Aˇ dahˬ 45:26 - Akha

²⁶ Yoˇsehˆ maˬ shiˇ-ehˇ, Iˇjiˇtuˆ miˇ kʼahˬ-ahˇ uˆ lahˇ-eu gʼaˬ geuꞈ luꞈ-eu gaˇ kawˆ, aˬ yawꞈ maꞈ-euˬ aˬ da-ahˇ tsaꞈ nehˬ-euˬ meh. Kʼoeˇ ngeh, Yaˬkoˆ zahˬ leˇ-awˇ, aˬ yawꞈ maꞈ ehˇ gaˇ maˬ jah-a.

Aˇ dahˬ 45:26 ပူးပေါင်းရင်းမြစ်များ

Aˇ dahˬ 37:31

Kʼoeˇ naˇ, aˬ yawꞈ maꞈ ciꞈ myehꞈ tiˬ mawˇ sehꞈ-awˇ Yoˇsehˆ-euˬ pehˇ kʼahˬ-ahˇ ciꞈ myehꞈ-euˬ shiˬ laˆ lehꞈ-euˬ meh.

Aˇ dahˬ 37:35

Aˬ yawꞈ-euˬ aˬ buˇ aˬ li dawˬ tawˆ luꞈ aˬ yawꞈ jawˇ gaˇ laˇ-awˇ, aˬ yawꞈ nui ma saˇ laˇ ni gʼaˬ biꞈ nehˬ kʼawꞈ, aˬ yawꞈ maˬ naˇ haˬ-ehˇ, “Ngaˬ li jawˇ-eu shiˇ-eu miˇ kʼahˬ-ahˇ maˬ keuˆ kʼoeˇ keuˆ ni, tsawˇ ngoeˇ ngoeˇ ngoeˇ-ehˇ iˇ byoˆ gʼeh-eu ma” lehˇ ehˇ-eu meh. Yaˬkoˆ-aˬ, nah doˆ le ngeh Yoˇsehˆ-ahˇ noeˬ-awˇ, tsawˇ ngoeˇ ngoeˇ ngoeˇ-ehˇ jawˇ-euˬ meh.

Aˇ dahˬ 42:29

Kaˬnaˬ miˇ kʼahˬ-ahˇ aˬ da Yaˬkoˆ jawˇ gaˇ aˬ ha mehˇ nmˇ gʼoꞈ keuˆ leˇ ngeh, kʼaˇ pyeuꞈ laˇ-euˬ gaˇ kawˆ dawˬ tawˆ luꞈ, aˬ yawꞈ maꞈ-euˬ aˬ da-ahˇ heu loꞈ-ehˇ dzawˇ nehˬ-euˬ meh.

Aˇ dahˬ 42:36

Aˬ ha mehˇ nmˇ-ahˇ Yaˬkoˆ ehˇ nehˬ-eu, “Naw maꞈ ngaˬ-euˬ zaˬ dawˬ tawˆ luꞈ sheuˬ byoˆ jiˇ-eu gʼeh te loˇ. Yoˇsehˆ gʼaˬ maˬ paˇ jawˇ-eu uˬ taꞈ, Suˇmoˬ gʼaˬ gʼeh maˬ paˇ jawˇ ngaˇ. Nymˬ-mˇ poˆ jawˇ-aˬ Beˬyaˬmiˬ-ahˇ gʼeh paˇ sheuˬ byoˆ-eu lehˇ gʼeh te loˇ. Shaˬ zahˬ kʼaˇ ngeuˇ-eu dawˬ tawˆ luꞈ, ngaˬ-euˬ kʼoeˇ taˆ kaꞈ dzahˬ-awˇ keuˆ le-euˬ miˇ-a.”

Aˇ dahˬ 42:38

Ehˇ kʼawꞈ, Yaˬkoˆ ehˇ-eu, “Ngaˬ li-ahˇ nawˬ nehˬ-ehˇ maˬ bi iˇ nya-a. Aˬ yawꞈ-euˬ aˇ doˆ shiˇ-awˇ, aˬ yawꞈ tiˬ gʼaˬ dzeˇ-eu tehꞈ meh. Gaˇ pehˇ iˇ luꞈ ngeh, aˬ yawꞈ-ahˇ tiˬ jeˬ paˬ pyeuꞈ laˇ gaˇ ngaˇ kʼahˬ lahˇ dui dui nya. Ngaˇ mawˬ dui dui laˇ-euˬ gaˇ hawˇ-eu shaˬ zahˬ naꞈ dzehˬ laˇ ni naw maꞈ paˇ mˇ nehˬ laꞈ-eu lehˇ gʼeh-eu jeˬ maˇ-iˬ, ngaˇ bi shiˇ-eu lehˇ naw maꞈ jahˇ gaˇ duˇ-eu ngaˇ.”

Aˇ dahˬ 44:28

Kʼoeˇ nyiˬ gʼaˬ tehꞈ-ehˇ paˇ gʼeh gaˇ, tiˬ gʼaˬ paˇ shiˇ cawˆ-euˬ maˬ ngeuˇ-a loˇ. Aˬ yawꞈ-ahˇ bawˇ tsahˬ jeˬ zaˬ deuˬ neh laˆ sehꞈ-awˇ, cehˬ pyaˬ cehˬ shaˇ jiˇ nehˬ-euˬ miˇ neh, aˬ yawꞈ doˆ-iˇ ngeh tiˬ nah neh aˬ yawꞈ-ahˇ tiˬ jawˇ-iˬ maˬ paˇ ya mawˇ-euˬ maˬ ngeuˇ-a loˇ.

Aˇ dahˬ 45:25

Aˬ ha mehˇ nmˇ-aˬ, Iˇjiˇtuˆ miˇ kʼahˬ-ahˇ neh, aˬ da Yaˬkoˆ jawˇ-eu Kaˬnaˬ miˇ kʼahˬ-ahˇ gʼoꞈ daˆ leˇ-euˬ meh.

Aˇ dahˬ 48:11

“Nawˬ-ahˇ tiˬ jawˇ-iˬ maˬ paˇ ya mawˇ-eu duˇ lehˇ ngaˇ noeˬ jiˇ gʼaˬ-euˬ kʼawꞈ, nawˬ-ahˇ tehꞈ-ehˇ maˬ ngeuˇ-ehˇ, nawˬ-euˬ zaˬ deuˬ-ahˇ kʼawꞈ Miˬyehˇ ngaˬ-ahˇ paˇ bi mawˇ laꞈ-euˬ nga” lehˇ, Yoˇsehˆ-ahˇ Yaˬkoˆ ehˇ nehˬ-euˬ meh.

Yawˇbaˆ 29:24

Aˬ yawꞈ maꞈ nui ma cawˆ luꞈ gaˇ ngaˇ uiˇ cawˬ nehˬ-awˇ, shiˬ deuˬ ni gʼeh-eu ngaˬ-euˬ myaˆ pyawˬ aˬ yawꞈ maꞈ-ahˇ gʼaˬ bi ahˇ-euˬ ma.

Yawˇbaˆ 9:16

Aˬ yawꞈ ngaˬ-ahˇ dawˬ bi ngehˬ laꞈ law hawˇ kʼawꞈ, ngaˬ-euˬ dawˬ-ahˇ aˬ yawꞈ naˇ haˬ tehꞈ-a lehˇ maˬ jah nya.

Jaceuq 105:21

Yoˇsehˆ-ahˇ sahˬ paˬ-euˬ gaˇ bi tuˆ tehˬ-awˇ, miˇ kʼahˬ kʼahˬ lah ni kʼoeˇ taˆ bi uˆ lahˇ-euˬ meh.

Jaceuq 126:1

Sahˬpaˬ Miˬyehˇ aˬ dui-ahˇ Yeˬluˇsaˬlehˬ meuˬ-ahˇ sheuˬ kʼoꞈ laꞈ ngeh, yuꞈ maˆ maˆ gaˇ duˇ miˇ-a.

Yawˇnaˆ 2:7

Ngaˇ shiˇ leˇ-eu myaꞈ leˇ luꞈ-awˇ, nawˬ-ahˇ ngaˇ guiˬ lahˬ shaˇ ngeh jawˇ, muiˬ-eu shawˇ-eu Uˬ duˬ tahˬ nymˇ, laꞈ kʼoeˇ jawˇ-awˇ nawˇ gaˬ-euˬ meh.

Luˇkaꞈ 24:11

Ehˇ kʼawꞈ, maˬ ngeuˇ gaˇ ehˇ-eu nga lehˇ noeˬ-awˇ, Gʼaˬ kʼehˇdeuˬ maˬ jah-a.

Luˇkaꞈ 24:34

“Sahˬpaˬ Yeˬsuˇ gʼoꞈ dehꞈ laˇ-euˬ yaw duˬ baw meh. Aˬ yawꞈ-euˬ gʼawˇ mawˇ Siˇmoˬ-ahˇ bi mawˇ le-euˬ meh” lehˇ, aˬ yawꞈ maꞈ ehˇ luꞈ-eu meh.

Luˇkaꞈ 24:41

Aˬ yawꞈ maꞈ zahˬ leˇ-awˇ laˬ kʼaˬ cehˇ dui dui kʼawꞈ, maˬ jah duˬ nya-ehˇ shaˬ luꞈ-eu meh. Kʼoeˇ miˇ neh, “Dzaˬ-eu tiˬ jeˬ paˬ maˬ jaˆ loˇ” lehˇ, aˬ yawꞈ maꞈ-ahˇ aˬ yawꞈ naˇ haˬ-euˬ meh.