Aˇ dahˬ 44:16 - Akha

¹⁶ Yuˇdaˆ ehˇ-eu, “Sahˬ paˬ-oˇ, nga maꞈ nawˬ-ahˇ aˬ joˆ-ehˇ dawˬ poˆ poˆ nya nmˇ. Nga maꞈ aˬ joˆ-ehˇ paˇ pyehˇ nmˇ. Nga maꞈ-euˬ iˬ baˇ-ahˇ aˬ joˆ-ehˇ jahˇ-awˇ paˇ dehˬ kaˬ nya nmˇ. Nga maꞈ-euˬ iˬ baˇ-ahˇ Miˬyehˇ neh pah mehˬ nehˬ gʼaˬ-euˬ meh. Nymˬ-mˇ poˆ jawˇ-aˬ, pyuˇ kʼmˬ maˬ yuˇ-euˬ kʼoeˇ gʼaˬ tehꞈ-ehˇ maˬ ngeuˇ ni, ngaˬ ha mehˇ nmˇ dawˬ tawˆ luꞈ nawˬ-euˬ zaˬ kʼaˆ geuꞈ jiˇ ma.”

Aˇ dahˬ 44:16 ပူးပေါင်းရင်းမြစ်များ

Aˇ dahˬ 37:7

Aˬ dui mehˇ nmˇ yawˬ gʼaˬ na luꞈ deh yaˇ-ahˇ cehˇ dzahˬ dzahˬ luꞈ ngeh, ngaˬ-euˬ cehˇ cehˇ dzahˬ gawˬ yawꞈ yawꞈ laˇ-euˬ meh. Kʼoeˇ ngeh, naw maꞈ-euˬ cehˇ cehˇ dzahˬ dawˬ tawˆ luꞈ ngaˬ-euˬ cehˇ cehˇ dzahˬ dawˬ peh uiˬ laˇ jiˇ-awˇ, ngaˬ-euˬ cehˇ cehˇ dzahˬ-ahˇ uˬ duˬ tahˬ laˇ-euˬ meh.”

Aˇ dahˬ 37:9

Aˬ yawꞈ yuꞈ maˆ tiˬ poˆ paˇ maˆ-awˇ, aˬ yawꞈ-euˬ aˇ doˆ deuˬ-ahˇ paˇ dzawˇ nehˬ-euˬ meh. “Ngaˇ yuꞈ maˆ tiˬ poˆ paˇ maˆ-eu laꞈ kʼoeˇ, nahˇ ma, ba la hawˇ-eu, aˬ guiˇ tseˇ tiꞈ siˬ ngaˬ-ahˇ uˬ duˬ tahˬ le-euˬ meh” lehˇ dzawˇ nehˬ-euˬ meh.

Aˇ dahˬ 44:17

Yoˇsehˆ ehˇ-eu, “Kʼoeˇ naˆ naˆ-ehˇ maˇ diˇ-aˬ maˬ ngeuˇ-aˇ. Ngaˇ naw maꞈ-ahˇ teu naˆ naˆ-ehˇ jahˇ nehˬ-eu lehˇ maˬ ngeuˇ. Ngaˬ-euˬ pyuˇ kʼmˬ maˬ yuˇ-euˬ kʼoeˇ gʼaˬ tehꞈ-ehˇ ngaˬ-euˬ zaˬ kʼaˆ bi geuꞈ yaꞈ-awˇ, nawˬ ha mehˇ nmˇ dawˬ tawˆ luꞈ nawˬ ha mehˇ nmˇ-euˬ aˬ da jawˇ gaˇ yaw muiˬ paˬ-ehˇ gʼoꞈ keuˆ leˇ jiˇ-awˬ.”

Aˇ dahˬ 44:32

Kʼoeˇ uˬ taꞈ, aˬ nyiˇ nyiˇ saˬ gʼaˬ gʼaˇ duˬ, ngaˬ da-ahˇ ngaˬ-euˬ saꞈ laˇ biꞈ dah yaꞈ-euˬ ma. Aˬ li aˬ nyiˇ nyiˇ saˬ gʼaˬ iˇ kahˇ maˬ sheuˬ kʼoꞈ keuˆ laꞈ naˇ, kʼaˇ keuˆ le-eu jeˬ ngaˬ-euˬ kʼoeˇ taˆ keuˆ le luꞈ-uˇ. Ziˇ jiˇ ngeh keuˆ ni ngaˇ daˬ ma lehˇ, ngaˬ da-ahˇ ngaˇ ehˇ tsehˆ taˬ yaꞈ-euˬ ma.

Aˇ dahˬ 44:9

Ngaˬ ha mehˇ nmˇ laꞈ kʼoeˇ tiˬ gʼaˬ na pyuˇ kʼmˬ maˬ kʼoeˇ kʼmˬ yuˇ taˬ-euˬ ya mawˇ naˇ, shiˇ gaˇ keuˆ ni tsawˇ haˬ kʼoeˇ gʼaˬ-ahˇ jahˇ kʼoꞈ nehˬ nya tehꞈ-a. Kʼoeˇ uˬ taꞈ, ngaˬ ha mehˇ nmˇ dawˬ tawˆ luꞈ nawˬ-euˬ zaˬ kʼaˆ geuꞈ jiˇ le ma.”

1 Sahˬpaˬ 17:18

Miˬ coeˬ miˬ ma kʼoeˇ gʼaˬ Eˇliˇyaˆ-ahˇ ehˇ-eu, “Miˬyehˇ-euˬ tsawˇ haˬ-oˇ, aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ iˬ baˇ Miˬyehˇ-ahˇ nawˇ ehˇ noeˬ nehˬ-awˇ, ngaˬ li bi shiˇ-eu lehˇ heu gaˇ laˇ teˬ loˇ.”

Eˇzaˬlaˬ 9:10

“Ehˇ kʼawꞈ ni, Miˬyehˇ-oˇ, nymˬ-mˇ heu loꞈ-ehˇ pyeuꞈ laˇ gʼaˬ taˬ-euˬ miˇ neh, nga maꞈ aˬ joˆ-ehˇ paˇ ya ehˇ nmˇ. Nawˬ-euˬ gʼaˇ duˬ ngehˬ dah-eu nawˬ-euˬ zaˬ kʼaˆ deuˬ-ahˇ gʼoe-awˇ nawˇ nga maꞈ-ahˇ biꞈ taˬ-euˬ zahˇ dawˬ kʼoꞈ dawˬ deuˬ-ahˇ nga maꞈ byehˇ dzeh gʼaˬ-euˬ ma. Aˬ yawꞈ maꞈ-ahˇ gʼoe-awˇ nawˇ nga maꞈ-ahˇ ehˇ taˬ-eu dawˬ heu loꞈ-ehˇ jaˆ-eu meh. Naw maꞈ jawˇ uˇ leˇ-eu lehˇ gʼeh-eu miˇ kʼahˬ kʼoeˇ kʼahˬ-aˬ, maˬ muiˬ maˬ shawˇ-eu miˇ kʼahˬ pyeuꞈ-eu meh. Aˬ jeˬ miˇ neh ehˇ naˇ, kʼoeˇ gaˇ jawˇ luꞈ-eu tsawˇ haˬ deuˬ-aˬ, miˇ kʼahˬ kʼoeˇ kʼahˬ-euˬ kʼoeˇ dzeˇ heu dzeˇ doˆ ni jawꞈ dui dui-eu jeˬ tehꞈ-ehˇ mˇ byah jiˇ taˬ-euˬ meh.

Eˇzaˬlaˬ 9:15

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ tsaˬ-eu dawˇ-eu Miˬyehˇ pyeuꞈ kʼawꞈ, nga maꞈ-ahˇ nawˇ bi dzeuˇ-iˇ laꞈ-euˬ meh. Nawˬ-eu mehˬ shi nga maꞈ-euˬ iˬ baˇ shaˇ pyehˬ-eu ma. Nga maꞈ-aˬ, nawˬ-eu mehˬ shi laˇ-eu maˬ geuˇ-eu tsawˇ haˬ pyeuꞈ-eu ma.”

Yawˇbaˆ 40:4

“Sahˬpaˬ Miˬyehˇ-oˇ, ngaˇ siˬ-eu nya-eu tsawˇ haˬ maˬ ngeuˇ. Ngaˇ nawˬ-ahˇ aˬ jeˬ paˇ ehˇ kʼoꞈ nya nmˇ. Ngaˇ tiˬ jeˬ-iˬ leh jeh-awˇ maˬ paˇ ehˇ ma.

Dawqdaq 17:15

Yaw lehˬ deuˬ-ahˇ laˆ law nehˬ-eu jeˬ hawˇ-eu, yaw tsaˬ yaw dawˇ deuˬ-ahˇ yaw lehˬ no-eu jeˬ, nyiˬ jeˬ luꞈ-ahˇ Sahˬpaˬ Miˬyehˇ maˬ haw nahˇ-a.

Dawqdaq 28:17

Aˬ cawˬ-ahˇ sehꞈ-eu tsawˇ haˬ-aˬ, yawˬ ha lmˬ bymˇ yawˬ ha duˬ tehˇ tehˬ gaˇ duˇ-eu meh. Aˬ yawꞈ-ahˇ taˬ laˆ tsoeˬ nehˬ.

Iˇsaˬyaˇ 27:9

Lawˇ ciꞈ zaˬ-euˬ lawˇ duˬ kʼaˬ lo kʼoeˇ deuˬ, lu boeˬ kʼaˬ lo loꞈ-ehˇ deh meuˇ jiˇ-awˇ, yaw saw jeˬ doꞈ damˬ-euˬ lawˇ duˬ hawˇ-eu, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ, tiˬ hmˬ kʼaˇ dzeˇ kʼoeˇ keuˆ ni, Iˇsaˬleˬlaˆ tsawˇ jeuˬ-ahˇ iˬ baˇ maˬ pyehˬ nehˬ-a.

Iˇsaˬyaˇ 5:3

“Yeˬluˇsaˬlehˬ meuˬ-ahˇ jawˇ-eu tsawˇ haˬ hawˇ-eu, Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-oˇ, nymˬ-mˇ poˆ jawˇ, ngaˇ hawˇ-eu ngaˬ-euˬ aˬ gaꞈ yaˇ kmˇ-ahˇ, naw maꞈ yaˇ kʼaˬ daˇ nehˬ laꞈ sheˇ.

Daˬyeˬlaˇ 9:7

Sahˬpaˬ Miˬyehˇ-oˇ, nawˇ-aˬ, aˬ myah luꞈ yaw tsaˬ yaw dawˇ jeˬ tehꞈ-ehˇ mˇ-eu meh. Ehˇ kʼawꞈ, nga maꞈ-aˬ, yawˬ ha-euˬ myaˆ pyawˬ naˇ mehˇ cawˆ-eu jeˬ tehꞈ-ehˇ mˇ-euˬ ma. Yuˇdaˆ miˇ kʼahˬ-ahˇ jawˇ-eu deuˬ maˬ ehˇ, Yeˬluˇsaˬlehˬ meuˬ-ahˇ jawˇ-eu deuˬ maˬ ehˇ, dawˬ peh gaˇ mahˇ jaˆ-eu miˇ kʼahˬ deuˬ-ahˇ nawˬ neh teh byaˆ-awˇ bi jawˇ-euˬ Iˇsaˬleˬlaˆ tsawˇ haˬ dawˬ tawˆ luꞈ maˬ ehˇ, nawˬ-ahˇ saˇ jaˇ maˬ ziꞈ-eu miˇ neh, aˬ yawꞈ maꞈ kʼoeˇ taˆ shaꞈ dawˇ-eu jeˬ keuˆ le taˬ-euˬ meh.

Bawˇtsahˬ 32:23

Ehˇ kʼawꞈ, naw maꞈ neh ehˇ taˬ-euˬ loꞈ-ehˇ naw maꞈ saˇ jaˇ maˬ ziꞈ naˇ, Sahˬpaˬ Miˬyehˇ-ahˇ naw maꞈ mˇ lehˬ-eu meh lehˇ naw maꞈ-ahˇ ngaˇ nymˬ-mˇ mi naˆ-ehˇ ehˇ taˬ-eu ma. Naw maꞈ tiˬ jeˬ-iˬ maˬ ya mˇ lehˬ ni yahˇ-awˬ. Maˬ ngeuˇ naˇ, naw maꞈ-euˬ iˬ baˇ baˬ da neh kʼehˬ nehˬ kʼaˆ nehˬ-eu jeˬ-ahˇ naw maꞈ ya daˬ tehꞈ-a.

Maꞈtehˬ 7:2

Aˬ jeˬ miˇ neh ehˇ naˇ, aˬ cawˬ-ahˇ naw maꞈ yaw lehˬ poˆ-eu loꞈ-ehˇ, naw maꞈ-ahˇ kʼawꞈ Miˬyehˇ yaw lehˬ poˆ tehꞈ-a. Naw maꞈ aˬ cawˬ-ahˇ kʼaˇ haw doeˇ-euˬ naˆ ni, naw maꞈ-ahˇ Miˬyehˇ haw doeˇ tehꞈ-a.

Luˇkaꞈ 12:2

Nymˬ-mˇ kʼaˇ dehˬ kaˬ taˬ-euˬ yawˬ jeˬ na luꞈ pah dzeh-awˇ, kʼaˇ zaꞈ taˬ-euˬ yawˬ jeˬ na luꞈ siˬ duˬ laˇ tehꞈ-a.

Gʼaˬkʼehˇ 2:37

Beˬtuˆluˆ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, aˬ yawꞈ maꞈ-euˬ nui ma-ahˇ zaw dui dui leˇ-awˇ, Beˬtuˆluˆ hawˇ-eu gʼaˬ kʼehˇ kʼoeˇ deuˬ-ahˇ ehˇ-eu, “Aˬ yuiꞈ aˬ nyiˇ deuˬ-oˇ, nga maꞈ aˬ joˆ-ehˇ jahˇ paˬ nga.”

Dawˬmehˬ 25:1

“Iˇsaˬleˬlaˆ tsawˇ haˬ nyiˬ gʼaˬ yaw kaˬ dawˬ ja doˆ laˇ-euˬ miˇ neh, yaˇ kʼaˬ daˇ duˬ-ahˇ le-awˇ bi laˆ tsaˬ leˇ ngeh, tiˬ gʼaˬ-aˬ iˬ baˇ ahˇ-awˇ, yawˬ gʼaˬ yawˬ iˬ baˇ maˬ ahˇ-a lehˇ bi daˇ tsehˆ-euˬ ehˇ-awˬ.

Yawˇshuˆ 7:1

Yeˬliˇkoˇ meuˬ-ahˇ kʼaˇ jaˆ-eu, ya laˆ luˬ ya laˆ seˇ nehˬ-eu mˇ myawˬ aˬ geu jeˬ maˬ kaˬ, maˬ ya yuˇ geuꞈ-a lehˇ Sahˬpaˬ Miˬyehˇ neh dawˬ biꞈ taˬ-euˬ gaˇ maˬ naˇ haˬ geuꞈ-eu iˬ baˇ, Iˇsaˬleˬlaˆ tsawˇ haˬ deuˬ laꞈ kʼoeˇ jaˆ laˇ-euˬ meh. Aˬkaˬ lehˇ myahˇ-euˬ tsawˇ haˬ tiˬ gʼaˬ dawˬ kʼoeˇ dawˬ-ahˇ maˬ naˇ haˬ geuꞈ-euˬ baˬ da neh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ laˇ-euˬ meh. Aˬkaˬ-aˬ, Kaˬmiˬ-euˬ aˬ li pyeuꞈ-awˇ, Zaˬbaˬdiˇ-euˬ oeˬ paˬ pyeuꞈ-eu meh. Aˬ yawꞈ-aˬ, Yuˇdaˆ tsawˇ jeuˬ Zeˬlahˬ aˇ jeuˬ meh.

Yawˇshuˆ 7:18

Zaˬbaˬdiˇ-euˬ nymˇ jiˇ-ahˇ taꞈ-eu tsawˇ haˬ aˬ yawꞈ gʼaˬ yawꞈ-ahˇ mehˬ hu paw bi doˆ laˇ ngeh, Zaˬbaˬdiˇ-euˬ oeˬ paˬ Aˬkaˬ-ahˇ laꞈ noeˇ bi toeˬ-euˬ meh. Aˬkaˬ-aˬ, Kaˬmiˬ-euˬ aˬ li meh.

Yaˇ kʼaˬ daˇ 1:7

Aˬdoˬniˇbeˬzehˇ ehˇ-eu, “Kuiˇ ma laꞈ ma bi toˆ tsehˆ-euˬ sahˬ paˬ shiꞈ tseˇ gʼaˬ, ngaˬ-eu hawˬ jeh uˬ moˆ dzaˬ dzeh dawˇ dzeh gʼoˆ dzaˬ-euˬ meh. Aˬ yawꞈ maꞈ-ahˇ ngaˬ neh jahˇ nehˬ-euˬ jeˬ, Miˬyehˇ ngaˬ-ahˇ paˇ bi keuˆ le laꞈ-euˬ nga.” Aˬ yawꞈ-ahˇ Yeˬluˇsaˬlehˬ meuˬ-ahˇ nyehꞈ kʼoꞈ gʼeh-awˇ, kʼoeˇ gaˇ shiˇ-euˬ meh.