Aˇ dahˬ 45:2 - Akha

² Aˬ yawꞈ yaw kʼaˆ-ehˇ guˇ-awˇ ngoeˇ-eu miˇ neh, Iˇjiˇtuˆ tsawˇ haˬ deuˬ-ahˇ gaˬ leˇ-awˇ, gaˇ kawˆ kʼoeˇ sahˬpaˬ jawˇ gaˇ keuˆ ni gaˬ keuˆ leˇ-euˬ meh.

Aˇ dahˬ 45:2 ပူးပေါင်းရင်းမြစ်များ

Aˇ dahˬ 42:24

Kʼoeˇ ngeh, aˬ yawꞈ maꞈ jawˇ gaˇ neh Yoˇsehˆ doˆ-iˇ-awˇ, ngoeˇ-euˬ meh. Aˬ yawꞈ ngoeˇ taˬ gʼaˬ ngeh, aˬ yawꞈ maꞈ jawˇ gaˇ paˇ gʼoꞈ laˇ-awˇ, aˬ yawꞈ maꞈ-euˬ mehˬ shi Suˇmoˬ-ahˇ gʼeu doˆ-awˇ, paꞈ cuꞈ-euˬ meh.

Aˇ dahˬ 43:30

Kʼoeˇ ngeh, aˬ ha mehˇ nmˇ jawˇ gaˇ neh Yoˇsehˆ tiˬ poˆ tehꞈ-ehˇ doˆ-iˇ-euˬ meh. Aˬ jeˬ miˇ neh ehˇ naˇ, aˬ yawꞈ-euˬ nui ma laꞈ kʼoeˇ aˬ ha mehˇ nmˇ-ahˇ gʼawˬ shaˇ shaˬ-ehˇ gʼeh-euˬ meh.

Aˇ dahˬ 45:14

Kʼoeˇ loꞈ-ehˇ ehˇ gʼaˬ ngeh, Beˬyaˬmiˬ-ahˇ Yoˇsehˆ byaˇ cuꞈ-awˇ ngoeˇ-euˬ meh. Beˬyaˬmiˬ kʼawꞈ, Yoˇsehˆ-euˬ kʼahˬ-ahˇ kʼawˬ daˇ-awˇ ngoeˇ-euˬ meh.

Aˇ dahˬ 45:15

Yoˇsehˆ ngoeˇ ngoeˇ-ehˇ, aˬ ha mehˇ nmˇ tiˬ gʼaˬ saˇ-iˬ tiˬ gʼaˬ-ahˇ byaˇ cuꞈ-awˇ, mehˬ cuˇ cuˇ nehˬ-euˬ meh. Kʼoeˇ naˇ, aˬ ha mehˇ nmˇ aˬ yawꞈ nehˬ-ehˇ dawˬ ja ja cawˬ-euˬ meh.

Aˇ dahˬ 46:29

Kʼoeˇ naˇ, Yoˇsehˆ mahˬ laˆ lawˬ dziˬ-awˇ, aˬ yawꞈ-euˬ aˬ da-ahˇ tahˬ puˬ leˇ-euˬ meh. Aˬ nyaꞈ da zaˬ tiˬ gʼaˬ tiˇ gʼaˬ tahˬ puˬ ngeh, aˬ yawꞈ aˬ da-euˬ kawˬ lahˇ-ahˇ Yoˇsehˆ byaˇ cuꞈ-awˇ, gʼawˬ myahˇ ni ngoeˇ-euˬ meh.

2 Sahˬpaˬ 20:3

“Sahˬpaˬ Miˬyehˇ-oˇ, ngaˇ nawˬ-ahˇ saˇ jaˇ ziꞈ-eu laꞈ kʼoeˇ yaw dehꞈ dehꞈ-awˇ, nawˬ neh ngaˬ-ahˇ bi mˇ mawꞈ-eu jeˬ-ahˇ leh jeh-awˇ mˇ-euˬ gaˇ taˬ ngehˇ nehˬ laꞈ” lehˇ shaˇ-euˬ meh. Kʼoeˇ naˇ, aˬ yawꞈ ngoeˇ dui dui-euˬ meh.

Zaˬkaˬliˇ 12:10

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Bawˇtsahˬ 14:1

Iˇsaˬleˬlaˆ tsawˇ haˬ deuˬ nui ma cawˆ-eu laꞈ kʼoeˇ, uˬ ciꞈ miˇ lah-ehˇ guˇ guˇ-ehˇ ngoeˇ-euˬ meh.

Gʼaˬkʼehˇ 20:37

Aˬ yawꞈ maꞈ ngoeˇ ngoeˇ-ehˇ, Pawˇluˆ-ahˇ byaˇ tehˬ-awˇ mehˬ cuˇ cuˇ nehˬ-euˬ meh.

Luˇta 1:9

Naw nyaꞈ nyiˬ gʼaˬ luꞈ smˇ miˇ paˇ ya iˇ-awˇ, nymˇ jiˇ baw laˇ ngeh keuˆ ni, Sahˬpaˬ Miˬyehˇ gʼawˬ shaˬ gaˬ nehˬ laꞈ luꞈ-uˇ.” Kʼoeˇ naˇ, aˬ yawꞈ nyaꞈ-ahˇ bi jawˇ yaꞈ-awˇ gʼoꞈ-iˇ-eu gʼaˇ duˬ, aˬ yawꞈ nyaꞈ-ahˇ Nawˇmi mehˬ cuˇ cuˇ-euˬ meh. Kʼoeˇ ngeh aˬ yawꞈ nyaꞈ ngoeˇ-eu meh.