Aˇ dahˬ 44:14 - Akha

¹⁴ Yuˇdaˆ aˬ ha mehˇ nmˇ Yoˇsehˆ-euˬ nymˇ-ahˇ gʼoꞈ keuˆ-iˇ ngeh, Yoˇsehˆ iˇ kahˇ jawˇ luꞈ-eu meh. Aˬ yawꞈ maꞈ Yoˇsehˆ mehˬ shi pawˬ tsuiꞈ pawˬ dmˬ dmˬ-awˇ awˆ byaˆ-eu laꞈ kʼoeˇ, yaw zeu baw nehˬ-euˬ meh.

Aˇ dahˬ 44:14 ပူးပေါင်းရင်းမြစ်များ

Aˇ dahˬ 43:16

Aˬ ha mehˇ nmˇ nehˬ-ehˇ Beˬyaˬmiˬ gʼaˬ kʼawꞈ caw teh le-euˬ gaˇ Yoˇsehˆ ya mawˇ ngeh, “Tsawˇ haˬ heu deuˬ-ahˇ ngaˬ-euˬ nymˇ-ahˇ sheuˬ gʼeh-awˬ. Iˬ nah nah gʼahˇ aˬ yawꞈ maꞈ nehˬ-ehˇ ngaˇ dzaˬ taꞈ dawˇ taꞈ-eu gʼaˇ duˬ, jeˬ zaˬ sehꞈ-awˇ dzaˬ byawˇ laˆ dawˆ taˬ-awˬ” lehˇ, aˬ yawꞈ-euˬ nymˇ-ahˇ bi haw bi pyaˆ-euˬ zaˬ kʼaˆ-ahˇ ehˇ nehˬ-euˬ meh.

Aˇ dahˬ 43:25

Aˬ ha mehˇ nmˇ-aˬ, nah gʼahˇ paw Yoˇsehˆ gʼoꞈ laˇ ngeh biꞈ-eu gʼaˇ duˬ, aˬ yawꞈ maꞈ neh yuˇ leꞈ-euˬ laꞈ sawˬ deuˬ lehˬ hmˬ taˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ Yoˇsehˆ nehˬ-ehˇ hawˬ ya dzaˬ taꞈ tehꞈ-a lehˇ, aˬ cawˬ aˬ yawꞈ maꞈ-ahˇ ehˇ nehˬ taˬ-euˬ meh.

Aˇ dahˬ 50:18

Kʼoeˇ naˇ, aˬ yawꞈ-euˬ aˇ doˆ deuˬ oe-awˇ, aˬ yawꞈ-euˬ mehˬ shi awˆ byaˆ-eu laꞈ kʼoeˇ, “Nawˬ-euˬ zaˬ kʼaˆ pyeuꞈ-eu ngaˬ ha mehˇ nmˇ nawˬ-euˬ mehˬ shi oe keuˆ taˬ-euˬ ma.”