Aˇ dahˬ 44:30 - Akha

³⁰ “Kʼoeˇ miˇ neh Sahˬ paˬ-oˇ, ngaˬ ha mehˇ nmˇ-euˬ aˬ da yaw dehꞈ dehꞈ-eu jeˬ-aˬ, aˬ nyiˇ nyiˇ saˬ gʼaˬ-euˬ kʼoeˇ taˆ jaˆ-eu miˇ neh, aˬ nyiˇ nyiˇ saˬ gʼaˬ maˬ ahˇ ni ngaˬ da jawˇ gaˇ ngaˬ ha mehˇ nmˇ aˬ joˆ-ehˇ gʼoꞈ leˇ peuˬ nmˇ.

Aˇ dahˬ 44:30 ပူးပေါင်းရင်းမြစ်များ

Aˇ dahˬ 44:17

Yoˇsehˆ ehˇ-eu, “Kʼoeˇ naˆ naˆ-ehˇ maˇ diˇ-aˬ maˬ ngeuˇ-aˇ. Ngaˇ naw maꞈ-ahˇ teu naˆ naˆ-ehˇ jahˇ nehˬ-eu lehˇ maˬ ngeuˇ. Ngaˬ-euˬ pyuˇ kʼmˬ maˬ yuˇ-euˬ kʼoeˇ gʼaˬ tehꞈ-ehˇ ngaˬ-euˬ zaˬ kʼaˆ bi geuꞈ yaꞈ-awˇ, nawˬ ha mehˇ nmˇ dawˬ tawˆ luꞈ nawˬ ha mehˇ nmˇ-euˬ aˬ da jawˇ gaˇ yaw muiˬ paˬ-ehˇ gʼoꞈ keuˆ leˇ jiˇ-awˬ.”

Aˇ dahˬ 44:20

Nawˇ kʼoeˇ loꞈ-ehˇ naˇ haˬ ngeh, ‘Ngaˬ ha mehˇ nmˇ-euˬ aˬ da jawˇ ma. Aˬ yawꞈ mawˬ laˇ ngeh hawˇ-eu dehꞈ le-euˬ ngaˬ ha mehˇ nmˇ-euˬ aˬ nyiˇ jiˇ tiˬ gʼaˬ jawˇ ma. Aˬ li kʼoeˇ gʼaˬ-euˬ aˇ doˆ gʼaˬ shiˇ dzeuˇ-awˇ, aˬ yawꞈ nehˬ-ehˇ tiˬ uˇ pyehˆ zaˬ aˬ yawꞈ tiˬ gʼaˬ dehꞈ-eu tehꞈ meh. Kʼoeˇ miˇ neh aˬ da aˬ yawꞈ-ahˇ gaˬ dui dui-eu meh’ lehˇ, ngaˬ ha mehˇ nmˇ nawˬ-ahˇ ehˇ kʼoꞈ nehˬ-euˬ ma.

Aˇ dahˬ 44:22

Ngaˬ ha mehˇ nmˇ-euˬ aˬ da aˬ li kʼoeˇ li-ahˇ maˬ byehˇ coeˇ-eu miˇ neh, aˬ da-ahˇ byehˇ yaꞈ-awˇ aˬ yawꞈ-ahˇ bi oe naˇ, aˬ da shiˇ-eu maˬ ngeuˇ naˇ maˬ paˇ dzeˇ meh lehˇ, ngaˬ ha mehˇ nmˇ nawˬ-ahˇ ehˇ-euˬ ma.

Aˇ dahˬ 44:31

Aˬ nyiˇ nyiˇ saˬ gʼaˬ-ahˇ maˬ sheuˬ-ehˇ, aˬ da jawˇ gaˇ ngaˇ gʼoꞈ leˇ naˇ, aˬ yawꞈ-euˬ aˬ li maˬ gʼoꞈ laˇ ngaˬ lehˇ aˬ yawꞈ ya siˬ-eu nehˬ-ehˇ, tiˬ poˆ tehꞈ-ehˇ shiˇ tsehˆ tehꞈ-a. Kʼoeˇ loꞈ-ehˇ pyeuꞈ laˇ naˇ, ngaˬ ha mehˇ nmˇ-aˬ, uˬ duˬ pyuˇ laˇ taˬ-euˬ yawˬ ha aˬ da-ahˇ shiˇ-eu miˇ kʼahˬ-ahˇ dehˬ uˇ nehˬ gaˇ duˇ tehꞈ-a.

Aˇ dahˬ 44:34

Aˬ li heu li maˬ ahˇ naˇ, ngaˬ da jawˇ gaˇ ngaˇ maˬ gʼoꞈ keuˆ leˇ peuˬ nya. Ngaˬ da shaˬ zahˬ mˇ gaˇ ngaˇ uˇ gawˇ nya.”

2 Saˬmeuˬlaˆ 18:33

Kʼoeˇ ngeh, sahˬ paˬ noeˬ shaˬ dui dui-awˇ, meuˬ-euˬ lahˇ kʼehˬ laˇ gʼoˆ laꞈ taˆ jaˆ-eu jawˇ duˬ-ahˇ le uˇ-awˇ ngoeˇ-euˬ meh. Aˬ yawꞈ daˆ leˇ leꞈ-euˬ nehˬ-ehˇ, “Ngaˬ li Aˬbaˇsaˬloˬ-oˇ. Ngaˬ li-oˇ. Ngaˬ li Aˬbaˇsaˬloˬ-oˇ. Aˬ jeˬ miˇ neh nawˬ-euˬ dah zaˇ ngaˬ-ahˇ maˬ bi shiˇ laꞈ ta. Ngaˬ li Aˬbaˇsaˬloˬ-oˇ” lehˇ, dawˬ kawˬ kawˬ kawˬ-ehˇ ngoeˇ-euˬ meh.

1 Saˬmeuˬlaˆ 18:1

Sawˇluˆ hawˇ-eu Daˬbiˇ aˬ nyaꞈ dawˬ ngehˬ cawˬ gʼaˬ ngeh, Sawˇ luˆ-euˬ aˬ li Yawˇnaˆshaˬ gʼaˬ Daˬbiˇ-ahˇ nui kʼahˇ shiˇ dui dui-awˇ, yawˬ ha-euˬ gʼawˇ mawˇ-ahˇ gaˬ-eu loꞈ-ehˇ Daˬbiˇ-ahˇ gaˬ-euˬ meh.

1 Saˬmeuˬlaˆ 25:29

Tsawˇ haˬ tiˬ gʼaˬ na nawˬ-ahˇ guiˇ deuˆ le-awˇ, nawˬ-ahˇ sehꞈ-eu lehˇ leh jeh ngeh, aˇ poeˬ kʼaˆ-eu pyuˇ shuiˇ myawˬ gahˬ-ahˇ aˬ cawˬ haw piˇ-eu loꞈ-ehˇ, Sahˬpaˬ Miˬyehˇ nawˬ-ahˇ haw piˇ nehˬ laꞈ tehꞈ-a. Nawˬ-ahˇ muiˇ-eu tsawˇ haˬ deuˬ-ahˇ kʼawꞈ, caˬ oeˬ neh bi beuˆ byoˆ gʼeh-euˬ caˬ oeˬ miˬ siˬ loꞈ-ehˇ, Sahˬpaˬ Miˬyehˇ neh bi beuˆ byoˆ tehꞈ-a.