬ uˆ deuˬ kʼoeˇ taˆ aˬ yuiꞈ geuꞈ-euˬ gʼaˬ-aˬ, Aˬsaˬyaˆ meh. Aˬsaˬyaˆ-aˬ aˬ yawꞈ-euˬ aˇ ca deuˬ kʼoeˇ taˆ kʼawꞈ aˬ yuiꞈ geuꞈ luꞈ-eu meh. Yuˇdaˆ-euˬ aˬ li Zeˬlahˬ-euˬ zaˬ deuˬ uˆ deuˬ kʼoeˇ taˆ aˬ yuiꞈ geuꞈ-euˬ gʼaˬ-aˬ, Yoeˬlaˇ meh.

Neˬhaˬmiˇ 11:24

Yuˇdaˆ tsawˇ jeuˬ Zeˬlahˬ aˇ jeuˬ pyeuꞈ-eu Meˬsheˬzaˬbeˬlaˇ-euˬ aˬ li Peˬdaˬhiˇ gʼaˬ, Paˇshaˇ sahˬpaˬ-euˬ saˇ naˇ-ahˇ Iˇsaˬleˬlaˆ tsawˇ jeuˬ-euˬ dah zaˇ dah-euˬ meh.

Jaceuq 78:68

Ehˇ kʼawꞈ Yuˇdaˆ tsawˇ jeuˬ hawˇ-eu aˬ yawꞈ gaˬ-eu Ziˇoˬ gawˬ jawˬ-ahˇ, aˬ yawꞈ tseˇ doˆ-euˬ meh.

Bawˇtsahˬ 1:7

Yuˇdaˆ tsawˇ jeuˬ laꞈ kʼoeˇ & Aˬmiˇnaˬdehˇ-euˬ aˬ li Naˬshoˬ

Dawˬmehˬ 33:7

Yuˇdaˆ gaˇ kawˆ Moˇseˬ ehˇ-eu, “Yuˇdaˆ tsawˇ jeuˬ-euˬ shaˇ dawˬ-ahˇ, Sahˬpaˬ Miˬyehˇ naˇ haˬ nehˬ-awˬ. Iˇsaˬleˬlaˆ tsawˇ jeuˬ deuˬ-ahˇ, aˬ yawꞈ maꞈ bi gʼoꞈ gm leˇ-awˬ. Muiˇ-eu deuˬ neh maˬ bi gʼaˬ ni, Sahˬpaˬ Miˬyehˇ caw ba nehˬ-awˬ.”

HeˬByehˇ 7:14

Aˬ yawꞈ Yuˇdaˆ tsawˇ jeuˬ laꞈ kʼoeˇ dehꞈ le-euˬ meh lehˇ yawˬ gʼaˬ na luꞈ siˬ nya-meh. Piˇ ma bi geuꞈ-eu gaˇ kawˆ Moˇseˬ ehˇ ngeh, tsawˇ jeuˬ heu jeuˬ-ahˇ maˬ ehˇ-aˬ.

Panmaeq 5:5

Kʼoeˇ ngeh, aˬ yuiꞈ aˬ tsu kʼoeˇ deuˬ laꞈ kʼoeˇ tiˬ gʼaˬ, ngaˬ-ahˇ heu loꞈ-ehˇ ehˇ-eu meh. “Taˬ ngoeˇ. Haw-awˬ. Yuˇdaˆ tsawˇ jeuˬ-euˬ Aˇ laˬ jaˬ shiˇ pyeuꞈ-eu, Daˬbiˇ-euˬ Duˬ ciˇ kʼoeˇ gʼaˬ guiˇ deuˆ gʼaˬ-euˬ meh. Jmˬ shiꞈ tsahˇ diˬ taˬ-euˬ kʼoeˇ aˬ yawꞈ ngawˬ paˆ-awˇ, sahˬ boꞈ paˇ yoˆ pah nya meh.”

Yaˇ kʼaˬ daˇ 1:2

Sahˬpaˬ Miˬyehˇ ehˇ-eu, “Yuˇdaˆ tsawˇ jeuˬ aˬ cawˬ mehˬ hu ya le meh. Aˬ yawꞈ maꞈ-ahˇ, miˇ kʼahˬ kʼoeˇ kʼahˬ-ahˇ bi deuˆ gʼaˬ ma.”

Luˇta 4:12

Zaˬ miˬ zaˬ heu gʼaˬ o neh, Sahˬpaˬ Miˬyehˇ nawˬ-ahˇ biꞈ-euˬ aˬ buˇ aˬ li deuˬ baˬ da neh, Yuˇdaˆ hawˇ-eu Taˬmaˬ-euˬ aˬ li pyeuꞈ-eu Paˬyehˆ-euˬ nymˇ jiˇ loꞈ-ehˇ, nawˬ-euˬ nymˇ jiˇ kʼawꞈ tsawˇ myahˇ doˆ luꞈ-uˇ.”