Aˇ dahˬ 44:33 - Akha

³³ Kʼoeˇ miˇ neh sahˬpaˬ-oˇ, aˬ li heu li-euˬ dah zaˇ, ngaˇ nawˬ-euˬ zaˬ kʼaˆ geuꞈ yaꞈ ma. Aˬ yawꞈ-ahˇ aˬ ha mehˇ nmˇ nehˬ-ehˇ bi gʼoꞈ leˇ-awˬ.

Aˇ dahˬ 44:33 ပူးပေါင်းရင်းမြစ်များ

Aˇ dahˬ 44:10

Zaˬ kʼaˆ kʼoeˇ gʼaˬ paˇ ehˇ-eu, “Naw maꞈ neh ehˇ taˬ-euˬ loꞈ-ehˇ bi jaˆ-awˬ. Ehˇ kʼawꞈ kʼmˬ maˬ kʼoeˇ kʼmˬ yuˇ taˬ-euˬ kʼoeˇ gʼaˬ tehꞈ-ehˇ ngaˬ-euˬ zaˬ kʼaˆ geuꞈ yaꞈ-awˇ, naw maꞈ-ahˇ tiˬ jeˬ-iˬ maˬ laˆ tsoeˬ ni bi gʼoꞈ leˇ jiˇ ma” lehˇ ehˇ-eu meh.

Aˇ dahˬ 44:32

Kʼoeˇ uˬ taꞈ, aˬ nyiˇ nyiˇ saˬ gʼaˬ gʼaˇ duˬ, ngaˬ da-ahˇ ngaˬ-euˬ saꞈ laˇ biꞈ dah yaꞈ-euˬ ma. Aˬ li aˬ nyiˇ nyiˇ saˬ gʼaˬ iˇ kahˇ maˬ sheuˬ kʼoꞈ keuˆ laꞈ naˇ, kʼaˇ keuˆ le-eu jeˬ ngaˬ-euˬ kʼoeˇ taˆ keuˆ le luꞈ-uˇ. Ziˇ jiˇ ngeh keuˆ ni ngaˇ daˬ ma lehˇ, ngaˬ da-ahˇ ngaˇ ehˇ tsehˆ taˬ yaꞈ-euˬ ma.

Aˇ dahˬ 44:34

Aˬ li heu li maˬ ahˇ naˇ, ngaˬ da jawˇ gaˇ ngaˇ maˬ gʼoꞈ keuˆ leˇ peuˬ nya. Ngaˬ da shaˬ zahˬ mˇ gaˇ ngaˇ uˇ gawˇ nya.”

2 Saˬmeuˬlaˆ 24:17

Iˇsaˬleˬlaˆ tsawˇ haˬ deuˬ-ahˇ laˆ luˬ laˆ seˇ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ Daˬbiˇ mawˇ-awˇ, Sahˬpaˬ Miˬyehˇ-ahˇ heu loꞈ-ehˇ ehˇ nehˬ-euˬ meh. “Ngaˇ iˬ baˇ ahˇ-eu ngeuˇ ma. Yaw lehˬ jeˬ mˇ-euˬ gʼaˬ-aˬ, ngaˇ ma. Tsawˇ haˬ heu deuˬ aˬ jeˬ mˇ lehˬ taˬ-eu jaˆ ta. Ngaˇ hawˇ-eu ngaˬ-euˬ nymˇ jiˇ-ahˇ tehꞈ-ehˇ nawˇ kʼehˬ nehˬ laꞈ-eu tsaˬ meh.”

Doˆ-iˇ 32:32

Gʼawˬ shaˬ gaˬ-eu laꞈ kʼoeˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Ehˇ kʼawꞈ, aˬ yawꞈ maꞈ-ahˇ nawˇ iˬ baˇ maˬ pyehˬ nehˬ coeˇ naˇ, nawˬ-euˬ tsawˇ haˬ deuˬ-euˬ tsawˇ myahˇ boꞈ ahˇ taˬ-euˬ sahˬ boꞈ laꞈ kʼoeˇ ahˇ-eu ngaˬ-euˬ tsawˇ myahˇ shiˆ byoˆ-awˬ.”

Lormav 9:3

Aˬ yawꞈ maꞈ-euˬ gʼaˇ duˬ Miˬyehˇ yaˬ kʼehˇ yaˬ nehˬ laꞈ-eu jeˬ-ahˇ ngaˇ daˬ-awˇ, Ka li-ahˇ gʼawˬ tsehˆ ya tsehˆ kʼawꞈ nui kʼahˇ shiˇ ma.

HeˬByehˇ 7:22

Beu gaˇ duˬ kʼoeˇ loꞈ-ehˇ jaˆ-eu baˬ da neh, Yeˬsuˇ-aˬ, muiˬ dzehˬ byah dzehˬ-eu dawˬ ma saˇ jaˇ heu hmˬ-euˬ yaw duˬ yaw ciˇ pyeuꞈ-eu meh.

1 Yoˇhaˬ 3:16

Aˬ dui gʼaˇ duˬ Ka li shiˇ dah-euˬ miˇ neh, gʼoeˇ-eu gaˬ-eu jeˬ lehˇ ehˇ-eu-aˬ, kʼoeˇ loꞈ-ehˇ gʼeh gaˇ ehˇ-eu meh lehˇ aˬ dui siˬ nya-eu ma. Aˬ dui kʼawꞈ, aˬ dui-euˬ tsawˇ haˬ pyeuꞈ-eu jah-eu tsawˇ haˬ deuˬ gʼaˇ duˬ shiˇ dah-eu tsaˬ meh.