Aˇ dahˬ 45:1 - Akha

¹ Yoˇsehˆ-aˬ, aˬ yawꞈ-euˬ zaˬ kʼaˆ deuˬ mehˬ shi aˬ yawꞈ-euˬ nui ma laꞈ kʼoeˇ maˬ dzahˬ tehˬ coeˇ ni pyeuꞈ laˇ-euˬ miˇ neh, zaˬ kʼaˆ kʼoeˇ deuˬ-ahˇ laꞈ nyiˇ bi doˆ-iˇ-euˬ meh. Aˬ yawꞈ aˬ suˇ gʼaˬ pyeuꞈ-eu gaˇ kawˆ aˬ yawꞈ-euˬ mehˇ nmˇ deuˬ-ahˇ aˬ yawꞈ ehˇ doˆ nehˬ ngeh, aˬ cawˬ tiˬ gʼaˬ-iˬ maˬ jawˇ-a.

Aˇ dahˬ 45:1 ပူးပေါင်းရင်းမြစ်များ

Aˇ dahˬ 42:24

Kʼoeˇ ngeh, aˬ yawꞈ maꞈ jawˇ gaˇ neh Yoˇsehˆ doˆ-iˇ-awˇ, ngoeˇ-euˬ meh. Aˬ yawꞈ ngoeˇ taˬ gʼaˬ ngeh, aˬ yawꞈ maꞈ jawˇ gaˇ paˇ gʼoꞈ laˇ-awˇ, aˬ yawꞈ maꞈ-euˬ mehˬ shi Suˇmoˬ-ahˇ gʼeu doˆ-awˇ, paꞈ cuꞈ-euˬ meh.

Aˇ dahˬ 44:34

Aˬ li heu li maˬ ahˇ naˇ, ngaˬ da jawˇ gaˇ ngaˇ maˬ gʼoꞈ keuˆ leˇ peuˬ nya. Ngaˬ da shaˬ zahˬ mˇ gaˇ ngaˇ uˇ gawˇ nya.”

2 Saˬmeuˬlaˆ 1:20

Gaˬ daˇ meuˬ-ahˇ taˬ ja gaˬ-iˇ. Aˬshaˇgaˬloˇ meuˬ-euˬ laꞈ kʼoeˇ, gaˇ ma doe ni taˬ dzawˇ gaˬ-iˇ. Kʼoeˇ loꞈ-ehˇ ja gaˬ dzawˇ gaˬ naˇ, Piˇliˇtiˆ lawˇ ciꞈ zaˬ deuˬ-euˬ, aˬ buˇ deuˬ laˬ kʼaˬ cehˇ tehꞈ-a.

2 Saˬmeuˬlaˆ 13:9

Kʼoeˇ naˇ, mui za laꞈ kʼoeˇ laˆ jaꞈ-euˬ kaˬ muˇ kʼoeˇ, Aˬmaˬnoˬ-ahˇ bi dzaˬ-eu lehˇ aˬ yawꞈ yuˇ doˆ nehˬ-euˬ meh. Ehˇ kʼawꞈ, Aˬmaˬnoˬ maˬ dzaˬ-ehˇ, “Tsawˇ haˬ yawˬ gʼaˬ na luꞈ laꞈ nyiˇ bi doˆ-iˇ jiˇ-awˬ” lehˇ ehˇ-eu miˇ neh, kʼoeˇ gaˇ jawˇ-eu tsawˇ haˬ dawˬ tawˆ luꞈ laꞈ nyiˇ doˆ-iˇ jiˇ-euˬ meh.

Iˇsaˬyaˇ 42:14

Miˬyehˇ heu loꞈ-ehˇ ehˇ-eu meh. “Ngaˇ ciˬ cuˇ ni jawˇ luꞈ-eu aˇ yamˬ myahˇ laˇ-euˬ ma. Ngaˬ-euˬ tsawˇ jeuˬ-ahˇ dawˬ maˬ ngehˬ cawˬ-euˬ myahˇ laˇ-euˬ ma. Ehˇ kʼawꞈ, nymˬ-mˇ aˇ yamˬ tsaˬ laˇ taˬ-euˬ miˇ neh, zaˬ baw luꞈ-eu aˬ ma loꞈ-ehˇ ngaˇ guˇ-eu ma.

Yeˬlaˬmiˇ 20:9

Ehˇ kʼawꞈ, Sahˬpaˬ Miˬyehˇ-ahˇ ngehˇ byoˆ-awˇ, aˬ yawꞈ tsawˇ myahˇ uˬ moˆ dawˬ dzawˇ maˬ paˇ mˇ ma ehˇ ngeh, nawˬ-euˬ dawˬ kawˬ ngaˬ-euˬ nui ma laꞈ kʼoeˇ, miˬ dzaˬ doꞈ gaˇ duˇ nya. Ngaˇ kʼaˇ dzahˬ tehˬ coeˇ-eu jahˬ kʼawꞈ, maˬ dzahˬ tehˬ gʼaˬ coeˇ nya.

Zaˬkaˬliˇ 12:10

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Maꞈtehˬ 18:15

Nawˬ-euˬ mehˇ nmˇ nawˬ-ahˇ mˇ lehˬ laꞈ naˇ, aˬ yawꞈ jawˇ gaˇ iˇ-awˇ, aˬ yawꞈ-euˬ yaw lehˬ toeˬ mehˬ nehˬ-awˬ. Kʼoeˇ loꞈ-ehˇ jahˇ ngeh, yawˬ ha mehˇ nmˇ yaw kaˬ tehꞈ-ehˇ ciˬ cuˇ ni jahˇ-awˬ. Nawˬ-euˬ ehˇ dawˬ-ahˇ aˬ yawꞈ naˇ haˬ nehˬ laꞈ naˇ, nawˬ-euˬ mehˇ nmˇ-ahˇ nawˇ paˇ za kʼoꞈ-euˬ gaˇ duˇ-eu meh.

Gʼaˬkʼehˇ 10:41

Ehˇ kʼawꞈ, tsawˇ haˬ dawˬ tawˆ luꞈ-ahˇ bi mawˇ le-euˬ maˬ ngeuˇ-a. Gaˇ kawˆ heu saˇ kiˇ bi kamˬ-eu gʼaˇ duˬ yaw duˬ duˬ-ehˇ bi mawˇ duˬ-eu lehˇ, yaw beh neh Miˬyehˇ neh tseˇ doˆ taˬ-euˬ tsawˇ haˬ deuˬ pyeuꞈ-eu nga maꞈ heu myaˆ gʼaˬ-ahˇ bi mawˇ laꞈ-euˬ tehꞈ meh. Aˬ yawꞈ gʼoꞈ dehꞈ laˇ gʼaˬ miˇ tsa, nga maꞈ aˬ yawꞈ nehˬ-ehˇ dzaˬ taꞈ dawˇ taꞈ-euˬ ma.

Gʼaˬkʼehˇ 7:13

Nyiˬ doˆ tiˬ doˆ paˇ bi iˇ ngeh, aˬ yawꞈ Yoˇ sehˆ pyeuꞈ-eu gaˇ kawˆ, aˬ yawꞈ-euˬ mehˇ nmˇ deuˬ-ahˇ Yoˇsehˆ bi siˬ-awˇ, Yoˇsehˆ-euˬ aˬ yuiꞈ aˬ nyiˇ gaˇ kawˆ Iˇjiˇtuˆ sahˬ paˬ ya siˬ-euˬ meh.

1 Gawˇliˬtu 13:5

Gʼoeˇ-eu gaˬ-eu jeˬ-aˬ, aˬ cawˬ-ahˇ yehˬ bawˬ sehˇ lu-ehˇ maˬ gʼeh-a. Yawˬ ha-euˬ nui kʼahˇ maˬ poˆ-a. Nui ma pehˇ laˇ-eu maˬ kawˇ-a.