Aˇ dahˬ 45:3 - Akha

³ “Ngaˇ Yoˇsehˆ ma. Ngaˬ da yaw dehꞈ dehꞈ luꞈ-a siˬ loˇ” lehˇ, aˬ ha mehˇ nmˇ-ahˇ Yoˇsehˆ ehˇ nehˬ-euˬ meh. Ehˇ kʼawꞈ, dawˬ kʼoeˇ dawˬ-ahˇ aˬ ha mehˇ nmˇ ya gaˬ ngeh, guˆ dui dui-eu laꞈ kʼoeˇ tsoˆ leˇ jiˇ-awˇ, tiˬ gʼaˬ-iˬ dawˬ maˬ ngehˬ doˆ nya-a.

Aˇ dahˬ 45:3 ပူးပေါင်းရင်းမြစ်များ

Aˇ dahˬ 37:20

“Yuꞈ maˆ maˆ-eu gʼaˬ oe luꞈ ngaˇ. Nymˬ-mˇ poˆ jawˇ aˬ dui maꞈ aˬ yawꞈ-ahˇ sehꞈ-awˇ, gui coˇ ni gʼeh-eu lah duˬ duˬ tsoeˬ kʼoeˇ duˬ-ahˇ biˬ ahˇ ma. Bawˇ tsahˬ jeˬ zaˬ yaw haiˬ deuˬ neh aˬ yawꞈ-ahˇ kawꞈ sehꞈ-euˬ bi geuꞈ tehꞈ-a. Nymˬ-mˇ poˆ jawˇ-aˬ, aˬ yawꞈ neh yuꞈ maˆ maˆ-euˬ aˬ joˆ-ehˇ pyeuꞈ laˇ nga lehˇ bi haw law.”

Aˇ dahˬ 42:21

Kʼoeˇ ngeh, aˬ ha mehˇ nmˇ tiˬ gʼaˬ tiˇ gʼaˬ ehˇ-eu, “Aˬ dui mehˇ nmˇ neh aˬ dui-euˬ aˬ nyiˇ kʼoeˇ gʼaˬ-ahˇ yehˬ bawˬ sehˇ lu-ehˇ jahˇ nehˬ-euˬ miˇ neh, aˬ dui mehˇ nmˇ iˬ baˇ naꞈ-eu nga. Aˬ yawꞈ noeˬ shaˬ dui dui-eu laꞈ kʼoeˇ, kʼoeˇ loꞈ-ehˇ taˬ jahˇ nehˬ laꞈ lehˇ aˬ dui-ahˇ shaˇ-euˬ kʼawꞈ, aˬ dui mehˇ nmˇ maˬ naˇ haˬ nehˬ-aˬ. Kʼoeˇ miˇ neh, aˬ dui heu loꞈ-ehˇ paˇ ya daˬ poˆ-eu nga.”

Aˇ dahˬ 42:22

Luˇbeˬ ehˇ-eu, “Aˬ li-ahˇ taˬ laˆ tahˬ taˬ laˆ naˇ lehˇ naw maꞈ-ahˇ ngaˇ ehˇ nehˬ kʼawꞈ, naw maꞈ maˬ naˇ haˬ-a. Nymˬ-mˇ poˆ jawˇ-aˬ, aˬ yawꞈ-ahˇ laˆ sehꞈ-euˬ loꞈ-ehˇ aˬ dui paˇ ya daˬ poˆ-eu keuˆ laˇ taˬ-euˬ nga.”

Aˇ dahˬ 43:27

Aˬ ha mehˇ nmˇ-ahˇ, Yoˇsehˆ dawˬ cawˬ puˬ nehˬ-awˇ, heu loꞈ-ehˇ naˇ haˬ-euˬ meh. “Yaw beh poˆ nawˬ ha mehˇ nmˇ-euˬ aˬ da da mawˬ gaˇ kawˆ naw maꞈ ngaˬ-ahˇ ja nehˬ laꞈ-euˬ meh. Nymˬ-mˇ aˬ yawꞈ jawˇ saˇ doˆ doˆ-ehˇ jawˇ luꞈ meh loˇ. Nymˬ-mˇ keuˆ ni dehꞈ luꞈ-a siˬ loˇ.”

Yawˇbaˆ 23:15

Kʼoeˇ miˇ neh aˬ yawꞈ-euˬ mehˬ shi ngaˬ-ahˇ yaw dzuˬ dzuˬ nya. Gaˇ kawˆ heu deuˬ shaˇ noeˬ ngeh ngaˬ-ahˇ yaw zawˇ guˆ nya.

Yawˇbaˆ 4:5

Nymˬ-mˇ poˆ jawˇ nawˇ gʼaˬ shaˬ-eu zahˬ-eu jeˬ ya tahˬ puˬ-awˇ, nawˇ maˬ daˬ coeˇ gaˇ duˇ-eu meh.

Zaˬkaˬliˇ 12:10

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Maˬkuˆ 6:50

Aˬ yawꞈ maꞈ yawˬ gʼaˬ na luꞈ aˬ yawꞈ-ahˇ mawˇ-awˇ, guˆ dui dui-iˇ-euˬ meh. “Taˬ guˆ. Nui ma taˬ baˬ. Ngaˇ ma” lehˇ, aˬ yawꞈ maꞈ-ahˇ Yeˬsuˇ ehˇ nehˬ-euˬ meh.

Luˇkaꞈ 5:8

Kʼoeˇ loꞈ-ehˇ pyeuꞈ laˇ-euˬ gaˇ Siˇmoˬ Beˬtuˆluˆ ya mawˇ ngeh, Yeˬsuˇ-euˬ mehˬ shi aˬ yawꞈ pawˬ tsuiꞈ pawˬ dmˬ dmˬ-awˇ ehˇ-eu, “Sahˬpaˬ-oˇ, ngaˇ jawˇ gaˇ neh doˆ-iˇ-awˬ. Ngaˇ-aˬ, iˬ baˇ huiˬ dui dui-eu tsawˇ haˬ tiˬ gʼaˬ ma.”

Gʼaˬkʼehˇ 7:13

Nyiˬ doˆ tiˬ doˆ paˇ bi iˇ ngeh, aˬ yawꞈ Yoˇ sehˆ pyeuꞈ-eu gaˇ kawˆ, aˬ yawꞈ-euˬ mehˇ nmˇ deuˬ-ahˇ Yoˇsehˆ bi siˬ-awˇ, Yoˇsehˆ-euˬ aˬ yuiꞈ aˬ nyiˇ gaˇ kawˆ Iˇjiˇtuˆ sahˬ paˬ ya siˬ-euˬ meh.

Gʼaˬkʼehˇ 9:5

Aˬ yawꞈ ehˇ-eu, “Sahˬpaˬ-oˇ, nawˇ aˬ suˇ gʼaˬ te.”

Panmaeq 1:7

Haw yawˬ. Aˬ yawꞈ mˬ dmˇ dziˬ-awˇ oe luꞈ meh. Tsawˇ haˬ yawˬ gʼaˬ na luꞈ aˬ yawꞈ-ahˇ ya mawˇ tehꞈ-a. Aˬ yawꞈ-ahˇ gahˬ neh tsawˆ-euˬ deuˬ kʼawꞈ ya mawˇ tehꞈ-a. Aˬ yawꞈ baˬ da neh miˇ tsaˬ zaˬ dawˬ tawˆ luꞈ tsawˇ ngoeˇ ya ngoeˇ tehꞈ-a. Aˬ diˇ ngeuˇ tehꞈ-a. Aˬ miˬ.