Aˇ dahˬ 46:10 - Akha

¹⁰ Suˇmoˬ hawˇ-eu aˬ yawꞈ-euˬ aˬ li deuˬ pyeuꞈ-eu Yeˬmoeˬlaˇ, Yaˬmeˬ, Awˇhaˆ, Yaˬciˬ, Zoˇhaˬlaˆ, Shawˇlaˆ. (Shawˇlaˆ-aˬ, Suˇmoˬ-euˬ miˬ zaˬ Kaˬnaˬ ma gʼaˬ-euˬ zaˬ meh.)

Aˇ dahˬ 46:10 ပူးပေါင်းရင်းမြစ်များ

Aˇ dahˬ 28:1

Kʼoeˇ naˇ, Yaˬkoˆ-ahˇ Iˇtsaˆ kuˇ-awˇ, heu loꞈ-ehˇ ehˇ nehˬ-euˬ meh. “Kaˬnaˬ miˇ kʼahˬ laꞈ kʼoeˇ jawˇ-eu zaˬ miˬ aˬ buˇ deuˬ-ahˇ nawˇ taˬ sheuˬ dahˬ dzaˬ.

Aˇ dahˬ 29:33

Kʼoeˇ naˇ, Leˇaˬ aˬ nyiˇ paˇ pi leˇ-awˇ, aˬ li tiˬ li paˇ ciˬ-euˬ meh. Kʼoeˇ ngeh, “Ngaˬ-euˬ kʼaˬ dzeˇ zaˬ ngaˬ-ahˇ maˬ gaˬ-eu gaˇ kawˆ, Sahˬpaˬ Miˬyehˇ ya siˬ-euˬ miˇ neh, aˬ li heu li paˇ biꞈ laꞈ-euˬ nga” lehˇ Leˇaˬ ehˇ-awˇ, aˬ li kʼoeˇ li-ahˇ Suˇmoˬ lehˇ myahˇ nehˬ-euˬ meh.

Aˇ dahˬ 34:25

Smˬ nah byah laˇ-awˇ, tsawˇ haˬ kʼoeˇ deuˬ baˆ kʼoˆ mehˬ dzaˬ yehˬ-euˬ maˇ naˇ maˬ taˬ leˇ mi naˆ-ehˇ, Yaˬkoˆ-euˬ aˬ li deuˬ pyeuꞈ-eu, Diˇnaˆ-euˬ aˇ doˆ Suˇmoˬ hawˇ-eu Leˬbiˇ aˬ nyaꞈ nmˇ mi cehˇ shaꞈ-awˇ, tsawˇ haˬ tiˬ gʼaˬ-iˬ maˬ bi haw siˬ ni meuˬ laꞈ kʼoeˇ le uˇ-awˇ, kʼaˬ dzeˇ zaˬ dawˬ tawˆ luꞈ-ahˇ coeˇ sehꞈ jiˇ-euˬ meh.

Aˇ dahˬ 34:30

Suˇmoˬ hawˇ-eu Leˬbiˇ aˬ nyaꞈ nmˇ-ahˇ Yaˬkoˆ ehˇ nehˬ-eu, “Naw nyaꞈ nmˇ ngaˬ-ahˇ laˆ shaˬ nehˬ laꞈ-euˬ nga. Nymˬ-mˇ poˆ jawˇ-aˬ, miˇ kʼahˬ heu kʼahˬ laꞈ kʼoeˇ kʼaˇ jawˇ-eu Kaˬnaˬ tsawˇ jeuˬ maˬ ehˇ, Paˬyehˆ tsawˇ jeuˬ maˬ ehˇ, nui deuˬ tsawˇ jeuˬ dawˬ tawˆ luꞈ maˬ ehˇ, ngaˬ-ahˇ muiˇ-eu nga. Ngaˬ nehˬ-ehˇ tsawˇ haˬ gʼawˬ mya ni jawˇ-eu maˬ ngeuˇ. Aˬ yawꞈ maꞈ dawˬ tawˆ luꞈ ga uiˬ-awˇ ngaˬ-ahˇ guiˇ deuˆ laˇ naˇ, aˬ dui pehˬ pehˬ zaˬ ma zaˬ-ehˇ bi sehꞈ jiˇ gaˇ keuˆ-eu nga.”

Aˇ dahˬ 46:11

Leˬbiˇ hawˇ-eu aˬ yawꞈ-euˬ aˬ li deuˬ pyeuꞈ-eu Geˬlaˬshoˬ, Kawˇhaˆ, Meˬlaˬliˇ.

Aˇ dahˬ 46:9

Luˇbeˬ-euˬ aˬ li deuˬ pyeuꞈ-eu Haˬnoˆ, Paˬloˇ, Heˬzaˬloˬ, Kaˬmiˬ.

1 Laˬsaˬbaˬ 2:1

Yaˬkoˆ-euˬ aˬ li tseˇ nyiꞈ li jawˇ-eu meh. Aˬ li kʼoeˇ tseˇ nyiꞈ li-aˬ, Luˇbeˬ, Suˇmoˬ, Leˬbiˇ, Yuˇdaˆ, Iˇsaˬkaˬ, Zeˬbuˬloˬ,

Doˆ-iˇ 6:15

Suˇmoˬ-aˬ, Yeˬmoeˬlaˇ, Yaˬmeˬ, Awˇhaˆ, Yaˬciˬ, Zoˇhaˬlaˇ hawˇ-eu Shawˇlaˆ lehˇ myahˇ-euˬ aˬ li koꞈ gʼaˬ jawˇ-awˇ, aˬ yawꞈ maꞈ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh.

Bawˇtsahˬ 1:6

Suˇmoˬ tsawˇ jeuˬ laꞈ kʼoeˇ & Zuˇliˇshaˬdehˇ-euˬ aˬ li Sheˬluˇmeˬlaˇ