Aˇ dahˬ 45:15 - Akha

¹⁵ Yoˇsehˆ ngoeˇ ngoeˇ-ehˇ, aˬ ha mehˇ nmˇ tiˬ gʼaˬ saˇ-iˬ tiˬ gʼaˬ-ahˇ byaˇ cuꞈ-awˇ, mehˬ cuˇ cuˇ nehˬ-euˬ meh. Kʼoeˇ naˇ, aˬ ha mehˇ nmˇ aˬ yawꞈ nehˬ-ehˇ dawˬ ja ja cawˬ-euˬ meh.

Aˇ dahˬ 45:15 ပူးပေါင်းရင်းမြစ်များ

Aˇ dahˬ 29:11

Kʼoeˇ naˇ, Laˬkeˬlaˇ-ahˇ mehˬ cuˇ cuˇ nehˬ gʼaˬ-awˇ, laˬ kʼaˬ cehˇ dui dui-eu miˇ neh, guˇ guˇ-ehˇ ngoeˇ-euˬ meh.

Aˇ dahˬ 29:13

Laˬbaˬ-aˬ, aˬ yawꞈ-euˬ zaˬ oeˇ oe keuˆ-euˬ gaˇ kawˆ ya gaˬ ngeh, cehˆ gʼeh-awˇ ha laˬ-iˇ-euˬ meh. Yaˬkoˆ-ahˇ aˬ yawꞈ byaˇ cuꞈ-awˇ, mehˬ cuˇ cuˇ nehˬ gʼaˬ-awˇ , iˇ kahˇ-ahˇ sheuˬ kʼoꞈ laꞈ-euˬ meh. Kʼoeˇ naˇ, kʼaˇ pyeuꞈ laˇ-euˬ gaˇ kawˆ dawˬ tawˆ luꞈ, Laˬbaˬ-ahˇ Yaˬkoˆ dzawˇ nehˬ-euˬ meh,

Aˇ dahˬ 33:4

Ehˇ kʼawꞈ, Yaˬkoˆ jawˇ gaˇ Iˇsawˇ cehˆ gʼeh-awˇ, Yaˬkoˆ-ahˇ byaˇ cuꞈ-awˇ mehˬ cuˇ cuˇ nehˬ-euˬ meh. Kʼoeˇ ngeh, aˬ yawꞈ nyaꞈ nyiˬ mehˇ nmˇ luꞈ ngoeˇ-euˬ meh.

Aˇ dahˬ 42:24

Kʼoeˇ ngeh, aˬ yawꞈ maꞈ jawˇ gaˇ neh Yoˇsehˆ doˆ-iˇ-awˇ, ngoeˇ-euˬ meh. Aˬ yawꞈ ngoeˇ taˬ gʼaˬ ngeh, aˬ yawꞈ maꞈ jawˇ gaˇ paˇ gʼoꞈ laˇ-awˇ, aˬ yawꞈ maꞈ-euˬ mehˬ shi Suˇmoˬ-ahˇ gʼeu doˆ-awˇ, paꞈ cuꞈ-euˬ meh.

Aˇ dahˬ 45:14

Kʼoeˇ loꞈ-ehˇ ehˇ gʼaˬ ngeh, Beˬyaˬmiˬ-ahˇ Yoˇsehˆ byaˇ cuꞈ-awˇ ngoeˇ-euˬ meh. Beˬyaˬmiˬ kʼawꞈ, Yoˇsehˆ-euˬ kʼahˬ-ahˇ kʼawˬ daˇ-awˇ ngoeˇ-euˬ meh.

Aˇ dahˬ 45:16

Yoˇsehˆ-euˬ mehˇ nmˇ deuˬ oe-euˬ gaˇ kawˆ sahˬpaˬ-ahˇ gaˬ keuˆ leˇ ngeh, sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ laˬ kʼaˬ cehˇ-eu meh.

Aˇ dahˬ 45:2

Aˬ yawꞈ yaw kʼaˆ-ehˇ guˇ-awˇ ngoeˇ-eu miˇ neh, Iˇjiˇtuˆ tsawˇ haˬ deuˬ-ahˇ gaˬ leˇ-awˇ, gaˇ kawˆ kʼoeˇ sahˬpaˬ jawˇ gaˇ keuˆ ni gaˬ keuˆ leˇ-euˬ meh.

Aˇ dahˬ 46:29

Kʼoeˇ naˇ, Yoˇsehˆ mahˬ laˆ lawˬ dziˬ-awˇ, aˬ yawꞈ-euˬ aˬ da-ahˇ tahˬ puˬ leˇ-euˬ meh. Aˬ nyaꞈ da zaˬ tiˬ gʼaˬ tiˇ gʼaˬ tahˬ puˬ ngeh, aˬ yawꞈ aˬ da-euˬ kawˬ lahˇ-ahˇ Yoˇsehˆ byaˇ cuꞈ-awˇ, gʼawˬ myahˇ ni ngoeˇ-euˬ meh.

2 Saˬmeuˬlaˆ 14:33

Sahˬ paˬ Daˬbiˇ jawˇ gaˇ Yoˇbaˬ le-awˇ, Aˬbaˇsaˬloˬ neh kʼaˇ bi ehˇ-euˬ jeˬ dzawˇ nehˬ leˇ-euˬ meh. Kʼoeˇ ngeh, sahˬ paˬ neh Aˬbaˇsaˬloˬ-ahˇ bi kuˇ laˬ-iˇ-awˇ, Aˬbaˇsaˬloˬ laˇ-awˇ, sahˬ paˬ-euˬ mehˬ shi miˇ tsa awˆ byaˆ-eu laꞈ kʼoeˇ, yaw zeu baw nehˬ-euˬ meh. Aˬbaˇsaˬloˬ-ahˇ sahˬ paˬ mehˬ cuˇ cuˇ-awˇ ha geuꞈ nehˬ-euˬ meh.

Jaceuq 77:4

Aˬ yawꞈ ngaˬ-ahˇ uˬ ciꞈ miˇ lah-ehˇ yaw noeˬ-ehˇ bi jawˇ laꞈ-euˬ meh. Ngaˇ nui ma cawˆ dui dui-eu miˇ neh dawˬ ma ngehˬ doˆ coeˇ nya.

Doˆ-iˇ 4:27

Aˇ yamˬ kʼoeˇ yamˬ laꞈ kʼoeˇ, “Moˇseˬ-ahˇ tahˬ puˬ-iˇ-eu gʼaˇ duˬ, bawˇ tsahˬ bawˇ dahˇ-ahˇ iˇ-awˬ” lehˇ, Aˬloˬ-ahˇ Sahˬpaˬ Miˬyehˇ ehˇ nehˬ-euˬ meh. Kʼoeˇ ngeh, Aˬloˬ iˇ-awˇ, Moˇseˬ-ahˇ muiˬ-eu shawˇ-eu gawˬ jawˬ-ahˇ tahˬ puˬ-awˇ, mehˬ cuˇ cuˇ nehˬ-euˬ meh.

Luˇkaꞈ 15:20

Kʼoeˇ naˇ, aˬ yawꞈ tsawˬ tuˇ laˇ-awˇ, aˬ yawꞈ-euˬ aˬ da jawˇ gaˇ gʼoꞈ leˇ-euˬ meh. “Aˬ yawꞈ gaˇ mahˇ kaˬ gaˇ gʼoꞈ laˇ luꞈ ngeh neh, aˬ yawꞈ-euˬ aˬ da aˬ yawꞈ-ahˇ haw mawˇ-awˇ, gʼawˬ shaˬ gaˬ dui dui-eu miˇ neh cehˆ coeˬ coeˬ gʼeh-awˇ, aˬ yawꞈ-ahˇ byaˇ cuꞈ-awˇ ha-eu laꞈ kʼoeˇ, mehˬ cuˇ cuˇ nehˬ-euˬ meh.

Gʼaˬkʼehˇ 20:37

Aˬ yawꞈ maꞈ ngoeˇ ngoeˇ-ehˇ, Pawˇluˆ-ahˇ byaˇ tehˬ-awˇ mehˬ cuˇ cuˇ nehˬ-euˬ meh.

Luˇta 1:14

Kʼoeˇ ngeh, aˬ yawꞈ nyaꞈ tiˬ poˆ paˇ ngoeˇ-euˬ meh. Kʼoeˇ naˇ, Awˇpaˬ gʼaˬ, Nawˇmi-ahˇ mehˬ cuˇ cuˇ nehˬ yaꞈ-awˇ, gʼoꞈ-iˇ-euˬ meh. Ehˇ kʼawꞈ, Luˇta gʼaˬ Nawˇmi-ahˇ maˬ byehˇ coeˇ-a.

Luˇta 1:9

Naw nyaꞈ nyiˬ gʼaˬ luꞈ smˇ miˇ paˇ ya iˇ-awˇ, nymˇ jiˇ baw laˇ ngeh keuˆ ni, Sahˬpaˬ Miˬyehˇ gʼawˬ shaˬ gaˬ nehˬ laꞈ luꞈ-uˇ.” Kʼoeˇ naˇ, aˬ yawꞈ nyaꞈ-ahˇ bi jawˇ yaꞈ-awˇ gʼoꞈ-iˇ-eu gʼaˇ duˬ, aˬ yawꞈ nyaꞈ-ahˇ Nawˇmi mehˬ cuˇ cuˇ-euˬ meh. Kʼoeˇ ngeh aˬ yawꞈ nyaꞈ ngoeˇ-eu meh.

1 Saˬmeuˬlaˆ 10:1

Kʼoeˇ naˇ, tsiˇ maˇ tsaꞈ tiˬ tsaꞈ Saˬmeuˬlaˆ yuˇ-awˇ, Sawˇluˆ-euˬ uˬ duˬ-ahˇ tsiˇ shehˆ daˆ-awˇ mehˬ cuˇ cuˇ nehˬ gʼaˬ ngeh, Sawˇluˆ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, nawˬ-ahˇ Sahˬpaˬ Miˬyehˇ tsiˇ lehꞈ nehˬ-eu meh. Aˬ yawꞈ-euˬ tsawˇ jeuˬ-ahˇ nawˇ ya uˆ lahˇ-awˇ, muiˇ-eu deuˬ dawˬ tawˆ luꞈ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ nawˇ ya ka kʼoꞈ nehˬ meh. Aˬ yawꞈ-euˬ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, Sahˬpaˬ Miˬyehˇ nawˬ-ahˇ tseˇ doˆ-euˬ gaˇ kawˆ saˇ kiˇ heu loꞈ-ehˇ jaˆ tehꞈ-a.

1 Saˬmeuˬlaˆ 20:41

Aˬ li kʼoeˇ li gʼoꞈ-iˇ dzeuˇ ngeh, kʼaˬ lo lo bymˇ naˇ kʼah paw dzuˇ zaꞈ luꞈ-eu Daˬbiˇ tuˇ laˇ-awˇ, pawˬ tsuiꞈ pawˬ dmˬ dmˬ-awˇ smˬ poˆ awˆ byaˆ-euˬ meh. Yawˇnaˆshaˬ aˬ yawꞈ nyaꞈ tiˬ gʼaˬ tiˇ gʼaˬ mehˬ cuˇ cuˇ-awˇ, nyiˬ gʼaˬ luꞈ ngoeˇ-euˬ meh. Daˬbiˇ-aˬ, Yawˇnaˆshaˬ naˆ maˬ tseˇ nui ma shaˬ zahˬ naꞈ dzehˬ-euˬ meh.